Türkiyəli partiya sədri Ağdam Şəhidlər Xiyabınını ziyarət etdi - FOTOLAR

Türkiyənin Böyük Birlik Partiyasının (BBP) sədri Mustafa Dəstici və onu müşayiət edən heyət Azərbaycan Ağdam Şəhidliyini ziyarət edib. Onlar Birinci Qarabağ müharibəsi və Xocalı soyqırımı zamanı şəhid olan soydaşlarımızın məzarlarını ziyarət ediblər.

Ziyarət zamanı “Aşr-ı Şərif” oxuyan Mustafa Dəstici şəhidlərin ruhuna dua edib.

Ziyarətlə bağlı açıqlama verən BBP sədri bildirib:
“Türk dünyasının ortaq taleyini şəhidlərimizlə bir daha hiss etdik. Qarabağ Türkün əzəli yurdudur. Bu torpaqlarda canını fəda edən əziz qardaşlarımızı rəhmətlə anırıq.”

Mustafa Dəstici, Türkiyə və Azərbaycan arasındakı qardaşlıq münasibətlərinə diqqət çəkərək vurğulayıb:
“Biz iki ayrı dövlətik, amma bir millətik. Bu birlik və bərabərliyimiz əziz şəhidlərimizin xatirəsi üzərində qurulub.”