Mişelin eyhamı: Sülhməramlılar Qarabağı tərk edirŞarl Mişel Brüsseldə İlham Əliyev və Nikol Paşinyanla görüşüb. Hər şey adi görünürdü, amma bu görüşdən sonra biz Ermənistan-Azərbaycan münaqişəsində real irəliləyiş müşahidə etdik. Son aylarda demək olar ki, bu ilk əhəmiyyətli görüş oldu. Paşinyan və Əliyev sənədi imzalayan kimi dərhal sərhədin demarkasiyası üzrə komissiyaların yaradılması elan edilir, daha bir neçə saat keçir və bu komissiyaların rəhbərləri sərhəddə görüşür. Mişel buna necə nail oldu?

Axar.az xəbər verir ki, bu fikirləri erməni siyasi şərhçi Samvel Aqanesyan bölüşüb.

“Tamamilə məntiqli sual yaranır ki, Mişel Ermənistanın Baş nazirinin və Azərbaycan Prezidentinin ürəyinə nə cür yol tapa, konstruktiv dialoqa başlamaq üçün nə edə bilərdi? Prinsipcə, Əliyev dialoqun və əvvəllər əldə edilmiş razılaşmaların həyata keçirilməsinin əleyhinə deyildi, Paşinyan haqqında isə bunun əksini demək olar. Bəs o, Nikola nə təklif etdi ki, Paşinyan imtina edə bilmədi?” - erməni ekspert qeyd edib.

Onun sözlərinə görə, Rusiya ilə hər şey aydındır, o öz sərhədlərində “kənar adamları” sevmir. Eyni zamanda, o, münaqişə tərəflərinə heç nə vəd edə bilməz. Amma Qərb bir şey təklif etdi!

“Mən güman edə bilərəm ki, Paşinyana eyham vurulub ki, sərhəd münaqişəsinin həlli AB-də Ermənistan vətəndaşları üçün viza məsələsini onun tamamilə ləğvinə qədər xeyli sadələşdirə bilər. Ən əsası isə şübhəsiz ki, tərəflərə Rusiya sülhməramlılarının yaxın vaxtlarda regionu tərk edəcəyi vəd edilib”, - erməni ekspert qeyd edib.
"Ermənilər tərəfindən darmadağın edilən yerlər dirçəldilir, yenilənir, canlanır"Azərbaycan Respublikasının Prezidenti İlham Əliyev, birinci xanım Mehriban Əliyevanın Füzuli, Cəbrayıl və Zəngilan rayonlarına səfəri azad olunmuş ərazilərimizdə aparılan quruculuq-abadlıq işləri ilə yerindəcə tanış olunması, yeni tikililərin əsasının qoyulması və s. baxımından çox mühümdür.

Bunu "Xalq Cəbhəsi"nə Müasir İnkişaf Birliyinin sədri, siyasi şərhçi Mübariz Göyüşlü deyib.

O, qeyd edib ki, bu səfər də bundan əvvəlki səfərlər kimi görülən işlərin birbaşa prezidentin nəzarəti altında olduğunu göstərir. Uzun müddət işğal altında qalan, ermənilər tərəfindən darmadağın edilən yerlər dövlətimizin qayğısı nəticəsində dirçəldilir, yenilənir, canlanır:

"Aparılan nəhəng quruculuq-abadlıq işləri bütün sahələri əhatə edir. Yollar, yeni binalar, məscidlər, elektrik və qaz xətləri, məktəblər, xəstəxanalar, yenidən salınan bütöv kəndlər və s. görülən işlər dosta güvən, düşmənə göz dağıdır.

Dövlət başçısı bu səfərində də əməli çalışmalarla Zəngəzur dəhlizinin reallaşması üçün işlər görüldüyünü nümayiş etdirdi. Zəngəzur dəhlizi nəinki beynəlxalq terminə çevrilib. Azərbaycan dəhlizin açılması və hər kəsin rahat istifadə edə biləcəyi avtomobil, dəmir və hava yollarının tikintisini müasir texnologiyaların vasitəsilə möhtəşəm bir şəkildə aparır. Füzuli hava limanının açılışından sonra Zəngilanda da yeni bir aeroportun əsasının qoyulması bölgəni mühüm nəqliyyat qovşağına çevirəcək. Bu nəqliyyat qovşaqları Zəngilanı Azərbaycanın digər rayonları və Naxçıvan Muxtar Respublikası ilə birləşdirmək baxımından çox böyük əhəmiyyətə malikdir".

