Xankəndidəki terrorçuların "komandiri" istefa verdi, qaçmaq İSTƏYİR“Qarabağda separatçı-terrorçuların ətrafında çəmbər daralır, xüsusilə Laçın dağlarındakı təlimlər – Türkiyə hərbçilərinin işğaldan azad olunmuş ərazilərə gəlişi ruslara da, ermənilərə də siqnal olub.

Xankəndidəki separatçı-terrorçu rejimin qondarma “müdafiə naziri” Mikael Arzumanyanın istefa ərizəsini qondarma “rəhbəri” Araik Arutyunayana təqdim etməsi təsadüfi deyil”.

Avrasiya.net xəbər verir ki, bunu siyasi şərhçi Asif Nərimanlı bildirib.

Onun sözlərinə görə, Mikael Arzumanyan qanunsuz erməni hərbi birləşmələrin bölgədən çıxarılması zamanı “nazir” kimi qalmaq və qovulmuş “general” olmaq istəmir.

“Araik Mikaelin ərizəsini qəbul etməkdən imtina edib, lakin onun qaçacağı istisna deyil”.

Ekspert deyir ki, separatçılar ruslara da etibar edə bilmirlər:

“Rusiya hökumətinin ticarət sahəsi üzrə vahid informasiya sisteminin rəsmi saytında məlum “Dağlıq Qarabağ Respublikası” ifadəsinin Bakının etirazından sonra silinməsi və “Azərbaycan Respublikası” olaraq qeyd olunması ermənilərin narahatlığını artırıb.

Rusiya bu cür “texniki səhvlərlə” Bakının etiraz həddini yoxlayır: həm mesaj verir, həm də istəklərini almaq üçün təzyiq aləti olaraq istifadə edir. Bu yanaşma separatçı-terrorçuların dəstəklənməsinə də aiddir və istəyini aldıqdan sonra onların təmizlənməsinə göz yumacaq.

Görünür, Mikael Arzumanyan proseslərin inkişaf istiqamətini indidən anladığı üçün getmək niyyətindədir”.
Daşnaklar Xankəndidə ofis açdıErmənistanın millətçi “Daşnaksütyun” partiyası Azərbaycanın Xankəndi şəhərində yeni ofis açıb.

Ermənistan KİV xəbər verir ki, mərasimdə Qarabağ separatçılarının eks-liderləri Bako Saakyan, Arkadi Qukasyan və Ermənistan parlmentində təmsil olunan “Şərəf duyuram” fraksiyasının rəhbəri Artur Vanetsyan iştirak ediblər.

Modern.az
Hərbçilərimiz Qafan-Gorus yolunu bağladıQubadlı istiqamətində dünən Azərbaycan Ordusunun əsgərinin erməni hərbçiləri tərəfindən hücuma məruz qalmasından sonra Qafan-Gorus avtomagistralının Azərbaycan ərazisindən keçən hissəsi qapadılıb.

Axar.az xəbər verir ki, bu məlumatı Ermənistan Milli Təhlükəsizlik Xidməti yayıb. Məlumata görə, yol dünən gecə 23:00-da qapadılıb, yolda qalan nəqliyyat vasitələri isə buradan evakuasiya olunub.

Ermənistanın ombudsmanı Arman Tatoyan isə ərazidə qalan mülki nəqliyyat vasitələrinin çıxarılmasına Azərbaycanın izn verdiyini, amma yolun qapalı saxlanıldığını bildirib. O, hazırda Rusiya sərhədçilərinin Azərbaycanla danışıqlar apardığını söyləyib.

Qeyd edək ki, dünən Azərbaycan Sərhəd Xidməti Qubadlı rayonu ərazisində iki erməni hərbçinin hərbçimizə hücum etdiyini və onu yaraladığı haqqında məlumat yaymışdı.
Qarabağda 10 minlərlə yeni iş yeri yaradılacaqİşğaldan azad olunan ərazilərimizdə həyata keçirilən infrastruktur layihələri yeni iş yerlərinin yaradılması baxımdan da vacib hesab olunur. Artıq Füzuli Beynəlxalq Hava Limanında çalışacaq işçilərin seçimi ilə bağlı vakansiya elan olunub.

Avrasiya.net xəbər verir ki, bunu Füzulinin deputatı Vüqar Bayramov deyib. Onun sözlərinə görə, hava limanının inşaatında 500 Azərbaycan vətəndaşı çalışır.

