Partiya lideri bayram günü Quranı yandırmaq İSTƏDİDanimarkanın irqçi Sıx İstiqamət Partiyasının lideri Rasmus Paludan İsveçin Uppsala şəhərindəki məscidin qarşısında Qurani-Kərim kitabını yandırmaq istəyib.

Modern.az xəbər verir ki, əraziyə cəlb olunan polis əməkdaşları Paludanı mühafizə edib. Əks-nümayişçilərdən 10 nəfər Paludan tərəfə qaçaraq onun təxribatının qarşısını almağa çalışıb. Nümayişçilərdən qorxan Paludan maşınına əyləşərək dərhal hadisə yerindən qaçıb.

Ərazidə xidmət aparan 50-yə yaxın polis nümayişçiləri sakitləşdirməyə cəhd göstərib. Bu xoşagəlməz olaydan sonra açıqlama verən polis orqanları bir avtomobilin zədələndiyini və hadisənin digər bölgələrə yayılmasının qarşısını almaq üçün tədbirləri davam etdirdiklərini bildirib.

Qeyd edək ki, Danimarka və İsveç vətəndaşlığı olan Paludan 2017-ci ildən bəri Danimarkanın müxtəlif şəhərlərində Qurani-Kərimin yandırılmasını təhrik edir. Ötən ilin Ramazan ayında Paludan müsəlmanların sıx yaşadığı məhəllələrin və məscidlərin yaxınlığında təxribatlar törədib.

Rasmus Paludan Pasxa bayramlarında İsveçin paytaxtı Stokholmda və Malmö, Norköpin və Jönköping şəhərlərində təxribatlarını davam etdirib. Onun bir müddət əvvəl Quranı yandırması ölkədə böyük etirazlara səbəb olmuşdu.

Rusiya bu ölkəyə hücum qərarı verdi – KəşfiyyatRusiya Moldovaya hücum qərarı qəbul edib. Kreml artıq hücum üçün dəqiq plan hazırlayıb.

Axar.az xəbər verir ki, bu barədə Ukrayna kəşfiyyatındakı mənbəyə istinadla “Tayms” nəşri yazıb.

“Əgər bu baş verərsə, Kreml Donbas ssenarisini təkrarlayacaq”, - nəşr qeyd edib.

Mənbə bildirib ki, biz Kremlin Moldovaya hücum qərarı verdiyini hesab edirik:

“Moldovanın taleyi çox önəmlidir. Əgər Rusiya o əraziləri nəzarətə götürsə, Ukrayna yüngül hədəfə çevriləcək.

Əgər Rusiya Dnestryanının müstəqilliyini tanısa, bu artıq Moldovanın ərazi bütövlüyünü pozmaq və birbaşa təhdid olacaq. Donbass ssenarisinin təkrarıdır. Sonra onlar böyük silah göndərəcək, daha sonra ərazini Rusiyaya birləşdirməyə çalışacaqlar”.

O bildirib ki, Moldovanın işğalı Ukraynanın qərb tərəfdən də işğalına yol açacaq.
Çexiya Prezidenti: “Ukraynaya hücum Rusiyanı məhv edəcək”“Ukraynaya hücum Rusiyanı iqtisadi, siyasi və reputasiya baxımından məhv edəcək”.

“Report” xəbər verir ki, bunu Çex Respublikasının Prezidenti Miloş Zeman bəyan edib.

“Lakin Ukraynaya hücum yenə də siyasətçilərin məntiqsiz hərəkətləri və dəli kimi davranmaları səbəbindən baş verdi. Dəlini isə təcrid etmək lazımdır”, - deyə o, qeyd edib.

Onun sözlərinə görə, Rusiya Prezidenti Vladimir Putin ölkəsinin hər şeyə qadir olması və ordusunun dünyanın ikinci ən güclü ordusu olması illüziyasına qapıldı:

“Hesab edirəm ki, hər bir ölkə öz milli maraqlarını müdafiə edir, lakin bu maraqlar qısamüddətli və uzunmüddətlidir. Etiraf edirəm ki, rusların tamamilə irrasional, gözlənilməz, daha aqressiv və düşündüyümdən daha az avropalı olduqları ortaya çıxdı”.
Dünya Bankı Ukraynaya əlavə 495 milyon avro vəsait ayıracaqDünya Bankı Ukraynaya əlavə 495 milyon avro vəsait ayıracaq.

Bu barədə ölkənin Maliyyə Nazirliyi məlumat yayıb.

Vəsait Norveç, Avstriya və Amerika Birləşmiş Ştatları tərəfindən təmin ediləcək.

Qrant sazişinə müvafiq düzəlişlər maliyyə naziri Sergey Marçenko və Dünya Bankının Şərqi Avropa (Belarus, Moldova və Ukrayna) üzrə regional direktoru Arup Banerji tərəfindən imzalanıb.

Pul vəsaiti sosial, humanitar, səhiyyə xərcləri və məcburi köçkünlərə dəstək üçün Ukrayna dövlət büdcəsinin ümumi fonduna yönəldiləcək.

Xatırladaq ki, Beynəlxalq Valyuta Fondunun rəhbəri Kristalina Georgiyeva Ukraynanın maliyyə itkilərini qarşılamaq üçün yaxın üç ay ərzində hər ay 5 milyard dollara ehtiyac duyacağını bildirib.
ABŞ Ukrayna ordusuna təlim keçməyə başlayıbABŞ Ukrayna ordusuna Almaniyada təlim keçməyə başlayıb.

