Sumqayıtda “Xocalı Günü” adlı əlilliyi olan şəxslərin əl işlərindən ibarət sərgisi təşkil olunub05.05.2022-ci il tarixində Sumqayıt şəhərində “Xocalı Günü” adlı sağlamlıq imkanları məhdud olan şəxslərin əl işlərindən ibarət sərgisi təşkil olundu. Tədbiri giriş sözü ilə açan “Əlilliyi Olan şəxslərin Sosial Müdafiəsinə və İnteqrasiyasına Dəstək” İctimai Birliyinin sədri , layihə rəhbəri Səbinə Kərimova iştirakçıları salamlayaraq, layihə barədə qısa məlumat verdi.

O, qeyd etdi ki, “Əlilliyi Olan şəxslərin Sosial Müdafiəsinə və İnteqrasiyasına Dəstək” İctimai Birliyi (ƏSMİD) Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə 01.02.2022-ci il tarixindən “Sumqayıt şəhəri və ətraf rayonlarda Xocalı soyqırımının 30-cu il dönümü ilə əlaqədar tədbirlərin təşkili” layihəsnin icrasına başlayıb. layihə üzrə ilk təlim 19.02.2022-ci il Sumqayıt şəhərində, ikinci tədbir 02 mart 2022- ci il Xızı rayonunda,31.03.2022-ci il tarixində isə Xocalı abidəsinə Sumqayıt gənclərinin ziyarəti təşkil olunub.

Layihənin əsas məqsədi 30 il qan yaddasımız olan Xocalı ilə bağlı regionlarda yaşayan yeniyetmə və gənclərə Xocalı soyqırımı hadisələri haqda ətraflı məlumat vermək və Xocalı faciəsini udulmaması üçün gənclər arasında təbiğatın aparılmasıdır. Layihə 4 ay müddətində Sumqayıt şəhəri və ətraf rayonlarda icra olunub.

Bu gün isə “Xocalı Günü” adlı sağlamlıq imkanları məhdud şəxslərin əl işlərindən ibarət sərgisi təşkil olunur. Bu sərgidə əlilliyi olan şəxslərin Xocalı ilə bağlı düşüncələrini ilmə və fırça ilə kətan üzərinə köçürdükləri əl işlərini nümayiş etdiriblər.
Xocalı qətliamı Ermənistanın uzun illərdən bəri Azərbaycana qarşı həyata keçirdiyi planlaşdırılmış etnik təmizləmə və təcavüz siyasətinin tərkib hissəsi idi. 30 ildir biz “Xocalıya ədalət” deyə səs salırıq və gənclərimiz də dünya arenasına inteqrasiya edən zaman ilk sözləri məhz “Xocalıya ədalət” olmalıdır. “Bizim hər günümüz Xocalıdır!” deyə vurğulanmalıdı.

O, bundan əlavə 4 ay boyunca layihəsinə dəstək göstərən hər kəsə minnətdarlığını bildirdi.

Sumqayıt şəhər İcra hakimyyəti İctimai-siyasi və humanitar məsələlər şöbəsinin müdirinin müavini Fərman Kazımov qeyd etdi ki, Xocalı unudulmayan bir faciədir.Bu layihəni dəstəkləyən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə minnətdarlığımı bildirirəm. Çünki bu kimi layihələr gənclərimizin maariflənməsinə kömək edir. Ermənilərin 1905-1906,1918-ci ildə törətdikləri qətliamlar kimi 1992-ci il fevralın 25-dən 26-na keçən gecə də təkrar olundu. Ermənistan silahlı qüvvələri beynəlxalq hüququn norma və prinsiplərini kobudcasına pozaraq keçmiş sovet ordusunun Xankəndidə yerləşən 366-cı alayının iştirakı ilə Xocalı şəhərinə hücum etdi və dinc əhaliyə misli görünməmiş qəddarlıqla divan tutdu. Xocalı soyqırımı zamanı 106 qadın, 63 uşaq, 70 qoca olmaqla 613 şəxs məhz azərbaycanlı olduqlarına görə ağlasığmaz vəhşiliklə qətlə yetirildi, 487 dinc sakin ağır yaralandı, 1275 nəfər isə girov götürülüb.
Sonra tədbirdə iştirak edən Sumqayıt səhiyyə şöbəsinin müdiri Səkinə Sadıqova, Sumqayıt Gənclər və İdman idarəsinin rəisi Elgün Hümbətov, Sumqayıt əlillərin regional bərpa mərkəzinin baş həkimi Pərvanə xanım, QHT rəhbərləri Cəsarət Hüseynzadə, Mətanət Əsgərqızı,Cəmilə Abdulova, Sabaha-inamla.az saytının baş redaktoru Namiq Məmmədov Xocalı ilə bağlı əlilliyi olan şəxslərin əl işlərindən ibarət təşkil olunan sərgidən və Xocalı qətliamından danışdılar.

“Xocalı Günü” adlı sərgidə fəal iştiraka görə 7 nəfər sağlamlıq imkanları məhdud yaradıcı şəxslər və 4 ay müddətində layihəyə informasiya dəstəyi göstərən saytlar mükafatlandırıldı.
Sonda müzakirələr çay süfrəsi arxasında davam etdirildi.





Rasim Balayev xəstəxanaya yerləşdirildiAzərbaycanın xalq artisti, məşhur aktyor Rasim Balayevin səhhətində problemlər yaranıb.

Bunu Report-a açıqlamasında xalq artisti özü bildirib.

O deyib ki, hazırda xəstəxanada müalicə alır:

“Ötən gün əməliyyat olundum. Mədəmdə polip vardı, həkimlər onu götürdülər. Hazırda yaxşıyam. Bu gün son yoxlanışlardan keçib, evə buraxılacam”.