Səfər zamanı Prezident İlham Əliyev və birinci xanım Mehriban Əliyeva yalnız yol, bina və s. deyil eyni zamanda mənəvi dəyərlərimizin yaşadılmasında mühüm rola malik olan məscidlərimizin tikintisi və bərpasına da çox böyük diqqət ayırırlar: "Ötən ilin aprel ayında əsası qoyulan Zəngilan məscidinin tikintisi ilə dövlət başçısının şəxsən maraqlanması milli-mənəvi irsimizə qayğının, onun yaşadılmasına olan isti münasibətin göstəricisidir. Dini-mənəvi abidələrimizin, elm-təhsil müəssisələrimizin tikinti və bərpasında Heydər Əliyev Fondunun əvəzsiz rolu və böyük təcrübəsi var. Bu baxımından Zəngilan məscidinin də Fond tərəfindən inşa olunması faydalı nəticələr doğuracaqdır.

Prezidenti İlham Əliyev və birinci xanım Mehriban Əliyevanın Zəngilan rayonunda İşğal və Zəfər muzeyləri kompleksinin təməlqoyma mərasimində iştirakı diqqəti cəlb edir. İşğal muzeyi bizim faciəli tariximizi gələcək nəsillərə, əcnəbilərə çatdıracaq. Xalqımızın başına gətirilən müsibətlər, erməni vandalizmi əyani şəkildə, canlı tarix olaraq tanıtdırılacaq. Zəfər muzeyi isə xalqımızın, onun qəhrəman oğullarının şücaətini, mübarizliyini həm gələcək nəsillərə, həm də səfər edəcək qonaqlara təqdim edəcək.

Bütün bu amillərdən sonra əminliklə deyə bilərik ki, xalqımız bütün maneələrə rəğmən torpaqlarını işğaldan azad etməyi, ona sahiblənməyi, orada qurub-yaratmağı və gələcəkdə azad-firavan şəkildə yaşamağı bacarır və bunu artıqlamasıyla haqq edir".
Şuşada dini liderlərin toplantısı keçiriləcəkŞuşada türkdilli dövlətlərin dini liderlərinin toplantısı keçiriləcək.

Avrasiya.net xəbər verir ki, bunu Qafqaz Müsəlmanları İdarəsinin sədri Şeyxülislam Allahşükür Paşazadə deyib.

Sədrin sözlərinə görə, tədbirin bu ilin sentyabr ayının sonu oktyabr ayının əvvəlində keçirilməsi planlaşdırılır:

“Tədbirdə Qazaxıstan, Qırğızıstan, Özbəkistan, Türkmənistan, Türkiyə və Azərbaycan dini liderlərinin iştirakı nəzərdə tutulub. Ümid edirəm ki, gələcəkdə bu kimi konfrans və görüşləri azad olunan ərazilərdə keçirmək mümkün olacaq. Bununla da Azərbaycan həqiqətlərini, azad olunan ərazilərdəki erməni vandalizmini beynəlxalq ictimaiyyətin diqqətinə çatdıra biləcəyik”.
Şuşa azərbaycanlılarla ermənilərin fərqini göstərən əyani güzgüyə çevrilib2022-ci il sözdə yox, gerçəkdən də “Şuşa ili”nə çevrilməkdədir. İlin ilk beş ayı hələ başa çatmamış bizim mədəniyyət paytaxtımız sözün həqiqi mənasında beynəlxalq tədbirlər məkanı kimi şöhrət qazanmağa başlayıb. İşğal dönəminin və 44 günlük müharibənin izlərindən hələ tam qurtula bilməyən bu qədim şəhərimizdə ard-arda keçirilən çeşidli tədbirlər Azərbaycan xalqının həm quruculuq və yaradıcılıq potensialını, həm də mədəni səviyyəsinin yüksəkliyini ortaya qoyur.

