Fransada koronavirus pandemiyasının beşinci dalğası başlayıbFransada koronavirus pandemiyasının beşinci dalğası başlayıb.

“Report” “İhlas” xəbər agentliyinə istinadən xəbər verir ki, bu barədə ölkənin səhiyyə naziri Olivier Veran bildirib.

“Hazırkı vəziyyət beşinci dalğanın başlandığını göstərir. Dalğanın hansı miqyasda olacağını indidən təxmin etmək çətindir. Ancaq yanvar ayınadək xəstəxanalara gündəlik yerləşdirilənlərin sayının 1000-i keçəcəyi gözlənilir” - o bildirib.
İŞİD-in illik gəlirləri 1,2 milyard dollara çatıbİŞİD terror qruplaşmasının ən aktiv fəaliyyəti dövründə gəlirləri 1,2 milyard ABŞ dollarından çox olub.

"Report" xəbər verir ki, bu barədə "Al Arabiyya" telekanalı terror qruplaşmasının bir ay əvvəl İraq hakimiyyəti tərəfindən saxlanılan maliyyə məsələləri üzrə məsul şəxsi Sami Casimin dindirilməsi materiallarına istinadən məlumat yayıb.

Qeyd edilir ki, terrorçuların əsas gəlir mənbələri soyğunçuluq, talan, adam oğurluğundan əldə edilən vəsait və neft qaçaqmalçılığından qazanılan gəlirlər olub.

Neft məhsulları əsasən kiçik neft emalı zavodlarının sahiblərinə satılıb: bəziləri qaçaqmalçılıq yolu ilə xaricə, digərləri isə İŞİD-in nəzarətində olan Suriya ərazilərində qara bazarda satışa çıxarılıb.

Qruplaşmanın 2019-cu ildə öldürülən rəhbəri Əbu Bəkr əl-Bağdadinin müavini Casim istintaq tədbirləri zamanı İŞİD-in uzun müddət tacirlərdən və varlı adamlardan ümumilikdə 500 min ABŞ dollarına qədər pul aldığını bildirib.
Ərdoğan Zelenski ilə telefonla danışdıTürkiyə prezidenti Rəcəb Tayyib Ərdoğan ilə ukraynalı həmkarı Vladimir Zelenski arasında telefon danışığı baş tutub.

Avrasiya.net xəbər verir ki, bu barədə Türkiyə PA İctimaiyyətlə əlaqələr şöbəsinin məlumatında deyilir.

Qeyd olunur ki, telefon danışığı zamanı ikitərəfli münasibətlərin inkişaf perspektivləri müzakirə edilib.

Dövlət başçıları həmçinin regional gündəlikdə olan məsələlər ətrafında fikir mübadiləsi aparıblar.
ABŞ nümayəndə heyəti PKK terrorçusu ilə görüşdüABŞ Dövlət Departamentinin yüksək səviyyəli nümayəndə heyəti bir müddət əvvəl vəzifəsindən uzaqlaşdırıldığı bildirilən PKK/YPG-yə bağlı Suriya Demokratik Qüvvələrinin komandiri Məzlum Kobani kod adlı Fərhad Abdi Şahinlə görüşüb.

Axar.az xəbər verir ki, ABŞ Dövlət Departamentinin nümayəndə heyətinə Dövlət katibinin Yaxın Şərq üzrə köməkçisi Ethan Qoldriç rəhbərlik edib. Onunla yanaşı görüşdə bəzi ABŞ diplomatları da iştirak edib.

Görüşdə bölgəyə ediləcək yardımların müzakirə olunduğu bildirilib. PKK ABŞ-dan onlara verilən sursat və maliyyə dəstəyinin artırılmasını istəyib.
Tramp Vaşinqtondakı oteli 375 milyon dollara satırABŞ-ın keçmiş prezidenti Donald Trampın “Trump Organization” şirkəti Vaşinqton şəhərinin mərkəzində yerləşən “Trump İnternational Hotel”in icarə hüquqlarını 375 milyon dollara satmağa razılaşıb.

Axar.az xəbər verir ki, bu barədə “Uol Strit Jurnal” məlumat yayıb.

Məlumata görə, otelin alıcısı “CGİ Merchant Group” investisiya şirkətidir. Müqavilənin gələn ilin birinci rübündə bağlanacağı gözlənilir. Trampın prezidentliyi dövründə otel respublikaçıların toplaşdığı məşhur yer olub.

Qeyd edək ki, Ağ Evin yaxınlığında yerləşən, 120 il əvvəl tikilmiş otel binası hökumətə məxsusdur, lakin bina 100 ilə qədər icarəyə verilə bilər.
ABŞ Rusiyaya qarşı gizli silahından istifadə edəcəkABŞ Rusiya ilə müharibə etsə, "MC-130J Commando II" təyyarəsindən xüsusi missiyaları üçün istifadə edə bilər.

Axar.az xəbər verir ki, bu barədə "19FortyFive" məlumat yayıb.