Qeyd edək ki, R.Balayev 8 avqust 1948-ci ildə Ağsu rayonunda anadan olub. Xalq artisti iki ay əvvəl səhhətində yaranan narahatlığa görə, uroloji əməliyyat olmuşdu.
“Divar rəsmlərində məni narahat edən suallara cavab tapmağa çalışıram”Məhərrəm Əli: “Yaradıcılıq, olan və yaxud olmayan bir şeyi fərqli tərzdə ifadə edə bilmək bacarığıdır”

“Dünyada hər bir ölkə öz mədəniyyəti və incəsənəti ilə tanınır. İncəsənət dil, din, irq, millət ayrı seçkiliyi olmadan bütün insanları bir araya gətirən, sosiallaşdıran ifadə vasitəsidir”. Bu fikirləri “Xalq Cəbhəsi”nə müsahibəsində rəssam Məhərrəm Əli deyib. Onun fikrincə odlar yurdu Azərbaycanda incəsənətin tarixi eramızdan əvvəlki minilliklərə söykənir: “Qobustanda qaya üzərindəki insan təsvirlərindən tutmuş, yaşı yüz illərlə ölçülən qədim xalçalarımız mədəni irsimizin taxiriliyini, milli kimliyimizin orijinallığını qürurla əks etdirir. Müasir dövrümüzdəki Azərbaycan təsviri incəsənəti, dövlətimizin dəstəyilə ölkəmizinin mədəni şöhrətini bütün dünyaya tanıdır.

Bu il Ali baş komandan prezident İlham Əliyev Azərbaycan Gəncləri Gününün 25 illiyinə həsr olunmuş Gənclər Forumunda iştirak edərək giriş nitqi söylədi: “Bu gün Azərbaycanda Gənclər Günü qeyd edilir. Bu münasibətlə sizi və bütün Azərbaycan gənclərini ürəkdən təbrik etmək istəyirəm.

İyirmi beş il bundan əvvəl ulu öndər Heydər Əliyevin Sərəncamı ilə Azərbaycanda Gənclər Günü təsis edildi və o gündən bu günə qədər fevralın 2-də biz bu günü qeyd edirik. Ondan bir il əvvəl isə Heydər Əliyevin təşkilatçılığı və təşəbbüsü ilə Azərbaycanda birinci Gənclər Forumu keçirilmişdir. O vaxtdan bu günə qədər gənclər siyasəti daim dövlətin prioritetləri sırasında idi. O gündən bu günə qədər bir nəsil dəyişdi və bu gün bu salonda oturan gənclər o vaxt ya hələ dünyaya gəlməmişdi, ya da balaca uşaqlar idi. Bir nəsil dəyişdi və Azərbaycan dəyişdi”.

“Hər il yüzlərlə sərgilər təşkil olunur”

Məhərrəm Əli bildirib ki, Cənab Prezidentin gəncləri ətrafına toplayaraq onların fikirlərini dinləməsi, yeni layihələrin həyata keçirilməsi barədə göstərişlər verməsi ölkədəki gənclərə olan diqqət və qayğının bariz nümunəsidir: “Təkcə Heydər Əliyev fondunun təşəbbüsü ilə hər il yüzlərlə sərgilər təşkil olunur. Yerli və beynəlxalq simpoziumlar keçirilir. İstedadlı gənc rəssamların sənət əsərləri dünya şöhrətli qalareyalarda sərgilənir.

Simpozium demişkən, keçən ay 21-28 aprel tarixində 5-ci "ArtZone" simpoziumuna dəvət aldım. Simpozium Milli Məclisin Mədəniyyət Komitəsinin sədri Qənirə Paşayevanın şəxsi təşəbbüsü və dəstəyi, “Nəfəs” insanlığa dəstək, "Avrasiya" beynəlxalq araşdırmalar institutu, "Regional hüquqi və iqtisadi maarifləndirmə" ictimai birliklərinin və “ART Zone” simpoziumunun rəhbəri Şakir Eminbəylinin təşkilatçılığı ilə həyata keçirildi. Tanınmış istedadlı rəssamlarla birgə bir həftə şəhərin səs küyündən uzaqlaşıb, təbiətin təravətli rənglərindən zövq alaraq maraqlı rəsm əsərləri yaratdıq. Fürsətdən istifadə edib incəsənət tarixindən, yerli və dünya klassiklərinin yaradıcılığından danışıb maraqlı diskussiyalar apardıq”.

“Məni narahat edən suallara cavab tapmağa çalışıram”

Həmsöhbətimiz əlavə edib ki, rəssamlar cəmiyyətin ən önəmli və həssas təbəqəsidir: “Sadə dildə izah etsəm geyindiyimiz paltardan tutmuş, yaşadığımız evlərə, istifadə etdiyimiz minik avtomobilləri, gündəlik məşiət əşyaları bir sözlə bizi əhatə edən bütün maddi aləmdə rəssamların vacib əməyi var. Konseptual xalçaçı rəssam və Street art rəssamı kimi istər öz yaradıcılığımda istərsə də şəhərin mərkəzi küçələrindəki divar rəsmlərində klassik və müasir incəsənəti üz-üzə qoyub məni narahat edən suallara cavab tapmağa çalışıram. Yaradıcılıq, olan və yaxud olmayan bir şeyi fərqli, fərdi tərzdə ifadə edə bilmək bacarığıdır.

