Ermənistan Zod-Kəlbəcər yolunu bağlamağa məcbur olduErmənistan Zod-Kəlbəcər magistral yolunu bağlamağa məcbur olub.

Avrasiya.net xəbər verir ki, bu barədə Ermənistanın Fövqəladə Hallar Nazirliyi məlumat yayıb.

Bildirilir ki, yaranmış vəziyyətlə əlaqədar olaraq strateji yolun bağlanması qaçılmaz olub.

Bu arada Gürcüstan da Stepantsminda-Lars magistral yolunu Ermənistandakı hərbi vəziyyətə görə bağladığını bəyan edib.
Talış kəndi ətrafındakı yüksəkliklər düşməndən təmizləndi Xeyli düşmən qüvvəsi məhv edilib

Ermənistan silahlı qüvvələrindən azad edilən yüksəkliklərdən və əlverişli mövqelərdən hərəkətə keçən Azərbaycan Ordusunun bölmələri əldə olunmuş müvəffəqiyyəti artırmaq məqsədilə əks-hücum əməliyyatını davam etdirir.

Müdafiə Nazirliyindən Avrasiya.net-ə verilən məlumata görə, düşmənin müqavimət göstərdiyi mövqelərə raket-artilleriya və aviasiya zərbələri endirilməklə, o sıxışdırılaraq əldə saxlamaq istədiyi hədlərdən geri çəkilməyə məcbur edilir.

Talış kəndi ətrafındakı bir neçə əlverişli yüksəklik işğalçı qüvvələrdən təmizlənib, düşmən xeyli itki verib.
Ordumuz daha bir kəndi azad etdi - TəciliAzərbaycan Ordusunun əks-hücumları nəticəsində daha bir kəndimiz erməni işğalından azad edilib.

Bu barədə Avrasiya.net-ə Müdafiə Nazirliyindən məlumat verilib.

Füzuli rayonun Aşağı Əbdurrəhmanlı kəndi düşməndən təmizlənib.

Qeyd edək ki, Azərbaycan Ordusunun qoşun bölmələrinin həyata keçirdiyi əməliyyatlar nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı, Nüzgar kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, hakim yüksəkliklər nəzarətə götürülüb.
Ordumuz əks-hücuma BAŞLADIErmənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.

Müdafiə Nazirliyindən verilən məlumata görə, şəxsi heyət və tank bölmələrimiz raket-artilleriya qoşunlarının bölmələri, cəbhə aviasiyası və pilotsuz uçuş aparatlarının dəstəyi ilə Ermənistan silahlı qüvvələrinin ön xətdə və müdafiənin dərinliyində yerləşən xeyli sayda canlı qüvvəsi, hərbi obyektləri və döyüş texnikasını aşkar edərək məhv edirlər.

Əldə olunan məlumata görə müxtəlif istiqamətlərdə Ermənistan hava hücumundan müdafiə bölmələrinin 12 ədəd “OSA” zenit-raket kompleksi məhv edilib. Azərbaycan Hərbi Hava Qüvvələrinin cəbhənin Tərtər istiqamətində bir döyüş helikopteri vurulub, ekipaj üzvləri sağdır.
Suriyadan erməni batalyonu da Qarabağa göndərildiSuriyanın şimalında 2 il əvvəl yaradılan və YPG/PYD tərəfindən təlim keçilən erməni batalyonu da Azərbaycana qarşı döyüşlərdə iştirak etmək üçün Qarabağa göndərilib.

Virtualaz.org xəbər verir ki, bu haqda Türkiyə mətbuatı yazır.

Haber7.com yazarı Taha Tağlının məqaləsində bildirilir ki, Suriyanın şimalında, YPG-nin nəzarətində olan bölgələrdə erməni briqadası ötən ilin mayında qurulmuşdu. Üç batalyondan (təxminən 750 nəfər) ibarət olan “Nubar Ozanyan” briqadasının sıralarına erməni əsilli suriyalılar daxil idi. İndi həmin briqadanın bir batalyonu-250 döyüşçüsü Ermənistanın Azərbaycana qarşı hücumlarında iştirak etmək üçün regiona göndərilib.

Qeyd edək ki, Nubar Ozanyan 2017-ci ildə Türkiyə təhlükəsizlik qüvvələri tərəfindən zərərsizləşdirilən və YPG-nin sıralarında döyüşən erməni terrorçusu olub. Onun adını daşıyan briqada 2019-cu ilin aprelində, qondarma “soyqırım” ildönümü ərəfəsində yaradılıb və YPG-nin düşərgəsində təlim keçib. Daha sonra həmin erməni briqadası Türkiyə ordusunun Suriyanın şimalında həyata keçirdiyi hərbi əməliyyatlar zamanı YPG-nin tərəfində döyüşmüşdü.

