Səfirliklərin mətbuat attaşeləri Şuşaya getdilərAzərbaycanda akkreditə olunmuş diplomatik korpusun mətbuat attaşelərinin Şuşaya səfəri başlayıb.

Bu barədə Azərbaycan Xarici İşlər Nazirliyinin (XİN) “Twitter” hesabında bildirilib.

Səfər çərçivəsində mətbuat attaşeləri Azərbaycanın mədəniyyət paytaxtında görməli yerləri ziyarət edəcəklər, o cümlədən Cıdır düzündə olacaqlar.

Diplomatik korpusun nümayəndələri Şuşada aparılan yenidənqurma işləri ilə də tanış olacaqlar.
Ermənilərə dəstək verən, evləri söküb aparan İran şirkətləri...Dağlıq Qarabağdakı qanunsuz erməni rejiminə illərlə dəstək verən İran şirkətlərinin siyahısı yayılıb.

Avrasiya.net Musavat.com-a istinadən xəbər verir ki, adı çəkilən İran şirkətləri işğal altında olan torpaqlarımızdakı azərbaycanlıların - qarabağlıların evlərini söküb aparma, İrana daşıma işində də fəal iştirak ediblər.

Beləliklə, Ermənistanda qeydiyyatdan keçən və işğal dövründə Qarabağa sərmayə yatıran İran şirkətlərinin siyahısı:

“Mona Qrup” (Rəhmani, Rəşidi, Azərban Həddad), “Kankar”(Seyid Nur Eyni), “Şərifli” (Rza Şərifi), “Süleymani” (İzzət Süleymanpur), “Arya Filiz Nab” (Rəsul Ənzari), Araz Mühacir Ticarət” (Kazım Səfərzadə), “Aftab” (Əzimi Əhmədpur), “Arazfud” (Cavad və Məhəmməd Bimeqdar), “Nüsrəti” (Rza Nüsrəti), “Pəyan-e Saderat” (Davud Cokar), “Vasif” (Məhəmməd Cəfərpur Vasif), “Firuznejat” (Əhməd Firuznejat), “Nəcəfzadə” (Nəcəfzadə), “Kaimifa” (Əbülfəz Mətləbzadə), “Turac” (Məhəmmədhüseyin Yusifzadə), “Armen” (Əli Qüdrəti), “Ava” (Vahik Ohancanyan), “Kraun” (Hamu Davudi), “Şölə” (Seyidəli Hüseyni), “Suas” (Hüseyn Şadi), “AMO Kimya” (Nadir İrani, Vəhid Nəhavəndiyar), “Nahid” (Möhsüm Fərşbaf), “Səba Saha” (Rza Nafəzi), “Petrocəm” (Cəlil Heydəri), “Derəxşan” (İsmayıl İbrahimi), “Şahsuvari” (Rza Şahsuvari), “İzorof” (Təhmuraz İmani), “Rizşin” (Əli Əzhəri), “Elivoud” (Hüseyn Şeybani), “Tirkaran” (Məhəmməd Ənsari), “Mələki” (Hüseyn Mələki), “Luba” (Əli Azad Əfruz), “Nardino” (Siyamək Boləndi), “Kultrom” (Səda Allahverdiyan), “Şadan” (Şəhruz Hüseyni), “Sunesar” (Nasir Ətayi), “Suzan” (Behruz Caznəgu), “Növcavan qardaşları” (Cavad Növcavan), “Tatyo” (Arlen Davudyan), “Şahinans” (Vahik Şahinans), “Roberto” (Rubik Minasyan), “Arbi” (Varuj Ayvazyan), “Şahbaz” (Məhəmmədrza Baqeri), “Kyudot” (Rəhim Ali), “Ambret” (Pərviz Nüsrəti), “Bir” (Hadi Purradi Gərgəri), “Kondal” (Əsğər Fədai), “Aypeks Nur” (Əfşin Nəsiri), “Miyad” (Yunes Rezayi Əqdəm), “Paknam” (İsa İmami), “Marlik” (Əli Nəsirli Livarcani), “Şahab Səhənd” (Cavad Rəhimi Namdar), “Ərcümənd” (Əlirza Ərcümənd), “Livarcan” (Möhsün Cənabiyye), “Silis Şen” (Seyid Əbülfəz Səlili), “Minamesa” (Məhəmməd Eslami), “Nadir” (Nadir Kərimiyan Siyahrud), “Rand” (Rəhman Behruzi), “Trakliyan” (Həmid Xorrəmi), “Didar” (Əlirza Həlimi Təbrizi), “General Oil” (İbrahim Dadaşi Fərxəndi), “Aştarak” (Məhəmməd Əli Əsğəri), “Necati” (Yusif Necati), “Alişan” (Serjik), “Hadi” (Rza Hadi), “Zakeri” (Mənuçehr Zakeri), “Apada” (Əlirza Firuzməndi), “Olaks” (Yusif Çaleş), “Alfapetrolium” (Harut Aslanyan), “Sanir” (Katuziyan), “Biga” (Jerj Qədimi), “Arm Oil” (Hernik Darqukasyan), “Motoşop” (Rafiq Qarqusyan), “Raymond” (Raymond Tarverdiyan), “Harmik motor” (Harmin Manaseryan), “Şin Ezgim” (Əmir Əzhəri), “Əndişeyi İraniyan” (Əli Əlicanduxt), “Tun tun” (Serj Əmirxanyan), “Zöhrabyan” (Zöhrabyan qardaşları) və “Edko” (Armen Xodobəxşiyan).

