Böyük Britaniya "Eurofighter Typhoon" qırıcılarının istehsalını dayandırır
Britaniyanın müdafiə şirkəti BAE Systems dördüncü nəsil "Eurofighter Typhoon" çoxməqsədli döyüş təyyarələrinin istehsalını alıcı çatışmazlığı səbəbindən dayandırıb.
Bu barədə "Financial Times" yazır.
Nəşrin yazdığına görə, hazırda Uortondakı zavodda anqarda bir təyyarə var və o, tamamlandıqdan və rəngləndikdən sonra 8 il əvvəl bağlanmış müqaviləyə əsasən Qətərə veriləcək. “Əsas konveyer xəttinə gəlincə, o, dayanıb, orada işçi yoxdur”, - FT mənbədən sitat gətirir.
Qeyd olunur ki, Britaniya hökuməti 2009-cu ildən bəri "Eurofighter Typhoon" üçün yeni sifarişlər vermir. "Eurofighter Typhoon" qırıcıları eyni anda üç şirkət tərəfindən istehsal olunur: BAE, Airbus və Leonardo. Onlar fərdi komponentlər istehsal edə və maşınların son montajını həyata keçirə bilirlər.
