İran və Azərbaycan SES-lərin maliyyələşdirilməsi ilə bağlı sənəd imzalayıbİran və Azərbaycan arasında Araz çayı üzərində “Xudafərin” və “Qız Qalası” hidroqovşaq və su elektrik stansiyalarının (SES) üzərində iki bəndin birgə tikintisini sürətləndirəcək sənəd imzalanıb.

Avrasiya.net “Report”a istinadən xəbər verir ki, xarici mətbuatın verdiyi məlumata görə, bunu Bakıda birgünlük səfərinin sonunda çıxış edən İranın energetika naziri Əli Əkbər Mehrabian bildirib.

Onun sözlərinə görə, Araz çayı üzərində “Xudafərin” və “Qız Qalası” su elektrik stansiyaları üzərində bəndlərin tikintisi üzrə işlər sürətləndiriləcək.

Mehrabian əlavə edib ki, İran-Azərbaycan əlaqələrinin mühüm məsələlərindən biri su ehtiyatlarını idarə edilməsi və su elektrik stansiyalarında elektrk enerjisinin əldə edilməsi üçün Araz sərhəd çayına birgə sərmayə qoymaqdır.

İranlı nazir bildirib ki, səfər zamanı çox yaxşı razılaşma əldə edilib və iki ölkə arasında mühüm sənəd imzalanıb. Bunun əsasında müvafiq maliyyələşmə ilə iki bəndin tikintisi sürətlənəcək. İki bənd 1,7 milyard kubmetr su saxlaya bilər və onlara bitişik tikilən su elektrik stansiyaları tərəfindən təxminən 300 meqavat elektrik enerjisiı istehsal olunacaq”.

Araz çayı üzərində və İranla sərhəddə yerləşən iki SES-in ümumi gücü 280 meqavatdır. O cümlədən “Xudafərin” SES-in gücü 200 meqavat, “Qız Qalası” SES-in gücü isə 80 meqavatdir. Hər iki elektrik stansiyasının 716 milyon kVt/s elektrik enerjisi istehsal edəcəyi gözlənilir ki, onun da 50/50 prinsipi ilə 358 mliyon kVt/s-ı Azərbaycanın, bir o qədəri də İranın payına düşəcək.

Xatırladaq ki, Araz çayı üzərində “Xudafərin” və “Qız Qalası” hidroqovşaq və SES-lərin tikintisinə 1992-ci ildə başlanılıb. Ermənistan Azərbaycan ərazilərinin bir hissəsini işğal etdikdən sonra tikinti işləri dayanıb və yalnız 2016-cı ildə İranla əldə olunmuş razılığa əsasən bərpa edilib. Yeni sazişdə tikintinin davam etdirilməsi ilə yanaşı su ehtiyatlarından və elektrik enerjisindən birgə istifadə də öz əksini tapıb. Həmçinin, sazişdə “Xudafərin” körpüsünün birgə mühafizəsi də öz əksini tapıb.

Qeyd edək ki, SES-lərin tikintisinin 2-2,5 ilə yekunlaşdırılması nəzərdə tutulub.
Ermənistanın diaspor qorxusuErmənistanın Milli təhlükəsizlik xidməti “Vətəndaşlıq haqqında” qanuna əlavə və dəyişikliklərin edilməsi ilə bağlı qanun layihəsini ictimai müzakirəyə təqdim edib. Layihədə “diaspor erməniləri”nin Ermənistan vətəndaşlığı almaları üçün prosedurların sərtləşdirilməsi nəzərdə tutulur.

Layihə müəlliflərinin açıqlamalarına görə, xaricdə yaşayan ermənilər üçün vətəndaşlıq alma prosedurunun sərtləşdirilməsinin əsas səbəbləri bölgədəki vəziyyət, Ermənistan vətəndaşlığı alan şəxslərin sonradan ölkəyə gəlməmələri və erməniliyin xeyrinə fəaliyyət göstərməmələridir.

