"Toppuş bacı"dan ÜZÜCÜ XƏBƏR"Həkimin məsləhəti ilə kimya terapiya alacam. Artıq orqanizmim bu müalicələrə tab gətirə bilmir".

"Bizimləsən" verlişinə istinadla xəbər veririk ki, Əməkdar artist Tünzalə Əliyeva yenidən xərçəng xəstəliyinə tutulduğunu bildirib.

"Təəssüf ki, yenidən xərçəng xəstəliyinə yoluxmuşam. Bu dəfə böyrək damarlarımda xərçəng törəmələri çıxıb. Yenə də ayaq üstəyəm. Çalışıram ki, yaxşı olum. İki ilə yaxın limfalarda olan şişlərdən müalicə aldım. İstənilən nəticəyə gəlib çıxdıq.

Yenə həkimin məsləhəti ilə kimya terapiya alacam, məcburam. Qanım da aşağıdır. 1 ay içində 150 iynə vurulub. O qədər ağır hallar keçirirəm ki, orqanizmim tab gətirmir. Hazırda vəziyyətim yaxşı deyil", - deyə, Əməkdar artist bildirib.
MTRŞ-da Aparat rəhbəri işdən çıxarıldıMilli Televiziya və Radio Şurasının (MTRŞ) Aparat rəhbəri Asəf Hacıyev vəzifəsindən azad olunub.

Qurumun Aparat rəhbəri vəzifəsi MTRŞ sədrinin köməkçisi Fazil Novruzova tapşırılıb.

Qeyd edək ki, A.Hacıyev 2019-cu ilin yanvar ayından MTRŞ-nin Aparat rəhbəri vəzifəsində çalışırdı.

Xatırladaq ki, Prezident İlham Əliyevin aprelin 4-də imzaladığı sərəncamla İsmət Rəcəb oğlu Səttarov 6 il müddətinə MTRŞ-nin üzvü təyin edilib. Aprelin 6-da MTRŞ-nin keçirilən iclasında Milli Televiziya və Radio Şurasının üzvü İsmət Rəcəb oğlu Səttarov Milli Televiziya və Radio Şurasının sədri seçilib.

Qeyd edək ki, bu barədə ilk xəbəri unikal.org yayıb.(report.az)
Qeyri - maddi mədəni irsinə yönəlik təhdidlərin aradan qaldırılması istiqamətində tədbirlər həyata keçiriləcəkQeyri -maddi mədəni irsinə yönəlik təhdidlərin aradan qaldırılması istiqamətində tədbirlər həyata keçiriləcək.

“Müvəkkil Hüquq Mərkəzi” İctimai birliyi Azərbaycan Respublikası Mədəniyyət Nazirliyinin maliyyə dəstəyi ilə “Azərbaycan xalqının qeyri maddi mədəni irsinə yönəlik təhdidlərin aradan qaldırılması istiqamətində təşəbbüslər” layihəsinin icrasına başlayıb.

İctimai Birliyin sədri Səməd Vəkilov bildirib ki, layihə çərçivəsində “Azərbaycan folklor nümunələrinin hüquqi qorunması problemi milli və beynəlxalq qanunvericilik” mövzusunda kitabın hazırlnamsı və nəşri nəzərdə tutulur. Eyni zamanda “Azərbaycan qeyri maddi mədəni irs nümünələri” ilə bağlı 4 verilişin və “Azərbaycan xalqinin qeyri maddi mədəni irsinə yönəlik təhdidlər: milli və beynəlxalq qanunvericilik” mövzusunda konfransın keçirilməsi planlaşdırlır.
AzTV-nin bədii rəhbəri Xoşqədəmi tənqid etdi — “Reytinq xətrinə qonağına “Dimedrol” iynə vurur ki...”Azərbaycan Dövlət Televiziyasının (AzTV) bədii rəhbəri, teleaparıcı Ranar Musayev “MTV Azərbaycan” televiziyasında yayımlanan “Söhbətsiz” proqramında qonaq olarkən Xəzər TV-nin əsas siması, “Səni axtarıram” sosial-ictimai verilişinin aparıcısı Xoşqədəm Hidayətqızı haqqında qalmaqallı açıqlama verib.