Dünən Şuşada baş tutan V “Xarıbülbül” Beyəlxalq Folklor Festivalına da məhz bu potensialın nümayişi kimi baxmaq lazımdır. Bu, sıradan bir mədəniyyət hadisəsi, hansısa bir musiqi məclisi deyildi. Bu tədbirin hətta repertuarı da həm düşmənlərimizə, həm də dünyaya mesaj xarakteri daşıyırdı. İndi Şuşa azərbaycanlılarla ermənilərin fərqini göstərən əyani güzgüyə çevrilib.

Bu gün Şuşanı yenidən ələ keçirməkdən dəm vuran revanşist ermənilər 30 ilə yaxın işğal altında saxladıqları bu şəhərdə mədəniyyət adına heç bir iş görməyiblər. Əksinə, onlar burda özlərini əsl vəhşi qəbilələr kimi aparıblar, vandallıq ediblər, abidələrimizi dağıdıblar, heykəllərimizi güllələyiblər, muzeylərimizi talayıb aparıblar. Bir sözlə, Şuşanın adından tutmuş memarlıq üslubuna qədər hər şeyini “erməniləşdirməyə” çalışan erməni xalqının terrorçu və işğalçı qüvvələri Şuşada Azərbaycan xalqının, Azərbaycan mədəniyyətinin izlərini silməyə çalışıblar.

Lakin onlar bu mənfur məqsədlərinə tam nail ola bilmədilər. Müzəffər Azərbaycan Ordusu 44 günlük İkinci Qarabağ müharibəsində digər torpaqlarımız kimi Şuşanı da işğaldan azad etməklə ermənilərin vandalizm siyasətinə son qoydu. Savaşın hərbi mərhələsi bitəndən sonra azərbaycanlılar bu şəhərə “ikinci nəfəs” verdilər, böyük bir canlanma gətirdilər. Ermənilərin işğal dönəmində demək olar ki, “ölü şəhər”ə çevirdikləri Şuşada əvvəlki mədəni həyat yenidən bərpa olunmağa, canlanmağa başladı.

İndi Azərbaycan ermənilərin işğalçı siyasətinə qarşı hərb meydanında yox, mədəni-humanitar müstəvidə mübarizə aparır. Bu mənada, V “Xarıbülbül” Beyəlxalq Folklor Festivalı da bizim bütün dünyaya mədəni ismarıcımız sayıla bilər. Dünya məhz bu cür tədbirlərin sayəsində bizlə ermənilərin kəskin fərqini əyani görmək imkanı qazanır. Ermənistanı monoetnik bir ölkəyə, yalnız ermənilərin yaşadığı bir əraziyə çevirən millətçi-faşist əqidəli erməni siyasi elitasından fərqli olaraq Azərbaycan dövləti multikultural siyasət yürüdür.

Bizim ölkəmizdə polietnik mühit, mədəni müxtəliflik hökm sürür. Bu ölkədə yaşayan xalqların mədəniyyətinə də, adət-ənənlərinə də hörmətlə yanaşılır, tolerant münasibət sərgilənir. Sözügedən beynəlxalq folklor festivalının repertuarı da bunu əyani şəkildə göstərdi. “Xarıbülbül” Beynəlxalq Folklor Festivalı həm ermənilərə, həm də dünyaya Azərbaycanda hökm sürən milli həmrəyliyi, bu ölkədə yaşayan xalqların birlik və bərabərliyini nümayiş etdirdi. Şuşa növbəti dəfə bizim hamımızı birləşdirən bir şəhərə çevrildi. Bəli, Şuşa milli həmrəylik şəhəridir.

Əlisahib Hüseynov,
Milli Həmrəylik Partiyasının sədri
Rusiya vətəndaşı olan qadın Qarabağda itkin düşdüAzərbaycanın Rusiya sülhməramlılarının müvəqqəti nəzarətində olan ərazisində Rusiya vətəndaşı olan qadın itkin düşüb.

