Böyük döyüş: Hindistan və Pakistanın 125 təyyarəsi üz-üzə…
Hindistan və Pakistan arasında 125 təyyarənin iştirak etdiyi hava döyüşü baş verib.
Bu barədə CNN Pakistan xüsusi xidmət orqanlarındakı mənbəyə istinadla məlumat verib.
Məlumata görə, tərəflər 2019-cu ildə baş verən və Hindistan təyyarəsinin vurulması ilə nəticələnən gərginlikdən sonra öz döyüş təyyarələrini bir-birinin hava məkanına göndərməyə razı olmayıb:
“Bu səbəbdən hava döyüşü zamanı hər iki tərəf öz qırıcılarının öz hava məkanından kənarda uçmasına mane olub. Döyüşdə iştirak edən 125 təyyarə bəzən 160 kilometrdən çox məsafədən bir-birinə raketlər atırdı”.
Qeyd edək ki, mayın 7-nə keçən gecə Hindistan aviasiyası Pakistanda doqquz hədəfə zərbələr endirib. Pakistan ordusu isə döyüşlər zamanı Hindistan Hərbi Hava Qüvvələrinə məxsus 5 qırıcı, həmçinin 5 ədəd PUA vurub.
Pakistan Baş naziri Şahbaz Şərif isə bildirib ki, Hindistan Pakistana qarşı 85 qırıcı ilə hücuma keçib.
