Türkiyənin məşhur sənət adamları gənclərimizlə təcrübələrini bölüşüblərBir neçə ay əvvəl, yəni 17 Aprel 2021-ci il tarixdə Mədəniyyətin Təbliği və Sosial Təşəbbüslər İctimai Birliyi ilə (MTST) Türkiyənin Eslem Film Yapım Şirkəti arasında qardaş Türkiyənin sənət adamlarının təcrübəsindən bəhrələnmək və yeni istedadlı gənclərin YETİŞDİRİLƏRƏK ÜZƏ ÇIXARILMASI məqsədilə “Sənət Akademiyası”- adlı TƏHSİL MƏRKƏZİ təsis edilmişdi.

Akademiyanın fəaliyyət istiqaməti mədəniyyətin bütün sahələrini əhatə etməyi hədəfləsə də ilk addım aktyorluq dərslərindən başladı.

Artıq bir neçə aydır ki, qardaş Türkiyədən dəvət edilən məşhur sənət adamları azərbaycanlı gənclərlə öz səhnə təcrübələrini bölüşürlər. Akademiyada aktyorluq dərsləri keçən tələbələr bu şansdan maksimum faydalanmağa çalışırlar.

Əslində akademiyanın fəaliyyəti təkcə tədrislə kifayətlənmir, eyni zamanda film və serial istehsalı ilə bağlı da planlamalar hazırlayır.
Yəni bir yandan akademiyada tanınmış türk ulduzlar həm aktyorluq dərsləri keçirlər digər yandan da film istehsalı ilə bağlı ciddi çalışmalar aparılır.

Məhz buna görə də qısa zaman içərisində Türkiyənin Eslem Film Yapım şirkətinin rəhbəri Erhan Ufak, şirkətin Baş Koordinatoru Yalçın Çoban, rejissor İbrahim Bülbül və əsas texniki heyət gecikmədən Bakıda çəkilişlərə başladılar.

Görülən işlər barədə yerli mediaya “Sənət Akademiyası”nın direktoru Səbuhi Zaman və Eslem Film Yapım şirkətinin rəhbəri Erhan Ufak dəvət aldıqları televiziya proqramlarında və digər online media orqanlarında ətraflı açıqlamalar da vermişdilər.

Bu başlangıcla da Azərbaycan kino sahəsinə yeni nəfəs gətirilmiş oldu. Eslem Film Yapım Şirkətinin ilk layihəsi olan və artıq çəkilişləri bitmiş olan “NİSAN” adlı film artıq hər kəsin marağına səbəb olub. 
İstehsalçısı və təşəbbüskarı Yalçın Çoban, rejissorluğu isə İbrahim Bülbülə aid olan bu möhtəşəm layihədə hər iki qardaş ölkədən tanınmış isimləri görmək mümkündür.

Türkiyənin dünyaca məşhur Kurtlar Vadisi serialından tanıdığımız Erhan Ufakın (Erhan Güllü) baş rol aldığı bu film layihəsində, Güllü Ərhanı tamam fərqli bir xarakterdə görəcəkləri üçün onu sevən heyran kütləsi artıq günləri saymağa başlayıb. Filmin digər baş rol oyuncusu isə əslən Makedoniyadan olan Almaniya vətəndaşı Canan Nəzirovadır.

Çəkilişlər bitdikdən sonra Almaniyaya qayıdan Canan Nəzirovanın filmin təqdimat gecəsində yenidən Azərbaycana gələcəyi deyilir. 
Xatırladaq ki, “Nisan” adlanan filmdə Azərbaycandan da tanınmış isimlər rol alıblar.

Erhan Ufak
Canan Nezirova
Rəşad Kəsəmənli,
Murad Abdullayev,
Sebuhi Zaman,
Şahin İmaməliyev,
Elmira Qocayeva
Vurğun Həsənov,
Novruz Cəfərov,
Tural Sadiqov

Sənət Akademiyasında hal-hazırda təhsil alan tələbələr də iştirak ediblər.

Qeyd:
Azərbaycandakı fəaliyyətini hər kəsin yaxından izlədiyi Türk şirkətinin “NİSAN” adlı filmi üçün çox yaxın tarixlərdə möhtəşəm təqdimat gecəsi planlaşdırılır. Bu barədə ətraflı açıqlamalar avqust ayının 6-da təşkil ediləcək mətbuat konfransında veriləcək.?????
Flora Kərimova Prezidentə hərbi salam verdi - “Sizi sevirəm”Xalq artisti Flora Kərimova Azərbaycan Prezidenti İlham Əliyev tərəfindən “Şərəf” ordeni ilə təltif edilməsi ilə bağlı açıqlama verib.

