Siyəzəndə 26 İyun Silahlı Qüvvələr gününə həsr olunmuş tədbir keçirilibİyunun 24-də Siyəzən Rayon Gənclər və İdman İdarəsinin təşkilatçılığı ilə 26 İyun Silahlı Qüvvələr gününə həsr olunmuş tədbir keçirilib.

Gənclər Mərkəzində təşkil olunan görüşdə Vətən müharibəsi iştirakçıları, qazilər, şəhid ailərinin üzvləri, Siyəzən Rayon İcra Hakimiyyətinin məsul işçiləri və gənclər iştirak ediblər.

Tədbirdə ilk öncə torpaqlarımızın azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Daha sonra Gənclər və İdman İdarəsinin rəisi Nadir Məmmədov, Qarabağ Müharibəsi Əlilləri, Veteranları və Şəhid Ailələri İctimai Birliyinin Siyəzən rayon təşkilatının sədri Nəbi Əliyev, Vətən müharibəsi iştirakçısı, şəhər 3 saylı tam orta məktəbin Hərbi rəhbəri İlkin İlyasov və digərləri tədbirdə çıxış edərək görüş iştirakçılarını Silahlı Qüvvələr günü münasibəti ilə təbrik ediblər.

Çıxışlarda bildirilib ki, məhz Azərbaycan Ordusunun igid əsgər və zabitlərinin qəhrəmanlığı nəticəsində Vətən müharibəsində böyük Qələbə qazanıldı, ərazi bütövlüyümüz təmin edildi. Xalqımızın Vətən müharibəsində möhtəşəm Qələbə əldə etməsində Ali Baş Komandan cənab İlham Əliyevin sərkərdəlik qabiliyyəti, onun rəhbərliyi altında səriştəli hərbi planlaşdırma, döyüş əməliyyatlarının hərtərəfli hazırlanması, əsgər və zabitlərimizin yüksək əhvali-ruhiyyəsi və döyüş hazırlığı, Ordu ilə xalq birliyi, inkişaf etmiş hərbi-sənaye kompleksi, güclü və çoxşaxəli iqtisadiyyat misilsiz rol oynadı.

Belə görüşlərin keçirilməsində də əsas məqsəd Vətən müharibəsi iştirakçılarının cəmiyyətə tanıdılması, Vətən müharibəsinin tarixi əhəmiyyətinin gənc nəsil arasında təbliği, gənclərin vətənpərvərlik ruhunda tərbiyəsi işinin gücləndirilməsidir.

Çıxışlardan sonra tədbirdə məktəblilər tərəfindən vətənpərvərlik mövzusunda şeirlər səsləndirilmiş, Silahlı Qüvvələr gününə həsr olunmuş videoçarx nümayiş etdirilmişdir.


#SilahlıQüvvələrgünü #VətənMüharibəsi #Zəfər #Qələbə #QarabağAzərbaycandır #DəmirYumruq #SiyəzənGİİ #AZEyouth #AZEgənc #Gənclərİdman
"Azərsu" "əməkdaş"ı tutuldu - VİDEOAbşeron rayonu Xırdalan şəhərində özünü “Azərsu” Açıq Səhmdar Cəmiyyətinin və digər kommunal xidmət idarələrinin əməkdaşı kimi təqdim edərək vətəndaşları dələduzluq yolu ilə aldadan şəxs saxlanılıb.

Daxili İşlər Nazirliyindən (DİN) verilən məlumata görə, şikayətlər əsasında Abşeron Rayon Polis İdarəsinin əməkdaşları tərəfindən həyata keçirilən tədbir zamanı qeyd edilən qanunsuz hərəkətlərə yol verən Rəfail Əsgərov tutulub.

