"Sistemi çıxaran kimi gözlərini yumub" — Brilliant Rafael Dadaşovun ölümündən danışdıXalq artisti Brilliant Dadaşova ötən gün dünyasını dəyişən əmisi oğlu Rafael Dadaşovdan danışıb.

Avrasiya.net axşam.az-a istinadən xəbər verir ki, müğənni bunla bağlı "Xəzər Xəbər"ə danışıb. O bildirib ki, hər gün R.Dadaşovun iynələri vurulurdu:

"Gözlənilməz oldu. Hər gün ona iynə vurulur, sistemlər köçürülürdü. Yenə də iynəsi vurulurmuş. Qəfildən gəlini Afaqı çağırıb. Sistemi çıxaran kimi gözlərini yumub".
Qeyd edək ki, Xalq artisti 74 yaşında uzun sürən xəstəlikdən sonra dünyasını dəyişib.
Tom Henks də koronavirusa yoluxdu
Məşhur Hollivud ulduzu, aktyor Tom Henks və həyat yoldaşı Rita Uilson koronavirusa yoluxub.

Kult.az xəbər verir ki, bu məlumatı aktyor öz Tvitter səhifəsində paylaşıb. O, hazırda həyat yoldaşı ilə Avstraliyada olduğunu bildirib. Henks daha çox bədən ağrılarından şikayət etdiklərini və həyat yoldaşının temperaturunun qalxdığını açıqlayıb.

Onların Qold-Kost şəhərində müalicə aldıqları qeyd edilib.
Azərbaycanın əməkdar artisti vəfat etdi
Azərbaycanın əməkdar artisti vəfat edib.

Report xəbər verir ki, Lənkəran Dövlət Dram Teatrının aktyoru, əməkdar artist Adil Zeynalov ötən gecə 60 yaşında vəfat edib.

Mərhum bu gün doğulduğu Lənkəran şəhərində torpağa tapşırılacaq.

Qeyd edək ki, Adil Ağakərim oğlu Zeynalov 1960-cı ildə fevralın 20-də Lənkəran şəhərində anadan olub. 1978-ci ildə M.A.Əliyev adına Azərbaycan Dövlət İncəsənət İnstitutunun musiqili komediya aktyorluğu fakültəsinə daxil olub, 1983-cü ildə oranı bitirib. İnstitutu bitirdikdən sonra Nəcəf bəy Vəzirov adına Lənkəran Dövlət Dram teatrında aktyorluq fəaliyyətinə başlayıb. Bir sıra yadda qalan obrazlar yaradıb. Eyni zamanda özü də bir neçə əsərin səhnə quruluşunu verib, rejissor kimi çalışıb.

Lənkəranın mədəni-ictimai həyatında fəal iştirak edən A.Zeynalov mədəniyyətimiz inkişafında göstərdiyi xidmətlərinə görə 2012-ci ildə əməkdar artisti adına layiq görülüb. 20-yaxın yaddaqalan səhnə obrazlarını canlandırıb, 15-dək tamaşanın rejissoru olub, bir teleserial və 4 tammetrajlı filmdə çəkilib.

A.Zeynalovun 60 yaşı bu yaxınlarda tamam olsa da, xəstəliyi səbəbindən qeyd etmək mümkün olmayıb.
Murad Dadaşov bəzi müğənnilərə efir qadağası qoyubXəzər TV-yə yeni rəhbər təyin olunmuş Murad Dadaşov bəzi müğənnilərə efir qadağası qoyub.

“Ölkə.Az” xəbər verir ki, bu siyahıda, son zamanlar adları qalmaqallarda hallanan müğənnilər Şəbnəm Tovuzlu, Damla, Manaf Ağayev və Mətanət Əsədovanın adı var.

Məsələ ilə bağlı əvvəl müğənni Manaf Ağayevlə əlaqə saxladıq. O, bu barədə xəbəri yeni eşitdiyini bildirib.

“Bu xəbəri yeni eşitdim, düzü hər şey yazırlar deyə inanıb, inanmamaqda qərarsız qaldım. Ancaq həqiqətən də belə bir məsələ varsa, düşünürəm ki, Murad Dadaşov işinin peşakarıdır. Onun atdığı hər bir addım doğrudur”,- deyə o, fikrini tamamlayıb.

Müğənni Mətanət Əsədova isə bu kanalın rəhbərinin qərarıdırsa, onun deməyə heç bir sözü olmadığını deyib.
“Qadağadan xəbərim var. Rəhbər özü bilər. Murad müəllim özü bilər”,- deyə bildirib. Daha sonra isə o, “Hər zaman gözəl ifalarımla çıxış edirəm, heç zaman jurnalistlər bu barədə yazmırlar, ancaq məni bu cür qalmaqallı məsələlərdə axtarırlar”,- deyə ifaçı vurğulayıb.