Bu şirkətlərin adlarını “İran Mellat Bankı”nın İrəvan filialının şöbə müdiri olmuş Ermənistan vətəndaşı Hraçya Ovanisyan bankın onu işdən çıxarmasına və məhkəməyə verməsinə etiraz olaraq yaymışdı.

Bu baxımdan, doğruluğu şübhə doğurmur.
Qarabağ Dirçəliş Fondu layihələrin maliyyələşdirilməsinə başlayırAzərbaycanın işğaldan azad edilmiş ərazilərində bir neçə obyektə maliyyə yardımının göstərilməsi ilə bağlı texniki işlərə başlanılıb”.

Avrasiya.net xəbər verir ki, bunu Qarabağ Dirçəliş Fondunun İdarə Heyətinin sədri Rəhman Hacıyev Bakıda keçirilən Azərbaycan-Yaponiya investisiya forumunda bildirib.

“Hazırda ayrılacaq vəsaitlərin məbləği müəyyən edilir. Məqsədimiz bunu yaxın günlərdə etməkdir. O cümlədən ekologiya ilə bağlı bir neçə iri layihə maliyyələşdiriləcək. Çünki Qarabağda bizim təkcə tarixi abidələrimiz deyil, həm də təbii abidələrimiz, ekologiyamız məhv olub. 10 min hektarlarla ərazimiz, ağaclarımız məhv edilib. Bununla bağlı, artıq Ekologiya və Təbii Sərvətlər Nazirliyi ilə memarandum imzalamışıq. Ötən həftə Azərbaycanın bir neçə böyük şirkəti memaranduma qoşulmaq istəyini ifadə edib. Həmin şirkətlər də büdcə ayıracaq”, - o deyib.

R.Hacıyevin sözlərinə görə, həmçinin, bir neçə potensial investorla danışıqlar aparılır: “Bu layihələr alternativ enerji ilə bağlıdır. Yaxın gələcəkdə iqtisadi strategiya təsdiq edildikdən sonra Fond olaraq investorlar üçün müəyyən xidmətlər də göstərəcəyik”.
Beynəlxalq səyahətçilər Füzuli Hava Limanına endilərMüxtəlif ölkələrdən olan 30-dan çox dünya şöhrətli beynəlxalq səyahətçi kommersiya təyinatlı sınaq uçuşu ilə ilk dəfə Qarabağa gəlib.

Avrasiya.net xəbər verir ki, beynəlxalq səyahətçilər sentyabrın 27-də təyyarə ilə Füzuli Beynəlxalq Hava Limanına eniblər.

Bakı-Füzuli marşrutu üzrə uçuş təxminən 35 dəqiqə davam edib.

Səyyahlar hava limanında görülən yenidənqurma işləri ilə tanış olacaqlar.

Bir il əvvəl ağır döyüşlərin getdiyi Füzuliyə məhz şəhidlərin Anım Günündə növbəti sərnişin təyyarəsinin enməsi tarixi Zəfərin daha bir nəticəsi kimi rəmzi məna daşıyır.

Qeyd edək ki, Vətən müharibəsində işğaldan azad olunan Füzuli rayonunda Prezident İlham Əliyevin tapşırığı ilə qısa müddətdə beynəlxalq aeroport tikilib. Bu il sentyabrın 5-də Füzuli Beynəlxalq Hava Limanına dünyanın 2 nəhəng hava gəmisi uğurlu eniş edib. Azərbaycanın “Airbus A340-500” və “SilkWay” şirkətinin “Boeing 747-400” təyyarələri texniki uçuşlarını müvəffəqiyyətlə yerinə yetirib.
İranlı nazir müavini Ağdamda - Fotoİranın xarici işlər nazirinin müavini Məhəmməd Kazım Səccadpurun başçılıq etdiyi heyət və Türkiyənin İran Araşdırmaları Mərkəzinin direktoru Haqqı Uyğurun başçılıq etdiyi türkiyəli heyətlə birlikdə Azərbaycanın Ağdama səfər edib.

