Bayden administrasiyası hesab edir ki, İrana qarşı maksimal təzyiq kampaniyası uğursuzluğa düçar olub.

Axar.az xəbər verir ki, bu məlumatı TASS agentliyinə ABŞ Dövlət Departamentinin nümayəndəsi açıqlayıb.

O, İrana qarşı Tramp dövründə atılan addımların Amerika xalqı üçün böyük təhlükəsizliyə səbəb olmadığını bildirib. Onun sözlərinə görə, əgər Tehran ABŞ-ın bütün sanksiyaları ləğv etməsini gözləyirsə, o zaman İran nüvə proqramı ilə bağlı danışıqlar dalana dirənəcək.

Kipr, Yunanıstan və Misir hərbi əməkdaşlığı möhkəmləndirmək barədə müqavilə imzalayıb.

Avrasiya.net xəbər verir ki, müqavilə 3 ölkə arasında əməkdaşlığı dərinləşdirməyə və ortaq hərbi təlimlər keçirməyi nəzərdə tutur.

Xatırladaq ki, hər 3 ölkə Türkiyə ilə soyuq münasibətlərə malikdir. Yunanıstan və Kiprlə isə Ankaranın ərazi mübahisəsi də mövcuddur.

Almaniyanın “Frankfurt Allgemeine Zeitung” (FAZ) nəşri Azərbaycanın istifadə etdiyi Türkiyə və İsrail PUA-ları tərəfindən 190-dan çox erməni tankı və zirehli texnikasının məhv edilməsinin alman ordusunda şoka səbəb olduğunu yazıb.

Axar.az xəbər verir ki, FAZ-ın məqaləsində Almaniya Müdafiə Nazirliyinin ordunun hava hücumundan müdafiə sisteminin PUA-ların qarşısını almaqda yetərli olmadığını etiraf etdiyi vurğulanıb. Müdafiə naziri Anneqret Kramp-Karrenbauerin bu problemi aradan qaldırmaq üçün hava hücumundan müdafiə sisteminin tamamilə yenidən qurulması üçün bəzi təkliflər hazırladığı qeyd edilib.

Almaniyanın 2013-cü ildə hava hücumundan müdafiə sisteminə ehtiyac duymadığı üçün heç bir modernləşmədən keçmədiyi bildirilib.

“PUA-lar 190-dan çox erməni tankını və zirehli texnikasını məhv edib. Hücumlara qarşı həssas olan erməni əsgərləri ruhdan düşüblər. Bu xəbər alman ordusunu şoka salıb”, - məqalədə bildirilib.

ABŞ prezidenti Co Bayden ölkənin hərbi büdcəsini sələfi Donald Trampın rəhbərliyi tərəfindən müəyyən edilən rəqəmdən 7 milyard ABŞ dolları məbləğində azaltmağı təklif edəcək.

Avrasiya.net xəbər verir ki, bu barədə “Bloomberg” agentliyi mənbələri məlumat yayıb.

Cümə günü (9 aprel - Red) Bayden, müdafiə daxil olmaqla dövlət xərcləri üçün təkliflər təqdim edəcək. Təklifə əsasən müdafiə xərcləri üçün 715 milyard ABŞ dolları nəzərdə tutulub. Halbuki, Tramp bu rəqəmi 722 milyard ABŞ dolları təklif etmişdi. Bu, hərbi xərcləri azaltmaqda israr edən Demokrat Partiyanın nümayəndələrinə doğru addım olacaq.

Bu ilki maliyyə büdcəsi uzun müddətdən bəri hərbi və digər xərclərə bölünməyəcək. Nəticədə ABŞ Konqresi müdafiə büdcəsini azaltmaq və başqa ehtiyaclara yönəltmək imkanı qazanacaq.

Avropa və Birləşmiş Krallıqda “Vaxzevria” (əvvəlki adı “AstraZeneca”) COVİD-19 peyvəndi vurduran şəxslərdə az miqdarda nadir görülən tromboembolik fəsadlara (aşağı trombositlər olan qan laxtaları) cavab olaraq, ÜST-nin Peyvənd Təhlükəsizliyi üzrə Qlobal Məsləhət Komitəsi (GAVCS), Avropa Dərman Agentliyi (EMA) və Birləşmiş Krallığın tənzimləyici qurumu (MHRA) qeydə alınan halların bu peyvənd ilə əlaqəsinin olub-olmadığını müəyyən etmək üçün mövcud bütün məlumatları nəzərdən keçirir. Aprelin 7-də sözügedən qurumlar müvafiq bəyanatlar veriblər.

