Kəlbəcərdə ermənilərin saldığı narkotik plantasiyası aşkarlanıb - VİDEOİşğaldan azad edilmiş Kəlbəcər rayonu ərazisində çətənə kolları aşkarlanıb.

Bununla bağlı sosial şəbəkələrdə “Hərbi xəbərlər” səhifəsi videogörüntülər paylaşıb.

Belə ki, rayon ərazisində ermənilər tərəfindən xüsusi qulluq göstərməklə yetişdirilən narkotik tərkibli çətənə kolları aşkar edilib.

Qeyd edək ki, daha əvvəl Füzuli rayonunun işğaldan azad edilən ərazilərində narkotik bitkilərin əkildiyi plantasiya da aşkarlanmışdır.
Paşinyan: “Ermənistan ərazisində 500 Azərbaycan hərbçisi var”Ermənistan baş naziri Nikol Paşinyan Azərbaycanla sərhəddə baş verənlər barədə yeni açıqlama verib.

Ermənistan KİV xəbər verir ki, Paşinyan bir qrup azərbaycanlı hərbçinin Ermənistan ərazisində yerləşdiyini vurğulayıb.

“Hazırda Syunik və Qeqarnukin istiqamətində vəziyyət stabil olsa da, təxminən 500 Azərbaycan hərbçisi Ermənistan ərazisindədir. Onlar fərqli istiqamətlərdə yerləşiblər”.

Paşinyan mübahisəli ərazi məsələsinin diplomatik yolla həll oluna biləcəyini söyləyib.


Modern.az
Azərbaycan Ordusunun itkin düşən daha bir əsgərinin nəşi tapılıbAzərbaycan Respublikası Baş Prokurorluğunun və Respublika Hərbi Prokurorluğunun rəhbərliyinin nəzarəti ilə Azərbaycan Respublikası Silahlı Qüvvələrinin itkin düşmüş hərbi qulluqçularının tapılaraq, şəxsiyyətinin müəyyən edilməklə, doğmalarına təhvil verilməsi istiqamətində intensiv əməliyyat-istintaq hərəkətləri həyata keçirilir.

Bu barədə Avrasiya.net-ə Respublika Hərbi Prokurorluğunun Mətbuat xidmətindən məlumat verilib.

Hərbi prokurorluq orqanlarının və Dövlət Təhlükəsizliyi Xidmətinin əməkdaşlarının iştirakı ilə Silahlı Qüvvələrin hərbi qulluqçularından ibarət axtarış qrupları tərəfindən itkin düşmüş hərbi qulluqçularımızın axtarılması istiqamətində müntəzəm iş aparılır.

Bundan əvvəl verilmiş məlumatlara əlavə olaraq bildirilir ki, Dövlət Təhlükəsizliyi Xidmətinin əməkdaşları ilə birgə həyata keçirilmiş əməliyyat-istintaq tədbirlərinin nəticəsində itkin düşmüş daha bir hərbi qulluqçunun – müddətdən artıq həqiqi hərbi xidmət hərbi qulluqçusu əsgər İbrahimov Təbriz İsmayıl oğlunun meyiti tapılaraq, şəxsiyyəti müəyyən edilməklə aidiyyəti üzrə verilməsi üçün zəruri tədbirlərin görülməsi təmin olunmuşdur.

İtkin düşmüş digər hərbi qulluqçuların olduqları yerlərin müəyyən olunması məqsədilə əməliyyat-istintaq tədbirlərinin icrası davam etdirilir, eləcə də axtarış qrupları tərəfindən hazırda intensiv işlər aparılır.

ALLAHdan bütün şəhidlərimizə rəhmət, doğmalarına səbir diləyirik.
Rusiyadan Qarabağa yenə humanitar yardım göndərildiRusiyanın Azərbaycanda yerləşdirilən sülhməramlı kontingenti Qarabağdakı ermənilərə növbəti dəfə humanitar yardım paylayıb.

Axar.az xəbər verir ki, məlumatı Rusiya MN yayıb.

Keçmiş Əsgəran rayonunun iki kəndində yerləşdirilən ermənilərə verilən yardımı Rusiyanın ictimai təşkilatları və xeyriyyə fondları göndərib.

“Rus humanitar missiyası”, “Doktor Liza” və “Yaxşılığa tələs” qurumları adından sakinlərə təqdim edilən yardımda zəruri tələbat malları, o cümlədən geyim, gigiyenik məhsullar və uşaq oyuncaqları var.