Avrasiya.net oxu.az-a istinadən xəbər verir ki, proqramın aparıcısı Samir Bayramlı “Adını çəkəcəyim teleaparıcılar haqqında şərh bildirin” sualı ilə Ranara müraciət edib.

Samir Xoşqədəm Hidayətqızının adını çəkər-çəkməz Ranar bu sözləri dilinə gətirib:

“Şərh bildirmək istəmirəm. Amma şərh var... Bir aparıcı ki, qonağına “Dimedrol” iynə vurdurur ki, onun ayaqları tutulsun, reytinq xətrinə gəzə bilən insan gəzməsin və bundan şou yaratsınlar... Nəinki aparıcı, o insan heç insan ola bilərmi?”
Ranar daha sonra aparıcı Nanə Ağamalıyevanın kövrək qəlbli olduğunu söyləsə də, onu xoflu adlandırıb

“Nanə çox qəribə insandır. Nə qədər insanı çox istəsə də, xofludur. Kənardan çox güclü insana bənzəyir, amma onu müdafiə etməyə çox böyük ehtiyacı var. Bəzən kobud, sərt olsa da, qəlbi uşaq kimidir”.

Musayev yaxın dostu teleaparıcı Hüsniyyə Məhərrəmovaya bəzi məqamlarda nifrət etdiyini söyləyib:

“Hüsniyyə ilə hamı bilir ki, yaxın dostam. Hüsniyyə ilə ola bilər ki, bir-birimizi qıraq, problemlərimiz, konfliktlərimiz olsun, hətta bir-birimizə nifrət edək... O qədər olub ki, ona nifrət etmişəm. Amma Hüsniyyə canımın bir parçasıdır”.


Xalq artisti Röya seksual imici ilə gündəmdə - FOTOLARXalq artisti Röya Ayxan yeni fotosessiyasında yer alan daha bir neçə şəklini yayımlayaraq diqqət mərkəzinə düşüb.

Oxu.Az xəbər verir ki, açıq-saçıq fotoları ilə gündəmi alt-üst edən sənətçi alt-geyimdə kamera önünə keçib.

Üzərinə "oversize" pencək geyinən və ayaqlarını bir-birinin üzərinə aşıran Röya görünüşünü dəri, burnuaçıq hündür dabanlı ayaqqabı ilə tamamlayıb.

Xalq artistinin qalmaqallı imici üzərində dünya şöhrətli stilist və vizajist Anar Ağakişiyev çalışıb.
Xalq artisti Röya seksual imici ilə gündəmdə - FOTOLAR
Xalq artisti Röya seksual imici ilə gündəmdə - FOTOLAR
Məşhur hind aktyoru Rişi Kapur vəfat edibMəşhur Bollivud aktyoru Rişi Kapur vəfat edib.

NDTV telekanalı məlumat verir ki, uzun müddətdir xərçəng xəstəliyindən əziyyət çəkən 68 yaşlı aktyor Mumbay şəhərinin xəstəxanalarından birində vəfat edib.

Rişi Kapur əfsanəvi hind kino xadimi - rejissor və aktyor Rac Kapurun oğlu idi.

Bir çox ekran əsərlərində yer almış aktyor daha çox “Bobbi” filmindəki rolu ilə məşhurdur.
Afaq Bəşirqızı ilə bağlı sənət adamları birgə bəyanat yaydı
Tanınmış sənət adamları Xalq artisti Afaq Bəşirqızına dəstək kampaniyası başladıblar.