Avrasiya.net xəbər verir ki, ARB-də yayımlanan “Elgizlə izlə” verilişinin qonağı olan ifaçı ölkə başçısına təşəkkür edib.

Ali Baş Komandana hərbi salam verərək çıxışına başlayan Flora Kərimova bildirib ki, dövlət başçısı bu diqqəti onun əsgərinə verib:

“Dövlət başçımız millətimi, xalqımı sevindirdi. Ali Baş Komandan bu diqqəti onun əsgərinə verdi. Adətən məni sənətkar kimi tərifləyəndə, deyirəm, sənətkarı tərifləməzlər. O istedadı Allah verir. Ancaq istedada qiymət verməyə ürək lazımdır. Biz naxışlı millətik. Naxışlı millətik ki, bizim siz varsınız. Mən düşünürdüm ki, bu dünyadan Şuşanı görmədən gedəcəm. Siz mənə arxayınlıq bağışladınız. Bu gün anamın ruhunu təbrik etdim. Məni anamın yanında xəcalətli qoymadınız. Ancaq valideyn itirən övlad bilər mənim yanğımı. Birinci sözüm o oldu ki, ana, bağışla, bu günə qədər olan sevinclərimi sənsiz yaşayıram. İndi hamınızın qarşısında deyirəm: Analar, bağışlayın ki, bu torpaq sizi övladsız qoydu, torpağı sizə ərmağan elədi. Çünki ən böyük oğlunuz, ağlı, savadı, iradəsi ilə bu millətin qarşısında gedirdi. Mən sizi sevirəm, oğul! Çox fəxr edirəm ki, mənim, xalqımın sizin kimi oğlu var!”

Qeyd edək ki, dövlət başçısının digər sərəncamı ilə Azərbaycan musiqi sənətinin inkişafında uzunmüddətli səmərəli fəaliyyətinə görə Flora Kərimovaya Prezidentin fərdi təqaüdü də verilib.
Flora Kərimovaya Prezidentin fərdi təqaüdü veriləcəkPrezident İlham Əliyev Flora Kərimovaya Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

Avrasiya.net-in xəbərinə görə, sərəncamla Azərbaycan musiqi sənətinin inkişafında uzunmüddətli səmərəli fəaliyyətinə görə Flora Ələkbər qızı Kərimovaya Azərbaycan Respublikası Prezidentinin fərdi təqaüdü veriləcək.
Hindistanın zəngin mədəni irsi Qobustana gələn qonaqlara təqdim ediləcəkHindistanın müstəqilliyinin 75 illiyinin qeyd olunması münasibətilə təşkil olunan tədbirlərin tərkib hissəsi olaraq Hindistanın Bakıdakı Səfirliyi Qobustan Milli Tarixi-Bədii Qoruğu ilə birlikdə Hindistan abidələri və irs məkanlarını Qobustanda nümayiş etdirəcək Hindistan Qalareyasının açılışı münasibətilə tədbir təşkil edib. Sərgi Hindistanın müstəqilliyinin 75-ci illiyinin qeyd olunması tədbirləri silsiləsinə daxildir.

Tədbirdə çıxış edən Hindistan Səfiri B. Vanlalvavna, Azərbaycanın ən ikonik tarixi məkanlarından biri olan Qobustanın Hindistanın ən məşhur tarixi abidə və məkanlarının bəzilərinin nümayiş olunduğu 16 şəkil plakatından ibarət sərgi üçün çox uyğun bir məkan olduğunu bildirib. Səfir, sərginin məşhur Tac Mahal, Qırmızı Qala və Cənubi Hindistanın məbədləri və s. kimi məkanları əhatə etdiyini və Qobustan kimi bu abidələr və məkanların Hindistanın UNESCO Ümumdünya İrs Siyahısına daxil edilmiş 40 məkanı sırasında olduğundan sərginin Qobustanda keçirilməsinin bu məkanlara yaraşan təqdir göstəricisi olduğunu vurğulayıb. Səfir həmçinin, sərginin Hindistanın zəngin mədəni irsini Qobustana gələn qonaqlara təqdim edəcəyini və ölkələrimiz arasında mövcud olan ortaq zəngin mədəni irsimiz arasında bağlantı rolunu oynayacağını bildirib.