“Report” RİA “Novosti”yə istinadən xəbər verir ki, bu barədə Pentaqonun sözçüsü Con Kirbi bildirib.

"Haubitsaların istifadəsi üzrə təlimlər gedir. Artıq iki mərhələli təlim keçirilib, yenisi Almaniyada başlayıb", - Kirbi deyib.

Kirbi bildirib ki, təlimlərin çoxu Florida Milli Qvardiyası tərəfindən aparılır. O qeyd edib ki, təlimlər Ukraynadan kənarda üç yerdə keçirilir, lakin digər ikisi açıqlanmır.
Putin hər gün itirir, ona kimsə kömək etmir – ABŞUkraynada müharibə yəqin ki, diplomatik yolla bitməyəcək, tam qələbə çalana qədər davam edəcək.

Axar.az xəbər verir ki, bunu ABŞ Dövlət katibinin müavini Viktoriya Nuland deyib.

“Aydındır ki, əgər Putin səmimi şəkildə danışıqlar masasına əyləşmək istəsəydi, istədiyi an, hətta bu gecə belə, atəşkəs elan edə bilərdi və biz masa arxasında danışıqlar apara bilərdik. Bu, düzgün, layiqli və mənəvi addım olardı. Deməli, bu onun öz əlindədir. Və bunun diplomatik yolla bitməsini istərdik. Amma əgər Putin əvvəlki kimi Ukraynanın təslim olmasında israr etmək istəyirsə, o zaman ukraynalılar da döyüşəcək. Bu mübarizədir və biz bu mübarizədə qalib gələnə qədər ukraynalılara kömək etməyə davam edəcəyik”, - o bildirib.

Nuland qeyd edib ki, ABŞ Ukraynanın qələbəsinə inanır:

“Biz Ukraynanın necə inanılmaz cəsarətlə döyüşdüyünü və itkilər verdiyini görürük. Eyni zamanda, Rusiya tərəfinin böyük itkilər verdiyini də görürük. Putinin əvəz edə bilməyəcəyi çoxlu sayda tankları, müasir sistemləri, aviasiyası, silahları necə itirdiklərini görürük, çünki bu işdə ona heç kim kömək etmir. Onunla bu dəhşətli, şər, qəddar, amansız müharibədə döyüşməyə hazır olan rus gəncliyi yoxdur”.
65 gündə Rusiyanın itkiləriUkrayna müharibənin 65-ci günü üçün Rusiya ordusunun itkiləri haqda məlumatı yeniləyib.

Bu barədə Ukrayna Baş Qərargahının sosial şəbəkə hesabında məlumat yayılıb.

Bildirilib ki, Rusiya indiyə qədər 23 000-ə yaxın hərbçi, 986 ədəd tank, 2418 ədəd zirehli döyüş maşını, 435 ədəd artilleriya sistemi, 151 ədəd RYAS (reaktiv yaylım atəş sistemi), 73 hava hücumundan müdafiə sistemi, 189 ədəd hərbi təyyarə, 155 ədəd helikopter, 1695 ədəd avtomobil texnikası, 8 ədəd gəmi/kater, 76 ədəd yanacaq sisterni, 229 ədəd PUA, 31 ədəd xüsusi texnika və 4 operativ-taktiki raket kompleksi itirib.
Rus ordusu səhvlərdən nəticə çıxarır – NATORusiya ordusu hücum taktikasını dəyişərək, əvvəlki səhvlərini nəzərə almağa başlayıb.

Bu barədə CNN NATO-nun yüksək rütbəli rəsmilərinə istinadən məlumat yayıb.

“Hücumlar bir qədər yaxşı əlaqələndirilir, lakin kiçik birləşmələrdə həyata keçirilir. Rusiya qüvvələri Ukraynanın şərqindəki hücumda müəyyən irəliləyiş əldə edib. Rusiya qoşunlarının irəliləməsi yavaş və qeyri-bərabər şəkildə olur. Onlar əvvəllər tank, zirehli texnika, qida və yanacaq tükəndiyi zaman buraxılan səhvlərdən dərs almağa çalışırlar”, - məlumatda deyilir.
"Rusiyanın Ukraynaya hücumu BMT nizamnaməsinin pozulmasıdır"Rusiyanın Ukraynaya hücumu BMT nizamnaməsinin pozulmasıdır.

“Report” Ukrayna mətbuatına istinadən xəbər verir ki, bunu BMT-nin baş katibi Antoniu Quterreş deyib.

“BMT-nin dəyərlərindən biri ərazi bütövlüyünə hörmətdir. Bu əsasdır”, - o, cümə axşamı Kiyevdə Ukrayna Prezidenti Volodimir Zelenski ilə görüşdən sonra keçirdiyi brifinqdə vurğulayıb.

Baş katib həmçinin etiraf edib ki, BMT Təhlükəsizlik Şurası münaqişənin həlli üçün əlindən gələn hər şeyi edə bilməyib.

“Biz təslim olmayacağıq. Biz güc tətbiq etməyə qarşı mübarizə aparacağıq”, - Quterreş vuğulayıb.