Aralıq dənizində toqquşma - İran gəmisinə silahlı hücumMartın 12-də İranın “IRISL” dövlət şirkətinə məxsus konteyner gəmisi Aralıq dənizində baş vermiş partlayış nəticəsində zərər görüb.

Publika.az Röyters-ə istinadən xəbər verir ki, bu barədə şirkət məlumat yayıb.

Şirkətin rəsmi nümayəndəsi Əli Qiasinin bildirdiyinə görə, insident zamanı İran bayrağı altında üzən “Shahr-E-Kord” gəmisinə ciddi ziyan dəyməyib. Partlayış nəticəsində gəmi heyəti də xəsarət almayıb.

Qiasi bu hadisəni dəniz quldurluğuna bərabər terror aktı adlandırıb: “Bu cür terror aktları dəniz quldurluğuna bərabərdir və ticarət gəmilərinin təhlükəsizliyi ilə bağlı beynəlxalq qanuna ziddir. Cinayətkarların müvafiq beynəlxalq qurumlar vasitəsilə müəyyənləşdirilməsi üçün qanuni tədbirlər görüləcək”.

Məlumata görə, konteyner gəmisi Avropaya istiqamət alıbmış, ancaq hazırda təmir üçün İrana qayıdır. İran tərəfi gəminin hələlik bilinməyən silahlılar tərəfindən qəsdən hədəf alındığı qənaətindədir.

Qeyd edək ki, bundan iki həftə əvvəl Oman körfəzində İsrail məxsus gəmi partladılmışdı. İsrailin baş naziri Benjamin Netanyahu bunun arxasında İranın dayandığını iddia etsə də, rəsmi Tehran bu ittihamı rədd edib.

ÜST-ün baş direktoru Azərbaycana təşəkkür edibÜmumdünya Səhiyyə Təşkilatının (ÜST) Baş direktoru Tedros Qebreyesus BMT-nin Cenevrə Bölməsi və digər beynəlxalq təşkilatlar yanında Azərbaycan daimi nümayəndəliyinin təşkilatçılığı ilə baş tutan Qoşulmama Hərəkatına üzv dövlətlərin səfirləri ilə videoformatda keçirilən müzakirələrə qatılıb.

Avrasiya.net-in məlmatına görə, o, bu barədə öz “Twitter” hesabında paylaşma edib.

Müzakirələrin məhsuldar keçdiyini bildirən T.Qebreyesus hazırda Qoşulmama Hərəkatına sədrlik edən Azərbaycana koronavirusla bağlı BMT-nin xüsusi sessiyasının keçirilməsi və BMT-nin İnsan Hüquqları Şurasında peyvəndlərlə bağlı qətnamənin irəli sürülməsinə görə təşəkkür edib.

Xatırladaq ki, Azərbaycan Prezidenti İlham Əliyev İqtisadi Əməkdaşlıq Təşkilatına üzv dövlətlərin yanvarın 31-də keçirilən onlayn Zirvə toplantısında BMT-nin İnsan Hüquqları Şurasında Qoşulmama Hərəkatı adından qətnamə layihəsi ilə çıxış etməyi planlaşdırdığını bildirmişdi. Koronavirusa qarşı peyvəndlərə ədalətli çıxışın təmin edilməsi ilə bağlı həmin qətnamə layihəsi Azərbaycan tərəfindən İnsan Hüquqları Şurasında artıq irəli sürüb.
Koronavirusun yeni təhlükəli ştamı tapdıYaponiyada koronavirusun daha bir təhlükəli ştamı aşkar olunub.

Avrasiya.net xarici KİV-ə istinadən xəbər verir ki, fevralda Fillipindən qayıdan kişidə bu vaxta qədər məlum olmayan COVID-19 ştamı tapılıb.

Yerli həkimlər yeni ştamın Cənubi Afrika, Braziliya və Böyük Britaniya ştamları ilə eyni təhlükə törətdiyini söyləyib.

Almaniyada dinini dəyişən 9 azərbaycanlı barədə deportasiya qərarı çıxarılıbÖtən il Almaniyada dinini dəyişərək sığınacaq tələb edən 9 Azərbaycan vətəndaşı ilə bağlı deportasiya qərarı verilib.

