"Pfizer-Biontech" kompaniyası uşaqlar üçün yeni peyvənd hazırlayacaq.

Avrasiya.net xəbər verir ki, bu barədə məlumatı "Huriyyət" yayıb. Məlumata görə, 6 aydan 11 yaşadək uşaqlar üçün nəzərdə tutulan peyvəndin sınaqlarına start verilib.

Həmçinin 2022-ci ilin başlağıcında uşaqların koronaya qarşı vaksin vurulması prosesinin inkişaf etdirilməsinin planlaşdırıldığı bildirilib.

İran Ərəbistan dənizində İsrailin konteyner daşıyan yük gəmisinə raket zərbəsi endirib.

TASS-ın verdiyi məlumata görə, bu barədə İsrailin "Z12" xəbər portalı xəbər yayıb.

Televiziya kanalı bildirib ki, raket "XT Management" şirkətinə məxsus gəmiyə ziyan vursada, o, Hindistana yolunu davam etdirib.

İsrail təhlükəsizlik qüvvələri hadisəni araşdırır.

İraqla Ermənistan arasında hərbi sahədə əməkdaşlıq barədə müqavilə imzalanıb.

Avrasiya.net xəbər verir ki, sazişə İraq müdafiə naziri Cuma İnad Saadun Hatab əl-Caburi və Ermənustanın müdafiə naziri Vaqarşak Arutunyan qol çəkib.

İraqlı nazirin Ermənistana səfəri martın 24-də başlayıb.

Hindistan "AstraZeneca" şirkətinin bu ölkədə istehsal olunan koronavirus vaksinlərinin ixracını müvəqqəti dayandırıb.

Avrasiya.net-in məlumatına görə, qərar COVAX mexanizmi çərçivəsində tədarüklərə də təsir edə bilər.

Qeyd olunur ki, Ümumdünya Səhiyyə Təşkilatının (ÜST) COVAX mexanizmi tədarükünün təmin olunması ilə bağlı Hindistan hökuməti ilə danışıqlar aparır.

COVAX bu günədək Hindistandan 17,7 milyon doza "AstraZeneca" vaksini əldə edib. Ümumilikdə, Hindistan 70-dən çox ölkəyə 60 milyon dozadan çox vaksin ixrac edib.

"Avropanın əksər ölkələrində koronavirusun artması qarşıdakı həfələr ərzində də davam edəcək".

“Report” TASS-a istinadən xəbər verir ki, bu barədə Ümumdünya Səhiyyə Təşkilatının Avropa regional direktoru Hans Kluge bildirib.

“Təəssüf ki, Avropanın əksər ölkələrində xəstəliyin yayılması daha da güclənir, gündəlik yoluxma və ölüm sayı artır. Fikrimizcə, qarşıdakı dörd həftə ərzində bu göstəricilər artacaq. Amma peyvəndləmə sürətlənərsə, insanlar qoruyucu maskalardan daha çox istifadə edərsə, bunu dəyişdirmək mümkündür”, – o deyib.

Onun sözlərinə görə, pandemiyanın üçüncü dalğasının Avropa İttifaqı ölkələrində müxtəlif sürətlə yayılıb:

“İsrailə dair gözəl məlumatlarımız var. Bu məlumatlar ilkin olsa da, əhalinin 60 faizi peyvənd olunanda bütün göstəricilərin düzəldiyini görürük. Yəni yoluxma, xəstəxanaya yerləşdirilmə, ölüm sayı azalır. Bunlar çox gözəl xəbərlərdir. Biz Britaniyadan da bu cür ilkin məlumatlar alırıq. Əsas məsələ peyvənd dərmanlarının işə salınaraq insan həyatlarını xilas etməkdir”.

ÜST rəsmisi pandemiyanın nə zaman başa çatacağını deməyə çətinlik çəkib.

Fransa Türkiyəni təhlükəsizlik və miqrasiya sferasında Avropanın vacib tərəfdaşı sayır.

Axar.az xəbər verir ki, bunu Fransa Prezidenti Emmanuel Makron deyib. O, Türkiyə rəhbərliyi tərəfindən münasibətlərin normallaşdırılması üçün siqnallar gördüyünü bildirib:

“AB sülh istəyirsə, vahid təhlükəsizlik arxitekturası yaratmalıdır. Bunun üçün biz Rusiya və Türkiyə ilə uzun müddətli perspektivdə dialoq qurmalıyıq. Ona görə ki, bunlar böyük güclərdir”.