Məlumatı Ermənistan mətbuatı yayıb.

Olqa Sannikova adlı Rusiya vətəndaşı Xankəndində yaşayır. O, mayın 9-da Qarqar çayının sahilində itkin düşüb.

Qadının axtarışları hələlik heç bir nəticə verməyib.
Zəngilan ərazisinin beynəlxalq əhəmiyyətiPrezident İlham Əliyevin mayın 4-də Şərqi Zəngəzur iqtisadi rayonuna daxil olan Zəngilan rayonunda xüsusi nümayəndənin təyin olunması ilə bağlı çıxışında Zəngilan rayonunda böyük infrastruktur layihələrin icra edilməsi ilə bağlı geniş məlumatlar verdi. Onların arasında Zəngəzur dəhlizinin tərkib hissəsi olan nəqliyyat infrastrukturudur. Cənab prezident bildirdi ki, Zəngilan rayonu azad edilmiş digər rayonlarımız kimi böyük dağıntılara məruz qalmışdır.

Ermənistan işğalçı qüvvələri Zəngilan rayonunu demək olar ki, yerlə-yeksan etmişlər. Zəngilan şəhərində cəmi 1-2 salamat bina qalıb, o binalardan da Ermənistan işğalçıları - hərbçilər istifadə edirdilər. Zəngilanın bütün kəndləri yerlə-yeksan edilib. Bu, bir daha erməni vandalizminin eybəcər sifətini bütün dünyaya göstərir.

Zəngilan birinci rayondur ki, keçmiş məcburi köçkünlər yaxın gələcəkdə oraya qayıdacaqlar. Birinci pilot layihə Zəngilanın Ağalı kəndində həyata keçirilir. Ağalı kəndi faktiki olaraq yenidən qurulur, böyük və rahat kənd olacaq. Ağalı kəndinin timsalında hər kəs işğaldan azad olunmuş ərazilər ilə bağlı Azərbaycanın planlarını görə bilər. Təhlükəsizlik, rahatlıq, rifah, məşğulluq və gələcək inkişaf - əsas amillərdir.

Bu il Zəngilan Beynəlxalq Hava Limanı istismara veriləcəkdir. Bu hava limanının çox böyük funksiyaları olacaqdır. Zəngilan beynəlxalq nəqliyyat-logistika mərkəzi kimi inkişaf etməlidir. Rayonun yerləşməsi, beynəlxalq bazarlara yaxın olması və digər amillər bunu təmin edəcək. Dörd və altı zolaqdan ibarət olan avtomobil yolu sürətlə inşa olunur.

Zəngilan rayonunun ərazisindən keçən həm dəmir yolu, həm avtomobil yolu nəinki Azərbaycanın əsas hissəsini Naxçıvan Muxtar Respublikası ilə birləşdirəcək, eyni zamanda, beynəlxalq yükdaşımaları üçün yeni beynəlxalq bir yol olacaq.

Dövlətimizin başçısı çıxışında vurğuladığı kimi, işğal dövründə Ermənistan rəhbərliyi bu ölkədən Cəbrayıla yol çəkmək istəyirdi. Həmin bu yol təbii ki, Zəngilandan keçməli idi. Azərbaycan Ordusunun Vətən müharibəsindəki parlaq qələbəsi ilə işğalçı dövlətin bu istəyi gerçəkləşmədi, bütün ümidləri məhv oldu. Hazırda isə düşmənin çəkmək istədiyi birzolaqlı kənd tipli bir yol əvəzinə qüdrətli Azərbaycan dövləti Horadizdən Zəngilana uzanan dörd və altızolaqlı magistralın inşasını həyata keçirir. Zəngilan rayonunda böyük turizm potensialı vardır. Gözəl meşələr, dağlar, bulaqlar, çaylar və beynəlxalq hava limanı, dəmir yolu, avtomobil yolları bütün bunlar böyük bir sərvət olacaq. Zəngilan rayonunun turizm potensialı, əlbəttə ki, digər rayonlarda yaradılacaq turizm imkanları ilə də uzlaşdırılmalıdır. Otellər, istirahət zonaları yaradılmalı, kənd turizmi inkişaf etdirilməlidir. Bu, oraya qayıdacaq insanlar üçün də məşğulluq və gəlir mənbəyi olacaq.