Avrasiya.net Trend-ə istinadən xəbər verir ki, səfər çərçivəsində qonaqlara Ağdamda ermənilər tərəfindən törədilən vəhşiliklər barədə məlumatlar verilir, nümayəndə heyətləri dağıntılarla yerində tanış olurlar.

Qeyd edək ki, İran xarici işlər nazirinin müavini Azərbaycan, İran və Türkiyə arasında araşdırmalar mərkəzlərinin rəhbərlərinin üçtərəfli iclasında iştirak etmək məqsədilə 21 sentyabrda Azərbaycana səfər edib. Səfər çərçivəsində iranlı rəsmi Azərbaycan rəsmiləri ilə də görüşlər keçirib.
Xocavənddə TƏXRİBAT: Azərbaycan hərbçiləri HƏRƏKƏTƏ KEÇDİQarabağdakı rus sülhməramlı kontingentinin nümayəndələri Ermənistandan gələn 100-ə yaxın zəvvarın Amaras monastırına səfərini təmin edib.

Publika.az xəbər verir ki, Xocavənddə yerləşən monastrı Qarabağın digər ərazilərində yaşayan ermənilər, eləcə də Ermənistan və digər ölkələrdən olan zəvvarlar ziyarət ediblər.

Sülhməramlılar ziyarətçilər ora gələrkən, Amaras monastır kompleksini ziyarət edərkən və kilsə ibadətləri zamanı erməniləri müşayiət ediblər.

“Rus sülhməramlıları Amaras monastır kompleksinə gələn zəvvarların təhlükəsizliyini təmin edirlər. Bu ziyarətgah bizim nəzarət etdiyimiz ərazidə yerləşir, ona görə də sülhməramlıların iştirakı zəruridir ” - deyə Rusiya sülhməramlı kontingentinin nümayəndəsi Aleksandr Korolev bildirib.

Bununla yanaşı, Ermənistanın “Hraparak” nəşri rus generalın məbədin üzərinə erməni bayrağının asılmağını əmr etdiyini yazıb: “Dünən “Artsax”ın Martuni bölgəsinin Maçkalaşen icması ərazisindəki Azərbaycan hərbçiləri irəliləyərək neytral zonada mövqe tutublar. Sakinlərin və icma başçısının atdığı addımlar nəticəsində hadisə yerinə gələn rus sülhməramlıları azərbaycanlılarla aparılan danışıqlardan sonra onları əvvəlki vəziyyətlərinə qaytarmağı bacarıblar. Ancaq Azərbaycan hərbçiləri şərt qoyublar: Amaras məbədində “Artsax” bayrağı endirilməlidir”.

Söhbət Azərbaycan Respublikasının Xocavənd rayonunun Cütçü kəndi yaxınlığındakı qədim xristian türk babalarımıza məxsus olmuş Amaras məbədindən gedir. 10 noyabr üçtərəfli razılaşmasından bəri Cütçü kəndi kimi Amaras məbədi də müvəqqəti olaraq Rusiyanın rəsmən sülhməramlı hərbi birləşməsinin nəzarətinə verilib. Lakin o gündən bəri Azərbaycan tərəfi bir neçə dəfə sözügedən monastır üzərindəki əski parçasını endirməyə nail olsa da, separatçılar onu yenidən asıblar.

Cütçü kəndinin qanunsuz “icma rəhbəri” Lernik Avanesyan dünən Azərbaycan Ordusu tərəfindən əski parçasının endirilməsi tələbinin irəli sürüldüyünü təsdiqləyib. O, eyni zamanda hadisə yerinə gəlmiş adı çəkilməyən rus generalının da erməni hərbçilərə üzdəniraq “bayrağı” endirməyi və yerinə Ermənistan bayrağını asmağı əmr etdiyini eşitdiyini söyləyib... “Hələ oraya getməmişəm, bilmirəm, Azərbaycan hərbçiləri öz yerlərinə çəkiliblər, yoxsa yox. Amma rus generalın belə şeylər dediyini eşitdim” - deyə L.Avanesyan bildirib.
Arzularımım şəhəri Şuşa!Əkrəm Bəydəmirli

Bizim üçün Azərbaycanın bütün bölgələri qiymətlidir. Lakin iki şəhər isə Şuşa və Təbriz mənim arzularımın şəhəridir. Şüküranlığımı bldirirəm ki, nəhayət Şuşanı ziyarət etdim. Azərbaycanın mədəniyyət paytaxtı olan bu möhtəşəm məkan beli bükülmüş ruhumuza rahatlıq gətirdi. Mübaliğəsiz olaraq Şuşanı vəsf etməyə, o sirli aləm haqqında yazmağa dəyər.