Bəs rəssamlıq nədir? Mən niyə rəsm çəkirəm? Mən rəsm çəkməliyəm mi? Yadimdadır, bu sualları Azərbaycan Dövlət Rəssamlıq akademiyasının müəllimi, peşəkar rəssam Tahir Ələkbərova ünvanladım. O mənə çox maraqlı bir cavab verdi;

-Mən, diyə bilmədiyim sözü kətana köçürürəm. O sözü diyə bilsəydim çəkmək əvəzinə yazardım.

Ən qədim yazı piktoqrafik yəni şəkli yazıdır. Əlifba yaranmazdan əvvəl mübadilə dövründə insanlar bir-birləriylə simvollar vasitəsilə anlaşıb, gündəlik məişət problemlərini, dini ayinləri rutin və ritualları rəsm ediblər.

Bu rəsmlər indiki dövrümüzə qədər gəlib çatıb və o dövrü xarakterizə etməyimiz üçün mayak rorulunu oynayır.

Balaxanı qəsəbəsindəki divar rəsmləri

Şəkli yazı demişkən Balaxanı qəsəbəsindəki divar rəsmləri də bu qəbildəndir. “Balaxanı sözünün mənası yuxarıda tikilmiş, hər yerdən görünən ev, mənasındadır. "Bala" hər tərəfdən görünən, “xonə” ev deməkdir. XIV əsr səyyahı Marko Polo bu bölgədə neftdən xəstəliklərin müalicəsi üçün istifadə edilməsi və yaxın ölkələrə neftin daşınması barədə yazıb. 1594-cü ildə Balaxanıdakı neft quyularının birində aşkar edilmiş daş üzərindəki yazıda 35 metr dərinliyində quyunun usta Allahyar Məmmədnur oğlu tərəfindən qazılıb istifadəyə verildiyi göstərilir. Bir vaxtlar dünyada ən keyfiyyətli neftin çıxarıldığı ünvan kimi tanınan Balaxanı qəsəbəsi bu gün Bakının turizm mərkəzinə çevrilib. Mən və digər peşəkar rəssam dostlarım "Azfresco" rəssamlar qrupu olaraq Balaxanı qəsəbəsindəki yenidən qurma işlərində yaxından iştirak etdik. Qrupumuzun təsisçiləri Tahir Ələkbərov, Adil Yusif və Emin Ələkbərov başda olmaqla öz rəsmlərimizdə qəsəbənin tarixini, milli koloritini, aurasını qoruyub saxlayaraq ortaya maraqlı əsərlər qoyduq. Yenidən bərpa olunan evlərin divarlarında rəsm əsərləri yaratdıq.

Qəsəbəyə gələn Prezident İlham Əliyev və birinci xanım Mehriban Əliyeva divarlardakı əl işlərimizin qarşısında fotolar çəkdirərək, əsərlərimizlə bağlı yüksək və müsbət təəssüratlarını bölüşdülər.

Bu gün qəsəbəyə səhayət edən yerli və xarici turislər rəsmlərimizə baxıb zövq alırlar. Düşünürəm ki, bu rəsmlər illər sonra gələcək nəsillərə ötürdüyümüz informasiyadır...”.

Əli Zülfüqaroğlu


Polad Həşimovla bağlı film çəkildiAzərbaycanın Milli Qəhrəmanı, general-mayor Polad Həşimovla bağlı film çəkilib.

“Azərbaycanfilm” kinostudiyasından verilən məlumata görə, “Poladın izi ilə”adlı ekran əsəri Salnaməfilm” studiyasında istehsal olunub.

2020-ci il iyulun 14-də Tovuz istiqamətində baş verən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən qəhrəmancasına şəhid olmuş general-mayor Polad Həşimov haqqında çəkilmiş filmin rejissoru və ssenari müəllifi Zamin Məmmədov, görüntü rejissoru Fahir İmanquliyev, məsləhətçisi Vüqar Əsgərov, montaj edəni Sabir Əskərzadə, səs rejissoru Mehman Nadirov, prodüseri Nazim Hüseynovdur. Çəkilişlər Bakıda və Qəbələdə aparılıb.

“Poladın izi ilə” sənədli filminin təqdimat mərasimi 4 may 2022-ci il tarixində, saat 19:00-da Nizami Kino Mərkəzində olacaq. Mərasimdə Şəhid generalın ailə üzvləri, döyüş yoldaşları, dostları iştirak edəcəklər.

“Salnaməfilm” studiyasının istehsalı olan digər film isə Fransa Müqavimət Hərəkatının üzvü olan həmyerlimiz Əhmədiyyə Cəbrayılova həsr olunub. “O, Xarqo idi” adlı sənədli filmin ssenari müəllifi və rejissoru Tahir Tahiroviç, ideya müəllifi Şahin Sinaria, görüntü rejissoru Rafiq Əliyev, prodüseri Nazim Hüseynovdur.

Filmdə qəhrəmanın obrazını İqbal Əliyev canlandırıb.

Zəngin arxiv materiallarından istifadə olunmuş filmin çəkilişləri Bakı, Şəki, Xaçmaz, Paris və Montobanda aparılıb.

“O, Xarqo idi” filminin nümayişi 6 may 2022-ci il tarixində saat 19:00-da Nizami Kino Mərkəzində baş tutacaq.
Aqşin Fatehlə şəriki arasında dava: bir qız xəsarət aldıTanınmış meyxanaçı Aqşin Fatehlə şəriki arasında dava düşüb, xəsarət alan var.

Avrasiya.net Bakupost.az-a istinadən xəbər verir ki, hadisə A.Fatehin işlətdiyi “ByFateh1” restoranında baş verib.

Hadisəyə səbəb A.Fatehlə şəriki Füzuli Alıyev arasında baş verən narazılıq olub.

