Hindistan və Pakistan atəşkəsi təsdiqlədi
Dərc olunub:
10-05-2025, 18:11
Hindistan və Pakistan atəşkəs barədə razılığa gəliblər.
Bunu Pakistan Baş nazirinin müavini, xarici işlər naziri İshaq Dar BBC-yə müsahibəsində deyib.
Hindistan xarici işlər nazirinin birinci müavini Vikram Misri də atəşkəs razılaşmasını təsdiqləyib. O bildirib ki, iki ölkə arasında atəşkəs yerli vaxtla saat 17:00-da (Bakı vaxtı ilə 15:30) qüvvəyə minib.
Qeyd edək ki, bundan əvvəl ABŞ Prezidenti Donald Tramp Vaşinqtonun vasitəçiliyi ilə Hindistan və Pakistan arasında tam və dərhal qüvvəyə minən atəşkəs barədə razılığın əldə olunduğunu bəyan edib.
