Rusiyanın 190 milyardı Ukraynaya verilir - FT
Dərc olunub:
11-08-2025, 10:15
Avqustun 15-də Alyaskada keçirilməsi planlaşdırılan ABŞ-Rusiya sammiti ərəfəsində Avropa liderləri Moskvaya təzyiqi artırmağı, o cümlədən Rusiyanın dondurulmuş aktivlərinin Kiyevə ötürülməsi imkanından danışıqlarda təsir rıçaqları kimi istifadə etməyi təklif edirlər.
Bu barədə "Faynənşl Tayms" adı açıqlanmayan AB rəsmilərinə istinadən məlumat yayıb.
Məlumata görə, təkliflərdən biri də Rusiyanın Belçikadakı "Euroclear" beynəlxalq platformasında saxlanılan 190 milyard avro məbləğində vəsaitin kredit kimi Ukraynaya köçürülməsidir:
"Rusiya Ukraynaya qarşı olan dağıntıları kompensasiya etməsə, Rusiyanın bu aktivlərilə nə ediləcəyi ilə bağlı müzakirə başlaya bilər".
