Pakistan elan etdi: 51 ölü, 121 yaralı
Dərc olunub:
13-05-2025, 15:50
Pakistan Silahlı Qüvvələri bəyan edib ki, nəzarət xəttində baş verən döyüş əməliyyatları nəticəsində 40 mülki şəxs və 11 hərbçi həlak olub. Daha 121 nəfər isə yaralanıb.
Bu barədə “Geo TV” telekanalı Pakistan Ordusunun İctimaiyyətlə Əlaqələr üzrə Müştərək İdarəsinə (İSPR) istinadən məlumat yayıb.
Qeyd edək ki, 10 may tarixində tərəflər atəşkəs rejimi barədə razılığa gəlsələr də, bir neçə saat sonra Cammu və Kəşmir, eləcə də Pəncab bölgəsinin bir sıra şəhərlərində pilotsuz uçuş aparatları müşahidə olunub və hava hücumundan müdafiə sistemləri işə düşüb.