Araşdırma zamanı onun Xırdalan şəhərində bir neçə şəxsi bu yolla aldadaraq onlardan müxtəlif məbləğlərdə pul aldığı məlum olub. Faktlarla bağlı Rəfail Əsgərov barəsində toplanan materiallar Abşeron Rayon Məhkəməsinə göndərilib. O, məhkəmənin qərarı ilə iki ay müddətinə inizbati qaydada həbs edilib.

Qeyd edək ki, Rəfail Əsgərov bundan əvvəl də Gəncə şəhəri və paytaxtın Nizami rayonunda eyni əməllər etdiyi üçün polis əməkdaşları tərəfindən saxlanılaraq inzibati qaydada həbs edilmişdi. Onun əməllərindən zərərçəkən başqa vətəndaşlar varsa, bu barədə Abşeron Rayon Polis İdarəsinə, ərazi polis orqanlarına, DİN-in “102” Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.
Təkrar ekspertiza keçiriləcək - Vilyam Hacıyevin məhkəməsiBakı Ağır Cinayətlər Məhkəməsində İmişli rayonunun sabiq icra başçısı Vilyam Hacıyevin cinayət işi üzrə məhkəmə prosesi davam etdirilib.

Avrasiya.net-in məlumatına görə, hakim Azər Paşayevin sədrliyi ilə keçirilən prosesdə təqsirləndirilən şəxsin vəkili Elmar Kərimov vəsatətlə çıxış edib.

Vəkil iş üzrə təkrar ekspertizanın keçirilməsini istəyib: "Bu iş ciddi araşdırılmalıdır. Bunun üçün məhkəməyə mütəxəssislər dəvət edilməlidir".

Məhkəmə vəkilin vəsatətini təmin edib. Məhkəmənin növbəti iclası iyulun 1-i baş tutacaq.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

İstintaq orqanı tərəfindən toplanmış materiallarla sabiq icra başçısı barəsində Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə yekun ittiham elan olunub.
Təkrar ekspertiza keçiriləcək - Vilyam Hacıyevin məhkəməsiBakı Ağır Cinayətlər Məhkəməsində İmişli rayonunun sabiq icra başçısı Vilyam Hacıyevin cinayət işi üzrə məhkəmə prosesi davam etdirilib.

Avrasiya.net-in məlumatına görə, hakim Azər Paşayevin sədrliyi ilə keçirilən prosesdə təqsirləndirilən şəxsin vəkili Elmar Kərimov vəsatətlə çıxış edib.

Vəkil iş üzrə təkrar ekspertizanın keçirilməsini istəyib: "Bu iş ciddi araşdırılmalıdır. Bunun üçün məhkəməyə mütəxəssislər dəvət edilməlidir".

Məhkəmə vəkilin vəsatətini təmin edib. Məhkəmənin növbəti iclası iyulun 1-i baş tutacaq.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

İstintaq orqanı tərəfindən toplanmış materiallarla sabiq icra başçısı barəsində Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə yekun ittiham elan olunub.
QHT Agentliyi “Şuşa ili”nə dair müsabiqənin qaliblərini açıqlayacaqAzərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclası keçirilib.

Qurumdan verilən xəbərə görə, iclasda, Agentliyin 2022-ci il kiçik qrant müsabiqəsi çərçivəsində texniki seleksiyadan keçən layihələrin qiymətləndirilməsi haqqında, İcraçı direktorun  səfər qrantları üçün müraciət olunan layihələr haqqında təqdimatı və cari məsələlərlə bağlı qərarlar qəbul edilib.

Toplantıda Agentliyin “Şuşa ili”nə həsr edilmiş xüsusi Qrant müsabiqəsinin nəticələrinin 28 iyun tarixində elan edilməsi qərara alınıb.
"Jurnalist dürüst, obyektiv olmalıdır" - Xaliq Məmmədov ittihamlara cavab veribAzərbaycanda söz, mətbuat azadlığı mövcuddur və yüksək səviyyədə qorunur. Azad medianın inkişafı ilə bağlı çox önəmli qərarlar qəbul edilib. Bu gün Azərbaycanda fikir, söz və məlumat azadlığı, plüralizm yüksək səviyyədədir. Hazırda ölkədə hər kəsin müstəqil fikir bildirmək, yürütmək, istənilən məsələyə mövqeyini sərgiləmək və hüquqlarını tələb etmək imkanı var.