Ümumdünya Səhiyyə Təşkilatının (ÜST) Azərbaycandakı nümayəndəliyindən Avrasiya.net-ə bildirilib ki, təhlil aparan qurumlar “Vaxzevria” peyvəndinin faydalarının çox nadir qeydə alınan potensial risklərini üstələdiyi qənaətinə gəliblər. ÜST ölkələrə milyonlarla insanın həyatını xilas edən və ağır xəstəliyin qarşısını alan “Vaxzevria” peyvəndi ilə vaksinasiya olunmağa davam etməyi tövsiyə edir.

Bu günə qədər 190 milyon dozadan çox “Vaxzevria” peyvəndi tətbiq edilib. Trombositopeniya ilə 182 tromboembolik hadisə məruzə edilib. Qeyd edilən hallarla hər hansı bir əlaqə varsa, bu hadisə çox nadirdir və risk olduqca azdır. Bir sıra ölümcül hallar da bildirilib. Lakin müqayisə üçün qeyd edək ki, aprelin 7-nə olan məlumata əsasən dünyada 2.86 milyon insan COVİD-19-dan dünyasını dəyişib və infeksiyaya yoluxma halları artmaqda davam edir.

ÜST-nin Azərbaycandakı nümayəndəliyinin məlumatında deyilir:

“ÜST potensial olaraq peyvəndin səbəb olduğu və əlavə araşdırma tələb edən hadisələr barədə məlumatları aşkar etmək və riskləri idarə etmək üçün yerli qurumlar və peyvənd istehsalçıları ilə sıx əməkdaşlıq edir.

Təhlükəsizlik bizim əsas prioritetimizdir. ÜST tövsiyələri hazırlamaq və peyvəndlərin təhlükəsiz və effektiv istifadəsini optimallaşdırmaq üçün elmi araşdırmalara əsaslanan məlumatlardan istifadə edir. Peyvəndlərin istifadəsi ilə bağlı tövsiyələrimizdə hər hansı bir dəyişiklik olarsa, şəffaf və operativ şəkildə ictimaiyyəti məlumatlandırmağa davam edəcəyik”.

“Forbes” jurnalı dünyanın ən varlı adamlarının yeni siyahısını açıqlayıb.

Jurnal bildirir ki, pandemiyaya baxmayaraq son bir ildə dünyada milyarderlərin sayı daha da artıb.

Avrasiya.net Novator.az-a istinadən xəbər verir ki, ötən il “Forbes”in tərtib etdiyi siyahıda 2095 milyarderin adı vardı. Bu il siyahıya 2755 milyarderin adı düşüb.

Ötən il milyarderlərin ümumi sərvəti 8 trilyon dollar idi. İndi 13,1 trilyon dollardır.

Milyarderlərin 210 nəfəri Çin və Honkonqdan, 98 nəfəri ABŞ-dandır.


Siyahıdakı 493 nəfərin sərvəti ilk dəfə son bir ildə milyard dolları keçib, bu səbəbdən onların adı milyarderlər siyahısında yenidir, indiyədək belə bir siyahıda olmayıblar.

Siyahıdakı 250 nəfər isə dünyanın ən varlı adamları sırasına yenidən qayıdanlardır. Yəni onlar əvvəllər də belə siyahıda olublar, sonra sərvətləri azaldığına görə siyahıdan kənarda qalıblar, son bir ildə yenidən varlanıb milyarderlər cərgəsinə dönüblər.

Ümumiyyətlə siyahıda adı olanların 86 faizinin sərvəti əvvəlkindən daha artıqdır. Yəni dünyanın ən varlı adamlarının 86 faizi pandemiya dövründə daha da varlanıb.

“Forbes”in hesablamasına görə, dünyanın ən varlı adamı ABŞ-ın “Amazon” şirkətinin başçısı Ceff Bezosdur. Onun varidatı 117 milyard dollar dəyərində qiymətləndirilir.