"Füzuli, Cəbrayıl və Zəngilana səfər edən zaman digər infrastruktur layihələrinin də intensiv həyata keçirildiyini müşahidə etdik. Həmin layihələrdə çalışanların böyük əksəriyyəti Azərbaycan vətəndaşlarıdır. Növbəti mərhələdə Azərbaycan iqtisadiyyatının drayverinə çevriləcək Qarabağ məşğulluğun təmin olunmasında da xüsusi rola malik olacaq. Məskunlaşma prosesi ilə yanaşı yeni iş yerlərinin yaradılması da əsas prioritetlərdəndir. Artıq rayonlar üzrə müqayisəli üstünlüyə malik olan sektorların qiymətləndirilməsi aparılır. İşğaldan azad olunmuş ərazilərimizdə bərpa və yenidənqurma mərhələsindən sonra Azərbaycan iqtisadiyyatının ən azı 8 faizini formalaşdırmaq potensialına malikdir. Bu illik 5 milyard manatdan artıq yeni dəyərin formalaşması anlamına gəlir. Bu isə yaxın illərdə Qarabağda 10 minlərlə yeni iş yerinin yaradılacağı deməkdir"
Daha 2 erməni hərbçinin cəsədi tapıldıİkinci Qarabağ Müharibəsində məhv edilmiş erməni hərbçilərin cəsədlərinin axtarışı Xocavənd rayonunda davam etdirilib.

Ermənistan xəbər verir ki, axtarış işləri zamanı Xocavənddən 2 erməni hərbi qulluqçunun cəsədi tapılıb.

Onların kimliyi məhkəmə tibbi ekspertizasından sonra təsdiqlənəcək.

Qeyd edək ki, noyabrın 10-dan bu günə qədər azad edilən ərazilərdən 1647 erməni hərbi qulluqçunun cəsədi evakuasiya edilib.
“Mən Şuşa təəssüratlarımı hələ uzun müddət bölüşəcəyəm”Minəvvər Vahabova: "1992-ci ildə Şuşada şəhid olan qardaşım Kaşiyev Nəsibin də ruhu şaddır indi"

Xəbər verildiyi kimi, Diasporla İş üzrə Dövlət Komitəsinin təşkilatçılığı ilə avqustun 17-də diaspor nümayəndələrinin Şuşaya ikincin səfəri olub. Səfərdə Azərbaycan-Amerika Qadınlar Cəmiyyətinin sədri, Amerika Azərbaycanlıları Koordinasiya Şurasının idarə heyətinin üzvüi Minəvvər Vahabova da iştirak edib. Minəvvər xanım səfərlə bağlı təəssüratlarını özünün “Facebook” səhifəsində bölüşüb: “Allaha çox şükürlər olsun ki, bu günü mənə də nəsib etdi.Şuşa işğaldan azad olunandan bəri bir arzum var idi ki, adını eşitdiyimiz,şəninə nəğmələr qoşulan,mənfur düşmənin gözünə gözəlliyi ilə tikan kimi batan o gözəl şəhəri ziyarət edim. Planlaşdırılmamış halda Azərbaycana gəlməli oldum və təsadüf nəticəsində Diasporla İş üzrə Dövlət Komitəsi həmin ərəfədə Şuşaya gözəl bir səfər təşkil etdi.

Möcüzə baş tutdu və mən avqust ayının 17-də dillərə dastan olan,cəsur əsgərlərimizin qanı bahasına azad olunan ŞUŞANIN qonağı oldum. Həmin gün sanki nağıllar aləminə düşmüşdüm. Şəhəri qarış-qarış gəzdik, Cıdır düzündə Azərbaycanın və 20-dən artıq ölkənin bayraqları dalğalandı. Mahnılar oxundu,musiqilər səsləndi,Şuşamız ana dilini eşitdi.
Yuxarı Gövhər Ağa məscidində olduq.

Şəhərdə çox sürətlə tikinti-abadlaşma işləri gedirdi.
İsti Şuşa çörəyi aldıq,insanlarla söhbətləşdik. Sanki Şuşanın həyətlərindəki meyvə ağacları 30 ilin barını bu il vermişdi. Alma, gavalı, qoz, heyva ağaclarının üzəri meyvə ilə dolu idi. Bir həyətin qapısını ehmalca açdıq.Xırda kişmiş üzümü talvarı var idi həyətdə. Üzərində bəlkə yarpaqdan çox üzüm yetişmişdi. Böyürtkən kollarının üstü giləmeyvə ilə dolu idi.
Danışmaqla bitməyən xatirələr. Mən əminliklə deyə bilərəm ki, mən Şuşa təəssüratlarımı hələ uzun müddət bölüşəcəyəm. Bizi Şuşaya aparan Zəfər yolunda da artıq xeyli işlər görülüb”.