Qeyd edək ki, xeyriyyə təşkilatları vasitəsilə indiyə qədər Qarabağ ermənilərinə 150 tondan çox humanitar yük çatdırılıb.
Şuşada gördüklərim...Doğma Şuşamızda baş tutan “Xarı bülbül” Beynəlxalq Musiqi Festivalını diqqətlə izlədim. Ölkə başçısının, artıq qalib ölkənin Ali Baş Komandanı kimi İlham Əliyevin “döşü dolu” çıxışıyla, sonda isə Çıdır düzündə “Qarabağ Azərbaycandır” deməsiylə mənə, deyərdim ki, elə bütün AZƏRABYCANA qürur hissini bir daha yaşatmış oldu. Çox yüksək zövqlə, hər addımı ilə dünyaya sanki bir mesaj verən musiqi festivalının təşklatçısı olan Heydər Əliyev Fonduna isə xüsusi olaraq təşəkkürümü bildirirəm.

***

Çox həvəs və maraqla festivalın təkrarına da baxdım. Baxdıqca xəyallarım məni Şuşaya aparmışdı. Deməliyəm ki, yayın elə bir həftəsi yox idi ki, Şuşada olmayaq. İndiyə kimi Cıdır düzündəki yeməkxananın “döymə”sindən, “Xan qızı”nın və “Səkili” bulağın suyundan heç bir yerdə rast gəlmədim. Bəzən dörd-beş saatlıq istirahət az qala bir aya bəs edirdi. Bu günədək isə Şuşada ilk dəfə uzun müddət qaldığım günləri və sonuncu dəfə Şuşada olduğum günü heç vaxt unutmamışam. Heç unutmaram da.

Beləliklə, festivalın musiqi sədaları zamanı sanki geri çəkərək məni 1979-cu ilin avqust ayına aparmışdı. Məhz həmin ilin, həmin ayı, əgər belə demək olarsa, ardıcıl olaraq iyirmi dörd gün Şuşa “domotduxunda” rəhmətlik valideynlərimlə istirahətdə olmuşam.

“Qorabişirən” ayda Şuşanın “domotduxunda” istirahət etməyin ayrı bir ləzzəti var idi. Əsas korpusda qaldığım otaq, üzbəüz vaxtilə bəy evləri olmuş korpuslar, ətrafda pilləkənlərə əlavə bir yaraşıq verən “Şir” heykəlləri, üzü yuxarı qalxdıqca açıq havada qurulmuş konsert zalı, əsas korpusun yanında sol tərəfdə yeməkxana, bir az da irəli getsək kinoteatrın möhtəşəm görkəmi bir an içində göz önümdən keçdi. Sağ tərəfdə isə Turşsudan çəkilmiş qeyri-adiliyi ilə seçilən “Qalereya” ətrafa ayrı bir gözəllik verirdi. Bir az da qabaga getsək həmyaşıdlarımla böyürtkən yeməyə getməyim yaddaşıma elə həkk olunub ki, sözlə ifadə etməkdə belə çətinlik çəkirəm. Çünki sözlə o illərdəki gözəlliyi vəsf etmək, o illərdəki insanların səmimiyyətini ifadə etmək həqiqətən mümkün deyil. Gərək zamanı geri qaytarıb yenidən yaşayasan. Bu isə mümkün deyil. Nə isə...

***

İstirahət günü doğma kəndimdən gələn acı bir xəbər atamgili çox sarsıtmışdı. Ailə dostumuz Əvəz kişinin avtoqəza nəticəsində dünyasını dəyişməsi xəbərini eşidən kimi atamgil tələm-tələsik yır-yığış edib məni də “domotdux”dakılara bərk-bərk tapşırıb kəndə qayıdası olmuşdular. Bu avqust ayının 15-idi. Hadisə isə 14-də olmuşdu. Mən isə təxminən beş gün sərbəst qalası oldum.

Beləliklə, doqquzuncu sinfi bitirən bir yeniyetmə, sərbəst qalmaqla müstəqil addım atmalıydım. Dəyərli insan sanki ölümüylə ailəsinə, istəyənlərinə vaxtsız açı yaşatmış olsa da, mənim həyatımda ilk müstəqil addım atmağıma səbəb olmuşdu. Allah dəyərli insana rəhmət eləsin.