Xatırladaq ki, bundan əvvəl Türkiyə və Misir mənbələri Suriya və İraqdan minlərlə PKK terrorçusunun Ermənistan ordusunun tərəfində döyüşmək üçün İran üzərindən Qarabağa daşındığı haqda detalları açıqlayıb.











Türkiyə Qarabağda olan PKK terrorçularını vura bilər - PolitoloqArtıq neçə müddətdir beynəlxalq mediada PKK terror təşkilatına üzvü olan terrorçuların Azərbaycanın işğal edilmiş Dağlıq Qarabağ ərazisinə keçdiyi haqda xəbərlər dolaşır. Misirin məşhur “Cairo.24” informasiya portalı Ermənistanın terror təşkilatları ilə əməkdaşlığından bəhs edən “Uğursuz hökumətlər terrorçu ünsürlərdən istifadə edirlər” sərlövhəli geniş məqalə yayıb. Məqalədə bildirilir ki, Ermənistan əsas bazası Beyrutda yerləşən ASALA terror təşkilatının, həmçinin Suriya və İraqdakı PKK və YPG terrorçularının səfərbər edilməsinə başlayıb. İşğalçı dövlət onlardan Azərbaycana qarşı hərbi təxribatlarda istifadə etməyi planlaşdırır.

Bu gün Türkiyənin təhlükəsizlik məsələləri üzrə mütəxəssisi Abdulla Ağar da PKK terrorçularının Azərbaycanın işğal edilən ərazilərinə keçdiyinə, orada təşkilatlandıqdan sonra təkrar Türkiyəyə sızdığına dair fikirlər bildirib. Buna qədər mediada Ermənistanın Suriya və Livandan işğal olunan ərazilərimizə erməni ailələrini köçürdüyünü və bu yolla nəzarətsiz bölgələrdə öz dayaqlarını gücləndirməyə çalışdığına dair məlumatlar da kifayət qədərdir. Görünən budur ki, Ermənistan hökuməti PKK/YPG terrorçularına Qarabağda qucaq açıb.

Tarixi təcrübə isə göstərir ki, Türkiyə özünə təhdid hesab etdiyi PKK terrorçularını iki xarici ölkədə vurub, onlara qarşı hərbi əməliyyatlar keçirib. Bunun birinci misalı Suriya, digəri isə İraqın şimal regionudur.

Politoloq Oqtay Qasımov Teleqraf.com-a deyib ki, Türkiyə ona təhdid yaradan PKK ünsürlərini hər yerdə vura bilər və bu onun hüququdur.

Onun fikrincə, PKK-nın Dağlıq Qarabağda olması, buradan onlardan istifadə edilməsinə dair məlumatlar illər əvvəl də mətbuata sızıb:

“Bir sıra hallarda belə məlumatlar sonradan təsdiqini tapırdı. Mən 2010-cu ildən sonrakı dövrdən danışıram. Bu dövdə bir neçə mənbədən məlumat yayılmışdı ki, Ermənistan PKK terror təşkilatı ilə müəyyən əlaqələri nəticəsində onların daha təhlükəsiz şəraitdə fəaliyyət göstərməsi üçün Dağlıq Qarabağda yerləşməsinə razılaşıb. Son günlər Misir mətbuatında gedən məqalədə də ciddi informasiya verilir. Xatırlayırsınızsa, Qamışlıda yaşayan ermənilərin yaratdığı terror dəstələrinin foto və videoları internetdə də yayılmışdı. Həmin dəstələrin PYD ilə birlikdə Türk ordusuna qarşı döyüşməyə hazır olduğu qeyd edilirdi. Yəni bunlar yeni məsələlər deyil, davamlı formada davam edir. Həm də bu yalnız ermənilərin imkanları daxilində olan məsələ deyil. Hesab edirəm ki, burada Türkiyəyə qarşı olan region ölkələrinin, habelə Suriya və İraqda maraqları olan böyük dövlətlərin də rolu var. Yoxsa Ermənistan kimi zəif dövlətin hamı tərəfindən tanınan terror təşkilatı ilə belə razılaşmaya gedəcəyi inandırıcı görünmür”.

Mütəxəssis hesab edir ki, terrorçuları öz ərazisinə və işğal etdiyi Dağlıq Qarabağa cəlb etməklə Ermənistan iki məqsəd güdə bilər:

“Birincisi demoqrafik vəziyyətlə bağlı olaraq ordudakı çatışmazlıqları aradan qaldırmaq, digər tərəfdən konkret terror fəaliyyəti və döyüş təcrübəsi olan peşəkar terrorçuların cəlb edilməsi ilə Azərbaycana qarşı müqaviməti artırmaqdır. Sonrakı mərhələdə isə terror aktları törətmək kimi planlar düşünülə bilər”.

