Hindistan Tailand və Kamboca arasındakı münaqişədən narahatdır
Hindistan hakimiyyəti Tailand və Kambocanın münaqişənin gərginliyini azaltmaq üçün tədbirlər görəcəyinə ümid etdiyini bildirib,.
Avrasiya.net xəbər verir ki, bu barədə Respublika Xarici İşlər Nazirliyinin bəyanatında deyilir.
"Biz Kamboca və Tailand sərhədində vəziyyəti diqqətlə izləyirik. Hindistan hər iki ölkə ilə yaxın və dostluq münasibətlərini saxlayır və ümid edir ki, hər iki tərəf döyüşləri dayandırmaq və daha da gərginləşmənin qarşısını almaq üçün addımlar atacaq”, - nazirlik bildirib.
Hindistanlı səyahətçilərə müraciət edən ölkənin Xarici İşlər Nazirliyindən bildirilib ki, zərurət yaranarsa, istənilən kömək üçün respublikanın müvafiq səfirlikləri ilə əlaqə saxlaya bilərlər. Əvvəllər Hindistanın Tailand və Kambocadakı diplomatik nümayəndəlikləri vətəndaşlara münaqişədən zərər çəkmiş bölgələrə getməməyi tövsiyə etmişdi.