Dünyanın inkişaf etmiş güclü dövlətləri və beynəlxalq təşkilatlar, siyasi mərkəzlər bu reallığı qəbul edərək ölkəmizlə əməkdaşlıq üçün təşəbbüslər irəli sürürlər. Artıq Cənubi Qafqaz regionu dedikdə ağıla ilk gələn Azərbaycandır. Azərbaycan, sözün əsl mənasında, regionun güclü dövləti, başqa sözlə desək, yeni güc mərkəzidir. Prezident İlham Əliyevin həyata keçirdiyi düşünülmüş və uzaqgörən, eyni zamanda, qətiyyətli siyasət nəticəsində Azərbaycan dövləti bu uğurlara nail olmağı bacarıb.

Tarixi ədalət öz yerini aldı Zəngəzurun şərq hissəsini işğaldan azad etməklə, bütün dünyaya öz torpaqlarımıza və doğma yurdlarımıza sahib çıxmaq bacarığımızı nümayiş etdirdik.

Güntəkin Sabir qızı
tarixçi
Azad edilmiş hər bir rayonda kəndlərin bərpası ilə bağlı işlərə artıq start verilibAzərbaycan Respublikasının Prezidenti İlham Əliyev mayın 4-də Vahid Hacıyevi Prezidentin Şərqi Zəngəzur iqtisadi rayonuna daxil olan Zəngilan rayonunda xüsusi nümayəndəsi təyin olunması ilə əlaqədar videoformatda qəbul edərkən çıxışı zamanı qeyd etmişdir. Bir çox məsələlərə toxunan ölkə başçısı qeyd etmişdir ki, 30 ilə yaxın müddət ərzində işğal altında qalan torpaqlarımızda mənfur düşmənlərimiz tərəfindən vandalizm aktları həyata keçirilmişdir.

Ermənilər demək olar ki bütün yaşayış məntəqələrimizi, şəhər və kəndlərimizi, eyni zamanda tarixi, mədəni və dini abidələrimizi yerlə yeksan etmişdir. Bu dağıntılar və vəhşiliklər bütün dünyaya bir daha erməni vandalizminin miqyasının hansı səviyyədə olmasını nümayiş etdirmiş və eyni zamanda bu dağıntıları törətməklə ermənilər bu torpaqların onlara məxsus olmadığını sübuta yetirdilər.

Böyük qürur hissi ilə qeyd etməliyik ki, biz Azərbaycan xalqı olaraq Vətən müharibəsində əldə etdiyimiz böyük qələbədən sonra öz doğma torpaqlarımıza qayıtmışıq. Düşmənlərimizin törətdikləri dağıntılar bizi az da olsa məyus etsə də ruhdan düşmürük. Bizim üçün önəmli olan torpağın üstündəkilər deyil, torpağın özüdür.

Cənab Prezidentimizin də dəfələrlə vurğuladığı kimi, biz azad edilmiş bütün torpaqlarımızı bərpa edəcəyik və keçmiş məcburi köçkün vəziyyətinə düşmüş soydaşlarımız da yaxın gələcəkdə doğma yurdlarına qayıdacaqlar. Artıq bu istiqamətdə dövlətimiz tərəfindən genişmiqyaslı infrastruktur layihələri icra edilməkdədir. Belə ki, Füzuli rayonunda qısa vaxt ərzində inşa edilərək istifadəyə verilmiş beynəlxalq hava limanı, eyni zamanda Zəngilanda və Laçında inşası davam edən hava limanları Azərbaycan xalqının və dövlətinin qüdrətinin bariz sübutudur.

Bu gün işğaldan azad edilmiş torpaqlarımızda bütün dünyanın qibtə etdiyi layihələr həyata keçirilməkdədir. Yol infrastrukturu layihələri uğurla davam etdirilir. Müasir tələblərə cavab verən yeni avtomobil və dəmir yolları, körpü və tunellər inşa edilir. Bununla yanaşı elektrik, qaz, su və telekomunikasiya xətləri tam yenidən qurulur.