Daha sonra müğənni Damla ilə əlaqə yaratmağa çalışdıq. Telefona cavab verən ifaçının köməkçisi Şəhriyar isə bildirib ki, “Məsələdən xəbərimiz var, ancaq Damla xanımın işləri çox olduğuna görə, suallarınızı cavablandıra bilməyəcək. Mən də Damla xanımın əvəzinə fikir bildirə bilmərəm”.

Müğənni Şəbnəm Tovuzlu telefonlarını söndürdüyü üçün onunla əlaqə yaratmaq cəhdlərimiz alınmadı.

Qeyd edək ki, Xalq artisti Murad Dadaşov ictimaiyyət arasında bayağı adlandırılan müğənniləri tez-tez iki proqramında ( “5-də 5” və “Ay zaur”) qonaq edən aparıcı Zaur Kamala xəbərdarlıq edib. O, müğənnilər Şəbnəm Tovuzlu, Damla, Manaf Ağayev və Mətanət Əsədovaya efir qadağası qoyub.
Lider TV bağlandı - Təcili
Lider Televiziyası fəaliyyətini dayandırıb.

Bu barədə sosial şəbəkələrdə yayılan məlumatı Lider TV-nin bir neçə əməkdaşı Axar.az-a təsdiqləyib.

Onlar bildiriblər ki, bu gün iş gününün sonunda onlara sabahdan işə gəlməməklə bağlı xəbərdarlıq olunub. Kanal əməkdaşlarına deyilib ki, bəlli səbəbdən Lider TV bundan sonra fəaliyyətini davam etdirmək imkanında deyil.

Qeyd edək ki, artıq bir müddətdir Lider TV-nin maddi baxımdan çətinlik çəkdiyi haqda mediada çoxsaylı məlumatlar gedirdi.
Verilişi bağlanan Tolik: “Tərbiyəsizliyin qurbanı oldum”
Prodüser Tarix Əliyev (Tolik) “Hər şey daxil” verilişinin bağlanmasından danışıb.

“Ölkə.Az” xəbər verir ki, o, Ruhi Əliyevanın təşəbbüsü ilə çəkilən “Ağır Romantik” filminin qala gecəsində jurnalistlərin suallarını cavablandırıb.

“Elza xanım canlı yayıma bağlanmaq istədi və mən bunu təşkil etdim. O, Mətanət Əsədovanın oxuduğu mahnıdan bir sitat gətirdi - “at ilə ulaq məsələsi”. O, “Mətanət xanım at ola-ola, özünü ulaq yerinə qoyub” ifadəsini işlətdi, bu da Mətanət xanımın xoşuna gəlmədi. Qarşılığında o da Elza Seyidcahana qarşı qeyri-etik söz istifadə etdi. Buna görə də Murad müəllim veriliş bitən kimi böyük bir iclas keçirdi. İclasda verilişin bağlanmasına qərar verildi. Əsas hər şey yaxşı bitdi. Çox xoşbəxtəm ki, mən yenə də “Xəzər” ailəsinin üzvüyəm”,- deyə Tolik bildirib.
"Səviyyəsi, tərbiyyəsi olmayan insan...” – Deputat Tolikin verilişinin bağlanmasından danışdı
“Təkcə Tolikin deyil, o tip verilişlərin hamısı bağlanmalıdır”.

Bunu VI Milli Məclisin deputatı Tahir Kərimli deyib.

Deputat qeyd edib ki, küçə mədəniyyətini televiziyaya gətirmək düzgün deyil: “Həmin verilişlərdə ağızlarına gələni danışırlar. Nə ədəbi dil normaları, nə əxlaq, nə də tərbiyə gözlənilir. Verilişə çıxanlar da bir-birilərinə hörmət etmirlər. Elə bilirlər, dövlət siyasəti bundan ibarətdir. Televiziyaların daxilində bədii şuralar fəaliyyət göstərir, amma bu məsələlərə nəzarət zəifdir. Pul qazanmaq istəyi o qədər güclüdür ki... Etiraf edək ki, insanlarda da maraq var, elə həvəslə baxırlar ki. İşsiz-gücsüz, qeybəti sevən adamlar həmin verilişlərə baxırlar. Bəzən görürsən, səviyyəsi, tərbiyəsi olmayan bir insan millətə öyüd-nəsihət verir. Hesab edirəm ki, belə verilişlər bağlanmalıdır. Mən o verilişlərə baxmıram, iyrənirəm.

Bu cür proqramlarla bağlı dəfələrlə Milli Məclisdə və mətbuatda çıxış etmişəm. Biz bu yolla milləti hara aparırıq? Sovet dövründə televiziyada xanım müğənni oxuyarkən yüngül rəqs etsəydi, boynu-boğazı görünsəydi, aləmi qatardılar bir-birinə... Teleməkan ictimai yerdir, nəzarət olunmalıdır”. / Pravda.az
Verilişi bağlanan Tolik danışdı - Yeni layihəmlə sizin qarşınızda olacam"Əziz dostlar, bu açıqlamanı verməklə 2 gündür medianı zəbt edən məsələyə aydınlıq gətirmək istəyirəm. Mən Xəzər TV-də 3 ilə yaxındır "Hər şey daxil" layihəsinin həm rəhbəri, həm də aparıcısıyam. Bu müddət ərzində məni sevən də, sevməyən də qəbul edib. Düzdür, insanların gözü bir şey görməyə öyrəşsə də, düşünürəm ki, dəyişmək, yenilənmək lazımdır. Gərək göz yorulmasın”.