Minəvvər xanım xalqımıza bu şərəfli hissləri yaşadan Ali Baş Komandanımıza,zabit və əsgərlərimizə,canını Vətən uğrunda qurban verən şəhidlərimizə,yaralı qazilərimizə minnətdarlıq edib: “1992-ci ildə Şuşada şəhid olan qardaşım Kaşiyev Nəsibin də ruhu şaddır indi.
Geri qayıdanda isə Xankəndi istiqamətində meşədə yanğın var idi. Bu bizi çox məyus etdi. Amma biz diaspora nümayəndələrinin və bütün xalqımızın ətrafında birləşdiyi DƏMİR YUMRUQ hər zaman mənfur düşmənin başını əzməyə hazırdır.

ŞUŞA QARABAĞIN GÖZÜDÜR,QARABAĞ AZƏRBAYCANIN ÖZÜDÜR!”
Rus sülhməramlıları Qarabağ ermənilərinin su problemini həll edirRusiya sülhməramlı kontingentinin əsgərləri Xankəndi şəhəri və Qarabağın ucqar bölgələrində yaşayan 200-dən çox ailəyə maşınlarla içməli su çatdırıb.

Bu barədə Rusiya Müdafiə Nazirliyinin mətbuat xidməti məlumat yayıb.

Qarabağ sakini Alina Akopyan bildirib ki, onuncu gün idi ki, Xankəndidə su yox idi.

“Su həmişə çatmır, xüsusən də yayda”, - deyə o bildirib.

Sülhməramlı kontingentin maddi-texniki təminat bölmələri iki gün ərzində Dağlıq Qarabağ sakinlərinə təxminən 15 tona yaxın içməli su çatdırıb.

Su stansiyasında təmir-bərpa işləri başa çatana və Qarabağın yaşayış məntəqələrinə boru xətti çəkilənə qədər sülhməramlı kontingentin hərbçiləri yerli sakinləri hər gün su ilə təmin edəcəklərini bildiriblər.

“Rusiya sülhməramlı kontingentinin komandanlığı yerli əhalinin içməli su ilə təmin edilməsi barədə qərar qəbul edib. Gündəlik su çatdırılma cədvəli tərtib edilib”, - Rusiya sülhməramlı kontingentinin sözçüsü Vladislav Demkin deyib.

Məlumata görə, Rusiya sülhməramlıları hazırda Xocavənd rayonundakı bir artezian quyusundan Tagavard və Qırmızı Bazar qəsəbələrinin sakinlərini su ilə təmin etmək üçün boru çəkilişi zamanı təhlükəsizliyi təmin edir.
Cəbrayılda daha 6 erməni hərbçisinin meyiti tapılıbAzərbaycanın Cəbrayıl rayonu ərazisində Ermənistan ordusunun 6 hərbçisinin meyiti tapılıb.

"Report" "Sputnik Armenia"ya istinadən xəbər verir ki, təxliyə edilən meyitlərin kimliyi məhkəmə-tibbi ekspertizasından sonra müəyyən ediləcək.

Məlumata görə, Azərbaycanın işaldan azad edilən ərazilərindən 2020-ci il noyabrın 10-dan sonra 1 642 nəfərin meyiti aşkarlanaraq Ermənistana təxliyə edilib.

Xatırladaq ki, meyiti tapılan hərbçilər İkinci Qarabağ müharibəsi dövründə Azərbaycan Ordusu tərəfindən məhv ediliblər.
Erməni hərbçilər Şuşanın bu kəndindən GERİ ÇƏKİLDİLƏRQarabağdakı erməni separatçıları Şuşa rayonunun Sarıbaba (ermənilər Yextsaoq deyirlər) kəndi ilə bağlı yeni məlumat yayıblar.

Ermənistan mətbuatı xəbər verir ki, məlumatda erməni hərbi qulluqçuların adı çəkilən kəndi tərk etdikləri bildirilir.

Özünü həmin kəndin rəhbəri adlandıran Artak Hakobyan bildirib ki, hazırda yaşayış məntəqəsi müdafiəsiz qalıb:

“Azərbaycanlıların da 3 kilometr geri çəkilməsi üçün əsgərlərimizin mövqelərindən uzaqlaşdırıldığı barədə söz-söhbət dolaşır. Ancaq indi baş verən tək şey yalnız bizim hərbçilərimizin mövqeləri tərk etməsi və azərbaycanlıların hələ də yerlərində dayanmalarıdır”.

Onun sözlərinə görə, rus sülhməramlıları kəndi qorumaq üçün müəyyən müddətı gəliblər, lakin sonra ayrılıblar və bir daha geri qayıtmayıblar.

Modern