"İki dəqiqə ərzində Putinin məqsədini anlayacağam"

ABŞ prezidenti Rusiya lideri ilə konstruktiv söhbətə ümid etdiyini açıqlayıb.

Ağ Evdə jurnalistlərə açıqlama verən Donald Tramp, "hər iki tərəf üçün ən yaxşı sövdələşməni" axtardığını əlavə edib:

"Yəqin ki, ilk iki dəqiqə ərzində mən sövdələşmənin mümkün olub-olmadığını biləcəyəm", - deyə ABŞ lideri ifadə edib.

Həmçinin, Tramp Vladimir Putinin ABŞ-yə səfərinin simvolizmini qeyd edərək, bunu “hörmət jesti” adlandırıb

ABŞ prezidenti əmindir ki, o, vəziyyətə nəzarət edə və münaqişənin qlobal toqquşmaya çevrilməsinin qarşısını almağa qadirdir. Eyni zamanda, o, görüşün “yaxşı” və ya “pis” nəticə ilə yekunlaşa biləcəyini də etiraf edib.