Nigeriyada 20 nəfər quldurlar tərəfindən öldürüldüNigeriyada quldurlar tərəfindən azı 20 nəfər öldürülüb.

Axar.az xəbər verir ki, bu barədə yerli media məlumat verib.

Belə ki, silahlı şəxslər İdasu bölgəsindəki üç kəndə hücum edib və azı 20 mülki şəxsi qətlə yetirib.

Quldurlar evləri, kənd təsərrüfatı texnikasını qarət edərək yandırıblar.

Faktla bağlı istintaq başlayıb. Yaşayış məntəqələrini və onların sakinlərini qorumaq üçün bölgəyə təhlükəsizlik qüvvələri göndərilib.
Tramp: Çin koronaya görə dünyaya təzminat ödəməlidirÇin koronavirusun yaranmasına görə dünyaya təzminat ödəməlidir.

Axar.az xəbər verir ki, bu sözləri ABŞ-ın keçmiş prezidenti Donald Tramp "Foks Nyus"a müsahibəsində deyib.

"Çin təzminat ödəməli olacaq. Onun bu kompensasiyaları ödəmək üçün kifayət qədər pulu yoxdur. Amma nəsə etməlidirlər. Onların dünyaya etdikləri dəhşətlidir. Dəhşətlidir və bunun sonu yoxdur”, - ABŞ-ın keçmiş prezidenti bildirib.
ABŞ-ı vətəndaş müharibəsi gözləyir – Generallar2024-cü ildə baş tutacaq prezident seçkiləri qarşıdurmalar, hətta hərbçilərin iştirakı ilə dövlət çevrilişinə cəhdlə müşayiət oluna bilər.

Axar.az xəbər verir ki, bu barədə istefada olan ABŞ general-mayorları Pol İton, Antonio Taquba və briqada generalı Stiven Andersonun “Nyu York Tayms”da yayımlanan birgə məqaləsində qeyd edilib.

Generallar bildirib ki, ABŞ ordusunda artıq xaos əlamətləri özünü göstərir. Onlar 6 yanvar 2021-ci il hadisələrində veteranlar və hərbçilərin iştirakına da diqqət çəkiblər. Xatırladıblar ki, bura istefada olan 124 zabitin Trampı dəstəklədiyi, seçkilərin saxtalaşdırıldığı və buna görə də ləğvini tələb edən məktubunu əlavə etmək də olar.

Yüksək çinli zabitlər iddia ediblər ki, bəzi hərbçilər Co Baydenin əmrlərinin icrasından imtina edə bilər, bu isə vətəndaş müharibəsi deməkdir.

Zabitlər mümkün vəziyyətdən qaçmaq üçün təcili addımlar atılması gərəkdiyini bildiriblər. Vacib addımlar isə komandanlığın strukturunun gücləndirilməsi, potensial üsyançıların vaxtaşırı olaraq üzə çıxarılması və təmizlənməsidir.
Yunanlar təşvişdə: Bu türk silahı bizim üçün təhlükədirTürk sualtı qayıqları çox güman ki, quruda və havada hədəflərə hücum etmək imkanları qazanacaq və təkcə Yunanıstan donanması üçün deyil, həm də yunan ordusu üçün ciddi təhlükə yaradacaq.

Axar.az xəbər verir ki, bu barədə Yunanıstanın “Pentapostagma” qəzetində yayılan xəbərdə vurğulanıb.

"Türkiyə sualtı qayıqdan "Atmaca" və "Gəzgin" raketlərini sınaqdan keçirməyə hazırlaşır", - məlumatda bildirilib.

Qeyd edək ki, 220 kilometrlik mənzilə sahib olan "Atmaca"nın uçuş məsafəsinin 250 km-ya qaldırılacağı gözlənilir. "Atmaca" idarəolunan raketdir və hədəfi dəyişə bilir.
ABŞ-la İsrail arasında gizli müqavilə: Müharibə olarsa..ABŞ İsrailə regional müharibə vəziyyətində məhv olacaq infrastrukturunu bərpa etməkdə kömək edəcəyinə söz verib.