“Report”un Avropa bürosunun məlumatına görə, 2014-cü ildə Almaniyanın Bavariya əyalətindəki katolik kilsəsinə 4-ü bir ailənin üzvü olmaqla, ümumilikdə 9 nəfər dinlərini dəyişmək üçün müraciət ediblər. Xristianlığı qəbul edən azərbaycanlılar daha sonra Bavariya Miqrasiya İdarəsinə qaçqın statusu üçün müraciət ediblər. Lakin onların bu istəyi rədd olunub.

Barələrində könüllü ölkəni tərk etmələri ilə bağlı qərar çıxarılsa da, Azərbaycan vətəndaşları məhkəməyə müraciət ediblər. Məhkəmə prosesi koronavirus pandemiyası səbəbindən uzanıb və nəhayət keçən ay yekun məhkəmə prosesi keçirilib.

Münhen şəhər İdarə Məhkəməsi Azərbaycan vətəndaşlarının ölkədən deportasiya edilmələri ilə bağlı qərar verib. Onlar məhkəmədən sonra Deggendorf şəhərində yerləşən deportasiya olunacaqların müvəqqəti saxlanıldığı mərkəzə gətiriliblər.
İsrail ordusu peyvəndlənməyə görə dünyada birinci olduİsrail müdafiə ordusu bəyan edib ki, silahlı qüvvələrin şəxsi heyəti arasında aparılmış vaksinasiya nəticəsində hərbçilərdə koronavirusa qarşı kollektiv immunitet yaranıb.

Avrasiya.net xəbər verir ki, bu barədə “The Times of Israel” qəzeti məlumat verib.

Bununla da, İsrail silahlı qüvvələri dünyada COVID-19-a qarşı kollektiv immunitet əldə edən ilk ordu olub.

Qeyd edək ki, hazırda ölkə üzrə hərbçilərin 85%-i peyvənd olunub. İsrail mülki əhali arasında da vaksinasiyanın əhatə dairəsinə və sürətinə görə dünya lideridir.
İŞİD-i ABŞ yaradıb - XameneiİŞİD-i ABŞ yaradıb, amerikalılar özləri də bunu etiraf ediblər.

Avrasiya.net xəbər verir ki, bu açıqlama ilə İranın Ali dini lideri Əli Xamenei çıxış edib.

"Daha sonra İŞİD-i bəhanə edərək bölgədə hərbi baza qurdular. İŞİD-i müasir media imkanları və maliyyə dəstəyi ilə təmin etdilər. Onların Suriya neftini satması üçün zəmin hazırladılar və sonra da İŞİD-lə savaşdıqlarını iddia edirlər", - Xamenei qeyd edib.
Livan Maral Nacaryana görə Azərbaycana təşəkkür etdiLivanın xarici işlər naziri Şarbel Vahbi erməni əsilli Livan vətəndaşı Maral Nacaryanın ölkəsinə qaytarılmasına görə Azərbaycan, Rusiya, Ermənistan və Beynəlxalq Qırmızı Xaç Komitəsinə təşəkkürünü bildirib.

Məlumatı Livan Milli Agnetliyi yayıb.

Qeyd edək ki, Livanın Burc Hammud ərazisində anadan olan M.Nacaryan həm Ermənistan, həm də Livan vətəndaşıdır. Azərbaycan Xarici İşlər Nazirliyinin məlumatına görə, keçmiş münaqişə bölgəsində Azərbaycan hüquq-mühafizə orqanları tərəfindən birgə yaşadığı erməni əsilli Livan vətəndaşı ilə birlikdə saxlanılıb. O, Azərbaycan ərazisinə qanunsuz daxil olması və Azərbaycan qanunvericiliyini pozan digər hərəkətlərə yol verməsi barədə ifadələr verib. Azərbaycan tərəfinin nümayiş etdirdiyi humanizm nəticəsində M.Nacaryan bu ilin martın 10-da azad edilib.

O, şəxsən Ermənistana deyil, Livana qayıtmağa üstünlük verib. Məlumata görə, Rusiya tərəfi ilə aparılan müzakirələr nəticəsində Livan vətəndaşı olduğu üçün onun Rusiya ərazisindən göndərilməsi mümkün olmayıb. Bu səbəbdən M.Nacaryan Türkiyə üzərindən Livana geri göndərilib.

