Arif Quliyev vəfat etdiAzərbaycanın xalq artisti Arif Quliyev dünyasını dəyişib.

Avrasiya.net xəbər verir ki, bu barədə onun yaxınları məlumat yayıb.

Xatırladaq ki, xalq artisti koronavirusa yoluxmuşdu. Onun ağ ciyərinin 90 faizi zədələndiyi üçün bir neçə gün idi süni tənəffüs aparatına qoşulmuşdu.
"Speys"in yeni rəhbərindən ilk açıqlamaXəbər verdiyimiz kimi, Ülviyyə Mikayılova "Speys" teleradio şirkətinə yeni rəhbər təyin olunub.

Avrasiya.net xəbər verir ki, Ülviyyə Mikayılova Unikal.org-a açıqlamasında artıq kollektivə təqdim olundğunu bildirib:

"Məni kollektivə MTRŞ-nın sədri İsmət Səttarov təqdim etdi. Təqdimatda da kollektivə bildirdim ki, "Speys" maarifləndirici televiziya olmalıdır. Sabahdan etibarən kollektivlə tanış olacam. İslahatların və yeni təyinatların olacağı ilə bağlı hələ ki, indidən nəsə deyə bilmərəm".
Fikrət Qoca vəfat edibAzərbaycan Yazıçılar Birliyinin birinci katibi, xalq şairi Fikrət Qoca vəfat edib.

Fikrət Qoca 85 yaşında dünyasını dəyişib.

Azərbaycan Yazıçılar Birliyinin Mətbuat Xidmətinin rəhbəri Xəyal Rza "Report"a faktı təsdiq edib.

Qeyd edək ki, Fikrət Qoca 1935-ci il avqustun 25-də Ağdaş rayonunun Kotanarx kəndində anadan olub. 1964-cü ildə Moskvada Maksim Qorki adına Ədəbiyyat İnstitutunu bitirib.

Əsərləri 1956-cı ildən mətbuatda çap edilir. Azərbaycan Radio və Televiziya Verilişləri Komitəsində, "Azərbaycan gəncləri" qəzetində, "Azərbaycan" jurnalında fəaliyyət göstərmiş, Azərbaycan Yazıçılar Birliyinin beynəlxalq əlaqələr üzrə məsul katibi olub. 1987-ci ildən "Qobustan" incəsənət toplusunun baş redaktoru idi. 1998-ci ildən Azərbaycan Yazıçılar Birliyinin birinci katibi idi.

1990-cı illərdə yazdığı "Oddan keçənlər", "İnsan səviyyəsi", "Adi həqiqətlər" və s. poemalarında Azərbaycanda gedən azadlıq mübarizəsindən bəhs olunur. Onun bir sıra nəsr əsərləri də var. "Ölüm ayrılıq deyil" (1990), "Hələlik, - qiyamətədək" (2000) povestlərində 1990-cı ilin 20 Yanvar hadisələri əksini tapıb.

Mixail Lermontov, Taras Şevçenko, Eduard Mejelaytis, İ.Volker, X.Risal, İ.Taufer və b.-ndan tərcümələri var. Əsərləri bir sıra xarici dillərə tərcümə olunub.

Gənclərin qəhrəmanlıq və fədakarlığından bəhs edən "Təkərlər geri fırlanır", "Yaralı çiçəklər" və "Rəssam düşünür" poemalarına görə 1968-cı ildə Azərbaycan komsomolu mükafatına, 1990-cı illər yaradıcılığına görə "Humay" mükafatına (1998) layiq görülüb. Azərbaycan Respublikasının "Şöhrət" ordeni ilə təltif olunub.
Arif Quliyevin vəziyyəti pisləşdiTəəssüf ki, xalq artisti Arif Quliyevin vəziyyəti pisləşib.

Avrasiya.net xəbər verir ki, bunu Oxu.az-a açıqlamasında “Yeni klinika”nın reanimasiya şöbəsinin müdiri Emil Qasımov bildirib.

Onun sözlərinə görə, koronavirusun beyin əlamətləri də olur və beyin damarlarında zədə yarada bilir:

“Hazırda Xalq artistində bundan şübhələnirik. Bu gün bu istiqamətdə müayinələr aparacağıq. Dünən xəstəni oyandırmağa çalışırdıq, amma beyinin oyanması istədiyimiz səviyyədə deyil. Hazırda A.Quliyevin vəziyyəti kritikdir”.

Qeyd edək ki, A.Quliyev bir müddət əvvəl yeni növ koronavirusa (COVID-19) yoluxub. O, “Yeni klinika”nın reanimasiya və intensiv terapiya şöbəsinə qəbul edilib.

İbrahim Tatlısəs özündən 43 yaş kiçik xanımla evləndiTürkiyənin tanınmış müğənnisi İbrahim Tatlısəs aparıcısı olduğu “İbo Show” verilişində maraqlı açıqlamalar edib.

“Haber Global”ın məlumatına görə, sənətçi bu yaxınlarda gizli şəkildə ailə həyatı qurduğunu bildirib.

Onun həyat yoldaşı isə özündən 43 yaş kiçik Gülçin Karakaya olub.

“Xoşbəxtəm, mən evliyəm. Gülçin mənə yaxşı baxır. Mən bu saatdan sonra heç kimə hesab verəcək vəziyyyətdə deyiləm”, - deyə ifaçı sayca beşinci evliliyini şərh edib.

Qeyd edək ki, Tatlısəsin 69, həyat yoldaşının isə 26 yaşı var.

Koronaya yoluxan nazir sağaldıKoronavirusa yoluxan Mədəniyyət naziri Anar Kərimov sağalıb.