Amma təəssüf ki, söz azadlığından sui-istifadə edənlər də az deyil. Bu gün jurnalist etikasına bələd olan jurnalistlərin öz fikirlərini istənilən media subyekti vasitəsilə azad şəkildə ifadə etməsində heç bir çətinlik yoxdur. Yetər ki, dilə gətirdiyin fikirlər həqiqəti əks etdirsin və arqumentlərin əsaslı olsun. Çünki “söz azadlığı” anlayışı digər vətəndaşlara böhtan atmaq, onları təhqir etmək deyil, sözü mədəni şəkildə, tutarlı faktlarla ünvanına çatdıra bilməkdir. Jurnalist obyektiv, qərəzsiz olmalı, yalnız və yalnız həqiqəti yazmalı və söyləməlidir. Ən azından bu, onun peşə borcudur. Amma bu peşə borcunu yerinə yetirməyənlər, ona sadiq qalmayanlara da rast gəlmək mümkündür.

Belə ki, iyunun 20-də Azpolitika.info və “Moderator.az saytlarında “Şirkəti talayıb, şantaja keçdilər… - Yaxud generala atılan böhtanın izi ilə”, “Şirkəti talayanlar məsuliyyətdin yayınmaq üçün mühacir medianı şantaj vasitəsi SEÇDİLƏR...” başlıqlı yazılar dərc olunub.

Yazıların ilk üç abzasını təqdim edirik:

... Bir neçə gün əvvəl Yusif Əzizov adlı biri xaricdə Azərbaycan hakimiyyətinin və dövlətinin əleyhinə fəaliyyəti ilə tanınan Tural Sadıqlının “Azad Söz” adlı internet kanalında Dövlət Miqrasiya Xidmətinin rəis müavini Vəli Nağıyev haqqında müxtəlif iddialar səsləndirib.

... Mənimsəmə, dələduzluq əməllərində ittiham edilən bir qrup şəxsin Dövlət Miqrasiya Xidmətinin rəis müavini ilə bağlı kifayət qədər ciddi ittihamlarla çıxış etməsini nəzərə alaraq, iddialarının nə qədər doğru olduğunu araşdırmağa qərar verdik.

.. İlk növbədə qeyd edək ki, əvəllər iş adamı kimi tanınan Vəli Nağıyev hələ bir neçə il əvvəl mətbuata açıqlamasında dövlət işinə keçdikdən sonra heç bir biznes fəaliyyəti ilə məşğul olmadığını bəyan edib. Dövlət Miqrasiya Xidmətinin rəis müavini təyin olunana qədər isə bir gün də olsun nə büdcə təşkilatına, nə də hansısa bir xidmət qurumuna rəhbərlik etməyib.

Bu abzaslar yazının sifarişli və generala qarşı ittihamların böhtan olduğunu göstərməyə kifayət edir. Belə olan təqdirdə bəzi saytlar xaricdə Azərbaycan dövlətinin əleyhinə fəaliyyət göstərən hansısa internet kanalında səsləndirilən iddiaları niyə ictimailəşdirib, bununla nə demək istəyirlər?

Bildirirk ki, bəzi saytlar Dövlət Miqrasiya Xidmətinin rəis müavini general Vəli Nagıyev haqqında əsası olmayan, onun dövlət qarşısında xidmətlərinə kölgə salan şər, böhtan xarakterli fikirləri ictimailəşdirməklə “Media haqqında qanun"un müddəları ilə yanaşı, Jurnalist peşə etikası kodeksi normalarını kobudcasına pozublar. Bu gün Avropada "siyasi mühacir" adı altında çirkin məqsədlərə xidmət edənlərdən, dövlətimizə, cənab Prezidentin siyasətinə qarşı çirkin təbliğat aparanlardan biri olan Tural Sadıqlının internet kanalında səsləndirilən ittihamları yoxlamadan, dəqiqləşdirmədən ictimaiyyətə çatdırmağın özü qeyri-peşəkarlıq, qeyri-obyektivlik, qərəzliyin göstəricisidir.