Axar.az xəbər verir ki, bu barədə İsrailin "Yediot Aharonot” qəzeti məlumat yayıb.

Qeyd edilib ki, İsrail-ABŞ gizli birgə müdafiə planının yekun hissəsində İsrailin siyasi və təhlükəsizlik strukturunda çox az adamın bildiyi bir bənd var. “İsrail dövlətinin yenidən qurulmasına yardım” adlı bu maddəyə əsasən, İsrailin regional müharibə nəticəsində mülki infrastrukturuna zərər dəyərsə, bərpasında ABŞ yardım göstərəcək
Elmar Məmmədyarovun oğlu ABŞ-da məhkəməyə verildiNyu York Mellon Bankının (The Bank of New York Mellon) iddiası əsasında Nyu York əyalət məhkəməsi (New York County Courts) Azərbaycanın keçmiş xarici işlər naziri Elmar Məmmədyarovun oğlu Emin Məmmədyarova qarşı vergi davası açıb.

Avrasiya.net xəbər verir ki, bu barədə jurnalist Cavanşir Həsənli məlumat paylaşıb.

Onun iddiasına görə, vergi davasına sabiq nazirin oğlunun adına aldığı 4.5 milyonluq mənzillərlə bağlı məlumatlar ictimailəşəndən sonra - 2020-ci ilin oktyabrında start verilib.

Məlumata görə, iddia Riversayd bulvarı, Tramp-Pleysdəki binalarda alınmış mənzillərlə bağlıdır.
Belarus hər zaman Qərblə heç bir şərt və ultimatum olmadan konstruktiv dialoqa açıqdır.

Bunu Belarus Prezidenti Aleksandr Lukaşenko deyib.

“Cavab tədbirlərinə gəlincə, bu, xalqımızın fəal mövqeyi deyil, bizim qanımızda müharibə ruhu yoxdur və yeri gəlmişkən, buna biz başlamamışıq. Ona görə də biz həmişə bərabər əsasda, heç bir şərt və ultimatum olmadan konstruktiv dialoqa açığıq”, - Lukaşenko bildirib.

“Omikron” ştammına görə ölüm artacaq““Omikron” ştammına görə yaxın zamanlarda ölüm halları artacaq”.

Bu sözləri Ümumdünya Səhiyyə Təşkilatının (ÜST) COVID-19 üzrə xüsusi elçisi David Nabarro açıqlamasında bildirib.

O qeyd edib ki, “Omikron” ştammı daha yüksək yoluxma xassəsinə malik olduğu üçün yaxın vaxtlarda dünya səhiyyə sistemini böyük çətinliklərə düçar edəcək.
Erməniləri heç vaxt tək qoymayacağıq - MakronHeç vaxt erməniləri tək qoymayacağıq.

Avrasiya.net xəbər verir ki, bunu Fransa Prezidenti Emmanuel Makron Tvitter səhifəsində yazıb.

“Biz heç vaxt erməniləri tək qoymayacağıq. Həmişə davamlı sülh üçün həll yolları axtaracağıq. Qarşıdan gələn bayramların sülh və humanitar sahədə nailiyyətlər dövrünə çevrilməsinə çağırıram”, - Makron bildirib.
ABŞ lazer silahını sınaqdan keçirdiABŞ-ın Hərbi Dəniz Qüvvələrinə məxsus "Portland" desant gəmisi yüksək effektivliyə malik lazer silahını sınaqdan keçirib.

Axar.az xəbər verir ki, bu barədə ABŞ Hərbi Dəniz Qüvvələrinin 5-ci Donanmasının mətbuat xidməti məlumat yayıb.

Sınaq stasionar səthdə təlim hədəfini uğurla vurub.

"Portland" gəmisində lazer silahlarının əvvəlki sınağı 2020-ci ilin mayında baş tutub.