Yaşayış məntəqələrinin inşasına gəldikdə isə bildiyimiz kimi birinci pilot layihə Zəngilanın Ağalı kəndində həyata keçirilir. Ağalı kəndi faktiki olaraq yenidən qurulmaqdadır və bu sayədə Ağalı kəndi böyük və rahat yaşayış məntəqəsi olacaqdır. Ağalı kəndinin timsalında hər bir Azərbaycan vətəndaşı və ümumiyyətlə, hər bir insan dövlətimizn bu istiqamətdəki planlarını görə bilər.

Hər kəs görməkdədir ki, burada işlər necə planlı və sistemli şəkildə aparılır və bütün amillər necə nəzərə alınır. Yeni yaşayış məntəqələri inşa edilərkən dövlətimiz ilk öncə insanlarımızın həyatının təhlükəsizlik, rahat, rifah halında olmasını və onların məşğulluq vəziyyətini və gələcək inkişafını düşünür. Bu məqsədlə müasir tələblərə cavab verən evlərlə yanaşı, əhalimizin məğulluq vəziyyətini yaxşılaşdırmaq məqsədilə yeni müəssisələrin yaradılması da nəzərdə tutulmuşdur. Görüləcək işlər yekunlaşdığı zaman inanırıq ki, tezliklə soydaşlarımızın öz yerdlarına qayıtması ilə bu torpaqlarda həyat yenidən canlanacaq və Azərbaycan dövlətinin Qarabağda apardığı tikinti-quruculuq işləri bütün dünya üçün nümunə olacaqdır.

Rəşad Rəhmanov
Siyəzən şəhər 2 saylı tam orta məktəbin direktoru
Sülhməramlılar Qarabağdakı iki postu TƏRK ETDİLƏRQarabağda yerləşən Rusiya sülhməramlıları iki kənddəki nəzarət-buraxılış məntəqəsindən çıxıb.

Bu barədə “Hraparak” qəzeti məlumat yayıb. Həmin nəzarət-buraxılış məntəqələrinin Xocavənddəki Sos və Xocalıdakı Xaçmaç kəndlərində yerləşdiyi bildirilir.

Məlumata görə, hər iki keçid məntəqəsi kənddaxili magistral yollarda yerləşirdi. Keçid məntəqələrində əsasən nəqliyyat vasitələri yoxlanılırdı.

“Hraparak”ın məlumatına görə, rusiyalı sülhməramlılar həmin kəndlərdə nəzarət-buraxılış məntəqəsi saxlamağı mənasız hesab edib, ona görə də onu söküb, başqa, daha hədəflənmiş ərazilərə köçüblər.

Qəzet məsələyə rəsmi şərh ala bilməyib. Həmin məntəqələrin hara köçürüldüyü, niyə söküldüyünə rəsmi aydınlıq gətirilməyib.

“Bütün rəsmi dairələr bu mövzudan danışmaqdan imtina etdilər”,-deyə “Hraparak” yazıb.
Qarabağda itkin düşən 316 nəfərin ailəsindən bioloji nümunə götürülüb2021-ci ildə Beynəlxalq Qızıl Xaç Komitəsi (BQXK) tərəfindən 90-cı illərdə müharibə nəticəsində itkin düşmüş 316 nəfərin ailəsindən insan qalıqlarının gələcək identifikasiyalarına şərait yaratmaq məqsədilə 793 bioloji istinad nümunəsi götürülüb.

Bu barədə Beynəlxalq Qızıl Xaç komitəsinin ötən ilki fəaliyyəti ilə bağlı keçirilən tədbirdə bildirilib.

Qeyd edilib ki, BQXK-nın neytral vasitəçi qismində iştirakı ilə 2020-ci ildə döyüşlərin getdiyi ərazilərdə insan qalıqların axtarışı və götürülməsi məqsədilə 346 əməliyyat aparılıb. Həmçinin, 347 itkin ailəsinə psixoloji-sosial dəstək verilib, 258 itkin ailəsinə maliyyə yardımı edilib.