Avrasiya.net xəbər verir ki, Tahir İmanov, Dilarə Əliyeva, Oqtay Əliyev, Ramiz Fətəliyev, Tünzalə Ağayeva, Ənvər Sadıxov, Zülfiyyə Xanbabayeva, Mənsum İbrahimov, Elçin Həşimov, Elnur Əhmədov və Eyyub Yaqubov aktrisanın işlətdiyi bir ifadəyə görə ona qarşı səsləndirilən sərt ittihamlara etiraz bildiriblər:

"Son günlər əfsanəvi aktrisamız, gülüş ustamız, hər zaman xalqının qeydinə qalan, onlara görə haqq səsini ucaldan, maddi və mənəvi cəhətdən sənət aləmində olan insanlara köməyini əsirgəməyən Afaq Bəşirqızına qarşı çox çirkin oyunlar aparılır. Efirdə olduğundan xəbərsiz olan Afaq xanımın səs yazısı, hansı ki, ümumiyyətlə, demək olar ki, çətinliklə eşidilir, bunu bilərəkdən yayıb, onu ləkələməyə çalışırlar. Afaq xanım heç bir zaman tamaşaçıya hörmətsizlik etməyib.

Biz sənət insanları xahiş və tələb edirik ki, illərini, həyatını Azərbaycan incəsənətinə və mədəniyyətinə həsr edən, bu yolda sağlamlığını belə itirən Afaq xanımın şərəf və ləyaqətini tapdalamağa cəhd edənlər cinayət məsuliyyətinə cəlb olunsunlar!!!! İmkan verməyək ki, nadanlar xalqımızın dəyərli sənətkarının adına xələl gətirsin! Afaq xanım, Sizi sevirik!"

Xatırladaq ki, Afaq Bəşirqızının ARB televiziyasında yayımlanan “Elgizlə izlə” verilişinin aparıcısı Elgiz Əkbərin şəxsi telefonuna zəng edərək nalayiq ifadələr istifadə etməsi bir neçə gündür ki, gündəmi zəbt edib. İstər mediada, istərsə də sosial şəbəkələrdə müzakirələrə səbəb olan hadisə insanları iki hissəyə ayırıb.
Məmməd Arazın Azərbaycan dünyasıMillətin, xalqın tərbiyəsində, onun kultivasiya olunmasında ədəbiyyatın və şairin rolu danılmazdır. Dünyada özünəməxsusluğu bənzərsizliyi ilə tanınan türk millətinin formalaşmasında nəhəng fikir adamı olan Ziya Göyapla bərabər Mehmet Akif Ərsoyun da rolu danılmazdır. Məmməd Araz poeziyası təsir gücü M.A.Ərsoyla müqayisə edilə bilən səviyyədədir. M.Araz poeziyası müdriklik timsalı, vətənpərvərlik nümunəsidir.

Məmməd Arazın şeir çələnginin hər gülü Azərbaycan boyda bir dünyadır. "Azərbaycan dünyam mənim" - deyən şair dünyaya məhz Azərbaycan dünyasından baxır. Onun poetik dünyasının sərhədləri də məhz şimallı-cənublu bütöv Azərbaycanı mənəvi aurası ilə çulğalaşır:

Azərbaycan - qayalarda
bitən bir çiçək,
Azərbaycan - çiçəklərin içində qaya.
Mənim könlüm bu torpağı
vəsf eləyərək,
Azərbaycan dünyasından
baxar dünyaya.

M.Araz yaradıcılığının əsas qayəsini Azərbaycan idealına sədaqət təşkil edir. O, bütün yaradıcılığı boyu öz idealına sadiq qalır.
"Azərbaycan!" deyiləndə
ayağa dur ki,
Ana yurdun ürəyinə toxuna bilər. -

söyləyən şairin vətənə olan sevgisi kor-koranə sevgi deyil. O, öz idealını sevməklə bərabər onun naqisliklərini poetik dillə sərt şəkildə tənqid etməkdən çəkinmir. Şairin bu cəhəti onun özünəməxsusluğunu şərtləndirən əsas amilə çevrilir. M.Araz millətin bütün naqisliklərini sərt şəkildə tənqid etməklə onun milli fəlakətinin səbəblərini göstərir. Xalqı naqisliklərdən xilas etməyə onu islah etməyə çalışır. Onun yaradıcılığının əsas leytmotivini də məhz bu cəhət təşkil edir. M.Araz xalqı sevərək tənqid etmənin bir örnəyidir. O xalqı sevərək ürək ağrısı ilə tənqid edir, ancaq heç vaxt xalqa yuxarıdan aşağı baxmır.