İkinci yerdə ABŞ-ın “Tesla” və “Space X” şirkətlərinin rəhbəri İlon Mask gəlir. Onun 151 milyard dollarlıq sərvəti var.

Üçüncü yeri 150 milyard dollarlıq sərvətlə Fransanın “Louis Vuitton Moet Hennessy” şirkətinin rəhbəri Bernar Arno tutur.

Dördüncü yerdə ABŞ-ın “Microsoft” şirkətinin rəhbəri Bill Qeyts durur. Onun 124 milyard dollarlıq varidatı var.

Dünyanın ən varlı adamlarının ilk onluğunda sonrakı yerlərdə gələnlərin sərvəti 100 milyard dollardan aşağıdır.

Bunlar “Facebook” sosial şəbəkəsinin qurucusu Mark Suxerberq (97 milyard dollar), amerikalı sərmayəçi Uorren Baffet (96 milyard dollar), ABŞ-ın “Oracle” şirkətinin qurucusu Larri Ellison (93 milyard dollar) və ABŞ-ın “Google” şirkətinin qurucusu Larri Peycdir (91,5 milyard dollar).

ABŞ-ın Cənubi Koralina ştatında evə silahlı basqın olub.

Avrasiya.net xəbər verir ki, hüquq-mühafizə orqanlarının əməkdaşlarının verdiyi məlumata görə, hadisə Rok-Hill adlı kiçik qəsəbədə baş verib.

Silahlı basqın nəticəsində 2-si uşaq olmaqla, 5 nəfər öldürülüb. Evdə ağır yaralanan bir nəfər xəstəxanaya aparılıb.

Faktla bağlı araşdırma aparılır.

ABŞ-da aparılan tədqiqatlara görə, hazırda koronavirusun Britaniya ştammı ölkədə daha geniş yayılıb.

“Report” CNN-ə istinadən xəbər verir ki, bu barədə Xəstəliklərə Nəzarət və Qarşısının Alınması Mərkəzlərinin (CDC) direktoru Roçel Valenski Ağ Evdəki brifinqdə bildirib.

O deyib ki, son məlumata görə B.1.1.7 varianta hazırda 16 275 təsdiqlənmiş yoluxma halı qeydə alınıb.

Xatırladaq ki, dekabrın 14-də Böyük Britaniyanın səhiyyə naziri Matt Hankok ölkədə koronavirusun daha tez yoluxan mutasiya olunmuş yeni variantın aşkarlandığını açıqlamışdı.

ABŞ-da aparılan tədqiqatlara görə, hazırda koronavirusun Britaniya ştammı ölkədə daha geniş yayılıb.

“Report” CNN-ə istinadən xəbər verir ki, bu barədə Xəstəliklərə Nəzarət və Qarşısının Alınması Mərkəzlərinin (CDC) direktoru Roçel Valenski Ağ Evdəki brifinqdə bildirib.

O deyib ki, son məlumata görə B.1.1.7 varianta hazırda 16 275 təsdiqlənmiş yoluxma halı qeydə alınıb.

Xatırladaq ki, dekabrın 14-də Böyük Britaniyanın səhiyyə naziri Matt Hankok ölkədə koronavirusun daha tez yoluxan mutasiya olunmuş yeni variantın aşkarlandığını açıqlamışdı.

ABŞ-da aparılan tədqiqatlara görə, hazırda koronavirusun Britaniya ştammı ölkədə daha geniş yayılıb.

“Report” CNN-ə istinadən xəbər verir ki, bu barədə Xəstəliklərə Nəzarət və Qarşısının Alınması Mərkəzlərinin (CDC) direktoru Roçel Valenski Ağ Evdəki brifinqdə bildirib.

O deyib ki, son məlumata görə B.1.1.7 varianta hazırda 16 275 təsdiqlənmiş yoluxma halı qeydə alınıb.

Xatırladaq ki, dekabrın 14-də Böyük Britaniyanın səhiyyə naziri Matt Hankok ölkədə koronavirusun daha tez yoluxan mutasiya olunmuş yeni variantın aşkarlandığını açıqlamışdı.