Maral Nacaryanın Qarabağda Azərbaycana qarşı müharibədə Ermənistan tərəfindən iştirak etdiyi bildirilir.
İsraildən xəbərdarlıq: İranı vuracağıq...İran hücum etsə, İsrail buna cavab vermək gücündədir.

Avrasiya.net Teleqraf.com-a istinadla xəbər verir ki, bunu İsrailin kəşfiyyat naziri Eli Koen deyib.

O, İran rejiminin İsrailin yox edilməsi çağırışı etdiyini, nüvə silahı əldə etməyi planlaşdırdığı və ölkəsinin şimal sərhədləri yaxınlığında hərbi qüvvə yerləşdirməyə çalışdığını bildirib: “İsrail buna icazə verməyəcək”.

Koen İranın İsrailə hücum ehtimalına da toxunub: “İsrail İranın hücumlarından müdafiə olunmaq gücündədir. Bura hücumlara veriləcək cavab da daxildir”.

Onun sözlərinə görə, İrana qarşı beynəlxalq sanksiyaların ləğv edilməsi, Yaxın Şərq və Avropadakı terror təşkilatlarına ayrılan maddi vəsaitlərin artırılması deməkdir.
Azərbaycandan İndoneziyaya humanitar yardım...Azərbaycan hökuməti İndoneziyaya 50 min ABŞ dolları məbləğində humanitar yardım göstərib.

Bu barədə Avrasiya.net-ə XİN-dən məlumat verilib.

Bildirilib ki, yardım Azərbaycan Respublikasının Prezidenti İlham Əliyevin tapşırığına uyğun olaraq, yanvarın 15-də İndoneziyanın Sulavesi adasında baş vermiş zəlzələnin fəsadlarının aradan qaldırılmasına dəstək məqsədilə Nazirlər Kabinetinin müvafiq sərəncamı ilə İndoneziyanın Qırmızı Xaç Cəmiyyəti vasitəsilə baş tutub.

İndoneziyanın Qırmızı Xaç Cəmiyyəti tərəfindən göstərilmiş humanitar yardıma görə başda Azərbaycan Respublikasının Prezidenti İlham Əliyev olmaqla Azərbaycan xalqına minnətdarlıq bildirilib.

Qeyd edək ki, yanvarın 15-də İndoneziyanın Sulavesi adasında Rixter cədvəli üzrə 6,2 bal gücündə baş vermiş zəlzələ 27 nəfərin ölümünə, 600 nəfərdən çox insanın yaralanmasına səbəb olub. Təbii fəlakət nəticəsində 100-ə yaxın evə ziyan dəyib, 10 yaşayış evi isə tamamilə dağılıb.

Koronavirus qripə yoluxma hallarını azaldıb - ÜSTÖlkələr tərəfindən koronavirusla mübarizə çərçivəsində tətbiq edilən tədbirlər qripə yoluxma hallarının sayını azaldıb.

Avrasiya.net-in "TASS"a istinadən verdiyi məlumata görə, bunu Ümumdünya Səhiyyə Təşkilatının (ÜST) Pandemiya və Epidemiya Xəstəlikləri şöbəsinin müdiri Silviya Brayand deyib.

S.Brayand bildirib: "Mövsümi qripə yoluxmaları izləyirik və Cənubi Yarımkürədə son dərəcə aşağı sirkulyasiya gördüyümüzü deyə bilərik. Bunun bir sıra açıqlamalarж ola bilər, amma ən real açıqlama ondan ibarətdir ki, koronavirusla mübarizə üçün tətbiq edilən tədbirlərin mövsümi qriplə mübarizədə son dərəcə təsirlidir".

Şöbə müdiri vurğulayıb ki, ÜST vəziyyətin xüsusilə koronavirusa qarşı vaksinasiya fonunda necə dəyişdiyini yaxından izləməyə davam edəcək: "Bu mərhələdə koronavirusla mübarizədə təsirli olan tədbirlərin digər yoluxucu xəstəliklərə qarşı da son dərəcə təsirli olduğu qənaətinə gələ bilərik".