Bu, Ukraynaya hücum imkanı verir - PentaqonABŞ-ın və digər ölkələrin Ukraynaya göndərdiyi 155 mm-lik M777 və digər tipli haubitsalar döyüş meydanında böyük üstünlüyə malikdirlər.

Axar.az xəbər verir ki, bu barədə Pentaqon rəsmilərindən biri brifinqdə deyib.

“Siz artıq görürsünüz ki, ukraynalılar Donbasda əks-hücuma keçməyə hazırlaşırlar. Onlar əvvəllər rusların ələ keçirdikləri şəhərləri qaytarırlar. Biz inanırıq ki, haubitsalar xüsusilə Xarkovda böyük təsirə malikdir. Təkcə ABŞ-ın deyil, həm də digər ölkələrin sistemləri onlara sürət qazanmağa və ərazilərinin bir hissəsini geri qaytarmağa tamamilə kömək edir”, - rəsmi bildirib.

Qeyd edək ki, Ukrayna ABŞ, Kanada və Avstraliyadan 15 mm-lik M777, Britaniyadan AS90 haubitsaları alıb.
“Rusiyanın Ukraynaya qarşı müharibəsi tez bir zamanda bitməyəcək”“Rusiyanın Ukraynaya qarşı müharibəsinin tez bir zamanda bitəcəyinə dair əlamət yoxdur”.

“Report” “RBK Ukraina”ya istinadən xəbər verir ki, bunu Almaniya kansleri Olaf Şolts yerli mətbuata müsahibəsində deyib.

O söyləyib ki, əgər belə davam etsə, daha çox insan həlak olacaq, daha çox dağıntı olacaq: “Buna görə də müharibə tez başa çatmalıdır. Amma bunun üçün Rusiya Ukrayna ilə razılaşmalıdır. Silahlar susmalı, Rusiya qoşunları Ukraynadan çıxmalıdır. Lakin belə bir ehtimal hələlik yoxdur. Çünki Rusiya tərəfi sülh sazişinin əldə olunması üçün addımlar atmır”.

Xatırladaq ki, bir müddət əvvəl O.Şolts bildirmişdi ki, Rusiyaya qarşı sanksiyaların ləğv olunmasının yeganə yolu Ukrayna ilə sülh sazişidir.
Rus ordusu Luqanskda geri çəkildiUkraynanın Luqansk vilayətinin Qorski rayonunda rus ordusu itki verərək geri çəkilib.

Bu barədə Ukrayna Silahlı Qüvvələri Baş Qərargahı məlumat yayıb.

“Baxmut istiqamətində düşmən Toşkovka və Pilipçatino yaşayış məntəqələri ərazilərində hərbi əməliyyatlar aparır. Qorski bölgəsində rus işğalçıları itki verərək geri çəkildilər”, - Baş Qərargah bildirib.
Rusiya dinc sakinləri hədəf alır: 20 nəfər öldüRusiya ordusunun sutka ərzində Donetsk və Luqansk istiqamətində mülki infrastrukturu atəşə tutması nəticəsində 20 dinc sakin həlak olub. Onların arasında azyaşlı da var.

Bu barədə Ukrayna Birləşmiş Əməliyyat Qüvvələri Komandanlığı məlumat yayıb.

Bildirilib ki, ümumilikdə 25 yaşayış məntəqəsi atəşə tutulub və 42 ev, məktəblər, bir ali təhsil ocağı, bir otel və 6 müəssisə zərər görüb.
Rusiya hücumun qarşısını ala bilmir, geri çəkilirUkrayna ordusunun Xarkov istiqamətindəki əks-hücumunu dayandırmaq mümkün deyil.

Bunu Ukrayna daxili işlər nazirinin müşaviri Vadim Denisenko deyib.

“Ruslar da hiss edir ki, bizim əks-hücumumuzu dayandıra bilməyəcəklər. Ona görə də xaotik şəkildə geri çəkilirlər, hücumlarımızın qarşısını almaq üçün körpüləri partladırlar”, - Denisenko bildirib.

Onun sözlərinə görə, ruslar qorxurlar ki, Ukrayna ordusu onların arxasına keçə bilər, ona görə də yolu kəsməyə çalışırlar.
Bu ölkə Rusiyanın hücumuna hazırlaşır – ABŞ generalıBirincisi, Rusiyanın İsveçi və ya Finlandiyanı işğal etmək imkanı yoxdur. Onsuz da Ukraynanın öhdəsindən çətinliklə gəlirlər. Hətta Rusiya Ukraynada məğlub olacaq.

Axar.az xəbər verir ki, bunu ABŞ ordusunun Avropadakı keçmiş komandanı, general Ben Hoces deyib.

“Yazın sonunda, sentyabra qədər Ukrayna ordusunun Rusiya qüvvələrini 23 fevral xəttinə geri oturdacağını proqnozlaşdırıram. Bundan sonra biz uzunmüddətli perspektivdə Ukrayna torpaqlarının, o cümlədən Krımın və Donbasın tamamilə geri alınmasına diqqət yetirməliyik”, - Hoces vurğulayıb.

