Aşıq Namiq daha bir qadına qarşı seksual zorakılıqda ittiham olunurTanınmış aşıq Namiq Fərhadoğlu (Namiq Hüseynov) barəsində hüquq-mühafizə orqanlarına şikayət daxil olub.

"Report"un xəbərinə görə, şikayətçi E.R. (şərtidir - "Report") hüquq-mühafizə orqanlarına şikayət edərək N.Fərhadoğlu tərəfindən döyüldüyünü və aşığın ona qarşı seksual xarakterli hərəkətlər etdiyini iddia edib.

N.Fərhadoğlu "Report"a açıqlamasında qeyd olunan şikayət üzrə polis şöbəsinə çağırıldığını və ifadə verdiyini təsdiqləyib.

Lakin o, barəsində verilən ittihamları qəbul etmədiyini, bunun yalan və şər olduğunu bildirib.

N.Fərhadoğlu onda kamera görüntülərinin olduğunu bildirərək bunları polisə təqdim edəcəyini deyib.

"Həmin qadın mənə deyib ki, tanışın çoxdur və oğlumu məktəbə düzəlt. Mən də ona demişəm ki, mənim orada tanışım yoxdur. Axı, sən mənim əmimqızı deyilsən, dayımqızı deyilsən və real həyatda da səni tanımıram. Sən mənə de ki, oğluma saz öyrət, onu efirə çıxart və s . - bunları edə bilərəm. Başa düşmürəm, axı qadını niyə döyməliyəm? Qadını döyərlər heç? Bu, sadəcə olaraq bir tanış aşığın oyunudur. Hazırda polisdə araşdırma aparılır", - aşıq Namiq Fərhadoğlu əlavə edib.

Qeyd edək ki, Aşıq Namiq adı daha çox qalmaqallarda hallanan sənət adamıdır. Bundan əvvəl də N.Fərhadoğlu barəsində hüquq-mühafizə orqanlarına analoji şikayət edilmişdi. Belə ki, ötən ilin oktyabrın 30-da N.Hüseynov barəsində Nərimanov RPİ-nin 18-ci Polis Şöbəsinə şikayət ərizəsi daxil olub. Müraciətdə vətəndaş sosial şəbəkə vasitəsilə tanış olduğu şəxsin ona etik olmayan təkliflər etməsini və onun tələblərinə əməl etməyəcəyi təqdirdə hədə-qorxu gəlməsini vurğulayıb. İş üzrə aparılan araşdırmanın xüsusatlarını aydınlaşdırmaq məqsədilə Namiq Hüseynov müvafiq polis şöbəsinə dəvət olunmasına baxmayaraq o, polisə tabesizlik nümayiş etdirib, şikayət edən qadının ünvanına isə qeyri-etik ifadələr səsləndirib. Məhkəmənin qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.
Səudiyyə Ərəbistanında 2600 illik kitabə tapıldıSəudiyyə Ərəbistanının İrs İdarəsi eramızdan əvvəl VI əsrin ortalarına aid ölkənin tarixindəki ən uzun kitabənin aşkarlandığını elan edib.

Publika.az xəbər verir ki, arxeoloji qazıntılar ölkənin şimalındakı Əl-Hait Valiliyinin Əl-Hail bölgəsində aparılıb.

Bəyanatda bildirilib ki, yeni kəşf eramızdan əvvəl VI əsrin ortalarında Babil Kralı Nabonidusa (Eramızdan əvvəl 556 - 539) məxsus olan və Ərəbistan yarımadasının tarixi roluna, mədəni əhəmiyyəti və qədim Yaxın Şərq mədəniyyətlərinin əksəriyyətilə mədəni əlaqə saxladığına dair daha çox sübut gətirən qaya kitabələrini ortaya qoyub.

Arxeoloji kəşf bazalt qayalarından birinin üzərində Babil padşahının əlində bir əsa və qarşısında bir sıra dini simvollar təsvir etdiyi bir yazı və təxminən 26 sətirdən ibarət mixi yazı mətnini ortaya çıxarıb. Bunun Səudiyyə Ərəbistanında indiyə qədər tapılan ən uzun yazılı mətn olduğu ifadə edilib.

Bəyanatda yeni kəşfin mütəxəssislər tərəfindən nəzərdən keçirilməsinə və təhlilinə başlandığı və nəticələrin gələcəkdə açıqlanacağı vurğulanıb.
“Beşbarmaq dağı” dövlət qoruğu kimi TƏSDİQLƏNDİ“Beşbarmaq dağı” Dövlət Tarix-Mədəniyyət və Təbiət Qoruğunun vəzifələri və fəaliyyət istiqamətləri açıqlanıb.

