Niderland parlamentində İran İnqilabı Keşikçiləri Korpusunun (SEPAH) Avropa Birliyi tərəfindən terrorçu elan edilməsini tələb edən qərar qəbul olunub.

Axar.az xəbər verir ki, deputatlar buna səbəb kimi İranda nümayişçilərə qarşı repressiyaları və Rusiyaya pilotsuz təyyarələrin göndərilməsini göstəriblər.

Parlamentarilər Niderland hökumətini də bu mövqeyi müdafiə etməyə çağırıblar.

Litva ABŞ-dan 45 milyon avroya "Switchblade 600" PUA-sı və onlar üçün avadanlıqlar alacaq.

Axar.az xəbər verir ki, bu barədə Litva Müdafiə Nazirliyi məlumat yayıb.

"Bu texnikanın alınması ilə Litva ABŞ-dan sonra bu effektiv silaha sahib ilk ölkə olacaq", - Litva MN-dan bildirilib.

Qeyd edək ki, sözügedən PUA tanklar da daxil olmaqla, ağır zirehli texnikaları məhv edə bilən effektiv tank əleyhinə döyüş başlığına malik yeni nəsil uzaq mənzilli döyüş pilotsuz təyyarəsidir. Bu kamikadze dronları yuxarıdan hücum edərək hədəfləri məhv edə bilir.

ABŞ Ukraynaya növbəti dəfə 1,8 milyard dollarlıq hərbi yardım verəcək.

Bu barədə “Assoşieyted Press” ABŞ rəsmilərinə istinadən məlumat yayıb.

Məlumata görə, yardım paketinə ilk dəfə olaraq “Patriot” sistemləri və qırıcılar üçün yüksək dəqiqlikli bombalar daxil olacaq.

Artıq Rusiyanın Ukraynaya təcavüzündən 300 gün ötür. İlk günlərdə Rusiya qarşısına ən qısa müddətdə paytaxt Kiyevi və digər önəmli şəhərləri tutmaq hədəfi qoysa da, buna nail ola bilmədi.

Bu sözləri Axar.az-a Ukrayna müharibəsinin 300-cü günü ilə bağlı mövcud vəziyyət və prosesin gedişatı haqqında danışan Ankara Universitetinin professoru Toğrul İsmayıl deyib.

Professor müharibə zamanı Rusiyanın gücü haqqında deyilənlərin bir çoxunun əslində mif olduğunun ortaya çıxdığını qeyd edib:

“Biz müharibə ərzində Rusiya Silahlı Qüvvələrinin gücü haqqında deyilənlərin mif olduğunu, əslində daxildə ciddi problemlərin yaşandığını gördük. Digər tərəfdən müharibənin uzanması dünya iqtisadiyyatına ciddi şəkildə zərər vurur və postsovet məkanındakı siyasi proseslərə də öz təsirini göstərir. Rusiya Xerson kimi strateji önəmə sahib şəhərdən geri çəkilməyə məcbur oldu, eyni zamanda ölkə tarixində üçüncü dəfə səfərbərlik elan edildi (ilk iki səfərbərlik Birinci və İkinci Dünya müharibələri dövründə elan olunub). Rəsmi Moskva NATO-nun genişlənməsinin qarşısını almağı hədəfləmişdi, lakin məqsədinə çata bilmədi, təşkilat daha da gücləndi. Diqqət çəkən əsas məqamlardan biri isə odur ki, Rusiya Çin və özünə yaxın gördüyü digər ölkələrdən istədiyi dəstəyi ala bilmədi. Rusiya Ukraynanın dörd əyalətini müharibə ərzində ilhaq etməklə özünü daha da çətin vəziyyətə saldı. İlhaqda məqsəd Ukraynanı danışıqlar masasına gətirmək və ən az itki ilə müharibədən çıxmaq idi. Lakin bu da mümkün olmadı”.

Toğrul İsmayıl Belarusun müharibəyə qatılma ehtimalının yüksək olduğunu vurğulayıb:

“İndi Rusiya çıxış yolu axtarır və bunlardan biri də Belarus ərazisindən yeni cəbhənin açılmasıdır. Fikrimcə, Minskin müharibəyə qatılma ehtimalı yüksəkdir. Çünki Aleksandr Lukaşenko hazırki məqamda tamamilə Vladimir Putindən asılı vəziyyətdədir. Belarusun müharibəyə qatılması konfliktin daha da uzanacağı və şiddətli hal alacağı mənasına gəlir. Üstəlik nüvə silahından istifadə ehtimalı da aradan qalxmayıb. Rusiyanın daxilinə gəldikdə isə onu deyə bilərəm ki, cəmiyyət artıq müharibəyə birmənalı yanaşmır. Krımın işğalı zamanı olan xalq dəstəyi indi yoxdur. İnsanlar müharibəyə getməmək üçün öz ölkələrindən qaçırlar. Bu da yeni miqrasiya dalğasını ortaya çıxartdı. Adətən biz hücum edilən ölkənin əhalisinin ölkədən qaçdığının şahidi olmuşuq, lakin Rusiyada əhali öz dövlətinin başladığı müharibəyə qatılmamaq üçün ölkəni tərk etməyə çalışır. Tətbiq olunan geniş sanksiya paketlərini, daxildəki əhval-ruhiyyəni, müharibə meydanındakı vəziyyəti və digər amilləri nəzərə aldığımız zaman qarşıda Rusiyanı ağır günlərin gözlədiyini deyə bilərik”.

