Mətanət Əsədova komaya düşdüÖtən gün əməliyyat olunan müğənni Mətanət Əsədovanın səhhəti yaxşı deyil.

Kult.az xəbər verir ki, bu barədə müğənninin yaxını Oxu.az-a deyib.

"Vəziyyəti yaxşı deyil, komadadır”, - deyə o bildirib.

Müğənninin hansı əməliyyat keçirdiyi isə hələlik məlum deyil.

"Bizə icazə vermirlər məlumat verməyə, özü ayılar məlumat verər, inşallah” - deyə ifaçının yaxını bildirib.
Şuşada Xarıbülbül festivalı keçiriləcəkŞuşada yaşayış məhəlləsinin təməli qoyuldu, evlərin inşasına start verildi. Yeni beşulduzlu otelin inşası üçün yer seçildi. O, həmin yerdir ki, o vaxt qondarma qurum orada dırnaqarası parlament inşa etmək istəyirdi və digər şeytan yuvası orada yerləşmişdi.

Avrasiya.net xəbər verir ki, bunu Prezident İlham Əliyev aprelin 12-də bu ilin birinci rübünün yekunlarına həsr olunmuş müşavirədə deyib.

Dövlət başçısı bildirib:

"Şuşada yaşayış məhəlləsinin təməli qoyuldu, evlərin inşasına start verildi. Yeni beşulduzlu otelin inşası üçün yer seçildi. O, həmin yerdir ki, o vaxt qondarma qurum orada dırnaqarası parlament inşa etmək istəyirdi və digər şeytan yuvası orada yerləşmişdi. Müharibə zamanı o da yox oldu. İndi orada beşulduzlu otelin layihəsi mənə təqdim edildi. Şuşanın memarlığına uyğun gözəl bir bina olacaq. Şəhər meriyası binası əsaslı şəkildə təmir edilir və onun yanında yeni konfrans zalı inşa olunur. Çünki indi Şuşada böyük tədbir keçirmək üçün yer yoxdur. Ona görə konfrans zalı meriya binasına bitişik olacaq və orada yaxın gələcəkdə ən mötəbər tədbirlər keçiriləcək.

Gələn ay Şuşada “Xarıbülbül” festivalı yenidən keçiriləcək. Keçən il Heydər Əliyev Fondunun təşəbbüsü ilə bu festivalda Azərbaycanda yaşayan xalqlar öz istedadını nümayiş etdirmişlər. Bu gün isə eyni zamanda, biz dünyanın müxtəlif ölkələrindən folklor kollektivlərini dəvət etmişik. Artıq məndə ilkin məlumat var, vaxtından qabaq anons vermək istəmirəm, amma hesab edirəm ki, çox maraqlı festival olacaqdır. Artıq bu ənənəni də biz bərpa etmişik. Bildiyiniz kimi, TÜRKSOY Şuşanı 2023-cü ildə “Türk dünyasının mədəniyyət paytaxtı” elan etmişdir".
Azərbaycanın etnik və mədəni müxtəlifliyi Ukrayna mediasındaAzərbaycan Demokratik İslahatların İnkişafı Mərkəzi (ADİİM) İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Tolerantlığın, multikulturalizmin Azərbaycan modeli dünya mediasında” layihəsi çərçivəsində hazırladığı növbəti məqalə Ukraynanın nüfuzlu http://www.asmedia.kiev.ua informasiya portalında dərc olunub.