Avrasiya.net-in məlumatına görə, Qoruq bu Əsasnamə ilə müəyyən edilmiş fəaliyyət istiqamətlərinə uyğun olaraq aşağıdakı vəzifələri yerinə yetirir:

Qoruq ərazisində dövlət nəzarətini həyata keçirir; Qoruq sahəsinə aid proqnozlaşdırma və planlaşdırma işlərini təşkil edir və Qoruğun inkişafını təmin edir; Qoruğun idarə edilməsi ilə bağlı müvafiq planlar hazırlayır, Qoruqları İdarəetmə Mərkəzi ilə razılaşdırır və həyata keçirir; Qoruq ərazisindəki rekreasiya zonalarını, yaşıllaşdırma sahələrini və nəqliyyatın hərəkətini müvafiq qaydada təşkil edir, abidələrə yaxın olan və ya onların mühafizə zonasından keçən yol sahələrində boru kəmərlərinin, elektrik xətlərinin və digər kommunikasiyaların, eləcə də nəqliyyat vasitələrinin hərəkəti abidələrin qorunmasına təhlükə yaratdıqda, onların məhdudlaşdırılması və ya qadağan edilməsi üçün Qoruqları İdarəetmə Mərkəzi ilə birgə qanunvericiliyə uyğun qaydada tədbirlər görür; tarix və mədəniyyət abidələrində aparılan konservasiya, inşaat-möhkəmləndirmə, abadlıq, bərpa, rekonstruksiya, regenerasiya işlərinin səviyyəsinin artırılması və onların istifadəyə uyğunlaşdırılması üzrə layihə təkliflərini Qoruqları İdarəetmə Mərkəzinə təqdim edir. Layihələr Dövlət Turizm Agentliyi tərəfindən təsdiq edildikdən sonra Qoruqları İdarəetmə Mərkəzinin, Qoruğun və layihə müəllifinin (müəlliflərinin) nəzarəti altında həyata keçirilir; Qoruq öz sərhədləri və mühafizə zonası daxilində abidələrin, tikililərin bərpası və təmirinin planlaşdırılması və təşkili üçün Qoruqları İdarəetmə Mərkəzinə müraciət edir. Qoruqları İdarəetmə Mərkəzi həmin işlərin həyata keçirilməsinə nəzarət edir, abidələr üçün hər hansı təhlükə yarada bilən təmir işlərinin aparılması ilə əlaqədar təhlükəsizlik tədbirlərini müəyyənləşdirərək müvafiq qaydada işlər görür; Qoruq Qoruqları İdarəetmə Mərkəzi ilə birlikdə ərazisində yerləşən abidələrin və tikililərin inventarlaşmasını aparır, səlahiyyətləri daxilində Qoruğun pasportunu hazırlayır, qanunvericilikdə nəzərdə tutulmuş qaydada abidələr aşkar edilərsə, onların siyahıya və dövlət qeydiyyatına alınması üçün Qoruqları İdarəetmə Mərkəzinə müraciət edir; Qoruğun elmi fondu müddətsiz saxlanılır; Qoruq ərazisində yerləşən tarix və mədəniyyət abidələrinin mühafizəsini və toxunulmazlığını təmin edir, onlardan istifadə qaydalarının və Qoruğun mühafizə rejiminin pozulmasının qarşısının alınması və təqsirkar şəxslərin məsuliyyətə cəlb edilməsi ilə əlaqədar qanunvericiliklə müəyyən edilmiş qaydada zəruri tədbirlər görür; Qoruq ərazisində turizmin inkişaf etdirilməsi, turist marşrutlarının müəyyən olunması və bununla bağlı infrastrukturun yaradılması üçün Qoruqları İdarəetmə Mərkəzinə təkliflər verir; adılması üçün Qoruqları İdarəetmə Mərkəzinə təkliflər verir; Dövlət Turizm Agentliyi ilə razılaşdırmaqla, müvafiq elmi təşkilatlarla birgə elmi tədqiqatlar və araşdırmalar təşkil edir, abidələrin aşkar edilməsi və öyrənilməsi üçün mütəxəssisləri cəlb edir; hər il dövlət büdcəsinin mərkəzləşdirilmiş xərclərində Dövlət Turizm Agentliyi üzrə nəzərdə tutulmuş vəsait dairəsində abidələrin elmi, mədəni və tarixi əhəmiyyətini təbliğ edir, Qoruqları İdarəetmə Mərkəzinin təşkilatçılığı ilə sərgilər, fotostendlər, ekskursiyalar, mühazirələr təşkil edir, sənədli və qısametrajlı filmlərin çəkilişi və elmi-kütləvi ədəbiyyatların nəşri üçün müvafiq tədbirlər görür; Qoruğun ərazisində qanunvericiliyə uyğun olaraq arxeoloji qazıntı işlərinin aparılmasının təşkil edilməsi üçün Qoruqları İdarəetmə Mərkəzinə müraciət edir, abidələrin öyrənilməsinə, arxeoloji qazıntıların aparılmasına və bu növ digər işlərə nəzarət edir. Qoruğun ərazisində arxeoloji abidələrin qazıntısına və aşkar edilməsinə Azərbaycan Milli Elmlər Akademiyasının icazəsi olduqdan və Dövlət Turizm Agentliyində qeydə alındıqdan sonra yol verilir. Arxeoloji qazıntı zamanı Qoruğun ərazisində aşkar olunan tarix və mədəniyyət abidələri Qoruğun fonduna təhvil verilir; Qoruğun ərazisində baş verə bilən fövqəladə halların qarşısının alınması üçün tədbirlər görür; fəaliyyət istiqamətlərinə uyğun olaraq qanunvericilikdə nəzərdə tutulmuş digər vəzifələri yerinə yetirir. Elmi tədqiqatların aparılması metodlarının Qoruğun xüsusi rejiminin tələblərinə zidd olmaması şərtilə hazırlanmış təkliflər Qoruqda tətbiq edilə bilər.