Məmməd Araz milli laqeyidliyə qarşı üsyan edir

Səs ver mənim səsimə sən:
Sənə gələn, səndən ötən nəydi belə?
Səndən ötüb qardaşına dəydi belə?

Məmməd Araz yerliçiliyə qarşı üsyan edir
O zamanmı bitdi bizim dilimizin
"sənin", "mənim" qabarı da?
O zamanmı bitdi bizim dilimizin
"haralısan" damarı da?..

Məmməd Araz laqeydliyi milli fəlakətin bəlası hesab edir

Xalqa gələn bir qəzadan
Öz başını yana əydi.
O qəza bir topa dönüb
Səttarxanın tifaqına yaman dəydi,
Məndən ötdü!...
Məndən ötdü!..

Məmməd Araz şəxsi mənini milli mənindən uca tutanlara etraz edir
"Mən-mən" dedi bir ölkədə nə qədər xan.
Onlar "mən-mən" deyən yerdə
Sən olmadın, Azərbaycan!

Səndən ötən mənə dəydi,
Məndən ötən sənə dəydi.
Səndən, məndən ötən zərbə
Vətən, Vətən, sənə dəydi...

Məmməd Araz yaradıcılığının məhsuldar dövrü sovet dövrünü əhatə edir. M.Araz poetik fikrinin orijinallığı və özünəməxsusluğu yeknəsəkliyin hökm sürdüyü sosialist cəmiyyəti tərəfindən qəbul edilə bilməzdi və qəbul edilmədi də. M.Araz ədəbi mühiti silkələyən birinci şeiri xalq şairi Səməd Vurğunun altmış illik yubileyinə həsr etdiyi "Səməd Vurğunla söhbət" adlanır. S.Vurğuna xüsusi münasibət bəsləyən şair şeir rübabını dilləndirən, onu poyeziyaya gətirən S.Vurğun şeiriyyatına heyranlığını gizlətmir. M.Araz öz məqaləsində qeyd edir ki, o məhz S.Vurğunun "Yenə səni gördüm, Dilican dərəsi" şeirindən təsirlənərək poeziya aləminə gəlmişdir.

"Səməd Vurğunla söhbət" şeirindən sonra M.Araza qarşı təzyiqlər başladı. Nə idi bu şeirdə xoşa gəlməyən və o dövrlə səsləşməyən nəsnə. M.Araz bu şeirdə təkcə şairin şəxsiyyətinə hörmət və məhəbbəti ifadə etmir, eyni zamanda ədəbi mühitin bütün eybəcərliyini üzə çıxardır.

Diqqət etdin, əslində üzdə ədəbi mühitdə hər şeyin rəvan getdiyi fikri cəmiyyətə aşılandığı bir vaxta qəfildən məhz M.Araz poetik düşüncəsi ədəbi mühiti silkələyir, onun intriqaları və riyakarlığını üzə çıxarır. M.Araz böyük cəsarətlə bunu dilə gətirir.

Sənə məchul həqiqətdən sənə deyim:
Səndən sonra səni bir az silkələdik,
Çox aradıq, çox çevirdik, çox ələdik.
Böyüklərin faciəsi böyük olur.
Böyüklərin nöqsanları
Çiyinlərdən çətin enən bir yük olur.
Sağ olsaydın çox nidalı sətrini sən,
Çırpıb yerə, ayaqlardın.


M.Araz tənqid etmənin ən gözəl örnəyini yaradan şair adlandırsaq mübaliğəyə yol vermiş olmarıq. Bəli, M.Arazın sevərək, dəyərləndirərək tənqid etmə üslubu ədəbi tənqidə çox böyük tövhədir. M.Araz sevdiyi şairi tənqid edir, ancaq bu tənqiddə aşağılamaq xor görmək yoxdur. Amma xəbisləri qorxaqları isə onlara layiq şəkildə çox sərt formada tənqid edir.