Qeyd edim ki, hazırda qüvvədə olan qanuna görə, istənilən xarici ölkədə yaşayan erməni Ermənistana ayaq basan kimi vətəndaşlıq almaq üçün müraciət edə bilər.

Ermənistanın Milli təhlükəsizlik xidmətinin qanuna əlavə və dəyişikliklərlə bağlı açıqlamasında isə qeyd olunur ki, əsasən Yaxın Şərq, Suriya, Livan və İordaniyadan gələn və erməni olduqlarını iddia edən şəxslər Ermənistan vətəndaşlığı almaq üçün daha çox müraciət edir və vətəndaşlıq aldıqdan sonra Ermənistana 4-5 ildə bir dəfə gəlir və yaxud, ümumiyyətlə gəlmirlər.

Qənaətimə görə, “diaspor erməniləri” üçün vətəndaşlıq alma şərtlərinin sərtləşdirilməsinin əsas və təbii ki, açıqlanmayan səbəblərindən biri Milli təhlükəsizlik xidmətinin açıqlamasında dolayısıyla etiraf olunub. Ermənistan hakimiyyəti Yaxın Şərq, Suriya, Livan, İordaniya və düşünürəm ki, əsasən Türkiyə, İran və digər müsəlman ölkələrindən olan şəxslərin Ermənistan vətəndaşlığı ala biləcəklərindən ehtiyatlanır.

“Vətəndaşlıq haqqında” qanuna əlavə və dəyişikliklərin Türkiyə ilə münasibətlərin normallaşması, eləcə də Türkiyə-Ermənistan sərhədlərinin minalardan təmizlənməsi fonunda ictimailəşdirilməsi də narahatlığın daha çox Türkiyə ilə bağlı olduğu ehtimalını yaradır. Ola bilsin ki, rəsmi İrəvan Türkiyədə yaşayan və öz ölkələrinə bağlı olan ermənilərin, həmçinin “erməni” olduqlarını qanunvericiliyin tələblərinə uyğun olaraq, “sübuta yetirə bilən” şəxslərin Ermənistan vətəndaşlığı ala biləcəklərindən və bu halın kütləviləşəcəyindən əndişələnir.

Digər tərəfdən, Suriyada, Liviyada, İraqda baş verən vətəndaş müharibələri bu ölkələrdəki miqrasiya proseslərini nəzarətdən çıxarıb və bu sözgedən dövlətlərdə arxivlərin məhv edilməsi nəticəsində vətəndaşlıq üçün müraciət edən şəxslərin erməniliyini dəqiqləşdirən sənədləri əldə etmək mümkün deyil. Məhz bu səbəbdən də, qanuna edilən əlavə və dəyişikliklərdə vətəndaşlığın, yalnız diaspor təşkilatları və Ermənistanla sıx əlaqədə olan, “erməniliyə xidmət edən”, yəni erməni olduğu şübhə doğurmayan şəxslərin Ermənistan vətəndaşlığı almalarına üstünlük verilməsi nəzərdə tutulur.

Elçin Mirzəbəyli
50 erməni əsgərin meyiti ortada qalıbErmənistan Azərbaycanın döyüş gedən ərazilərində ölən əsgərlərinin meyitlərinin bəzilərinin hələ də kimə aid olduğunu müəyyən edə bilməyib.

Bu barədə Ermənistan hökumətinin yaydığı məlumatdan aydın olur.

Belə ki, Ermənistan Səhiyyə Nazirliyinə “ehtiyat fonddan” 31,1 milyon dram ayrılması nəzərdə tutulur. Həmin vəsait tapılan əsgər meyitlərinin qalıqlarının DNT analizlərinə sərf ediləcək.

Ermənistanda əsgər meyitlərinin qalıqlarının tanınması üçün DNT analizləri aparılması işinə USAİD ciddi dəstək verib. Hətta 100-dən çox meyit qalığının xarici ölkələrdə analizlərinin aparılmasının maliyyəsini də USAİD qarşılayıb.

Bildirilib ki, daha 50 meyit qalığının kimə məxsus olduğunu tapmaq mümkün olmadığından, onların Niderlanda göndərilməsinə qərar verilib. Hökumət isə bunun maliyyələşməsi üçün yalnız indi pul ayırıb.