Məlumata görə, A.Fatehlə F. Alıyev 8 ay əvvəl şərik restoran açıblar, amma bir neçə ay sonra şəriklər arasında problemlər yaranıb.

Aprelin əvvəlindən F.Alıyev A.Fatehi restorana buraxdırmayıb və onlar arasında mübahisə yaranıb, şəriklik müqaviləsinə xitam verilib.

Aprelin 17-də isə A.Fateh bir neçə nəfərlə restoranda olan əşyalarını, özünə məxsus bəzi texnikalarını götürmək üçün oraya gedib.

Bu vaxt tərəflər arasında dava düşüb. Restoranı işlədənlər “102” xidmətinə və Binəqədi rayon Polis İdarəsinin 6-cı Polis Bölməsinə şikayət ediblər.

Onlar iddia ediblər ki, A.Fateh kriminal qruplaşmanın bir neçə üzvü ilə restorana hücum çəkib, əllərində bıçaqla onları hədələyiblər, zor tətbiq ediblər. Bu zaman restoranda gül satan qız isə zədələnib.

Qarşı tərəf bunun böhtan olduğunu, onlara məxsus əşyaları mənimsəmək üçün və qisas məqsədi ilə belə bir şikayət verildiyini bildirib.

Məsələ ilə bağlı 6-cı Polis Bölməsi şikayətçilərin iddialarının əsassız olmasını, heç bir sübut olmadığını əsas gətirərək şikayəti rədd edib.

Lakin şikayətçilər Binəqədi Polis İdarəsinə və Baş Mütəşəkkil Cinayətkarlıqla Mübarizə İdarəsinə (BMCMİ) şikayət ediblər.

Bundan sonra Binəqədi Polis İdarəsində xuliqanlıq maddəsi ilə cinayət işi açılıb.
Milli dəyərlərin innovativ-kreativ təbliği25 aprel 2022-ci il tarixdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə "Zəka İşığında" Milli Dəyərlərin Təbliğinə Yardım İctimai Birliyi tərəfindən 1 fevral 2022-ci iltarixindən etibarən 3 ay müddətində həyata keçirilən “Milli dəyərlərin innovativ-kreativ təbliği: Azərbaycanlıları birləşdirən mental sərvətlərimizin qorunması” layihəsi çərçivəsində nəşr olunan “Dəyərlərimizin kreativ tanıtımı” elmi-kütləvi kitabının, eyni zamanda, mövzu ilə əlaqədar genişləndirilən www.zekaishiginda.az saytının Təqdimat Mərasimi, eləcə də İctimai Dinləmə–Dəyirmi Masa təşkil olundu.

Aktual layihə Azərbaycan milli-estetik dəyərlərin, mental qayda-qanunların, mədəniyyətin, yaşam dünyagörüşlərinin inkişafı, zənginləşməsi, daha da inkişafı, populyarlaşdırılması, dünyanın 55 milyonluq soydaşımızı birləşdirən mental sərvətimiz olaraq müxtəlif formalarda - innovativ-kreativ təbliğinə həsr olunub.

Layihə ilə bağlı "Zəka İşığında" Milli Dəyərlərin Təbliğinə Yardım İctimai Birliyinin sədri, layihə rəhbəri, araşdırmaçı-jurnalist, Prezident təqaüdçüsü Cəmilə Çiçək İsbəndiyarova geniş açıqlama verərərək bildirdi ki, layihə fəaliyyətləri zamanı çalışıblar ki, milli-mənəvi dəyərlərimizdən son illərin Covit-19 koronovirus qadağaları, post-müharibə dövrünün sosial-psixoloji gərginliyi azaltmaq baxımından ictimai-kreativ texnologiya olaraq yararlanaraq gənclərimiz dəstəklənsin. Mental sərvətlər - qeyri-maddi və maddi mədəniyyət abidələrinin, ədəbiyyat və musiqi əsərlərinin, milli günlərinin, xalq bayramlarının, ümumməişət və dini mərasimlərin sosiallaşma, yardımlaşma, insanları birləşdirmə mənasında əhəmiyyəti həddindən artıq böyükdür.

Bu baxımdan son illərdə a-sosiallaşan insanlarımızı milli dəyər kontektləri - mental sərvətlər ətrafında birləşməsinə böyük ehtiyac duyulur. Harada yaşamasından aslı olmayaraq, yad mədəniyyətlərin basqısından, liberal dəyərlərin mənfi təsirindən qorumaq, azərbaycançılıq məfkürəsi ətrafında birləşməsi üçün milli dəyərlərin modernləşdirilməsinə, yeni formatlarda təbliğinə daha böyük ehtiyac duyulur. Layihə milli dəyərlərə modern yanaşmaları dəstəkləyir, eyni zamanda keçmişə qayıdışların gələcəyimizin inkişafına təsirlərini ortaya qoymağa yönəlib. Bu baxımdan ictimai-mədəni debatlara, polemikalara, araşdırmalara ehtiyac var.
C.İsbəndiyarova bunu da qeyd etdi ki, milli dəyər kəsb edən bir çox mədəni-tarixi, estetik sərvətlərimizin İnternet – sosial şəbəkələrdə, elektron və virtual KİV-də, xüsusən də yeni nəsilin gənc nümayəndələri arasında tanıdılmasına böyük ehtiyac duyulur. Bizi birləşdirən milli-mənəvi dəyərlərlə bağlı bilgilərin yayılması, məlumatların zənginləşdirilməsi, elektron resurslarından daha geniş istifadə yeni nəsilin estetik-mənəvi inkişafına təsir göstərir ki, bu da gənclərin maraqlandırmaq üçün yeni yanaşmalar, fərqli - kreativ formalar tələb edir.