Səfir həmçinin Hindistanın 75 illiyi münasibətilə təşkil olunan tədbirlər haqqında danışaraq Hindistanın 15 avqust, 2022-ci ildə müstəqil ölkə kimi 75 ilini tamamlayacağını və Hindistan höküməti və xalqının bu ilin mart ayından etibarən bu önəmli tarixi hadisənin qeyd olunması münasibətilə 2023-cü ilin avqust ayına qədər daha iki il müddətində davam edəcək tədbirlər silsiləsi başlatdığını qeyd edib. O bildirdi ki, Azadi ka Amrut Mahotsav təşəbbüsü çərçivəsində həyata keçirilən tədbirlərin mütərəqqi Hindistanın 75 ilinin, Hindistan xalqının şanlı tarixinin və mədəniyyətinin və dünyanın ən böyük demokratiyası kimi mövcudluğunun təntənəli şəkildə anılması bayramıdır.

Səfir, illər ərzində Hindistanın dünyanın 5-ci ən böyük iqtisadiyyatına çevrildiyini və qlobal iqtisadiyyatın stabilliyinə və inkişafına əhəmiyyətli şəkildə töhfə verdiyini diqqətə çatdırıb və bildirib ki, Hindistanın kənd təsərrüfatı sektorunda əldə etdiyi əhəmiyyətli inkişaf və əczaçılıq və informasiya texnologiyaları sektoru da daxil olmaqla elm və texnologiyada irəliləyişi Azərbaycan da daxil olmaqla dünyanın müxtəlif hissələrində tanınır. O, Hindistanın dünya ölkələrində sayı 30 milyondan çox dolan diaspora nümayəndələrinin bir çox sahələrdə uğurlar əldə etməsini və yaşadıqları cəmiyyətə müsbət töhfələr verməsini mədh edib. Səfir, Hindistanın 75-ci ildönümü məqsədilə planlaşdırılan müxtəlif tədbirlərin təbliğinə media nümayəndələrini qoşulmağa dəvət edib.


Azərbaycanın xalq artisti Səməd Səmədov vəfat edib.

Azərbaycanın estradasına itki üz verib.

Avrasiya.net xəbər verir ki, bu barədə sosial şəbəkədə məlumat yayılıb.

Bildirlir ki, Xalq artisti Səməd Səmədov koronavirusdan dünyasını dəyişib.

Allah rəhmət eləsin!
Xalq artistinin oğlu xərçəngə tutulduMərhum xalq artisti Eldəniz Zeynalovun oğlu Məmməd Zeynalov böyrək çatışmazlığından və ağciyər xərçəngindən əziyyət çəkir.

Kult.az xəbər verir ki, M.Zeynalov 6 ildir dializə getdiyini açıqlayıb.

“İki böyrəyim də işləmir. Əgər bir böyrək köçürülsə, bəs edəcək. Yeni müayinələrdə isə ağciyər xərçəngi olduğum ortaya çıxdı. İndi bacım və həyat yoldaşım mənə baxır. Onlardan başqa heç kimim yoxdur. Xərçəngə görə müayinədən keçməliyəm. Həmin aparata düşmək isə 1000 manatdır", - M.Zeynalov bildirib.

O, maddi sıxıntı yaşadığını, yardıma ehtiyacı olduğunu vurğulayıb.

“Nizami Gəncəvi ili”nə həsr olunan onlayn rəsm müsabiqəsinə yekun vurulub“Nizami Gəncəvi ili”nə həsr olunmuş “Nizami Gəncəvi yaradıcılığı gənc rəssamların gözü ilə” mövzusunda yeniyetmə və gənclər arasında onlayn rəsm müsabiqəsinə yekun vurulub.

Siyəzən Rayon Gənclər və İdman İdarəsi və Təhsil Şöbəsinin birgə təşkilatçılığı ilə 7-18 iyul tarixlərində keçirilən müsabiqəyə iştirakçılar tərəfindən 28 rəsm əsəri təqdim olunub.

Müsabiqənin keçirilməsində əsas məqsəd Prezident İlham Əliyevin “Azərbaycan Respublikasında 2021-ci ilin “Nizami Gəncəvi İli” elan edilməsi haqqında” Sərəncamından irəli gələn vəzifələrin icrasının təmin edilməsi, dahi Azərbaycan şairi və mütəfəkkiri Nizami Gəncəvinin 880 illik yubileyinin qeyd olunması və onun zəngin ədəbi-bədii irsinin gənc nəsil arasında təbliği, yeniyetmə və gənclərin yaradıcılıq qabiliyyətlərinin inkişaf etdirilməsi üçün şəraitin yaradılması, eləcə də gənc istedadların üzə çıxarılmasıdır.