Hindistan Çinlə sərhədə əvvəlkindən daha çox əsgər yerləşdirib.

Axar.az xəbər verir ki, bu barədə Hindistan xarici işlər naziri Subrahmanyam Jaişankar məlumat verib.

Məlumata görə, bu, 2020-ci ildən bəri Çin ordusunun sayının sərhəddə artırılmasına cavabdır.

İŞİD üzvləri İraqın Diyala əyalətində yerləşən Bu-Bali kəndinə hücum ediblər.

Bu barədə yerli media məlumat yayıb.

Məlumata əsasən, terrorçuların hücumu nəticəsində 7 nəfər həlak olub, 5 nəfər isə xəsarət alıb.

Kənd ərazisinə İraq təhlükəsizlik qüvvələrinin əlavə bölmələri cəlb edilib.

Digər təfərrüat barədə məlumat verilmir.

ABŞ Konqresinin xüsusi komissiyası 18 ay davam edən təhqiqatdan sonra 6 yanvar hadisələrinə görə Donald Trampa qarşı ittiham irəli sürülməsini tövsiyə edib.

Avrasiya.net xəbər verir ki, Ədliyyə Nazirliyinə ünvanlanan tövsiyə 21 dekabrda dərc ediləcək.

8 bənddən ibarət sənədə görə, Trampa qarşı insanları iğtişaşa və dövlətə qarşı çıxışlara təhrik etmə ittihamları irəli sürülə bilər.

Komitə “yalan bəyanat verərək sui-qəsd” kimi cinayətlər törətmiş ola biləcəyi qənaətinə gəldiyini bildirib.

Belarus Rusiyanın “S-400” və “İskəndər” raket sistemlərini döyüş növbəsinə gətirib.

Bu barədə Belarus prezidenti Aleksandr Lukaşenko rusiyalı həmkarı Vladimir Putinlə mətbuat konfransı zamanı bildirib.

“Bu gün biz sizin Belarusa təhvil verdiyiniz S-400 sistemlərini, ən əsası isə altı ay əvvəl bizə təhvil verdiyiniz “İskəndər” kompleksini döyüş növbəsinə gətirmişik”, – Lukaşenko qeyd edib

Xatırladaq ki, Putin Belarusun paytaxtı Minskdə birgünlük işgüzar səfərdədir.

"Dayaq" Vətən Müharibəsi Əlillərinə və Şəhid Ailələrinə Dəstək Təşkilatının rəhbərliyi Avropaya işgüzar səfər çərçivəsində Niderland Krallığında fəaliyyət göstərən Life24 Media Qrupu Yönetim Kurulu Başkanı Drs. İbrahim Karamanla görüş keçirilib.

Görüşdə "Dayaq" Təşkilatının sədri Qalib Əliyev, sədr müavini Məcid Məmmədov, təşkilatın hüquq departamentinin rəhbəri, Azərbaycan Vəkillər Kollegiyasının üzvü Vüsal Səfərov, Gənclərin İnkişafına Dəstək İctimai Birliyi nin sədri Məhəmməd Məmmədov, Benilüks Azərbaycanlıları Konqresi/Benelux Azerbaijanis Congress nin sədri Elsevər Məmmədov, "Ana Vətən" Avropa Azərbaycanlı Qadınlar Cəmiyyətinin sədri Mayisə Ağamirzəyeva və diaspor fəalları iştirak edib.

Görüş zamanı birgə əməkdaşlıq, gələcək perspektivlər və imkanlar haqqında geniş müzakirə edilib.

Sonda "Dayaq" Vətən Müharibəsi Əlillərinə və Şəhid Ailələrinə Dəstək Təşkilatı tərəfindən Niderland Krallığında fəaliyyət göstərən "Life24" Media Grupu Yönetim Kurulu Başkanş rəhbəri Drs. İbrahim Karaman 44 günlük vətən müharibəsi dövründə Azərbaycanın haqq səsinin dünya ictimaiyyətinə çatdırılması istiqamətində göstərdiyi əvəzsiz xidmətlərə görə Fəxri Fərmanla təltif edilib.

Azərbaycanın yeraltı və yerüstü sərvətlərinin işğalçılar tərəfindən mənimsənməsinə və talan edilməsinə, təbiətimizə zərər verilməsinə eritaz olaraq artıq bir neçə gündür ki, Şuşa-Xankəndi yolunda Azərbaycan QHT-lərin, ictimai fəalların və könüllülərin keçirdiyi aksiyanı könüldən dəstəkləyir və onların yanında olduğumuzu bildiririk.

Avrasiya.net xəbər verir ki, bu çağırışı Hollandiya Azərbaycan təşkilatları verib.

Qeyd olunub ki, günlərdir şaxtalı havada, soyuqda Azərbaycanın haqq səsini dünyaya çatdıran həmvətənlərimizə Nederlandda da dəstək olmağı qərara aldıq.

Biz Niderlandda fəaliyyət göstərən-Azərbaycan diaspora təşkilatlarının rəhbərləri olaraq, Laçın dəhlizində baş verən son hadisələrə biganə qala bilməzdik.

Bu səbəbdən də, 18 dekabr bazar günü saat 13:45-16:00 arasında Rusiyanın Den Haaqdakı səfirliyi qarşısında aksiya təşkil etmək üçün Den Haaq polisinə müraciət etdik. Aksiyamıza icazə verildi.

Beləliklə də hamınızı
18 dekabr saat 13.45-də Den Haaq şəhərindəki Rusiya səfirliyinin qarşısında olmaga dəvət edirik.