Vüqarı, qüruru özünə qayıdan bu şəhərə biz həmişəlik qayıtmışıq. Şuşanın intibah dövrünü görmək hər birimiz üçün ilahi həqiqətin təcəssümüdür. Şəhərdə aparılan quruculuq, abadlıq işləri Şuşanın əvvəlki möhtəşəmliyinin bərqərar olacağına hədəflənib. Bu məkanın tikililəri, tarixi abidələri keçmişlə müasirliyin sintezini özündə ehtiva etməklə bərabər regionun qeyri adi təbiəti ilə harmoniya təşkil edir.

Gerçəkdən Şuşanın azad olunması ilə Azərbaycan müasir hərb tarixində çox mühüm yeniliklərə imza atdı. Bütün bunlar çağdaş tarixşünaslıqda öyrəniləsi və qürur duyulası məqamdır. Şuşanı gəzərkən həmin möhtəşəm hərbi əməliyyatlarda iştirak edib şəhid olan qardaşlarımızı ehtiramla anırıq. Onların qəhrəmanlığı, əsgərləırimizin şərəfli döyüş yolu gələcək nəsillər üçün örnəkdir.

Ümumilikdə 44 günlük müharibədə, o cümlədən Şuşanın azad olunmasında çox zərgər dəqiqliyi ilə həyata keçirilən əməliyyatlara rəhbərlik edən bütün hərbi heyətə, xüsusilə, Ali Baş Komandana sonsuz təşəkkürlərimizi çatdırırıq. Çünki çox incə, çətin hərb sənətinin, ölçüyə gəlməz böyük zəhmətin hesabına Şuşa və digər ərazilərimiz işğaldan azad olunub. Şübhəsiz ki, bu gün dünyada hərb tarixi ilə maraqlananlar, ümumilikdə bir çox beyin mərkəzləri və digər qüvvələr bu taktiki, strateji məqamları tədqiq edirlər.

Biz də millət olaraq həm hərb tariximizi, həm də bu qədər üzləşdiyimiz fəlakətlərin səbəbini, mahiyyətini öyrənməliyik. Və bir daha belə fəlakətlərin baş verməməsi ilə bağlı baş sındırmalıyıq. Şuşa daxil olmaqla bütün dəyərlərimizə zamanında dəyər verməliyik, kimliyindən, millətindən asılı olmayaraq xəyanətkar mövqedə dayananları lənətləməliyik.

Bu gün dünyada Azərbaycanın haqlı, ədalətli qələbəsini həzm edə bilməyən qüvvələr qalmaqdadır. Bunlar yalnız erməni lobbisi və onların havadarları deyil. Regionda marağı olan bəzi qüvvələr fürsət düşən kimi erməni kartından istifadə edirlər.

Ona görə, heç zaman arxayınlıq olmamalıdır. Düşmənə gizli və aşkar dəstək verən qüvvələrin qara əməllərinə göz yummaq olmaz. Həmin qüvvələrin çirkin planlarının ifşa olunması istiqamətində adekvat tədbirlər görülməsi sürətlənməlidir.

Ermənistanın keçmiş prezidenti Levon Ter-Petrosyan çıxışlarında etiraf edib ki, erməniləri çörəklə İran, silahla Rusiya təmin edərək, hər zaman xilas edib. Levon bu faktları etiraf etməsəydi də düşmənə kimin dəstək verdiyi çoxlarımıza bəllidir. Ona görə, erməni sepratizminə, terroruna dəstək olan həmin dövlətlərə qarşı adekvat tədbirlərimiz hər zaman gündəmdə olmalıdır.

Təbii ki, ədalətli sülhü, ilahi həqiqəti Ali Baş Komandanın rəhbərliyi altında Azərbaycan Ordusu regiona gətirib. Biz cəmiyyət olaraq, dövlət olaraq bu ədalətli sülhü qoruyaraq postmüharibə dövründə çox dəqiq və effektli fəaliyyətimizi genişləndirməliyik. Tarixi ədalətin bütün dünya tərəfindən geosiyasi proseslər nəzərə alınaraq qəbul edilməsinə necə nail olmaq üçün çox konfirasiyalı planlarımız olmalı və vaxt itirmədən həyata keçirilməlir.