Müsabiqənin nəticəsinə əsasən portret janrı üzrə Əsədova Səbinə I, Abasəliyeva Şadxanım II, Xankişiyeva Lalə və Əsgərov Ömər III yerə layiq görülüblər. Dahi şairin əsərlərinə çəkilən rəsmlər üzrə Mirzəyeva İnci I, Əliyeva Fatimə II, Əliyev Turan, Əsgərova Aişə, Zeynalova Rəqsanə və Babayeva Züleyxa III yeri tutublar.

Müsabiqənin qaliblərinə idarə tərəfindən fəxri fərmanlar təqdim edilmişdir.






#NizamiGəncəvi #nizamigəncəvi880 #nizamiili #2021nizamiili #nizamiganjavi #низами #nizamigəncəvii̇ #Xəmsə #rəsmmüsabiqəsi #SiyəzənGİİ #GənclərvəİdmanNazirliyi #MysGovAz #MysAz
Aktrisaya qarşı seksual hərəkətlər edən taksi sürücüsü polis bölməsinə gətirildi - FOTOXəbər verdiyimiz kimi, Bakıda taksidə seksual xarakterli hərəkətlərə məruz qalan gənc aktrisa Lalə Süleymanova polisə muraciət edib.

Avrasiya.net "oxu.az"a istinadla xəbər verir ki, bu məsələ öz məntiqi davamını tapıb.

Belə ki, L.Süleymanova özünün “İnstagram” səhifəsində onun şikayəti ilə bağlı Bakının 17-ci polis bölməsinin apardığı araşdırmanın yekunları ilə bölüşüb.

Hüquq-mühafizə orqanlarının əməkdaşları nalayiq hərəkətlər etmiş Xəyyam adlı taksi sürücüsünü bölməyə gətirib ondan izahat alıblar və qadından üzr istəməsini təmin ediblər.

Xanımın bildirdiyinə görə, “Bolt” taksi sürücüsünün hərəkətlərinə hüquqi qiymət veriləcək.
Araşdırmaçı yazar Mahmud Qaşqari medalına layiq görülübAvrasiya.net xəbər verir ki, Azərbaycan Yazıçılar Birliyində Mahmud Qaşqari adına Beynəlxalq Fond tərəfindən verilən “Mahmud Qaşqari - 1000” medalının Türkiyəli araşdırmaçı yazar, Qərbi Azərbaycan İcmasının Ankara təmsilcisi Dr.Derya Akdemirə təqdimetmə mərasimi keçirilib.

Pandemiya şəraitində baş tutan tədbiri giriş sözü ilə Bakıda fəaliyyət göstərən Mahmud Qaşqari adına Beynəlxalq Fondun baş katibi Elxan Zal rəhbərlik etdiyi qurum barədə məlumat verib. Elxan Zal qeyd edib ki, fond 2006-cı ildə Xalq yazıçısı Anar, mərhum ədəbiyyatşünas alim Arif Əmrahoğlu və özü tərəfindən yaradılıb. O, fondun türk xalqları arasında körpü rolunu oynadığını və əsas məqsədinin ümumtürk düşüncəsi və mədəniyyətinin inkişafına töhfə vermək olduğunu bildirib.

E.Zal bu günə qədər fondun mükafatını alanlar sırasında Türkiyənin 9-cu prezidenti Süleyman Dəmirəl, qazaxıstanlı yazıçılar - Oljas Süleymanov, Sabit Dosanov, qırğız şair Omar Sultanov, Azərbaycandan filologiya elmləri doktoru Ramiz Əskər, Xalq şairi Sabir Rüstəmxanlı, Xalq yazıçısı Çingiz Abdullayev, professor İlham Rəhimov və Əməkdar jurnalist Hikmət Babaoğlunun olduğunu deyib.

Araşdırmaçı yazar, Qərbi Azərbaycan İcmasının Ankara təmsilçisi Dr.Derya Akdemir bu medala layiq gördüklərinə görə Mahmud Qaşqari adına Beynəlxalq Fonduna öz dərin təşəkkürlərini bildirib və qeyd edib ki, bundan sonra da eyni templə Türk dünyasının, onun milli - mədəni zənginliklərinin qorunması istiqamətində fəaliyyətlərini davam etdirəcək.