Xain birinin rəhbərlik etdiyi internet kanalında səslənən ittihamlar hansı məntiqlə inandırıcı, ciddi qəbul oluna bilər ki, onu ictimaiyyətə təqdim edirlər?

Tural Sadıqlı kimi mühacir həyatı yaşayanların bir çoxunun əqidəsi, amalı, məqsədi dövlət məmurlarını gözdən salmaqla yanaşı, dövlətini, millətini, xalqını sevən və bu yolda bütün fəaliyyətini, həyatını, bilik və bacarığını xərcləyənləri şərləməkdir.

Yuxarıda adlarını çəkdiyimiz və kifayət qədər nüfuzlu saytlarımız həmin ittihamları dəqiqləşdirmədən, yazıda adları hallandırılan şəxslərin mövqelərini, fikirlərini almadan onu dərc etməklə hansı məqsədlər güdür?

Həmin yazıda mənim də adım çəkilir, halbuki "Sara qrup" QSC ilə hec bir əlaqəm yoxdur və həmin dövrdə Dəmir yolu və multimodal daşımalarla məşğul olan baş operator şirkətin rəhbəri işləmişəm. Yazıda adları çəkilən başqaları isə 2021-ci ilin iyul və dekabr aylarından o şirkətdə çalışmırlar.

Bunu yoxlamaq o qədər də çətin deyil. Sənəd, sübüt ortalıqdadır. Həmin ittihamları ictimailəşdirməzdən öncə obyektivliyi qorumaq məqsədilə bəzi məqamları aydınlaşdırmaqdan ötrü yazıda adları çəkilən şəxslərə müraciət olunmalıydı. Hər üç şəxs ictimaiyyətə açıqdır, dövlətini sevən, xalqının, millətinin xidmətində duranlardır. Xain Tural Sadıqlı kimi Avropaya sığınmayıblar, yerləri, ünvanları bəllidir.

Gətirdiyimiz dəlillər onu deməyə əsas verir ki, həmin başlıqlı yazılar bütünlüklə böhtan və təsdiqini tapmayan ittihamlardır. Media isə böhtan və şərə yer ayırmamalıdır, düzünü yazmalıdır. Bəzi media subyektlərimizi obyektivliyi, ədalət prinsiplərini qorumağa, onlara hörmətlə yanaşmağa dəvət edirik.

Hörmətlə

Xaliq Əjdər oğlu Məmmədov
İqtisad elmləri fəlsəfə doktoru, 3-cü dərəcəli dövlət qulluğu müşaviri
QMİ-nin sabiq sektor müdiri azadlığa buraxıldıTanınmış ilahiyyatçı, Qafqaz Müsəlmanları İdarəsinin (QMİ) sabiq sektor müdiri Elşən Mustafaoğlu həbsdən azadlığa çıxıb.

Avrasiya.net xəbər verir ki, bununla bağlı onun dostları sosial şəbəkələrdə məlumat yayıblar.

Qeyd edək ki, Elşən Mustafaoğlu 2014-cü ildə həbs olunmuşdu. O, Cinayət Məcəlləsinin 274-cü (dövlətə xəyanət) maddəsi ilə ittiham olunaraq, 10 il müddətinə azadlıqdan məhrum edilmişdi.
Şəmkir, Qazax və Tovuz rayonlarının Ağsaqqallar Şuralarının  hesabat konfransları keçirilibŞəhər və rayon Ağsaqqallar Şuralarında təşkilatların son birillik fəaliyyətləri ilə bağlı hesabat konfranslarının keçirilməsi davam edir.