Bu gün separatizmə dəstək verən və sülhə mane olan bəzi ölkələrlə bağlı məqamları dövlət kəskin şəkildə qaldıra bilməz. Lakin QHT-lər bu məsələləri daha kəskin şəkildə qaldırmaq gücündədir. Ona görə, Vətəndaş Cəmiyyəti İnstitutlarının maliyyə çevrəsini genişləndirməklə beyin mərkəzlərinin fəaliyyətinə dəstəyi artırmaq lazımdır. Bəzən oturuşmuş analitik beyin mərkəzlərinin fəaliyyətinə ehtiyac hiss olunur. Təəssüf ki, bu sahədə müəyyən boşluqlar var. Ümumilikdə postmüharibə dövründə QHT-lərin potensialından düzgün yararlanmaq faydalı olar.

Nəhayət, işğaldan azad olunmuş bütün ərazilərimiz, o cümlədən Şuşanın real görüntüləri əhəmiyyətli informasiya mənbəyidir. Bunu ura halında deyil, yalnız peşəkarların iştirakı ilə sənədli, bədii filmlərə köçürmək zəruridir. Fikrimi Şuşa şəhəri ilə bağlı bitirmək istərdim.
Şuşada bu şəhərin bünövrəsini qoyan Qarabağ xanlarına həsr olunan abidələrin, xatirə komplekslərinin ən yüksək səviyyədə inşasına ehtiyac var.

İran Qarabağda separatçılar üçün mənzillər tikirİran Xocalıda separatçı-terrorçu rejim üçün mənzil tikir.

Ermənistan mediası yazır ki, Əsgəranda mənzil inşa olunmasında İran vətəndaşları da iştirak edirlər. Separatçıların “nümayəndəsi” Artur Qriqoryan İrandan gələnlərin fars olduğunu deyir.

Bu təsdiq edir ki:

- İranın Qarabağda separatçı-terrorçu rejimə dəstəyi təkcə qanunsuz yük daşımadan ibarət deyil;

- Separatçıların mənzil tikintisində və digər layihələrində İran şirkətləri də iştirak edir;

- Xankəndiyə daşınan qanunsuz yüklər İran şirkətlərinin layihələri üçündür;

- İran işğal dövründə olduğu kimi, indi də separatçı-terrorçu rejimlə əməkdaşlığı davam etdirir.

Asif Nərimanlı
Azərbaycan polisi Xankəndiyə girən iki iranlını həbs etdiAzərbaycan polisi Gorus-Qafan avtomobil yolunda İrandan gələn iki yük maşınının sürücüsünü həbs edib.

Axar.az xəbər verir ki, bu barədə erməni KİV-ləri məlumat yayıb.

Məlumata görə, Azərbaycan polisi Xankəndiyə və İrəvana sement daşıyan iki iranlı sürücünü həbs edib.

***

Məsələ ilə bağlı Unikal.org-a açıqlama verən DİN mətbuat xidmətinin rəisi Ehsan Zahidov bildirib ki, saxlanlan sürücülər qanunsuz yollarla Azərbaycan ərazisinə giriblər:

"Ermənistan ərazisindən yük daşımaq məqsədi ilə qanunsuz yollarla Azərbaycan ərazisinə keçən avtomobillər Azərbaycanın aidiyyəti dövlət qurumlarının əməkdaşları tərəfindən saxlanılıblar. Həmin avtomobillərin sürücüləri barəsində Azərbaycan Respublikasının qanunlarına uyğun müvafiq tədbirlər görüləcək".
Ruslar Xocalıda erməni uşaqlarına “sülh” dərsi keçdilərRusiya sülhməramlıları Xocalı rayonunun Əsgəran qəsəbəsinin Pirlər (Xramort) kəndinin orta məktəbində sülh dərsi keçiblər.

Axar.az xəbər verir ki, bu barədə Rusiya Müdafiə Nazirliyi məlumat yayıb.

Məlumata görə, aksiyaya hərbi yol polisi, humanitar minalardan təmizləmə bölmələri və sülhməramlı kontingentin yanğınsöndürmə briqadasından rusiyalı mütəxəssislər cəlb edilib.

Dərslərdə 50-dən çox şagird iştirak edib. Rus hərbi mühəndisləri uşaqlara “KamAZ” bazasındakı AC-6-40 yanğınsöndürmə maşınının, elektron komponentlərə əsaslanan partlayıcı qurğuları aşkar etməyə imkan verən portativ partlayıcı qurğuların necə işlədiyini, ərazinin minalardan təmizlənməsini və mina detektorların işlərini nümayiş etdiriblər.