Avrasiya.net xəbər verir ki, bu sözləri Xəzər televiziyasında yayımlanan "Hər şey daxil" verilişinin aparıcısı Tarix Əliyev "İnstaqram" səhifəsində yazıb.

Verilişinin bağlanması xəbərlərinə aydınlıq gətirən prodüser 2013-cü ildə Murad Dadaşovla birgə çəkilən fotosunu yayımlayaraq bu sözləri qeyd edib: “Xəzər TV-yə yeni gələn rəhbərim Murad Dadaşov məni bu gün deyil, dünən deyil, 10 ildir tanıyır. Mən məhz onun sayəsində 3 dəfə ölkənin ən reytinqli realiti şousu olan "Maşın" şounun iştirakçısı olmuşam. M. Dadaşovun əməyi ilə geniş kütləyə təqdim olunmuşam. O ki qaldı "Hər şey daxil"in bağlanmasına, bu son deyil. İnşallah yaxın zamanda Xəzər TV-də yeni layihəmlə sizin qarşınızda olacam. Murad Dadaşov istəsəydi, məni kanaldan uzaqlaşdıra bilərdi, amma o, potensialımı yüksək qiymətləndirərək, mənə etimad göstərir... Təşəkkür edirəm. Sonda deyim ki, məni dəstəkləyən də, dəstəkləməyən də sağ olsun. Hər kəsə uğurlar".
“Mənim verilişim niyə bağlanmalıdır?” - Tolik
Dünən Xəzər TV-də yayımlanan "Hər Şey Daxil” proqramında müğənnilər arasında yaşanan gərginlikdən sonra verilişin bağlandığı barədə xəbərlər yayılıb.

Avrasiya.net xəbər verir ki, sözügedən proqramın aparıcısı Tolik BAKU.WS-ə açıqlamasında yayılan xəbərlərin reallığı əks etdirmədiyini bildirdi.

"Mən işimdəyəm və yerimdə oturmuşam. Heç kim məni işdən çıxartmayıb. Başa düşə bilmirəm, mənim verilişim niyə bağlanmalıdır? Birazdan bazar ertəsinin anonslarını paylaşacağıq. Yalan söhbətdir".

Xatırladaq ki, proqramda qonaq olan müğənnilər Manaf Ağayevlə Mətanət Əsədova Əməkdar artist Elza Seyidcahanın "gəncləri korlayan Manaflar, Mətanətlər var” fikrinə münasibət bildiriblər. Manaf Ağayev canlı efirdə bəstəkar-müğənnini təhdid edib: "Onun oxumağı var ki? Yaxşı oxuyan olsa, toya gedər. Bu, mənim janrımdır, oxu tərzimdir. Fəxr edirəm ki, oxuyuram. Elza xanım, sizə heç nə demirəm. Çünki kişiyəm. Kaş, sizin yerinizə bu sözü hansısa kişi deyərdi. Onu həmin gecə yoluna qoymuşdum. Yediyim çörəyə tüpürmürəm, sizin evinizdə olmuşam. Qadınla nə danışım? Ona nə deyim?”

Əməkdar artist Elza Seyidcahan verilişə zəng edərək ona cavab verib: "Koronavirus necə yayılıbsa, musiqidə də elə virus yayılıb. Siz də musiqidə koronavirusa düşmüsünüz. Həm kişilər kişisiyəm, həm xanımlar xanımıyam. Manaf, mənimlə kişi kimi danışırsınızsa, hara deyirsiz gəlim, danışın".

Onun bu sözləri Mətanəti əsəbiləşdirib və Əməkdar artistlə tərbiyəsiz tərzdə danışıb: "Bir dəqiqə, ay qız. Onun səsini kəsin. Danışma Elza, telefonu söndür. Səsini bağla, onu eşitmək istəmirəm. Ulaq özünsən. Ya durub gedəcəm, ya saxlayın səsi. Elza, məni heç kimlə səhv salma. Bir az ehtiyatlı ol. Ayıb olsun sənə. Bəstəkar, Əməkdar artist adın sənə haram olsun. Utanmırsan, ulaqdan, atdan danışırsan? Hələ ki, səni ulaq yerinə qoyub çırpırlar. Ağıllı ol, tərbiyən olsun. Təkbətək görüş. Uzaqbaşı məni məhkəməyə verəcəksən. Amma çaşma".

M. Əsədovanın emosional çıxışından sonra efirdən onun səsi kəsilib və reklam fasiləsi verilib.