Hindistan bu raketini kosmosa göndərə bilmədi
Hindistan Kosmik Tədqiqatlar Təşkilatı (İSRO) mühərriklərdən birində yaranan problem səbəbindən kosmosa tədqiqat peyki göndərmək üçün raket buraxa bilməyib.
Bu barədə təşkilatın rəhbəri V.Narayanan məlumat verib.
“Bu gün biz PSLV-C61 EOS-09 missiyasını Şriharikota kosmodromundan 101-ci buraxılışını planlaşdırırdıq. PSLV dörd mərhələli raketdir və performansı ikinci mərhələyə qədər normal idi. Üçüncü mərhələ mühərriki yaxşı işə başladı, lakin yanma zamanı missiyanın tamamlanmasına mane olan problemləri müşahidə etdik və mühərrikin korpusundakı təzyiq düşdü. Nə baş verdiyini araşdırırıq və ən qısa zamanda cavablarla geri dönəcəyik”, - Narayanan bildirib.
Qeyd edək ki, EOS-09 Yerin müşahidə peykidir. İstənilən hava şəraitində, gündüz və gecə şəkilləri çəkə bilir.
