Qarabağda aşkarlanan itkin erməni hərbçilərin meyitlərinin sayı 1 500-ə çatırXocavənd rayonunda və digər ərazilərdə aparılan axtarışlar zamanı ikinci Qarabağ müharibəsində itkin düşmüş daha 6 erməni hərbçinin meyiti aşkarlanıb.

Bu barədə “Report” Ermənistan mətbuatına istinadən xəbər verir.

Qeyd edilir ki, ölənlərin hamısı hərbi qulluqçulardır. Meyitlərin ekspertizasından sonra onların şəxsiyyəti müəyyənləşdiriləcək.

Bununla da Qarabağ və digər ərazilərdə aşkarlanmış itkin erməni hərbçilərin meyitlərinin sayı 1 496-ya çatıb.

Qeyd edək ki, bu göstərici yalnız müharibə zamanı itkin erməni düşmüş hərbçilərin saynı əks etdirir. Müharibənin başa çatmasından 4 ay keçməsinə baxmayaraq, Ermənistanın Müdafiə Nazirliyi ikinci Qarabağ müharibəsində həlak olan hərbçilərin sayını bu günə qədər açıqlamayıb.

Xocalı hava limanının taleyi necə olacaq? - Azərbaycan şərtlərini irəli sürdüAzərbaycanın Qarabağda eyni vaxtda 3 şəhərdə - Füzuli, Laçın və Zəngilanda hava limanı planlaşdırması ermənilərin iştahını qabardıb. 44 günlük müharibədən "sürünərək" çıxan və hələ də eyni vəziyyətdə qalan qarşı tərəf Xocalı hava limanının istifadəyə veriləcəyinə ümid edir.

Publika.az xəbər verir ki, ənənələrinə sadiq qalaraq xəyal dünyasında yaşamağa davam edən ermənilər özləri də Azərbaycanın icazəsi olmadan hava limanının açılmayacağını bütün detalları ilə dərk edirlər.

Bölgədə nəqliyyat kommunikasiyalarının blokadadan çıxarılmasına çalışan Azərbaycan bunu, onsuz da, 3 hava limanı layihəsi ilə həyata keçirə biləcək.

"Sputnik Ermənistan" bildirir ki, ermənilər Dağlıq Qarabağa birbaşa uçuşların vaxtından danışarkən separatçı rejim dəfələrlə konkret tarixlərdən bəhs etmişdi. Başlanğıcda, təxminən 25 dekabr, sonra 10 yanvar təyin olunmuşdu. Ancaq nə dekabrda, nə yanvarda, nə də fevralda hava limanı işlədi. Çünki bu, içi boş vəddən başqa bir şey deyildi. Səbəb isə Xocalıya birbaşa beynəlxalq uçuşların yalnız hava limanının məxsus olduğu Azərbaycanın icazəsi ilə həyata keçirilə bilməsidir.

Hava limanı 1974-cü ildə Xankəndidən 9 kilometr aralıda - Xocalı qəsəbəsi ərazisində inşa edilib. Sovet dövründə əsasən İrəvan və Bakıya uçuşlarda istifadə olunurdu. 1991-ci ildə aktiv döyüş əməliyyatları başladıqdan sonra hava limanı hərəkətsiz qaldı. 2012-ci ildə bütün müasir tələblər nəzərə alınaraq yenidən qurulub. Beynəlxalq hava limanı kimi fəaliyyət göstərməsi üçün müvafiq aviasiya orqanlarına müraciətlər edilib. Beynəlxalq Mülki Aviasiya Təşkilatının mütəxəssisləri obyekti yerində araşdıraraq müsbət rəy veriblər.

Ancaq hava limanı yalnız helikopterlərə və kiçik təyyarələrə xidmət edib. İrəvan-Xocalı birbaşa uçuşu isə heç vaxt baş tutmadı. Baxmayaraq ki, Serj Sarkisyan prezident olaraq bunu şəxsən elan etmiş və ilk sərnişinin özü olacağını demişdi. Lakin rəsmi Bakının xəbərdarlıqlarına görə heç vaxt bu riskə getmədi. Azərbaycan Dövlət Mülki Aviasiya Agentliyinin direktoru Arif Məmmədov və Müdafiə Nazirliyinin mətbuat xidmətinin sabiq rəhbəri Eldar Sabiroğlu İrəvandan gələn hər hansı təyyarənin Xocalıya uçmağa cəhd edəcəyi təqdirdə, raketlə vurulacağı barədə açıqlamalar vermişdi. Səslənən xəbərdarlıq olduqca real idi, çünki oxşar şey 90-cı illərin əvvəllərində baş vermişdi.