Bəli, beş gün mənə beş il kimi gəlsə də, bu günlərin hər saatını səmərəli istifadə edib şəhəri doyunca gəzdim. İlk olaraq, bu gün “Yuxarı Gövhər ağa” məscidi deyilən möhtəşəm minarəli məscidi, o illərdə tarix- diyarşünaslıq muzeyində olmağım həyatımın bəlkədə ən maraqlı anı hesab etmək olar. Məscidin sağ tərəfində olan bazarda olmağım, üz yuxarı Cıdır düzünə getməyimi, yolun hər iki tərəfindəki bir-birinə bənzəməyən evləri, hamamı və digər görməli yerləri həmin gün yenidən gəzəsi oldum. Kinoteatrda ilk dəfə “Kleopatra” filminə baxmağımı, açıq havada olan konsert zalında bu gün tannmış gitara ifaçısının müsiqilərinə qulaq asmağı və sonda isə beş gün ərzində tapdığım dostlarla dama oynamağımı isə həyatımın dəyərli və unudulmayam məqamları hesab edirəm.



***

Sonuncu dəfə isə Şuşada 1987-ci ilin noyabrında məktəblilərin payız tətili günlərində olmuşam. Əvvəlcə Xankəndinə, ordanda Şuşaya gəlmişdim. Xankəndinin abu-havasını, açıq etiraf edim ki, belə sönük halda heç vaxt görməmişdim. Sanki ermənilər nəyəsə hazırlaşırmış. Sonralar mənə aydın oldu ki, ermənilər ciddi planları var imiş. Və məqsədləri bam-başqa imiş. Şuşaya qeydiyyat məsləsinin dayandırılması, o illərdə məktəblilərin pioner düşərgələrinə gəlişinə min bir bəhanə ilə qadağa qoyulması, tələm-tələsik Ağdamdan yan keçməklə Ağdərədən (Mardakertdən) Əsgərana asfalt yolun çəkilməsi bəlkə də bu cür çirkin niyyətlərin həyata keçirmək məqsədiylə atılmışdı. Nə isə...

***

Zaman həyatımızın ən gözəl və mükəmməl indikatorudur. Hər addımın qiymətini anındaca verir. Ermənilərin də qiymətini lazımı şəkildə verdi.

Düşünürəm ki, belə bir məqamda səhv etməməliyik. Hər kəs ölkə başçısının ətrafında sıx birləşməklə Azərbaycan deməli və məmləkətimizin inkişafına öz töhvəsini verməlidir.

***

Bəli, Ali Baş Komandanın və müzəffər ordumuzun sayəsində 29 ildən sonra ilk dəfə idi ki belə qürur hissini yaşayırdım. Festival iştirakçısı olmasamda özümü həmin vaxt sanki Şuşada hiss etmişdim.

Bu səmimi və kövrək duyğuların bizə yaşadan Ali Baş Komandana və Azərbaycanın müzəffər ordusuna eşq olsun!!!

Vüqar Tofiqli
Ermənilər Njdenin Qarabağdakı abidəsini sökməyə hazırlaşırQarabağ separatçılarının liderlərindən biri, Dağlıq Qarabağın “Təhlükəsizlik Şurasının” katibi Vitali Balasanyan dünən Qaregin Njdenin Xocavəndin (erməni versiyası – Martuni) mərkəzindəki abidəsinin sökülməsini təklif edib.

Bu barədə “Azadlıq radiosu”nun erməni xidmətinə Xocavənd rayon Ağsaqqallar Şurasının üzvü Artak Mkrtçyan və Ermənistan Milli Məclisinin müstəqil deputatı Sofiya Ovsepyan məlumat veriblər.

Radiostansiyanın məlumatına görə, V. Balasanyan nasizmin əlaltısı Q. Njdenin abidəsinin 9 May – Hitler rejimi üzərində Qələbə gününə qədər sökülməsində israr edir. Balasanyan problemin həlli üçün digər bir variant - abidənin Zəngəzur rayonuna köçürülməsini də təklif edib.

Xocavənd erməni icması nümayəndələrinin bildirdiyinə görə, abidənin sökülməsində Rusiya Sülhməramlı kontingentinin rəhbərliyi təkid edir.

Xatırladaq ki, müasir Ermənistanda canonize edilmiş erməni üsyançı ordusunun liderlərindən biri olan Qaregin Njde sovetləşmədən əvvəl Zəngəzur və Dağlıq Qarabağdakı Azərbaycan əhalisinin məhvinə və təmizlənməsinə şəxsən başçılıq edib. Daha sonra isə Avropaya köç edərək, faşist hərəkatına qoşulub... (virtualaz.org)
Qarabağda döyüşən terrorçuların görüntüləri - VideoXəbər verdiyimiz kimi, bu gün Dövlət Təhlükəsizliyi Xidmətinin Baş İstintaq İdarəsi tərəfindən Livan Respublikasının vətəndaşı Eulcekciyan Viken Abraham və digər şəxslərin muzdlular kimi Azərbaycan vətəndaşlarına qarşı terror fəaliyyətində iştirakı faktı üzrə cinayət işinin istintaqı başa çatdırılıb.