Qeyd edək ki, bundan ötrü cəmi 75 min dollar pul lazımdır.
Paşinyan Makronu Ermənistana dəvət etdiErmənistanın baş naziri Nikol Paşinyan Fransa prezidentini ölkənin milli bayramı - Bastiliyanın alınması günü münasibətilə təbrik edib.

Paşinyan qeyd edib ki, Ermənistan Fransa ilə minilliklər boyu mövcud olan zəngin erməni-fransız təmaslarına, eləcə də möhkəm sivilizasiya və dəyərlərə söykənən imtiyazlı dostluğu yüksək qiymətləndirir.

Onun sözlərinə görə, Ermənistan Fransanın ATƏT-in Minsk qrupunun həmsədri kimi rolunu və onun Dağlıq Qarabağ probleminin sülh yolu ilə nizamlanması və ədalətli həlli prosesində iştirakını yüksək qiymətləndirir.

Paşinyan Makronu Ermənistana dövlət səfərinə dəvət edib.
İyulun 15-də Rusiya Federasiyası Dövlət Dumasının və Federasiya Şurasının birgə iclasının keçirilməsi planlaşdırılır. Rusiya Prezidenti Vladimir Putin, Belarus lideri Aleksandr Lukaşenko və Ukraynanın qaçaq prezidenti satqın Viktor Yanukoviç üç ölkənin “birləşmə paktı”nı imzalaya bilərlər.

Bunu TSN-ə müsahibəsində rusiyalı politoloq və publisist Andrey Piontkovski deyib.

“Axmaq ssenaridir, lakin bu qondarma ümumi dövlətin elan edilməsi reallığa çevrilə bilər. Yanukoviçin “cənazəsi” haradansa gətiriləcək. Sonra da üç böyük slavyan prezidenti - Putin, Lukaşenko və Yanukoviç - bu barədə pakt imzalayacaqlar. Bu cür planlar Kremldə də gəzir. Amma hesab edirəm ki, 15 iyulda keçiriləcək bu görüş tarixi heç nə ilə bitməyəcək”, - Piontkovski bildirib.
Rusiyanın itkiləri açıqlandıUkrayna müharibənin 141-ci günü üçün Rusiya ordusunun itkiləri haqda məlumatı yeniləyib.

Bu barədə Ukrayna Baş Qərargahı məlumat yayıb.

Bildirilib ki, Rusiya indiyə qədər 37 870 hərbçi, 1 667 ədəd tank, 3 852 ədəd zirehli döyüş maşını, 840 ədəd artilleriya sistemi, 247 ədəd RYAS (reaktiv yaylım atəş sistemi), 109 hava hücumundan müdafiə sistemi, 219 ədəd hərbi təyyarə, 188 ədəd helikopter, 2 720 ədəd avtomobil texnikası, 681 ədəd PUA, 155 qanadlı raket itirib.
Ukraynalıları təhqir edən rusiyalı zabit öldürüldüUkrayna əsgərləri Rusiyanın Murom rayonundan olan 27 yaşlı zabit Andrey Piçuqini məhv ediblər.

Bu barədə Ukrayna Silahlı Qüvvələrinin zabiti Anatoli Ştefan Tvitter-də ayzıb.

Bildirilir ki, öldürülən rus zabit sosial şəbəkələrdə daim ukraynalıları təhqir edirmiş.

Rusiya mətbuatı Piçuqinin həyat yoldaşı, 3 yaşlı qızı və 6 aylıq oğlu olduğunu yazıb.

O, Rusiya Federasiyası Silahlı Qüvvələrinin baş leytenantı olub.

Andrey Piçuqin ölümündən sonra vətənində "Cəsarət" ordeninə təqdim edilib.
Ermənistanda 4 iranlı saxlanılıbErmənistan polisi İrəvanda quldurluq törətməkdə şübhəli bilinən 4 iranlını saxlayıb.