Qeyd edək ki, Baş nazir Əli Əsədov bu gün “Beşbarmaq dağı” Dövlət Tarix-Mədəniyyət və Təbiət Qoruğunun Əsasnaməsinin təsdiq edilməsi barədə qərar imzalayıb.
Ağadadaş Ağayevin Türkiyədəki evini satıb, pulunu yeyiblərXalq artisti Ağadadaş Ağayev Türkiyədən qayıtdıqdan sonra ilk dəfə “Günün sədası” proqramına qonaq olub.

Veriliş zamanı A.Ağayev səhhətilə bağlı yaşadığı problemlərdən danışıb: “Xalqımızı mən çox sevirdim.

Amma başıma gələnlərdən sonra onların mənə necə dəstək olduqlarını görüb daha çox sevməyə başladım.

Artıq musiqi fəaliyyətimdə aktiv olacam. Çünki bu yaşama şansını Allah mənə verdi. Xəstəliyimi bilən kimi özümü Allah tapşırdım. Çünki Allah mənə 65 il şans verib, çox yaxşı yaşamışam.

Millətimin, xalqımın qarşısında dürüst olmuşam. İnsan xəstəliyə qalib gəldikdən sonra sonra dünyaya fərqli yanaşır. 4 dəfə əməliyyata girdim.

Başa düşdüm ki, insan qədər Allahın sevdiyi ikinci varlıq yoxdur. Həyatımda ilk dəfə ölkəmdən uzaq düşdüm. Ayrı qaldım. İnsanlar mənə zəng edirdi, orqanlarını bağışlamaq istədiklərini bildirirdilər”.

A.Ağayev Türkiyəyə səfərləri zamanı orada öz evində qalırdı. Proqram zamanı sənətçi həmin evin başqa insan tərəfindən satıldığını bildirib: “Həmin evimi satıblar, pulunu isə yeyiblər. Halal xoşları olsun. İndi başqa yeni və kiçik evimiz var. Hava limanına yaxın ərazidə yerləşir”. (baku.vs)
Ajda Pekkan 100 min avroluq qonorardan imtina etdi, Bakıya gəlmədiTürkiyənin məşhur müğənnisi, meqa-star Ajda Pekkan Qurban bayramı günlərində Azərbaycanda hansısa əyləncə mərasimində çıxış etmək təklifi alıb.

Türkiyə KİV-lərinin xəbərlərinə görə, ona 100 min avro qonorar vəd edilib. Lakin müğənni bu təklifdən imtina edib, çünki bu yay ayları ərzində Bodrumdan kənara çıxmaq fikrində deyil və bütün yayı oradakı villasında keçirəcək.

Dəvətin hansı otel və ya fərdi şəxs tərəfindən edildiyi göstərilmir. Ajda Pekkan ötən ilin payızında Qarabağda müharibə gedərkən Azərbaycana dəstək mesajları ilə çıxış etmişdi. Düşmən Gəncəni gecə yarısı ballistik raketlə atəşə tutaraq onlarla dinc sakinin ölümünə səbəb olanda müğənni özünün İnstagram səhifəsindən yazmışdı: “Azərbaycanlı qardaşlarıma gecə yarısı yataqda üzərlərinə bomba atılmasını şiddətlə qınayıram. Torpaqlarını geri almaq üçün canını fəda etməyə hazır olan əsgərlərimizə və ən başda hörmətli İlham Əliyevə uğurlar diləyirəm”. (virtualaz.org)
Vüqar Muradov 6900 avro maaşdan niyə imtina etdi?"Avstriyaya getmişdim, amma qala bilmədim. Orada biznes qurmaq istəyirdim. Deyirdim, Azərbaycanın milli qutabını hazırlayıb satım".