İstintaqla müəyyən edilib ki, Livan Respublikasının vətəndaşı, 1979-cu il təvəllüdlü Beyrut şəhər sakini Eulcekciyan Viken Abraham 29 sentyabr 2020-ci il tarixində Livan Respublikasının vətəndaşı Hovak Kikiyanın ilkin olaraq 2500 ABŞ dolları məbləğində maddi mükafat müqabilində muzdlu kimi Azərbaycan Respublikasının işğal altında olmuş ərazilərində hərbi əməliyyatlarda iştirak etmək təklifini qəbul edib, bu məqsədlə həmin gün digər şəxslərlə mütəşəkkil dəstə halında Ermənistan ərazisindən Azərbaycan Respublikasının mühafizə olunan dövlət sərhədini nəzarət-buraxılış məntəqələrindən kənarda keçərək digər muzdluların da olduğu ərazilərə gəlib.

Livanlı Abrahamın Azərbaycanın işğal olunmuş ərazilərindəki hərbi əməliyyatlarda iştirak etdiyini göstərən nadir kadrlar yayılıb.

Avrasiya.net Virtualaz.org-a istinadən həmin görüntüləri təqdim edir:



Ermənilər Xankəndini boşaldırlar - VideoErmənilər Laçın dəhlizi vasitəsilə Xankəndini boşaldırlar.

Avrasiya.net xəbər verir ki, bununla bağlı görüntülər sosial şəbəkələrdə yayılıb.

Bu gün çəkilən görüntülərdə ermənilərə məxsus hərbi avtomobillərin və zirehli texnikanın Laçın dəhlizi vasitəsilə Xankəndini tərk edərək Ermənistana keçməsi əks olunub.

Məsələ ilə bağlı hələ ki, heç bir rəsmi açıqlama verilməyib.
Hadrutda 2 erməni hərbçisinin meyiti tapıldıErməni axtarış qrupları Hadrut ərazisində bu gün 2 erməni hərbçisinin meyitini tapıblar.

Axar.az xəbər verir ki, bu barədə erməni mətbuatı məlumat yayıb.

Bununla da 14 noyabr 2020-ci ildən indiyədək aparılan axtarışlar nəticəsində tapılan erməni əsgər meyitlərinin sayı 1546 olub.

Axtarışlar Azərbaycan Ordusunun icazəsi ilə aparılır.
Sülhməramlılar erməniləri yenə Kəlbəcərə APARDI"Rusiya sülhməramlı kontingenti Dağlıq Qarabağ ərazisində tapşırıqları yerinə yetirməyə davam edir".

Avrasiya.net xəbər verir ki, bu barədə Rusiya Müdafiə Nazirliyinin (MN) Dağlıq Qarabağ münaqişəsi zonasındakı Rusiya sülhməramlı kontingentinin aprelin 5-nə olan fəaliyyəti ilə bağlı məlumatında bildirilir.

"İyirmi yeddi müşahidə məntəqəsində Rusiya sülhməramlıları gecə-gündüz vəziyyəti izləyir və atəşkəs rejiminə əməl olunmasına nəzarət edirlər.

Atəşkəs bütün təmas xəttində müşahidə olunur.

Rus sülhməramlıları vətəndaşların təhlükəsiz hərəkətini və mülki infrastrukturun bərpasını təmin edirlər", - açıqlamada deyilir.

Bildirilib ki, Humanitar Minalardan Təmizləmə Mərkəzinin minalardan təmizlənməsi qrupları Dağlıq Qarabağ ərazilərinin minalardan təmizlənməsi üzrə işlərini davam etdirirlər. Ümumilikdə, 23 noyabr 2020-ci ildən bəri 1900 hektar ərazi, 583 km yol, 30 sosial əhəmiyyətli obyekt daxil olmaqla 1658 yaşayış binası partlamamış hərbi sursatlardan təmizlənib, 25 404 partlayıcı maddə aşkar edilərək zərərsizləşdirilib.

Məlumata görə, bu gün sülhməramlılar tərəfindən erməni zəvvarların Xankəndidən Xudavəng (Kəlbəcər rayonunun Vəng kəndi) və Amaras (Yuxarı Veysəlli) monastırlarına səfəri müşayiət olunub.

"Rusiya sülhməramlı kontingentinin məsuliyyət zonasında baş verə biləcək hadisələrin qarşısını almaq üçün səyləri koordinasiya etmək üçün Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlanılır", - deyə Rusiya MN-dən bildirilib.