Növbəti tədbirlər Azərbaycan Ağsaqqallar Şurasının sədr müavini Bayram Yusifovun iştirakı ilə iyun ayının 21-də və 22-də Şəmkir, Qazax və Tovuz rayonlarında təşkil olunub. Bu konfranslarda Şəmkir Rayon İcra Hakimiyyətinin başçısı Rəşad Tağıyev, Qazax Rayon İcra Hakimiyyətinin başçısı Rəcəb Balaşov, Tovuz Rayon İcra Hakimiyyətinin başçısı Məmməd Məmmədov, həmçinin Azərbaycan Ağsaqqallar Şurasının mətbuat katibi Rafiq Rzayev, rayon ağsaqqalları, şəhid ailələrinin üzvləri, qazilər, idarə, müəssisə və təşkilat rəhbərləri, təhsil işçiləri və gənclər iştirak ediblər.

Tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri qoyaraq xatirəsini ehtiramla anıblar.

Konfranslarda şəhidlərimizin və hesabat dövründə dünyasını dəyişmiş ağsaqqalların xatirəsi bir dəqiqəlik sükutla yad edildikdən sonra çıxış edən rayon İcra Hakimiyyətlərinin rəhbərləri Azərbaycan Ağsaqqallar Şurasının sədr müavini Bayram Yusifovu və tədbir iştirakçılarını salamlayaraq toplantının əhəmiyyətindən söz açıblar.

Milli-mənəvi dəyərlərimizin formalaşmasında, yaşadılmasında və gənclərə aşılanmasında ağsaqqal sözünün daşıdığı önəmi vurğulayan natiqlər yaşlı nəslin nümayəndələrinin rayonun ictimai-mədəni həyatında yaxından iştirak etdiklərini bildiriblər. Rəhbər vəzifəyə təyin olunduqları ilk günlərdən etibarən mütəmadi olaraq ağsaqqallarla görüşdüklərini, onların məsləhət və tövsiyələrinə əməl etdiklərini söyləyən icra başçıları gənclərin vətənpərvərlik ruhunda, sağlam təməllər üzərində tərbiyəsi işində ağsaqqallara həmişə böyük ehtiyacın duyulduğunu tədbir iştirakçılarının diqqətinə çatdırıblar.

Sonra Şəmkir Rayon Ağsaqqallar Şurasının sədri Bilal Məmmədovun, Qazax Rayon Ağsaqqallar Şurasının sədri Ramiz Mansurovun və Tovuz Rayon Ağsaqqallar Şurasının sədr müavini Bəhram Pənahovun yerli təşkilatlar tərəfindən son birillik hesabat dövrü ərzində aparılan işlər və qarşıya qoyulan vəzifələr barəsində məruzələri dinlənilib. Natiqlər Rayon Ağsaqqallar Şurasının üzvlərinin təhsil müəssisələrində keçirilən görüşlərdə və digər tədbirlərdə cəmiyyət üzvləri, xüsusilə də gənclərimizlə maarifləndirici, o cümlədən ordumuzun qəhrəmanlıq tarixi mövzusunda söhbətlər aparıldığını, onların milli-mənəvi dəyərlərə, Vətənə, xalqa, dövlətə hörmət ruhunda tərbiyəsi işinə böyük önəm verildiyini qeyd ediblər. Vurğulayıblar ki, həm pandemiya dövründə, həm də müzəffər Ali Baş Komandan İlham Əliyevin rəhbərliyi altında başlayan 44 günlük Vətən müharibəsi zamanı rayon ağsaqqalları öz fəaliyyətlərini davam etdirərək xalqımızın həmrəy olmasında, daxili və xarici düşmənlərimizə, o cümlədən xəstəliklərə qarşı mübarizə aparılmasında yaxından iştirak ediblər. Çıxışçılar gələcəkdə öz fəaliyyətlərini daha səmərəli və əhatəli qurmaq üçün əllərindən gələni əsirgəməyəcəklərini bildiriblər.