Sadalanan problemlər ətrafında ənənəvi milli dəyərlərimiz ilə müasir dünyanın çağdaş trendlərinin sintezi ətrafında real və virtual formalarda psixoloji-mənəvi, elmi-mədəni araşrırmalar, ictimai-mədəni dinləmə və müzakirə aparılmasını tələb edir.

Bu istiqamətdə müxtəlif formatlı materialların hazırlanması, elmi-mədəni toplunun nəşri, İnternetdə - sosial şəbəkələrdə materialların yayılması və yuxarıda göstərilən kimi, geniş ictimaiyyətə çatdırılması vacibdir.
Bu istiqamətdə müxtəlif formatda neo-maarifləndirici tədbirlərin təşkili etməklə, layihə fəaliyyətlərinin əsas mahiyyətini müsair insanllara çatdırmaq, yeniyetmə və gənclərimizi əhatələyən a-soiallıqlarla, ictimai-psixoloji gərginliklərlə mübarizədə milli dəyərlərə qayıdaraq, vacib olarsa, onlardan yararlanmaq, humanist dəyərlərimizin insansevərliyini təbliğ etmək aktual məsələ olaraq cəmiyyətimizin qarşısında durur. Azərbaycan insanı olaraq bizi birləşdirən amillərin inkişafı vasitəsilə daha çox soydaşımızı əhatələmək, cəmiyyətin səviyyəsini yüksəldən modern təbliğat formalarına üstünlük verməklə milli-mənəvi dəyərlərimizin inkişafına nail ola bilərik.

Layihənin məqsədi sadalanan istiqamətlərdə müxtəlif formatlı neo-maarifləndirici tədbirlərin təşkil etməklə ictimai-tarixi əhəmiyyətli estetik texnologiyaların - milli-mənəvi dəyər kəsb edən hadisələrin, günlərin, bayramların əhəmiyyətini qabartmaq, bu istiqamətdə yaradıcı insanların, alimlərin, pedaqoqların qələmə aldığı məqalələr, esselər, araşdırmalardan ibarət toplunun nəşri, kağız və elektron formada kitab çapı, yayımı, həmçinin, onlayn TV 1 verilişin çəkilişi və yayımı, İnternetdə, mətbuatda, saytlarda, sosial şəbəkələrdə, yeni mediada, yazılı və elektron KİV-də təbliğatların gücləndirilməsi, tanıtım tədbirləri reallaşdırmaqdır. Əsas vəzifə milli-mənəvi dəyərlərimizin XXI əsrin yorulmuş, gərginlik içində yaşayan, müharibə və pandemiya təsirindən sarsıntılar keçirən insanlarımıza mənəvi-psixoloji dəstək durmaq, gənc nəslin intellektual-kreativ inkişafını sürətləndirmək, Qarabağın yenidən qurulması yöndə dövlət proqramlarına dəstək vermək, inkişaf etmiş cəmiyyətlərdəki sürətli dirçəlişə bizim insanları motivasiya etmək üçün fəaliyyətləri təbliğ etməkdir.

Müxtəlif formatlı təbliğat tədbirlərinin reallaşdırmaqla ictimai-tarixi əhəmiyyət təşkil edən estetik texnologiyaların - milli-mənəvi dəyər kəsb edən hadisələrin, günlərin, bayramların əhəmiyyətini qabartmaqla, yeni İKT alətlərindən yararlanmaqla, innovativ-kreativ təbliğat kampaniyası üçün aşağıdakı fəaliyyət növləri - işlər həyata keçirilib.

Bu istiqamətdə tədqiqatçıların, yaradıcı insanların, alimlərin, pedaqoqların qələmə aldığı məqalələr, esselər, araşdırmalardan ibarət toplunun nəşrə hazırlanıb. Milli dəyərlərə dair araşdırma yazılarından ibarət kağız və elektron formada kitab çap edilib və elektron formada yayımlanır. Mövzu ilə bağlı İnternetdə onlayn TV veriliş çəkilib və gənclər üçün azad yayımlanır. Sosial şəbəkələr və Feysbukda davamlı olaraq müxtəlif formatlı materiallar yerləşdirilir. Xüsusiləşdirilmiş saytda bu mövzuya dair materiallardan ibarət ayrıca bölüm yenilənib və ardıcıl zənginləşdirilir. İnternetdə, mətbuatda, saytlarda, sosial şəbəkələrdə, yeni mediada, yazılı və elektron KİV-də təbliğatlar, tanıtım aksiyaları aparılır. Layihənin nəticələrinin geniş ictimaiyyətə çatdırmaq üçün təqdimat-müzakirə keçirildi.

Layihə fəaliyyətləri 3 ay boyunca, Azərbaycanı - Bakı, Abşeron, İnternet üzərində soydaşlarımız yaşayan ölkələri, Rusiya, Türkiyə, İran, Gürcüstan, Türksoylu dövlətləri əhatələyib.

Görülən işlərin icrası, real nəticələri haqqında mütəmadi olaraq mətbuat və elektron KİV vasitəsilə məlumatlar geniş ictimaiyyətə çatdırılıb. Bu mövzu ilə əlaqədar verilişlərin hazırlanması üçün müxtəlif telekanallara müraciət edilib. Layihənin davamlılığının təmin olunması üçün milli dəyərlərlə bağlı silsilə tədbirləri həyata keçirmək fikrindəyik. Layihənin icrası, alınan nəticələrin ictimailəşməsi sözügedən sahəyə ictimai diqqətin daha da artmasına təkan verəcək və cəmiyyətdə yeni-yeni ideyaların ortaya çıxmasını stimullaşdıracaq.