Türkiyənin Qarabağda möhkəmlənməkdə olan PKK ünsürlərinə qarşı hansı addımlar ata biləcəyinə gəldikdə müsahibimiz xatırladıb ki, Türkiyə ilə yanaşı, əksər beynəlxalq qurum və dövətlər PKK-nı terror təşkilatı kimi tanıyıblar:

“Türkiyə dövləti də PKK ilə istədiyi məkanda və harada olmasından asılı olmayaraq mübarizə aparır. 1999-cu ildə Türkiyə PKK lideri Abdulla Öcalanı ələ keçirmək üçün Tanzaniyada əməliyyat keçirdi və həbs etdi. Bu baxımdan Türkiyənin PKK-ya qarşı mübarizə üçün əlində legitim və qanuni əsasları var. Əgər PKK Qarabağda yerləşdirilərsə, Türkiyənin ona qarşı mübarizə aparmaq hüququ olacaq. Necə ki, ABŞ Talibana qarşı mübarizə çərçivəsində Əfqanıstanda mübarizə aparır, İŞİD-ə qarşı onlarla dövlət İraq və Suriyada mübarizə aparırdı. Terrorla qarşı mübarizə aparmaq suveren dövlətlərin legitim və qanuni haqqıdır. Türkiyənin də belə hüququ var. Ancaq bu məsələlərlə bağlı qərar verəcək tərəf Türk dövlətidir. Bir daha qeyd edim ki, Türkiyənin belə bir haqqı var və bu mümkündür. Türkiyədən olan PKK ünsürlərinin Suriya, İraq, İran xətti ilə Ermənistana daşınması, habelə Dağlıq Qarabağda təlimlər keçməsi təsdiqini taparsa, bu həm Azərbaycan, həm də Türkiyəyə qabaqlayıcı tədbirlər görmək üçün əsas verəcək".
Ermənistan müdafiə naziri Qarabağa gəldiErmənistanın müdafiə naziri David Tonoyan Azərbaycanın işğal altında olan torpaqlarına səfər edib.

Ermənistan KİV xəbər verir ki, Tonoyan Qarabağ separatçılarının lideri Araik Arutunyanla görüşüb.

Görüşdə Azərbaycan-Ermənistan sərhədindəki vəziyyət və işğal altındakı torplaqlarda yeni təlimlərin keçirilməsi barədə müzakirələr aparılıb.
Ermənilər “parlamenti” Şuşaya köçürür Ermənilərin Azərbaycanın işğal altındakı ərazilərində təxribatları davam edir.

Avrasiya.net xəbər verir ki, bu dəfə Qarabağa separatçılarının lideri Araik Arutunyan qondarma rejimin parlamentinin Xankəndindən Şuşaya köçürəcəyini elan edib.

Bu məqsədlə o, tikinti işlərinin başlanıldığını və Şuşanin işğalının 30 illiyi münasibətilə 2022-ci ilin mayında tam istifadəyə veriləcəyini anons edib.
Müdafiə Nazirliyi cəbhədəki vəziyyətlə bağlı məlumat yaydıErmənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 44 dəfə pozub.

Müdafiə Nazirliyindən Avrasiya.net-ə verilən xəbərə görə, Ermənistan Respublikası Berd rayonunun Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Ağdam, Koxanəbi və Əsrik Cırdaxan kəndlərində, Çəmbərək rayonu ərazisindəki adsız yüksəkliklərdə yerləşən mövqelərdən Gədəbəy rayonunun Qaravəlilər kəndində yerləşən mövqelərimiz atəşə tutulub.

Tərtər rayonunun işğal altında olan Çiləbürt, Ağdam rayonunun Yusifcanlı, Füzuli rayonunun Qaraxanbəyli, Aşağı Seyidəhmədli, Qorqan, Kürdlər, Horadiz kəndləri yaxınlığında, həmçinin Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Paşinyan Qarabağa gəldi - FotoErmənistan baş naziri Nikol Paşinyan Qarabağ separatçılarının lideri Arayik Arutyunyanla birlikdə bu gün Qarabağda yerləşən döyüş mövqelərində olub.

Avrasiya.net Virtualaz.org-a istinadən xəbər verir ki, Paşinyan infrastrukturların gücləndirilməsi üçün aparılan mühəndis işləri ilə tanış olub.

Qeyd edilir ki, Paşinyan və Arutyunyan hərbçilərin yaşayış şəraiti ilə tanış olub və əsgərlərlə söhbət ediblər.