Konfranslarda çıxış edən Azərbaycan Ağsaqqallar Şurasının sədr müavini Bayram Yusifov Şuranın sədri, Milli Məclisin deputatı, professor Eldar Quliyevin və İdarə Heyətinin üzvlərinin salamlarını tədbir iştirakçılarına çatdırıb və hesabat dövrü ərzində görülən işləri qənaətbəxş qiymətləndirib. Lakin ağsaqqallarımızın daha yüksək potensiala malik olduqlarını bildirərək koronovirus pandemiyasının, demək olar ki, aradan qalxdığı bu dövrdə onların fəaliyyətində daha böyük canlanmanın olacağına əminliyini ifadə edib.

Öz çıxışında ağsaqqallıq institutunun qədim tarixə malik olduğunu söyləyən Bayram Yusifov xüsusilə türk tayfalarında və bu gün onların davamçıları olan türk dövlətlərində böyük nüfuz sahibi olan ağsaqqallara yüksək dəyər verildiyini qeyd edib. Hazırda Türk Dövlətləri Təşkilatında (TDT) üzv ölkələrin ağsaqqallarının təmsil olunduğu Ağsaqqallar Şurasının səmərəli fəaliyyət göstərdiyini vurğulayıb. Natiq qeyd edib ki, Azərbaycan Ağsaqqallar Şurası da Eldar Quliyevin rəhbərliyi ilə TDT-nin Ağsaqqallar Şurasının işində yaxından iştirak edir, təşkilata üzv olan türk dövlətlərinə işgüzar və səmərəli səfərlər həyata keçirilir, bir sıra sahələr üzrə əməkdaşlıqlar genişləndirilir. Bayram müəllim, həmçinin, ulu öndər Heydər Əliyevin ağsaqqalları “milli-mənəvi dəyərlərimizin qızıl fondu” adlandıraraq onlara verdiyi yüksək dəyərdən və bu gün həmin qayğının Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyeva tərəfindən böyük həssaslıqla davam etdirilməsindən də bəhs edib.

O, öz çıxışında ümummilli lider Heydər Əliyevin hakimiyyətdə olmadığı, sözün əsl mənasında ağsaqqalsız qaldığımız dövrlərdə Azərbaycanın yaşadığı böyük problemləri tədbir iştirakçılarına xatırladaraq Ümummilli Liderin xilaskarlıq missiyasından, dövlət başçısı, müzəffər Ali Baş Komandan İlham Əliyev rəhbərliyi ilə ölkəmizdə gedən inkişaf prosesindən, Vətən müharibəsində qazanılan möhtəşəm Zəfərdən və işğaldan azad olunmuş torpaqlarımızda gedən genişmiqyaslı abadlıq və quruculuq işlərindən söz açıb, ölkə əhalisinə, xüsusilə şəhid ailələrinə və qazilərə göstərilən diqqət və qayğıdan danışıb.

Hazırda Azərbaycan Ağsaqqallar Şurasında, onun yerli təşkilatlarında canlanmanın müşahidə edildiyini vurğulayan natiq bildirib ki, biz ağsaqqallar daha da fəal olmalıyıq, dövlətimizin, ulu öndər Heydər Əliyevin layiqli davamçısı möhtərəm Prezidentimiz cənab İlham Əliyevin ətrafında sıx birləşərək Vətənimizi sevməyən daxili və xarici qüvvələrə, cəmiyyətimizdəki neqativ hallara qarşı ciddi mübarizə aparmalıyıq, gənclərlə maarifləndirici işlərimizi daha da artırmalıyıq.