Ukrayna dilində dərc olunan yazıda bu dəfə Azərbaycanda yaşayan azsaylı xalqlar, milli azlıqların etnik və mədəni müxtəlifliyindən bəhs olunub. Yazıda qeyd olunub ki, etnik və dini müxtəliflik Azərbaycan dövlətinin milli irsidir. İstər qədim zamanlarda, istərsə də bizim dövrümüzdə Azərbaycan tarixdə yüksək tolerantlığı ilə seçilən region kimi qeyd olunub. Azərbaycan Qafqazda xristianlığın ilk beşiyi olan zərdüştiliyin doğulduğu yer, islam dininin geniş yayıldığı məkan, dünyada müxtəlif etnik qrupların yaşadığı, rəngarəng mədəniyyətlərin bir-birindən faydalandığı, çiçəkləndiyi diyardır. Tarixi mənbələr də Azərbaycanın etnik tərkibinin durmadan genişləndiyini göstərir.

Yazıda azsaylı xalqların mədəniyyət mərkəzlərindən, həyata keçirdikləri mədəni tədbirlərdən söhbət açılıb. Azərbaycan Kürdləri İctimai Birliyini rəhəbri Tahir Süleyman, Milli Məclisin üzvü Anatoli Rafilovun Azərbaycanda tolerantlıq və multikultural dəyərlərə verilən önəmlə bağlı qısa fikirləri də ictimailəşdirilib.

Yazının tam mətni ilə aşağıdakı linkdə tanış ola bilərsiz:
https://asmedia.kiev.ua/kultura-uk/etnichna-ta-kulturna-riznomanitnist?lang=uk
Şimali Kiprdə “Həftə sonu” Azərbaycan Milli Məktəbi fəaliyyətə başlayıbŞimali Kipr Türk Respublikasında uzun illərdir ölkəmizi təmsil edən Azərbaycan-Kipr Dostluq Cəmiyyəti (AKDC) yeni layihəyə start verib. Belə ki, qardaş ada ölkədə yaşayan soydaşlarımızın 8-14 yaş arası övladları üçün hər həftənin şənbə günləri Azərbaycan Milli Məktəbi təşkil olunur.

Bu barədə məlumat verən AKDC-nin sədri Orxan Həsənoğlu bildirib ki, Şimali Kipr Türk Respublikasında yaşayan soydaşlarımızın dil problemi yoxdur. Uşaqlar yüksək səviyyəli yerli məktəblərdə təhsil alırlar. Yalnız bizə doğma olsa belə, yaşadığımız bu ölkədə uşaqlarımızın öz milli-mənəvi dəyərlərimizdən uzaq qalmamaları üçün müəyyən tədbirlərə ciddi ehtiyac var.

Cəmiyyət sədri diqqətə çatdırıb ki, Şimali Kiprdəki azərbaycanlı uşaqlar üçün həftə sonları nəzərdə tutulan bu layihə çərçivəsində Azərbaycanın milli musiqisi, tarixi, mədəniyyəti, ədəbiyyatımız haqqında məlumat veriləcək və onlar rəssamlıq dərslərində iştirak edəcəklər. Əminliklə deyə bilərik ki, bu layihə uşaqların gələcəkdə diasporumuzu uğurla təmsil etməsinə təkan olacaq. Bu günün uşaqları gələcəyin tanınmış şəxsiyyətləridirlər. Onlara dərs verəcək olan müəllimlərimiz ölkəmizin yetişdirdiyi çox qiymətli ziyalılardır. Onlardan dərs almaq özü bir məktəbdir.

Məlumatda bildirilir ki, Azərbaycan Milli Məktəbi layihəsində ölkəmizin tanınmış bəstəkarı, Azərbaycanın Əməkdar incəsənət xadimi, professor Cavanşir Quliyev, Lefke Avropa Universiteti türk dili və ədəbiyyatı kafedrasının müdiri dosent Nazim Muradov, Kiprdə yaşayan azərbaycanlı rəssam Arzu Məmmədnəbi İncər xüsusi dərs proqramları tədris edəcəklər. Layihənin əlaqələndiricisi Şimali Kiprdə yaşayan pedaqoq Mətanət Aydındır.
Flora Kərimova zəhərlənməsindən DANIŞDI - Bir gün də mənim sorağımı eşidəcəksinizXəbər verdiyimiz kimi, Flora Kərimova zəhərlənib. Bu barədə Xalq artistinin köməkçisi məlumat verib.