Bildirilib ki, "MC-130J Commando II" müxtəlif tapşırıqları yerinə yetirməyə qadirdir. Belə ki, sözügedən təyyarənin köməyi ilə helikopterləri havada yanacaqla doldurmaq, qoşunları köçürmək və ya yaralı əsgərləri təxliyə etmək olar. Təyyarə müxtəlif növ silahları, o cümlədən raket sistemlərini daşımaq qabiliyyətinə malikdir.
Pandemiya nə vaxt bitəcək? - PROQNOZKoronavirus infeksiyası yayılmağa davam edəcək, lakin mövsümi xarakter daşıyacaq.

Avrasiya.net xəbər verir ki, bu barədə İngiltərənin “Daily Mail” nəşri ölkənin Milli Səhiyyə Xidmətinin sənədlərinə istinadən yazıb.

Qeyd edilir ki, dünya illər ərzində endemik xəstəlik kimi COVID-19 ilə yaşamalı olacaq.

Mütəxəssislərin fikrincə, koronavirus qrip və digər respirator infeksiyalar kimi soyuq aylarda “mövsümi epidemiyalar”la yayılma sürətini qoruyacaq. Alimlər hesab edirlər ki, xəstəlik peyvənd sayəsində sabit vəziyyətə keçəcək. Bu, pandemiyanın sona çatması deməkdir.

Ekspertlərin sözlərinə görə, virusun bütün dünyada yayılma miqyasını nəzərə alaraq, eyni zamanda virusun qarşısını necə almaq, onun mövcudluğu şəraitində yaşamaq və uzun illər endemik vəziyyətə necə nail olmaq barədə düşünmək lazımdır.


Əsəddən İrana şok: SEPAH generalını qovduSuriya Prezidenti Bəşər Əsədin İran İnqilab Keşikçiləri Korpusunun (SEPAH) Suriyadakı komandanı Cavad Qaffarini ölkədən çıxardığı iddia edilib.

Avrasiya.net Teleqraf.com-a istinadən xəbər verir ki, bu barədə İsrailin “Yerusəlim Post” qəzeti məlumat yayıb.

Məlumata görə, iranlı general Suriyanın maraqlarına zidd hərəkətlər edib və bu, ölkənin suveren hüquqlarına zərər verib.

Bundan əlavə, İran komandiri Qaffarinin Suriya vasitəsilə İsraili təhdid etməsi və buna cavab olaraq İsrailin İran hədəflərini vurmaq üçün Suriyaya daxil olması Əsədi narahat edib. Bir sözlə, Bəşər Əsəd Suriyanın İsraillə İran arasında döyüş poliqonu olmasını istəməyib. Buna görə də iranlı generalı ölkəsindən qovub.
Afina Türkiyəyə qarşı savaşa hazırlaşırYunanıstan Türkiyəyə qarşı müharibə hazırlığına başlayıb.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, hələ bu ilin iyul ayında Fransa yunan ordusuna dörd ədəd “Exocet” raketatan sistemlə təchiz edilmiş bir neçə sahil raket sistemi almağı təklif edib. Mobil sahil müdafiə sistemi olan “Exocet” xüsusi maşınlara montaj edilə bilir. Nəticədə sözügedən sistemlə dənizə girişə mane olma, sahildəki təhdidləri zərərsizləşdirmə kimi fəaliyyətlər həyata keçirilir.

Sistem dünyanın bir çox yerində istifadə olunan “EXOCET MM40 BLOCK 3” raketinin ən son versiyasına əsaslanır. Sistemə daxil olan raketlər 780 kq ağırlığa, 6 metrədək uzunluğa sahibdir. Bundan başqa Yunanıstan ABŞ-dan “ATACMS” sistemlərindən olan və 150 km-lik mənzili olan “BLOCK İVA” raketlərini almaq istəyir.

150 km-dən daha uzaqda olan hədəfləri vurmaq üçün ABŞ-dan “GMLRS-ER” sistemlərinin alınması da gündəmdədir.

Eyni zamanda Yunanıstan Çexiyadan “RM-70 Vampir” raket sistemləri də alıb.
ÜST həyəcan təbili çaldı: Dünya şpris çatışmazlığı yaşayırNövbəti il dünyanın səhiyyə xidməti qurumları koronavirusa qarşı peyvənd üçün istifadə olunan tibbi şprislərin çatışmazlığı ilə üzləşə bilər.

Bu barədə Ümumdünya Səhiyyə Təşkilatı(ÜST) məlumat yayıb.

Məlumatda qeyd olunur ki, cari ildə dünyada 6,8 milyarddan çox COVID-19 peyvəndi vurulub.

Hazırda isə illik istehsal olunan şprislərin sayı isə altı milyard ədəd təşkil edir.

ÜST-ün dərman və sağlamlıq məhsullarına çıxış üzrə baş məsləhətçisi Liza Hedman bildirib ki, 2022-ci ildə dünyada şpris çatışmazlığı iki milyard şprisə bərabər ola bilər.