İsrail Baş naziri Benyamin Netanyahunun Likud Partiyası Knessetə keçirilən seçkilərdə qalib gəlib.

Axar.az xəbər verir ki, bu barədə “Kan” televiziyası məlumat yayıb.

“Ekzit-pollun nəticələrinə əsasən, Likud Partiyası 31 mandat, Eş Atid Partiyası isə 18 mandat əldə edib. ŞAS Partiyası 9 mandatla üçüncü olub”, - kanal bildirib.

Ekzit-poll İsrailin müdafiə naziri Benni Qantzın rəhbərlik etdiyi Kaxol Lavan Partiyasının isə 7 mandat əldə etdiyini və baryeri keçdiyini bildirib.

Türk professor Mehmet Ceyhan ABŞ-ın “Moderna” şirkətinin uşaqların vaksinasiyası üçün mRNA texnologiyasına əsaslanan COVID-19 peyvəndi üzərində çalışdığını deyib.

Publika.az xəbər verir ki, professor uşaqlar üçün hazırda koronavirusa qarşı hansısa peyvəndin olmadığını deyib.

“Uşaqlar üçün peyvənd hazırlamağın bəzi şərtləri var. Həmin vaksinin yetəri qədər istifadə edilməsi, tətbiq olunması lazımdır ki, nə qədər etibarlı olduğu təsdiqlənsin. Türkiyədə bu istiqamətdə hər hansı araşdırma yoxdur. ABŞ-da isə yalnız “Moderna” tədqiqat aparır. Bu cür məhsullar aparılan araşdırmaların nəticələrinə əsasən lisenziya əldə edir. Hər məhsula da lisenziya verilmir. Deyək ki, araşdırma gələn ayın sonunda bitəcək, şirkətlər bu araşdırmanın nəticələri ilə ölkələrin səhiyyə orqanlarına müraciət edir və dərhal icazələrini almağa başlayırlar”, - həkim əlavə edib.

M.Ceyhanın sözlərinə görə, gənclərin vaksinasiyaya münasibəti birmənalı olmayacaq:

“Gənclər və yetkin insanlar vaksinasiyadan yayınarsa, istədiyimiz hədəfə çata bilmərik. Bu da işimizi çətinləşdirir. Bunun üçün nazirlik proqramlar hazırlamalıdır. Cəmiyyətin 70-80 faizi inaktiv peyvəndlə qorunacaq. Hədəfimiz əhalinin 60 faizinin peyvəndlənməsidir. Kütləvi immunitetin yaranması üçün cəmiyyətin 80 faizi peyvəndlənməlidir. Yerdə qalan 20 faizi də uşaqlardır. Bütün cəmiyyətə yetəcək peyvənd istehsal edilməsi üçün çox böyük güc sərf etməliyik”.

ABŞ-ın Kolorado ştatının Boulder şəhərində yerləşən supermarketdə baş verən atışma nəticəsində 10 nəfər ölüb.

“Report”un məlumatına görə, müvafiq açıqlama Boulder şəhər polis idarəsi tərəfindən tvitterdə yayımlanıb.

Bundan əvvəl KİV-lər hadisə yerinə gələn hüquq-mühafizə orqanlarının əməkdaşı da daxil olmaqla ən azı altı nəfərin öldüyünü yazmışdı.

Qeyd edək ki, “King Soopers” supermarketinin yaxınlığında naməlum şəxs atəş açıb. Daha sonra mağaza binasına daxil olaraq insanları güllələyib. Hadisəni törədən şəxs saxlanılıb.

Ağ Evin sözçüsü Cen Psaki, ABŞ prezidenti Co Baydenin hadisə ilə əlaqədar məlumatlandırıldığını söyləyib.

Pakistan Milli Aviasiya İdarəsi koronavirusa yoluxmanın artması səbəbindən 12 ölkənin vətəndaşlarının gəlişinə qadağa qoyub.

Avrasiya.net xəbər verir ki, Botsvana, Braziliya, Kolumbiya, Komor adaları, Qana, Keniya, Mozambik, Peru, Ruanda, CAR, Tanzaniya və Zambiya vətəndaşları üçün Pakistana giriş tamamilə qadağan edilib.

Qadağalar aprelin 5-ə kimi qüvvədə qalacaq.