Onun sözlərinə görə, Flora Kərimova dünən balıq yeyib və ondan sonra gün ərzində halı pisləşib: “Hazırda Flora Kərimova yataqdadır və müalicə alır. Vəziyyəti yaxşı deyil”.

Məsələ ilə bağlı Demokrat.az Xalq artisiti Flora Kərimova ilə əlaqə saxlayıb. O, açıqlamasında vəziyyətinin normal olduğunu və hazırda evdə olduğunu vurğulayıb: “Hazırda yaxşıyam. Səhhətimdə ciddi problem yoxdur. Hər kəs səhhətimlə bağlı narahatdır. Heç kim narahat olmasın. Şükür Allaha özümü normal hiss edirəm. Belə olanda həmişə zarafat edirəm. Deyirəm ki, birinci ölsəm siz eşidəcəksiniz. Həyatdı da. Bir gün də mənim sorağımı eşidəcəksiniz”.
“Bu davanı ermənilərə uduzsaq, qız-gəlini dənizə tökərik” – Qoçuların mart mübarizəsiAzərbaycan Televiziyası 31 Mart – Azərbaycanlıların Soyqırımı Günü ilə bağlı bədii-sənədli film hazırlayıb.
AzTV-nin Sosial media və ictimaiyyətlə əlaqələr şöbəsinin məlumatına görə, “Hökm” adlı filmdə hadisələr Bakıda cərəyan edir.

1918-ci ilin mart ayının ağır günlərindən bəhs edən ekran işində mülki əhalinin birləşərək erməni-daşnak dəstələrinə müqaviməti əks olunub. Belə ki, türk ordusu gələnə qədər Bakıda əsas yük qoçuların üzərinə düşürdü. Onlar şəhər əhli arasından könüllü dəstələr toplayaraq son güllələrinədək döyüşür, daha sonra isə xəncərlərinə sarılaraq düşmən üzərinə hücuma keçirdilər.

Bu yükü üzərinə götürən Bakı qoçularından biri də Nəcəfqulu adlı gənc idi. Filmdə onun erməni-daşnak dəstələrinə müqaviməti xüsusi olaraq vurğulanır.
Sovet hakimiyyəti qurulandan sonra isə Nəcəfqulu və daha 12 Bakı qoçusu inqilabçı Əli Bayramovun qətlində ittiham olunur. Onlara qarşı haqsızlıq edilir və barələrində ölüm hökmü verilir.

Bədii-sənədli filmdə qoçuların həm də qadın və uşaqları öz canları bahasına qoruduqları, uduzacaqları təqdirdə qadınların düşmən əlinə keçməməsi üçün plan qurduqları səhnələşdirilib. Yaşlı qoçulardan biri “Allah eləməsin, birdən bu davanı uduzsaq, qız-gəlini dənizə tökərik” deyir və qadınları qorumağın nə qədər vacib olduğunu xatırladır.

Filmin rejissoru Zaur Zeynal, ssenari müəllifi Leyla Qədirzadə, operatoru Aqşin Rzayev, layihə rəhbəri isə Həmid Əsədzadədir.

“Hökm” martın 31-i saat 18:30-da AzTV-də yayımlanacaq.
Niderland Türk Federasiyasından Novruz bayramına ərmağanNiderland Türk Federasiyası Novruz bayramına ərmağan olaraq “Köçəri: qaşqay türklərinin güdəlik həyat adlı kitab çap olunub.

Federasiyadan bildirilib ki, kitab Novruz bayramına ərmağandır.

