İlhamə Elşadqızının anası məhkəmədə ifadə verə bilmədi

Sosial şəbəkələrdə özünü şairə kimi təqdim edən İlhamə Əskərovanın (Elşadqızı) cinayət işinin növbəti məhkəmə prosesi keçirilib.

"Unikal"ın məlumatına görə, Bakı Ağır Cinayətlər Məhkəmisinin hakimi Anar Sadıqovun sədrliyi ilə keçirilən prosesdə təqsirləndirilən xanımın anası Almaz Əskərova posesdə şahid kimi ifadə verməsi ilə bağlı müdafiə tərəfi vəsatət təqdim etsə də, hakim vəsatətin natamam olmasını bildirərək onun yenidən tamamlanaraq təqdim edilməsini istəyib.

Vəkil müvəkkilinin ev dustaqlığına buraxılması ilə bağlı vəsatəti yenidən təqdim etsə də, məhkəmə onu əsassız hesab etdiyindən təmin etməyib.

Növbəti proses sentyabrın 3-nə təyin edilib.

Qeyd edək ki, “TikTok” əməliyyatları çərçivəsində aparıcı Azər Zahid, Abdullayev Emin və Rəşad qardaşları və digərləri saxlanılıb. Onların barəsində həbs qərarı çıxarılıb.

İlhamə Elşadqızı aparıcı Azər Zahid tərəfindən "TikToker"lərin iştirakı ilə təşkil olunan yarışmalarda iştirakçı olub.