Konfranslarda rayonların Ağsaqqallar Şuralarının üzvləri, həmçinin yerli təşkilatların nümayəndələri, ziyalılar və digər natiqlər çıxış edərək ölkəmizin ictimai-mədəni həyatında ağsaqqalların göstərdiyi dəyərli fəaliyyətdən bəhs ediblər. Vurğulayıblar ki, xalqımizi daha da qüvvətləndirən ağsaqqal sözüdür və ağsaqqallara hörmət millətə, dövlətə hörmətdir. Azərbaycanın hər bir bölgəsində belə yüksək səviyyəli tədbirlərin keçirilməsinə, habelə ağsaqqallara ayrılan diqqət və qayğıya görə öz minnətdarlıqlarını bildiriblər.
Tovuzda keçirilən konfransda Rayon Ağsaqqallar Şurasının sədri Tofiq Zeynalova yeni vəsiqə təqdim edilib və ona gələcək fəaliyyətində uğurlar arzulanıb.
Səfər çərçivəsində ənənəvi olaraq Azərbaycan Ağsaqqallar Şurasının sədr müavini Bayram Yusifov yerli təşkilatların iş otaqları, onlara yaradılan şəraitlə və göstərdikləri fəaliyyətlə yaxından tanış olub, öz tövsiyələrini verib, həmçinin mövcud çatışmazlıqların aradan qaldırılması üçün müvafiq qurumlarla məsləhətləşmələr aparılıb.


Taleh Bağırzadə aclıq aksiyasını dayandırdı"Müsəlman Birliyi Hərəkatı" adlı təşkilatın həbsdə olan sədri Taleh Bağırzadə aclıq aksiyasını dayandırıb.

Avrasiya.net xəbər verir ki, bu barədə Trend-ə T.Bağırzadənin həyat yoldaşı Leyla İsmayılzadə məlumat verib.

O bildirib ki, T.Bağırzadə Qobustan həbsxanasında qida qəbul etməyə başlayıb.

T. Bağırzadə aclıq aksiyasına iyunun 3-də başlamışdı.

Xatırladaq ki, T.Bağırzadə 2015-ci il noyabrın 16-da Nardaran hadisələri zamanı törədilən iğtişaşların təşkilatçılığında təqsirləndirilərək həbs edilib.

Bakı Ağır Cinayətlər Məhkəməsinin hökmü ilə o, 20 il azadlıqdan məhrum edilib.
Hökumət baş redaktora təzminat ödəyəcəkAvropa İnsan Haqları Məhkəməsi Jam.az saytının rəhbəri Fikrət Fərəməzoğlu ilə bağlı işə dair qərar çıxarıb.

Avrasiya.net xəbər verir ki, Avropa Məhkəməsi Fikrət Fərəməzoğlunun qanunsuz həbs olunduğu barədə iddiasını tanıyaraq, Azərbaycan hökumətindən ona 3500 avro təzminat ödənilməsinə dair qərar çıxarıb.

Bu barədə jurnalist özü bildirib.

“Qarşıda daha iki işimiz var. Mənim üçün işgəncə və qanunsuz hökmlə bağlı çıxarılacaq qərarlar daha mühümdür. Vəkillərim Elçin Sadıqov və Zibeydə xanıma təşəkkürümü bildirirəm”, - F.Rəməzoğlu deyib.

Fikrət Fərəməzoğlu 2017-ci il Bakı Ağır Cinayətlər Məhkəməsində Cinayət Məcəlləsinin 182-ci maddəsiylə təqsirli bilinərək, 7 il azadlıqdan məhrum olunmuşdu.

O, müxtəlif restoran, iaşə obyektləri sahiblərindən hədə-qorxu ilə pul tələb etməkdə təqsirli bilinib.

Jurnalist ittihamı qəbul etməyib, bildirib ki, sifarişlə həbs olunub. Onun sözlərinə görə, həmin obyektləri vəzifəli şəxslər himayə edir.

2019-cu il martın 18-də prezident İlham Əliyevin əfv sərəncamı ilə Fikrət Fərəməzoğlu azadlığa buraxılıb.