Cəmilə xanım bildirdi ki, yeri gəlmişkən, onu da qeyd etmək istəyirəm ki, QHT-nin saytından layihə haqqında lazım bilinən informasiyaları almaq mümkündür.
Mütəxəssislər, QHT nümayəndələri, alimlər və dövlət orqanları nümayəndələrinin iştirakı ilə bütövlükdə layihənin nəticələri ilə bağlı ictimai dinləmə və dəyirmi masa yüksək səviyyədə təşkil olunmuşdu, Tədbirdə Respublikanın Əməkdar jurnalisti İntiqam Mehdizadə, Fəxrəddin Meydanlı, QHT nümayəndələri Faiq İsmayılıov, Əkrəm Bəydəmirli, Şair-publisist Rövşən Hüseynli, AMEA Nizami Gəncəvi adına Ədəbiyyat İnstitutun əməkdaşı, filologiya üzrə fəlsəfə doktoru Aslan Salmansoy, Professor Mənsur Cəfərov, YAP Binəqədi RN Ərazi İlk Partiya Təşkilatının sədri və birliyin üzvü, şair-publisist Adil Həmid layihə ilə bağlı maraqlı çıxışlar etdilər.

Cəmilə Çiçək tədbirin sonunda bir daha Prezident İlham Əliyev cənablarına, Birinci vitse-prezident Mehriban xanım Əliyevaya, Azərbaycan Respublikasının QHT-lərə Dövlət Dəstəyi Agentliyinin rəhbərliyinə, layihəyə, eyni zamanda “Dəyərlərimizin kreativ tanıtımı” elmi-kütləvi kitabın nəşrinə və genişləndirilən www.zekaishiginda.az saytının fəaliyyətinə verdikləri dəstəyə görə minnətdarlığını bildirirdi.
Biz də öz növbəmizdə Cəmilə xanıma tutduğu bu şərəfli yolda yalnız uğurlar arzulayırıq.


Teyyubə NUR
Araşdırmaçı-jurnalist
Avroviziyada Azərbaycanın səhnə tərtibatını danimarkalı rejissor həyata keçirəcəkBu il Avroviziya mahnı müsabiqəsində Azərbaycanın çıxışı üzərində işləyəcək quruluşçu rejissorun adı açıqlanıb. İctimai Televiziya və Radio Yayımları Şirkətindən verilən məlumata görə, bu, yüksək keyfiyyətli, baxımlı və yadda qalan performansları ilə Avropada və dünyada məhşur olan Danimarkalı Mads Enqqaarddır.

Mads Enqqaard Avroviziya aləmində istedadlı, kreativ və hər zaman yeni ideyaları ilə seçilən səhnə mütəxəssisi kimi tanınır. O, 2004-cü ildən bəri Avroviziya müsabiqəsində iştirak edən ölkələrin nümayəndə heyətləri ilə əməkdaşlıq edir. Danimarkanın 2004, 2010, 2018, 2019-cu illərdəki Avroviziya səhnə performansları ona məxsusdur.

Azərbaycan təmsilçilsi ilə Mads artıq 3-cü dəfədir əməkdaşlıq edəcək: Çingiz Mustafayevin “Truth”, Samirə Əfəndinin “Cleopatra” və “Mata Hari” mahnılarının izləyicilər tərəfindən böyük maraq və sevgilə qarşılanmış səhnələrinə məhz Mads Enqqaard rejissorluq edib.

Avroviziyadan əlavə o, X-Factor və Danish Melody Grand Prix kimi möhtəşəm şoularda da quruluşçu rejissor kimi çalışır.

Azərbaycanı təmsil edəcək Nadir Rüstəmli Madriddə keçirilmiş Pre-Party-dən dərhal sonra qurluşçu rejissor ilə səhnə hazırlıqlarına başlayıb.

Qeyd edək ki, İtaliyanın Turin şəhərində keçiriləcək və şüarı "The sound of beauty" ("Gözəlliyin səsi") olan "Avroviziya-2022" mahnı müsabiqəsinin yarımfinal mərhələləri may ayının 10 və 12-də, final mərhələsi isə mayın 14-də "PalaOlimpico"da baş tutacaq.

Azərbaycanı bu müsabiqədə təmsil edəcək Nadir Rüstəmli "Fade To Black" mahnısı ilə çıxış
“Mən narkomaniyanı belə görürəm” - Siyəzəndə sərgi təşkil olunubAprelin 20-də Gənclər Mərkəzində Siyəzən Rayon Gənclər və İdman İdarəsi və Təhsil Şöbəsinin birgə təşkilatçılığı ilə “Mən narkomaniyanı belə görürəm” adlı gənc rəssamların əl işlərindən ibarət sərgi təşkil olunub.

Sərgidə rayonun 16 ümumtəhsil məktəbindən 60-a yaxın şagirdin rəsm əsərləri nümayiş etdirilib. Sərgi “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın müvafiq bəndlərinin icrasının təmin olunması, narkomaniyanın fəsadlarının gənc nəslin diqqətinə çatdırılması, bununla bağlı yaradıcı yanaşmanın təşviq edilməsi, bu istiqamətdə maarifləndirmə işlərinin aparılması, yeniyetmə və gənclərin yaradıcılıq qabiliyyətlərinin inkişaf etdirilməsi, habelə istedadlı və bacarıqlı yeniyetmə və gənclərin aşkara çıxarılması məqsədi daşıyıb.