O bildirib ki, Türkiyənin Rusiyanın Krımı ilhaqını tanımaması çox vacibdir:

“Bu, Türkiyənin regionda göstərdiyi liderliyin mühüm nümunəsidir. Beləliklə, təbii ki, Rusiya Finlandiya və İsveçi hədələyəcək. Onlar nüvə silahlarına sahib olduqlarını xatırlatmaq üçün paradda nümayiş etdirdilər. Amma əminəm ki, hücum etməyəcəklər. Lakin Böyük Britaniya artıq iki ölkə ilə qarşılıqlı müdafiə sazişləri imzalayıb. Düşünürəm ki, problem yaranarsa, ABŞ və başqaları da dəstək verməyə hazırdır. Finlandiya onilliklər ərzində Rusiyanın mümkün işğalına hazırlaşır. Dünyanın ən yaxşı səfərbərlik sisteminə sahibdirlər. Onların çox güclü daimi ordusu var. Düşünürəm ki, Rusiya təhdid edə bilər, amma onu da bilir ki, bu prosesi dayandıra bilməz”.
Stoltenberq NATO ölkələrinə Ukrayna ilə bağlı çağırış edibNATO-nun baş katibi Yens Stoltenberq alyans ölkələrinə Ukrayna ilə bağlı çağırış edib

“Report” bu barədə CNN telekanalına istinadən xəbər verir.

“NATO Ukraynaya hərbi yardımın həcmini artırmağa davam etməlidir. Biz ölkəni cəsarətlə müdafiə edən ukraynalılara döyüş meydanında qələbə qazanmağa kömək etməliyik”, - Stoltenberq telekanala müsahibəsində deyib.

"Ukraynalılar vətəni cəsarətlə müdafiə edirlər. Bu işdə onlara kömək etmək üçün müttəfiqlər Ukraynaya milyardlarla dollarlıq təhlükəsizlik yardımı öhdəliyi götürüblər və onu təmin ediblər. NATO Ukraynaya güclü dəstəyini ifadə edir, buna görə də NATO-nun müdafiə sahəsində daha da gücləndirilməsi və gücləndirilməsi zəruridir. Müharibənin uzunmüddətli nəticələri, o cümlədən Rusiyaya qarşı gələcək mövqeyimiz üçün...”, - o əlavə edib.
Ukrayna Baş Qərargahı cəbhədəki son vəziyyəti açıqlayıb“Rusiya qoşunlarının əsas məqsədi Donetsk, Luqansk və Xerson vilayətləri ərazisində tam nəzarəti təmin etməkdir. Şərqi əməliyyat zonasında döyüşlər davam edir”.

“Report” xəbər verir ki, bu barədə Ukrayna Baş Qərargahından bildirilib.

Məlumata görə, qarşı tərəfin ən ciddi fəallığı Slobojanski və Donetsk istiqamətlərində müşahidə olunur: “Düşmənin Ukraynadakı hərbi və mülki obyektlərə raket, bomba zərbələri endirəcəyi təhlükəsi hələ də var. Volın və Polissya istiqamətlərində Rusiya Silahlı Qüvvələri fəal hərəkətə keçməyib. Belarus Silahlı Qüvvələrinin 7 batalyonu Ukrayna-Belarus sərhədinin mühafizəsi üzrə tapşırıqları yerinə yetirməkdə davam edir.

Şimal istiqamətində düşmən Bryansk və Kursk vilayətlərində Ukrayna-Rusiya sərhədinin gücləndirilmiş mühafizəsini təmin edir. Qarşı tərəf Xarkov istiqamətində aktiv döyüş əməliyyatları aparmayıb. Onun əsas səyləri qoşunlarının Xarkov şəhərindən çıxarılmasına, işğal olunmuş mövqelərin və təchizat yollarının saxlanmasına yönəlib”.

Rəsmi informasiyaya əsasən, Rusiya ordusu PUA-larla hava kəşfiyyatını davam etdirir: “Mariupol şəhərində Rusiya ordusu “Azovstal” zavodunun yaxınlığındakı bölmələrimizi mühasirəyə almaqda davam edir. Kütləvi artilleriya və hava zərbələri endirilir. Donetsk və Luqanskda son 24 saat ərzində qarşı tərəfin 10 hücumunun qarşısı alınıb. 5 tank, 5 artilleriya sistemi, 6 zirehli döyüş maşını və 7 nəqliyyat vasitəsi məhv edilib. Həmçinin 3 PUA-sı vurulub”.
Ukrayna bir milyon insanı səfərbər edirUkrayna bir milyon insanı səfərbər etmək istəyir.

Bu sözləri Ukrayna müdafiə naziri Aleksey Reznikov deyib.

“Ukraynanın müdafiə potensilanın gücləndirilməsinin təmin edilməsi ilə əlaqədar proseslər başladılıb. Düşmənə qarşı müqavimət göstərəcək 1 milyon insanı təmin etmək istəyirik”, - deyə nazir bildirib.

“Strana.ua” nəşri yazır ki, Ukrayna hakimiyyəti ilk dəfə səfərbər edəcəyi vətəndaşların sayını açıqlayır.