NATO qüvvələri Polşada cəmləşib

Polşanın Qdansk şəhərinə NATO-nun 20 mindən çox əsgəri yerləşdirilib.

Avrasiya.net xəbər verir ki, bu barədə TASS-a hərbi ekspert Vitali Kiselev məxfi məlumatlara istinadən xəbər verib.

Onun sözlərinə görə, indi Rumıniyadan bura böyük hərbi texnika kolonları gəlir. "Artıq 20 mindən çox NATO əsgəri orada cəmləşib. Tanklar, yeni zirehli transportyorlar, hava hücumundan müdafiə və elektron döyüş sistemləri yoldadır", - deyə Kiselev bildirib ki, transfer həm dəmir yolu, həm də avtomobil yolu ilə həyata keçirilir.

Təhlilçi iddia edib ki, şəhərdə yaradılan qrup Pribaltikaya keçə və oradan Rusiyanın Kalininqradını təhdid edə bilər. Kiselev qeyd edib ki, NATO-nun məqsədi Rusiya Silahlı Qüvvələrinin bəzi qüvvələrini xüsusi əməliyyat zonasında tapşırıqları yerinə yetirməkdən yayındırmaqdır. Eyni zamanda, o vurğulayıb ki, alyansın hərəkətləri Rusiya rəhbərliyinin diqqətindən yayınmayacaq.