Tədbirdə Gənclər və İdman İdarəsinin rəisi Nadir Məmmədov, Təhsil Şöbəsinin müdiri Pərvin Ağasıyev, Siyəzən Rayon İcra Hakimiyyətinin məsul işçisi Günel Ağayeva, Siyəzən Rayon Polis Şöbəsinin Yetkinlik Yaşına Çatmayanlarla Profilaktik İşin Təşkili Qrupunun baş inspektoru Fərahim Qasımov çıxış ediblər. Çıxışlarda bildirilib ki, bu gün narkotik vasitələrin istifadəsi və dövriyyəsi cəmiyyəti narahat edən əsas problemlərdən biridir. Bütün dünyada olduğu kimi, ölkəmizdə də bu dövriyyəni həyata keçirən mütəşəkkil qruplara qarşı hər gün mübarizə aparılır. Bu istiqamətdə zəruri maarifləndirmə işlərinin həyata keçirilməsində hüquq mühafizə və digər qurumlarla yanaşı, yaradıcı insanların da üzərinə böyük məsuliyyət düşür. Çıxışlardan sonra sərgidə toplanan əl işlərinə iştirakçılar tərəfindən baxış keçirilib.

Sonda sərgidə əl işləri fərqlənən şagirdlər fəxri fərmanlarla təltif ediliblər.






#NarkotikələrəYoxDe #narkomaniya #AğÖlüm #sərgi #SiyəzənGİİ #AZEyouth #AZEgənc #Gənclərİdman
İradə Əlilinin yeni uğuruNərimanov Rayon Mərkəzləşdirilmiş Kitabxana Sisteminin Mərkəzi Kitabxanasında “Peşəyönümlü Təhsilin İnkişafına Dəstək” İctimai Birliyinin sədri, Azərbaycan Yazıçılar Birliyinin üzvü, Prezident təqaüdçüsü İradə Əlilinin ( Əliyeva) müəllifi olduğu “Zəfər yolu”, “Bir damla göz yaşında torpaq həsrəti”, “Laçın həsrətim” və “Xocalı Şahidlər danışır” adlı kitablarının təqdimat mərasimi baş tutub.

Təqdimat mərasimini giriş sözü ilə açan Nərimanov rayon MKS-nin direktoru Vəfa Quliyeva qonaqları salamlayaraq onların hər birinə iştirak üçün öz təşəkkürünü bildirib.

Daha sonra çıxış edən tədbirin aparıcısı və kitabxananın əməkdaşı Ülkər Zeynalova şairənin yaradıcılığı və təqdim olunan kitablar haqqında ətraflı məlumat verdi

Təqdimatda çıxış edən “Zəfər yolu” kitabının “Ön söz” müəllifi, Milli Məclisin İctimai birliklər və dini qurumlar, Elm və Təhsil komitələrinin üzvü, ilahiyyat üzrə fəlsəfə doktoru Ceyhun Məmmədov bildirib ki, Müzəffər Ali Baş Komandan İlham Əliyevin rəhbərliyi ilə qəhrəman hərbçilərimiz canları bahasına Vətən torpaqlarını işğaldan azad etdi. Bu amal uğrunda şəhadətə yüksələn qəhrəmanlar hər zaman xalqımızın qəlbində yaşayacaq: “Vətən müharibəsindən sonrakı dövrdə qarşımızda duran mühüm vəzifələrdən biri Qələbəmizi daha da möhkəmləndirmək, eləcə də tarixi Zəfərimizi dünya ictimaiyyətinə çatdırmaqdır. Biz bu gün çalışırıq ki, Azərbaycan həqiqətlərini dünyaya çatdıraraq erməni vəhşiliyini ifşa edək. Bu baxımdan, belə əsərlərin ərsəyə gəlməsi çox önəmlidir. Diqqətçəkən mühüm amil ondan ibarətdir ki, bu kitab təkcə Azərbaycan dilində deyil, həm də ingilis dilindədir. Yəni, bu gün ən mühüm məsələlərdən biri də odur ki, ingilis, fransız, ərəb və digər dillərdə də belə kitablar nəşr olunsun. Hesab edirəm ki, bu, bizim haqq işimizin təbliğinə dünya ictimaiyyətinə çatdırılması növbəti mühüm töhfə olacaq.”

Milli Məclisin Əmək və sosial siyasət komitələrinin üzvü, millət vəkili Vüqar Bayramov qeyd edib ki, bu kitablar Ali Baş Komandan İlham Əliyevin rəhbərliyi ilə rəşadətli Azərbaycan Ordusunun gücü və xalqımızın birliyi sayəsində 44 günlük Vətən müharibəsində qazanılan Qələbəmizdən bəhs edir: “Kitabları oxuyan hər kəs Zəfər tariximizi daha yaxından öyrənəcək, həmçinin onlarda tariximizə, tarixi şəxsiyyətlərimizə, milli-mənəvi dəyərlərimizə və müasir Azərbaycanın inkişaf yoluna diqqət və marağın artırılmasına düzgün yanaşma tərzi formalaşacaq. Bu kitablar gələcək nəslin ölkənin keşməkeşli tarixi keçmişini öyrənməsi, onlarda Vətənə sevgi və vətənpərvərlik tərbiyəsinin möhkəmləndirilməsi istiqamətində böyük rol oynayacaq.”