Bu sözləri müğənni Vüqar Muradov "Səhər mərkəzi" proqramında qonaq olarkən deyib.

Sənətçi bir müddət əvvəl Azərbaycandan köçmək istədiyini etiraf edib: "Motsart adına olan teatrda işləyəcəkdim. Böyük qonorar verirdilər: 6900 avro maaş dedilər. O şəhər məni sıxdı. İstiqanlı ölkə deyil, soyuqdur. Qala bilmədim". (axşam.az)
Gəncəvinin 880 illik yubleyi ilə bağlı tədbir keçirilibBərdə şəhər 3 saylı UMM-də dahi Nizami Gəncəvinin 880 illik yubleyi ilə bağlı tədbir keçirilib

Azərbaycan Respublikasının Prezidenti İlham Əliyev tərəfindən 2021-ci ilin “Nizami Gəncəvi İli” elan olunması və Nizami Gəncəvinin 880 illik yubileyi ilə əlaqədar silsilə tədbirlərin keçirilməsi davam edir.

Avrasiya.net xəbər verir ki, bu münasibətlə Bərdə Regional Mədəniyyət idarəsi Bərdə səhər 3 nömrəli Usaq Musiqi Məktəbinin təşkilatçılığı ilə dahi şair və mütəfəkkir Nizami Gəncəviyə həsr edilmiş “İsgəndərnamə” adlı ədəbi-musiqili tədbir keçirilib.
Əvvəlcə ümummilli lider Heydər Əliyevin və müstəqilliyimiz, ərazi bütövlüyümüz uğrunda şəhid olanların xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Çıxış edənlər vurğulayıblar ki, cari ilin “Nizami Gəncəvi ili” elan edilməsi ölkə rəhbərliyi tərəfindən milli-mənəvi dəyərlərə göstərilən xüsusi diqqətin, azərbaycançılığa, onun tarixinə və mədəniyyətinə olan ehtiramın təzahürüdür.

Bildirilib ki, vətənpərvərlik və azərbaycançılıq ideyalarına sadiq olan, milli-mənəvi və ümumbəşəri dəyərləri qoruyan vətəndaş və şəxsiyyətlərin formalaşdırılmasının mühüm vasitələrindən biri Azərbaycanın zəngin tarixini, o cümlədən mədəniyyətini dərindən öyrənməkdir.

Sonda Bərdə səhər 3 nömrəli Usaq Musiqi Məktəbinin şagirləri Nizami Gəncəvinin əsərlərinə yazılmış romanslar və muğamlardan ibarət “İsgəndərnamə” adlı ədəbi-musiqili kompozisiyalar ifa ediblər.


Türkiyə yenidən Avroviziyada iştirak edəcəkTürkiyə 34 ildir iştirak etdiyi Avroviziya mahnı müsabiqəsinə yenidən qatılmaq istəyir.

Kult.az xəbər verir ki, bu barədə TRT-nin baş direktoru İbrahim Ərən məlumat yayıb.

O bildirib ki, yarışmaya qatılmaq barədə danışıqlara başlanılıb:

“Danışıqlar müsbət nəticə verdiyi halda Türkiyə gələn il müsabiqədə yer alacaq".

Namiq Qaraçuxurlu Rusiyada koronavirusa YOLUXDU“Əzizlərim narahat olmasın deyə koronavirusa yoluxmağımı gizli saxlamaq istədim. Təəssüf ki, kiminsə ağzının boş olması buna imkan vermədi”.

Avrasiya.net xəbər verir ki, bu sözləri Rusiyada “COVID-19”a yoluxan meyxana ifaçısı Namiq Qaraçuxurlu instaqram səhifəsində yazıb.

Hazırda Rusiyada olan sənətçi özünü sosial həyatdan təcrid etdiyini bildirib:

“Bu həyəcanı sevənlərimə yaşatdığım üçün üzr istəyirəm. Bildirmək istəyirəm ki, xəstəliyi çox yüngül keçirirəm, xəstəxanada deyiləm və tezliklə sağalıb vətənə dönəcəyəm”.

Qeyd edək ki, N. Qaraçuxurlu bir neçə gün bundan əvvəl Rusiyada toy məclisində yer alıb. O, səhnədə Xalq artisti Aygün Kazımova, Sevil və Sevinc Səfərovalarla duet ifa edib.