Mühəndis və texniki baxımdan hava limanı işlək vəziyyətdə olsa da, Azərbaycanın razılığı olmadan heç vaxt işləyə bilməz. Beynəlxalq Mülki Aviasiya Təşkilatının qaydalarına, habelə Çikaqo Konvensiyasının və Varşava Sazişinin tələblərinə uyğun olaraq beynəlxalq uçuşlar yalnız hava limanının yerləşdiyi ölkənin milli aviasiya orqanının icazəsi ilə həyata keçirilə bilər.

İndi ermənilər hava limanının açılmasını bölgədə xidmət edən Rusiya sülhməramlılarının "rahatlığı" üçün açmağa ümid edir. Kontingent, yüklər və avadanlıqlar hazırda Rusiyadan Azərbaycanın Bərdə şəhərinə çatdırılır, sonra 100 kilometr məsafə gedərək Xankəndiyə aparılır. Azərbaycan kimi gözəl təbiətli ölkədə bu 100 kilometr məsafəni qət etmək Suriya kimi dəhşətli münaqişə bölgəsində illərini xərcləyən hərbçilər üçün sadəcə səyahət xarakteri daşıya bilər, nəinki əziyyət.

Xocalı hava limanının işləmə şərtləri ilə bağlı Bakı ilə danışıqlar aparılsa da, Milli Məclisinin deputatı Rasim Musabəyovun müsahibələrindən birində izah etdiyi kimi, Bakı yalnız Xocalı hava limanının işləməsinə idarə olunması qaydalarını özü müəyyənləşdirdiyi təqdirdə icazə verməyə hazırdır. Millət vəkili bütün gömrük və sərhəd nəzarətinin azərbaycanlı mütəxəssislər tərəfindən həyata keçirildiyini və heyətin Bakı aviasiya naviqasiyasına tabe olduğu təqdirdə icazə veriləcəyini bildirib.
Bakı tələb etdi, Xocavənddə Njdenin heykəli söküldüErməni mediasında faşist Qaregin Njdenin Qarabağın Xocavənd şəhərindəki heykəlinin sökülməsi barədə məlumat yayılıb.

Axar.az erməni mediasına istinadən xəbər verir ki, heykəl artıq demontaj edilib.

“Njdenin abidəsi azərbaycanlıların tələbi ilə sökülərək, Tarix Muzeyinə aparılıb”, - deyə Ermənistan parlamentinin deputatı Sofya Ovsepyan bildirib.

Erməni jurnalist Nairi Ohikyan isə Feysbuk hesabında faşist abidənin şəkilini yayımlayaraq, bu barədə danışıqların aparıldığını bildirib:

“Azərbaycan abidəmizin sökülməsini tələb edir, Rusiya sülhməramlıları isə məsuliyyəti üzərinə götürmək istəmir. Məsələ yalnız kabinetlərdə müzakirə olunsa da, aydındır ki, Azərbaycan istədiyinə nail olacaq, çünki Ermənistan tərəfindən adekvat cavab yoxdur”.
Füzulidə erməni hərbçilərin meyitləri aşkarlandıİkinci Qarabağ müharibəsində itkin düşmüş daha 4 erməni hərbi qulluqçunun meyiti aşkarlanıb.

Bu barədə Avrasiya.net Ermənistan mətbuatına istinadən xəbər verir.

Məlumata görə, erməni hərbçilərin meyitləri Fizuli rayonunda aparılan axtarışlar nəticəsində aşkar edilib. Meyitlərin şəxsiyyətinin müəyyənləşdirilməsi məqsədilə ekspertiza təyin olunub.

Qeyd edilir ki, bununla da Qarabağda aparılan axtarışlar zamanı aşkarlanan itkin erməni hərbçilərin meyitlərinin sayı 1 371-ə çatıb.
Qarabağda daha 4 erməni əsgərin meyiti tapıldıErməni axtarış qrupları Azərbaycanın Qarabağ bölgəsindəki döyüş meydanlarında daha 4 erməni əsgərin meyitini tapıb.