Çıxış edən İraq Respublikasının Azərbaycandakı səfirliyinin Mədəniyyət şöbəsinin rəisi Hudayfa Ziyad Mahmud tədbirdə iştirakından məmnunluğunu dilə gətirərək, ölkələrimiz arasındakı qardaşlıq münasibətlərindən söz açdı. Vurğuladı ki, Azərbaycan Ordusunun əldə etdiyi tarixi Zəfər dövlət və xalqın mənafeyi baxımından xüsusi əhəmiyyətə malikdir: “Uzun illərdən bəri düşmən tapdağı altında qalmış torpaqların işğaldan azad edilməsi ilk növbədə Azərbaycan xalqının özünə inamını qaytardı, xalqın öz liderinə, onun gücünə etibarını daha da möhkəmləndirdi. Zəfər Günü ilə bağlı yazılan tarixi kitabın ictimaiyyətə təqdim olunması qürurvericidir. Bu kitablar vətənpərvərlik ruhunda yazılmış əsərlərin təcəssümüdür. Belə nəşrlərin olması gələcək üçün də parlaq bir töhfədir. Bu kitabın nəşrə hazırlanmasında əməyi olan hər kəsə təşəkkür edirəm.”

Tədbir zamanı 25 saylı tam orta məktəbin 5 b sinif şagirdi Şəfiqə Kərimli İradə xanımın şeirlərindən səsləndirdi, Milli konservatoriyanın tələbəsi Primov Asim tarda “Alagözlüm” mahnısını ifa etdi və təqdim edilən kitablar haqqında videoçarx nümayiş etdirildi.

Kitabların müəllifi “Peşəyönümlü Təhsilin İnkişafına Dəstək” İctimai Birliyinin sədri, AMEA-nın dissertantı, Azərbaycan Yazıçılar Birliyinin üzvü, Prezident təqaüdçüsü İradə Əlili bildirdi ki, Azərbaycan həqiqətlərinin dünya ictimaiyyətinə çatdırmaq hər birimizin vətəndaşlıq borcudur: “Təbii ki, indi informasiya silahından daha çox istifadə etmək lazımdır. Biz də Azərbaycan vətəndaşı, ziyalı olaraq tarixi gerçəklikləri dünya ictimaiyyətinə tanıtmalı və bu yönümdə zəruri tədbirlər həyata keçirməliyik. Müəllifi olduğum 14 kitabdan 8-i Qarabağla bağlıdır. Fikrimcə, mənim kitablarım az da olsa Azərbaycan həqiqətlərinin dünyaya çatdırılmasına öz töhfəsini verəcək. Kitablarım bir neçə xarici dildə tərcümə olunub. Bu, o deməkdir ki, xarici dövlətlərin vətəndaşları da tariximizin gerçəkliklərini müxtəlif dildə oxuyacaq və biləcəklər.”

Tədbir zamanı 25 saylı tam orta məktəbin 5 b sinif şagirdi Şəfiqə Kərimli İradə xanımın şeirlərindən bir parça səsləndirib, Milli konservatoriyanın tələbəsi Primov Asim tarda “Alagözlüm” mahnısını ifa etdi və təqdim edilən kitablar haqqında videoçarx nümayiş etdirilib.

İ.Əlili tədbirin təşkilinə görə Nərimanov rayon MKS-nin rəhbərliyinə öz minnətdarlığını bildirib və kitabların çapında əməyi keçən hər bir şəxsə təşəkkürünü çatdırıb.

“Laçın Həsrətim” kitabının həmmüəllifi yazıçı Sevinc İbrahimova qeyd edib ki, İradə xanım Qarabağa və qarabağlılara xüsusi dəyər verir. Heç bir maddi-mənəvi dəstək olmadan Qarabağ həqiqətlərindən bəhs edən kitabları öz hesabına kitab nəşr etdirib: “Bütün qarabağlılar, xüsusilə də laçınlılar adından İradə xanıma dərin minnətdarlığımı bildirirəm. İnşallah ki, bundan sonra yazılan bütün kitablarımız Zəfər soraqlı olar. Allah şəhidlərimizə rəhmət eləsin, qazilərimizə cansağlığı versin.”

“Zəfər Yolu” kitabının həmmüəllifi, “Baku News” internet televiziyasının aparıcısı, jurnalist Vüqar Şahinoğlu bildirib ki, kitabın yazılmasında məqsəd 44 günlük Vətən müharibəsindəki qalibiyyətimizi müxtəlif dillərdə bütün dünyaya çatdırmaqdır. Bu kitab Azərbaycan və ingilis dillərinə tərcümə olunub. Türkiyə türkcəsi üzərində tərcümə işləri artıq yekunlaşmaq üzrədir. Gələcəkdə kitabın daha bir neçə xarici dillərə tərcümə edilməsi nəzərdə tutulur.

V.Şahinoğlu diqqətə çatdırıb ki, bu kitabda əsasən cənab Prezident İlham Əliyevin İkinci Qarabağ savaşına qədər və postmüharibə dövründə etdiyi çıxışlar və xalqa müraciətləri öz əksini tapmışdır. Eyni zamanda, Qarabağdan olan ictimaiyyət, media nümayəndələrinin və digər peşə sahiblərinin Qələbə ruhunda yazılmış fikirləri də öz əksini tapıb.

Həmçinin mərasimdə Avropa Azərbaycanlıları Konqresinin baş katibi Arzu Oqtay, Almaniya-Azərbaycan Dostluq Cəmiyyətinin sədri Naibə Hacıyeva, İsveç Krallığında yaşayan Azərbaycan diasporunun tanınmış təmsilçisi və lobbiçisi, Stokholm Bələdiyyəsinin dövlət qulluqçusu Leyla Kiani , Kiyev Azərbaycanlıları Konqresinin Gənclər sektorunun əməkdaşı Möminə Xatun Səttərova, "Vəfa" sosial problemlərin həllinə dəstək İctimai Birliyinin sədri Fatimə Hacıyeva, Həcər Abbasqızı, Könül Məmmədzadə çıxış edərək kitabların mövzu baxımından böyük əhəmiyyət daşıdığını vurğulayıblar.