Sən gəlmədin bu axşama, səsin gəldi,
Səsin əzəl qulağıma həzin gəldi,
Sonra bir az nəfəsinə qüvvət gəldi,
Çox xəbislər elə bildi Səməd gəldi:
Ön sırada titrədilər,
Ön sırada büdrədilər.

Bu şeirdən sonra "Qəribə mülahizələr" adlı məqalədə M.Araz ədəbi mühiti düzgün qiymətləndirməməkdə günahlandırıldı. Sonra M.Araza qarşı təzyiqlər, haqsızlıqlar davam etdi. M.Araz sərt şəkildə tənqid etdiyi xəbisliyin və laqeydliyin qurbanına çevrildi.

Məmməd Araz milli vətənpərvərlik poyeziyasının şah əsəridir. O vətəni sevməyin poetik ifadəsinin ən yüksək bədii inikasını təcəssüm edən şairdir. Məmməd Araz və Azərbaycan adlı məmləkətlə münasibəti doğma ata oğul münasibətinə çevrilir.

Vətən mənə oğul desə, nə dərdim,
Mamır olub qayasında bitərdim.

deyən şair vətənin oğlu olmağı şəxsi və ictimai həyatın zirvəsi hesab edir.

Şair haqqında yazı yazarkən onun tədqiqatçılarını da xatırlayırlar adətən. M.Araz poyeziyasının ən gözəl tədqiqatçısı onun həyat yoldaşı Gülxanım Fətəli qızıdır desək yanılmarıq. O, illərlə xəstəhal şairin fiziki və mənəvi cəhətdən qayğısını çəkməklə bərabər onun fikirlərini də oxumağı bacarıb. Şairin fiziki baxımdan ifadə edə bilmədiyi nitqini M.Araz təfəkküründən duymaqla Azərbaycan poeziyası qarşısında böyük bir missiyanı həyata keçirmişdir.

Məmməd Araz dünyası Azərbaycan dünyasıdır. Məmməd Arazı sevmək Azərbaycanı sevməkdir.

Səməd Vəkilov
Elgizə görə ARB cəzalandırıldı: 6 saat yayım olmayacaq...
Milli Televiziya və Radio Şurasının (MTRŞ) iclası keçirilib.

Avrasiya.net xəbər verir ki, bu barədə MTRŞ-dan məlumat verilib. İclasda 18 aprel 2020-ci il tarixdə ARB televiziya kanalında yayımlanan "Elgizlə izlə" proqramına qoşulan ekspert tərəfindən nalayiq ifadələrin işlədilməsi faktı üzrə məsələyə baxılıb.

Milli Televiziya və Radio Şurası ARB televiziya kanalının efirində yayımlanan “Elgizlə izlə” verilişində əxlaqdan kənar leksik (söyüş) məzmunlu informasiya yayımlanmasına görə “İnzibati icraat haqqında” Azərbaycan Respublikasının 21 oktyabr 2005-ci il tarixli, 1036-IIQ saylı Qanununun 53-56-cı maddələrini, “Televiziya və radio yayımı haqqında” Azərbaycan Respublikasının 2002-ci il 25 iyun tarixli 345-IIQ saylı Qanununun 11.5.3-cü, 23.1-ci, 39.6-cı maddələrini, Azərbaycan Respublikası Prezidentinin 2002-ci il 05 oktyabr tarixli 795 saylı Fərmanı ilə təsdiq edilmiş “Milli Televiziya və Radio Şurası haqqında Əsasnamə”nin 8.11-1-ci bəndini rəhbər tutaraq ARB televiziya kanalının efirində 21 aprel 2020-ci il tarixdə proqramların yayımının 6 saatlıq müddətədək (saat 10:00-dan saat 16:00-dək) dayandırılması haqqında qərar qəbul edib.

ARB televiziya kanalı ona tətbiq edilmiş məsuliyyət tədbirinin məzmunu barədə məlumatı yayımın dayandırılması müddəti ərzində özünün efirində yayımlamalıdır.