Axar.az erməni mediasına istinadla xəbər verir ki, meyitlər Füzuli rayonunda aşkarlanıb.

Bununla da 14 noyabr 2020-ci ildən bəri axtarışlar zamanı döyüş meydanlarından tapılan erməni əsgər meyitlərinin sayı 1371-ə çatıb.

Qeyd edilib ki, Azərbaycan Ordusu bu gün Hadrut ərazisində 3 erməni axtarış qrupuna meyit axtarmağa icazə verilib.

Xocalı aeroportu açılır?Rusiya sülhməramlıları Xocalı aeroportunun açılmasına çalışır.

Avrasiya.net Modern az-a istinadən xəbər verir ki, aeroport modernləşdirilərək sahəsi genişləndirilib.

Bundan savayı, ətraf ərazilərdə sülhməramlıların yaşaması və yüklərin saxlanılması üçün müvafiq infrastuktur da yaradılıb.

Rusiya tərəfi Xocalı aeroportunun Moskvadan hərbi yükləri qəbul etmək üçün istifadəyə verilməsinə çalışır. Bununla bağlı üçtərəfli danışıqların davam etdirildiyi bildirilir.

Qarabağda tapılan erməni əsgər meyitlərinin sayı 1267-ə çatdıAzərbaycanın işğaldan azad etdiyi Füzuli bölgəsində daha 2 erməni hərbçinin cəsədi aşkar edilib.

Avrasiya.net xəbər verirr ki, bu barərə Ermənistan mətbuatı məlumat yayıb.

Bununla da 14 noyabr 2020-ci ildən bəri Qarabağdakı döyüş meydanlarında tapılan erməni əsgər meyitlərinin sayı 1367-yə çatıb.

Qeyd edək ki, iki günlük qadağadan sonra dünəndən başlayaraq Azərbaycan Ordusu ermənilərə axtarış aparmağa icazə verib.
Xankəndidə Azərbaycan bayrağı qaldırılacaq - Ermənilər separatçıların təkzibinə inanmırXankəndidə Azərbaycan bayrağının dalğalanacağı xəbəri ermənilər arasında müzakirə mövzusuna çevriləndən sonra separatçı-terrorçu Vitali Balasanyan bunu təkzib etdi.

Publika.az xəbər verir ki, Balasanyan iddialı danışır və Xankəndidə Azərbaycan bayrağının dalğalanmayacağını deyir. Əlavə edir ki, “Qarabağın sərhədlərini” qorumaq üçün yeni qüvvələr cəlb olunur.

Balasanyanın bu açıqlamasının erməniləri sakitləşdirməyə hesablandığı məlumdur. O da məlumdur ki, Vitalinin müharibədən sonra “vəzifəyə” qayıtmasının altında başqa mətləblər də yatır.

Laki burada diqqət çəkən məqam Ermənistan mediasının Balasanyanı təkzib etməsidir.

“Ermənistanın səsi” saytı yazır ki, Balasanyan “Qarabağ ordusu”nun ləğv ediləcəyini təkzib etmir, ümumiyyətlə bu haqda danışmır, sadəcə ümumi müdafiədən bəhs edir.

“Halbuki, “Qarabağ ordusu”nun ləğv ediləcəyi haqqında şifahi razlaşmanın olduğu deyilir. Bu razılaşmaya görə, erməni silahlıları çıxarılır, sonrakı dövrdə idarəçilik Azərbaycana keçir. Balasanyan bildirir ki, bu olmayacaq, amma Xankəndidə əsas müzakirələr və informasiya məhz bu istiqamətdədir”, - sayt yazır.

Erməni teleqram kanalları da Xankəndidə tezliklə Azərbaycan bayrağının dalğalanacağını yazırlar.
Qarabağda daha 9 erməni əsgərin cəsədi tapıldıFüzuli şəhərində daha 9 erməni hərbçinin cəsədi aşkarlanıb.

Avrasiya.net xəbər verir ki, bu məlumatı Ermənistan mətbuatı yayıb. Cəsədi aşkarlanan hərbçilərinin şəxsiyyətinin müəyyənləşməsi üçün ekspertiza aparılacağı bildirilib.

Qeyd edək ki, bununla da Qarabağda axtarış nəticəsində aşkarlanan erməni əsgərlərin sayı 1354-ə çatıb.