Kitab İranda yaxın dönəmlərə qədər köçəri həyatı yaşayan qaşqay türklərinin Novruz bayramını necə keçirtmələri ilə bağlı görüntüləri daxil olmaqla, həyatlarını əks etdirən şəkillərdən ibarətdir.
Kitab real sənədlərə əsaslanır. Kitabda məşhur rəssam əslən qaşqay türkü olan rəssam Bican Bahadur Qaşkulinin çəkdiyi qaşqay türklərinin həyatlarını özündə birləşdirən rəngli şəkillər göstərilib.
Rübabə Muradovanın qızı vəfat etdiXalq artisti Rübabə Muradovanın qızı Qəmərmülk Muradova vəfat edib.

Avrasiya.net xəbər verir ki, xalq artistinin qızı uzun sürən xəstəlik səbəbindən 74 yaşında dünyasını dəyişib.

Q.Muradova uzun illərdir xərçəngdən əziyyət çəkirmiş.

Qeyd edək ki, Rübabə Muradovanın digər qızı Şahnaz Bəşirova da ötən il 67 yaşında vəfat etmişdi.
Alen Delon evtanaziyaya hazırlaşır: bu cür öldürüləcəkMəşhur aktyor Alen Delon evtanaziyaya hazırlaşır.

Kult.az xəbər verir ki, bunu aktyorun oğlu Entoni Delon atasının necə öləcəyini planlaşdırmasından danışarkən deyib.

O bildirilib ki, 86 yaşlı aktyor artıq bu prosedurun qadağan olunmadığı İsveçrəyə köçüb. Aktyor böyük oğluna son səfərinə necə kömək edəcəyi ilə bağlı göstərişlər verib.

Bundan əlavə, məşhur sənətçi artıq vəsiyyət edib ki, varisləri mülk üstündə dava etməsinlər.

Qeyd edək ki, Alen Delon bir neçə il əvvəl iki dəfə insult keçirdikdən sonra evtanaziya haqqında düşünüb. O vaxtdan bəri tənha yaşayır.
AzTV “Quruluş: Osman”ı yayımlayacaq“Azərbaycan Televiziya və Radio Verilişləri” QSC yayımlandığı gündən Türkiyə seriallarının reytinq siyahısında birinci olan daha bir tarixi serialı – “Quruluş: Osman”ı yayımlayacaq.

QSC-nin Sosial media və ictimaiyyətlə əlaqələr şöbəsinin məlumatına görə, “Bozdağ film”in istehsalı olan serialın yayım hüququ ilə bağlı müqavilə artıq imzalanıb.

Çəkilişləri hələ davam edən serial Azərbaycan dilinə dublyaj olunacaq. “Quruluş: Osman”ın AzTV-də sentyabr ayından yayımlanması planlaşdırılır.
“Quruluş: Osman” serialı hazırda Türkiyənin “ATV” kanalında nümayiş etdirilir və efirə verildiyi gündən reytinqdə ilk pillədə qərarlaşıb. Əksər vaxtlarda 10 və yuxarı reytinq alır.

Ssenarisi Mehmet Bozdağa aid olan serialda tanınmış aktyorlar – Burak Özçivit, Yıldız Çağrı Atiksoy və digərləri rol alıblar.

“Quruluş: Osman” serialı hazırda AzTV-də yayımlanan “Diriliş: Ərtoğrul” serialının davamıdır.

Serial Ərtoğrul qazinin oğlu, Osmanlı İmperiyasının qurucusu və ilk hökmdarı I Osmanın həyatından bəhs edir. Onun keşməkeşli həyat və döyüş yolu, imperiyanın qurulması istiqamətində fədakarlığı serialda tarixi hadisələrə əsaslanaraq bədii formada nümayiş olunur.
Qeyd edək ki, “Azərbaycan Televiziya və Radio Verilişləri” QSC dünyanın müxtəlif ölkələrinin media qurumları ilə əlaqələr qurmağa davam edir. Hazırda Pakistan, Serbiya, İran media qurumları ilə qarşılıqlı əməkdaşlıq üçün danışıqlar aparılır və memorandumlar imzalanır.