Avrasiya.net Ermənistan KİV-nə istinadən xəbər verir ki, 24 yaşlı Mehdi O., 31 yaşlı Reza A., 24 yaşlı Hüseyn D. və 32 yaşlı Əli A.-nın olduğu "Opel" markalı avtomobil Sünikdə əsaxlanılıb.

Saxlanılanlardan birində zərərçəkənə məxsus qızıl zəncir aşkarlanıb.
Rum tərəfi KKTC-nin əməkdaşlıq təkliflərini qəbul etmirCənubi Kipr Rum Administrasiyası (GKRY) Quzey Kıbrıs Türk Cümhuriyyətinin (KKTC) prezidenti Ersin Tatarın Birləşmiş Millətlər Təşkilatı (BMT) vasitəsilə iki dövlətli həll əsasında təqdim etdiyi 6 bəndlik əməkdaşlıq təklifini qəbul etmir.

Avrasiya.net bildirir ki, rum mətbuatında yer alan xəbərə görə, rum lideri Nikos Anastasiadis Tatarın təklifləri ilə bağlı mənfi açıqlamalar verib.

Prezident Tatarın təkliflərinin “göstəriş üçün” olduğunu iddia edən Anastasiadis deyib: “İnanıram ki, təkliflərin qəbulunun, dialoqun bərpasına gətirib çıxaracaq, müsbət bir atmosfer yaradılmasına töhfə verəcək Etimad Quruculuğu Tövsiyələrimizin yaratdığı imicini tərsinə çevirmək üçün atılmış addımdır”.

BMT baş katibinin Kiprlə bağlı hesabatından narahat olduqlarını ifadə edən Anastasiades, "(Hesabatda) Əhəmiyyətli boşluqlar var, məsuliyyətlər qəbuledilməz şəkildə bərabər şəkildə bölüşdürülür. Təşəbbüslər həm baş katib, həm də Təhlükəsizlik Şurasının üzvləri tərəfindən hazırlanır" deyib.

Qeyd edək ki, Ersin Tatar karbohidrogen, elektrik enerjisi, bərpa olunan enerji və su ilə bağlı əməkdaşlıq təkliflərini ehtiva edən paketi iyulun 1-də BMT vasitəsilə Cənubi Kipr Rum Administrasiyasına təqdim edib.

Bu dörd təklifdən əlavə Tatar iyulun 8-də yunanlara “Kipr adasının minalardan təmizlənməsi” və “qanunsuz köçlə mübarizə” başlıqlı iki yeni əməkdaşlıq təklifi təqdim edib.
“Bu tarixdə Rusiya yenidən Kiyevə hücum edəcək”Əgər Ukrayna Xersonu geri qaytarmasa və Donbası müdafiə etməsə, o zaman 2023-cü ilin yazında Rusiya yenidən hücum əməliyyatlarına başlaya bilər. Belə şəraitdə Nikolayev, Odessa və Kiyev təhlükə altında olacaq.

Teleqraf.com xəbər verir ki, bunu Ukrayna Gələcək İnstitutunun icraçı direktoru, DİN-in keçmiş müşaviri Viktor Andrusiv deyib.

Mütəxəssisin fikrincə,, bütün proqnozlarda problem odur ki, vəziyyət daim dəyişir: “Yəni biz bugünkü vəziyyətə əsasən proqnoz verə bilərik. İndi vəziyyəti belə görürəm: payızın sonuna qədər Rusiya Donbası ələ keçirməyə çalışacaq və buna nail olmayacaq. Bütün imkanlarımızı yenidən qiymətləndirmək üçün qış lazım olacaq.

Hələ də Xersonu və cənubu qaytarsaq, Rusiyanın hücum müharibəsini davam etdirmək şansı azalacaq. Əgər Rusiya Donbası tutsa, Xerson geri qaytarılması üçün çox güman ki, yazda yeni hərbi əməliyyatlar olacaq. Bu, Nikolayev, Odessa və Kiyevə hücumun təkrarıdır. Ona görə də müdafiə etmək çox vacibdir. Donbası və Xerson geri alınmalıdır”.