Rusiyanın Ukraynada itkiləri artırUkrayna müharibənin 125-ci günü üçün Rusiya ordusunun itkiləri haqda məlumatı yeniləyib.

Ukrayna ordusunun Baş Qərargahının yaydığı məlumata görə, Rusiya indiyə qədər 35 250 hərbçi, 1 567 ədəd tank, 3 704 ədəd zirehli döyüş maşını, 778 ədəd artilleriya sistemi, 243 ədəd RYAS (reaktiv yaylım atəş sistemi), 102 hava hücumundan müdafiə sistemi, 217 ədəd hərbi təyyarə, 185 ədəd helikopter, 2 589 ədəd avtomobil texnikası, 636 ədəd PUA, 139 qanadlı raket , 61 xüsusi texnika itirib.
General: Ukrayna bu vilayəti işğaldan azad edirUkraynalı müdafiəçilər tədricən Xerson istiqamətində irəliləyir, azad edilmiş yaşayış məntəqələrini saxlamağa çalışırlar. Xerson bölgəsindəki ruslar Dnepr çayının sağ sahilinə sıxışdırıldıqları üçün zəif mövqedədirlər.

Axar.az xəbər verir ki, bunu Ukraynanın ehtiyatda olan general-mayoru Viktor Yaqun deyib.

“Ordumuz müəyyən sahələrdə tədricən irəliləyir və artıq azad edilmiş mövqeləri qoruyub saxlamağa çalışır. Ümid edirəm ki, bu, Xersonun azad edilməsinə gətirib çıxaracaq. Fakt budur ki, işğalçının Xerson torpağında, daha doğrusu, Dnepr çayının sağ sahilində mövqeyi çox zəifdir. Onlar bunu başa düşürlər və vəziyyəti saxlamaq üçün var gücləri ilə çalışırlar. Onların zəif mövqeyi Ukrayna ordusunun əlinə oynayır. Onların elə bir fikri var idi ki, Nikolayevi keçib Odessaya gedəcəklər. Lakin indi Dnepr çayının sağ sahilinə sıxışıblar, çox narahat vəziyyətdədirlər. Bu, bütün Xerson vilayətinin deyilsə də, heç olmasa, Krivoy Roq istiqamətinin azad olunmasını təmin edəcək”, - o bildirib.
ABŞ-da yük maşınında 46 nəfərin meyiti aşkarlanıbABŞ-ın Texas ştatının San-Antonio şəhərində miqrantların olduğu yük maşınında 46 nəfərin meyiti aşkarlanıb.

Bu barədə “Report” xarici mətbuata istinadən xəbər verir.

Qeyd edilir ki, miqrant olduğu bildirilən 46 nəfər sürücünün tərk etdiyi yük maşınında ölü tapılıb.

Yük maşınında halsız vəziyyətdə olan daha 16 nəfər xəstəxanalara aparılıb. Hadisə yerinə hüquq-mühafizə orqanlarının əməkdaşları və təcili yardım maşınları cəlb edilib.

Maşında olanların qeyri-qanuni yollarla ABŞ-a keçməyə çalışdıqları güman edilir.

San-Antonio Polis İdarəsinin yük maşınının sürücüsünü axtardığı bildirilir, hadisə ilə bağlı hələlik rəsmi açıqlama verilməyib.
“Rusiya dünyanın ən böyük terror təşkilatına çevrilib”“Rusiya dünyanın ən böyük terror təşkilatına çevrilib, bu faktdır”.

“Report” xəbər verir ki, bunu Ukrayna Prezidenti Volodimir Zelenski videomüraciətində deyib.

“Bu, hüquqi fakt olmalıdır və dünyada hər kəs bilməlidir ki, Rusiya neftinin alınması və ya daşınması, bu ölkənin bankları ilə əlaqələr saxlamaq, Rusiya dövlətinə vergi və rüsumların ödənilməsi terrorçulara pul verməkdir”, - dövlət başçısı deyib.

“Mən bu gün də (dünən-red) G7 liderlərinə müraciət edərək dedim ki, bizim birgə potensialımız Rusiya ordusunu məğlub etmək üçün kifayətdir”, - Zelenski vurğulayıb.

Zelenskinin sözlərinə görə, Rusiya döyüşə bilmir: “Onlar müqavimət göstərməyi bacarmırlar, yalnız bu gün Kremençukda olduğu kimi alçaq zərbələrlə kifayətlənirlər”.

"Hamımız birlikdə təzyiq göstərə və işğalçıları Ukrayna torpaqlarından sıxışdıra bilsək, müharibə uzanmaya bilər. Bu nə qədər tez baş versə, bir o qədər çox insanın həyatı xilas olar", - Zelenski əlavə edib.