Avrasiya.net xəbər verir ki, bu barədə Mədəniyyət Nazirliyinin İnformasiya və İctimaiyyətlə əlaqələr şöbəsinin müdiri Məryəm Qafarzadə məlumat verib.

O bildirib ki, nazir yenidən COVID-19 testi verib və nəticəsi neqativ çıxıb:

“Anar Kərimovun səhhəti ilə bağlı hər şey qaydasındadır. Karantin müddəti bu həftənin sonu bitir. Gələn həftədən nazirin işə çıxması nəzərdə tutulur”.

Xatırladaq ki, aprelin 16-da Anar Kərimovun koronavirus testinin nəticəsi pozitiv olmuşdu.
Meyxanaçı Ağakərimin son halı - VideoMeyxanaçı Ağamirzə Məmmədov uzun müddətdir yataq xəstəsi olan həmkarı Ağakərimə baş çəkib.

Avrasiya.net Axşam.az-a istinadən xəbər verir ki, sənətçi Ağakərimin yaxşı olduğunu bildirib. O, meyxanaçının yeni görüntülərini yayıb.

Qeyd edək ki, meyxanaçı Ağakərimin 2017-ci il martın 30-da beynə qansızma diaqnozu ilə xəstəxanaya yerləşdirilmişdi.
Arif Quliyevin səhhətində heç bir irəliləyiş yoxdurKoronavirusa (COVID-19) yoluxan Xalq artisti Arif Quliyevin durumu açıqlanıb.

Xalq artistinin qızı Günel Quliyeva "Report"a bildirib ki, atasının vəziyyəti ağır olaraq qalır.

“Həkimlər atamın vəziyyətini ağır kimi qiymətləndirirlər. Səhhətində heç bir irəliləyiş yoxdur”, - o deyib.

Qeyd edək ki, bir müddət əvvəl COVID-19-a yoluxan A.Quliyevin ağ ciyərinin 90 faizi zədələndiyi üçün süni tənəffüs aparatına qoşulub. O, hazırda “Yeni klinika”nın reanimasiya şöbəsində müalicə olunur.
Ermənilər “Babək” filmindən bu hissəni sildiriblərAzərbaycanın sovet dövründə çəkdiyi ən bahalı filmlərdən biri “Babək”dir. Kinomuzun canlı əfsanəsi Rasim Balayevin baş rolu oynadığı filmin ssenari müəllifi Ənvər Məmmədxanlı, rejissoru isə Eldar Quliyev idi. Film haqqında çox yazılar gedib və müsahibələr verilib. Lakin filmin gizlin qalan iki məqamı var – ermənilərin müdaxiləsi ilə bağlı.

Kult.az xəbər verir ki, bu sözləri dosent Zaur Əliyev qeyd edib.

O bildirib ki, birinci məsələ “Ərməniyyə” sözü üstündə olub, ermənilər buna etiraz edib:

“Filimdə Xəlifə Möhtəsimin sərkərdə Afşinlə görüşündə bir epizod var. Xəlifə Babəki məğlub etmək üçün Afşinə təkliflər irəli sürür və bu təkliflər içində “Ərməniyyə” adı çəkilir. Sovet dövründə rus və erməni tarixçilərin “böyük Ermənistan, Armenia” təbliğatı apardıqları bir zamanda Ərməniyyə adının belə böyük büdcəli filmdə çəkilməsi əlbəttə ki, Moskvada oturan ermənilərin və onların havadarlarının xoşuna gəlmir. Onlar Bakıya təzyiq etməyə çalışırlar ki, “Ərməniyyə” sözü yığışdırılsın və “Armenia” deyilsin. Lakin Azərbaycan tərəfi bu məsələdə geri çəkilmir və sübut kimi 1971-ci ildə Ermənistan Elmlər Akademiyasının “Xəbərləri”nin 2-ci sayında ABŞ-ın Kaliforniya Universitetinin professoru Nina Qarsayanın mənbələr əsasında ciddi araşdırması olan “Ərməniyyə IV əsrdə” məqaləsini göstərirlər və qeyd edirlər ki, erməni alimi özü buranı “Ərməniyyə” adlandırıb. Bu məqalənin fakt kimi göstərilməsi Moskvanı qane edir və ermənilərin səsini kəsir”.

Z.Əliyevin sözlərinə görə, ermənilərin müdaxilə etdiyi ikinci məsələ filmin sonunda Babəkin Səhl ibn Sunbatın evində əsir düşməsi kadrıdır:

“Ssenarist və rejissor filmin sonunda Babəki Səhl ibn Sumbat, yəni milliyətcə erməni olan insanın (əslində isə Səhl ibn Sumbat erməni olmayıb – red.) satması kadrını çəkirlər. Səhnədə göstərilirdi ki, Babək Səhl ibn Sumbatın evinə gedir ki, orada gecələsin, yenidən qoşun yığıb ərəblərlə vuruşsun. Səhl ibn Sumbat isə onu satır. Babək evdən çıxıb yola düşmək istəyəndə görür ki, artıq qılıncını da götürüblər.

Bu, o dövrün ən cəsarətli addımı idi ki, filmdə ermənilərin satqın və xain bir millət olmasını dünyaya göstərsinlər.

Lakin Moskvada bu kadrların efirə getməsinə icazə vermirlər. Deyirlər ki, Babək Azərbaycanın milli qəhrəmanıdır, bu kadrlar millətlər arasında yaxşı hadisəyə çevrilməz. Buna görə də Moskvada ermənilərin satqın simasının dünyaya göstərilməsinin qarşısı alınır”.