İran Qətərə xəbərdarlıq edib

“The Washington Post” anonim avropalı mənbəyə istinadən yazır ki, İran Qətərə Amerika qoşunlarının hücum edəcəyi təqdirdə əmirlikdəki ABŞ hərbi bazasına zərbə endirmək ehtimalı barədə xəbərdarlıq edib.

Onun sözlərinə görə, İran rəsmiləri Dohaya bildiriblər ki, Amerikanın hücumu halında ABŞ bazası qanuni hərbi hədəf olacaq.

WP-nin qeyd etdiyi kimi, ABŞ-ın Yaxın Şərqdəki ən böyük hərbi kontingenti Dohadan təxminən 30 kilometr aralıda yerləşən Qətərin Əl-Udeid aviabazasında yerləşdirilib. Burada ABŞ Mərkəzi Komandanlığının qərargahı və döyüş aviasiyası yerləşir və burada 10 000-dən çox hərbçi yerləşə bilər.