İordaniyada partlayış: 13 nəfər öldü, 263-ü yaralandıİordaniyanın sahil şəhəri Akabada tankerdə baş vermiş partlayış səbəbindən sızan zəhərli qazdan azı 10 nəfər ölüb, 250-dən çox insan isə xəsarət alıb.

Bu barədə yerli polisin məlumatında deyilir.

Hadisədən sonra əraziyə mütəxəssislər cəlb edilib, araşdırma aparılır.

Şəhərdə həyəcan çağırışı elan edilib, vətəndaşlara qapı və pəncərələri bağlı saxlamaq tövsiyə olunub.

***

İordaniyanın Akaba limanında zəhərli qaz sızması nəticəsində 13 nəfər ölüb, azı 263 nəfər zərər çəkib.

Bu barədə yerli media məlumat yayıb.
Avropaya sanksiya yox, sülh lazımdır - OrbanAvropa inflyasiya və iqtisadi böhrandan əziyyət çəkir, ona görə də yeni sanksiyalar deyil, sülh danışıqları lazımdır.

Bunu Macarıstan Baş naziri Viktor Orban deyib.

“Avropa hərbi inflyasiya və hərbi-iqtisadi böhrandan əziyyət çəkir. Üstəlik, daha çox sanksiyalar tətbiq etmək ideyaları yaranmağa başlayıb. İndi bizə yeni sanksiyalar deyil, sülh lazımdır. Çünki hərbi inflyasiya zəhərinə qarşı yeganə addım sülhdür”, - Orban bildirib.
121-ci gün: Rusiyanın itkiləri açıqlandıUkrayna müharibənin 121-ci günü üçün Rusiya ordusunun itkiləri haqda məlumatı yeniləyib.

Bu barədə Ukrayna ordusunun Baş Qərargahı məlumat yayıb.

Bildirilib ki, Rusiya indiyə qədər 34 530 hərbçi, 1 507 ədəd tank, 3637 ədəd zirehli döyüş maşını, 759 ədəd artilleriya sistemi, 241 ədəd RYAS (reaktiv yaylım atəş sistemi), 99 hava hücumundan müdafiə sistemi, 216 ədəd hərbi təyyarə, 183 ədəd helikopter, 2553 ədəd avtomobil texnikası, 622 ədəd PUA, 137 qanadlı raket itirib.
Antiputin legionu 18 yaşlı əsgəri əsir götürdü – Foto“Rusiyaya Azadlıq” anti-Putin legionunun döyüşçüləri Luqansk ərazisindən səfərbərliyə cəlb edilən 18 yaşı tamam olmamış əsgəri əsir götürüblər.

Axar.az xəbər verir ki, bu barədə legionun Teleqram kanalında məlumat yayılıb.

“Bizim yenə də Luqansk şəhərindən səfərbər olunmuş daha bir əsirimiz var. Bu oğlanın hələ 18 yaşı yoxdur. Putin və onun adamları minlərlə günahsız insanın həyatını müharibə ocağına atırlar, artıq azyaşlılardan da istifadə edirlər”, - məlumatda deyilir.

Legion əsirin fotosunu da yerləşdirib, lakin onun üzü görünmür.
Meymunçiçəyi pandemiya ELAN EDİLDİDünya Səhiyyə Şəbəkəsi meymunçiçəyi xəstəliyini pandemiya elan edib.

Bu barədə təşkilatın saytında məlumat yerləşdirilib.

Səhiyyə Şəbəkəsi meymunçiçəyi virusunun dünyada geniş yayılması ilə əlaqədar təcili iclas keçirib. Toplantıda meymunçiçəyi xəstəliyinin ictimai sağlamlıqda fövqəladə hal olduğu qeyd edilib və xəstəliyin pandemiya elan olunması qərara alınıb.

Qeyd edək ki, meymunçiçəyi Afrikada yayılan nadir virusdur, bəzi xüsusiyyətləri "çiçək" xəstəliyinə bənzədiyinə görə belə adlanır. İlk əlamətləri COVID-19-u xatırladır - qızdırma, başağrısı, bel və əzələ ağrıları, limfa düyünlərinin şişməsi, titrəmə və yorğunluqdur.

Paralel olaraq adətən üzdən başlayan və daha sonra bədənin digər hissələrinə, xüsusən də əllərə və ayaqlara yayılan sulu şişlik və səpgilər meydana gəlir, onlar güclü qaşınma verir, daha sonra yaraya çevrilir.

Meymunçiçəyi virusu insanlara birbaşa təmasla və ya hava yolu ilə keçə bilər. Koronavirusda olduğu kimi, burada da tənəffüs yolları, gözlər, burun və ya ağız virusu qəbul edə bilir.

İlk dəfə meymunda aşkar edilən virusa indiyədək 20-dən çox ölkədə rast gəlinib.