MSK bələdiyyə üzvlərinin vəsiqəsini niyə vermir? CİDDİMəlum olduğu kimi, sonuncu, sayca beşinci, bələdiyyə seçkiləri 2019-cu ilin dekabrın 23-də, yeni tərkibdə bələdiyyələrin ilk iclası isə 2020-ci ilin yanvarın 15-dən başlayaraq keçirildi. Artıq bələdiyyənin ilk iclasından təxminən 435 gün keçib. Amma bu günədək bələdiyyə üzvlərinin vəsiqələri təqdim edilməyib. Və ən maraqlısı odur ki, hər hansı səbəb də göstərilməyib. İlk baxışda elə də ciddi görünməsə də əslində çox ciddi məsələ hesab edilməlidir.

Əlavə edim ki, bu günlərdə sosial media hesabım üzərindən bu mövzunu ictimailəşdirəndə onun belə əks-səda verəcəyini güman etmirdim. Çünki düşünürdüm ki, MSK belə bir addım atmaz və problemin bu qədər uzanmasına razı olmaz. Ola bilsin ki, vəsiqənin verilməməsinin əsas səbəb kimi pandomiya ilə əlaqələndirilsin. Ancaq bu real səbəb olmamalıdır. Çünki pandomiya mart ayınının birindən başlamaqla elan edilmişdir. Bu proses isə artıq yanvarda başa çatmalıydı. Bu prosesin icrası DSK-lar tərəfindən icra edildiyindən MSK-ya elə də yük düşməməli idi . MSK sadəcə nümunəni təsdiq edib göndərməliydi. Və ən qısa zamanda. Ortada bir şox cavabsız suallar olduğu halda vəsiqələrin verilməməsi:

- Birincisi vəsiqələrin səbəbsiz yerə verilməməsi bütövlükdə 15 minlik üzvü olan bələdiyyələrə qarşı hörmətsizlikdir. MSK da oturanların da yəqin xəbəri olmamış deyil ki, bu sistemin yaranması məhz Ulu Öndər Heydər Əliyevin adı ilə bağlıdır. Bələdiyyələrin fəaliyyətinin bütün fəlsəfəsini məhz mərhum prezident ilk bələdiyyə seçkiləri zamanı keçirdiyi görüşlərdə açıqlamışdır.

- İkinicisi vəsiqənin verilməməsi bələdiyyə üzvləri və sədrləri xüsusəndə pandomiyanın ən qızgın vaxtlarında tətbiq edilən karantin dövründə ciddi problemlə üz-üzə qoydu. Təsəvvür edin ki, portala ad yazılır və şəxsdən, daha doğrusu sədrdən, iş vəsiqəsi tələb olunur. Lakin vəsiqə yoxdur. Onlarca və yüzlərcə bələdiyyə sədrləri çıxılmaz vəziyyətlə üz üzə qalmışdı. Bu faktdır və bunu danmaq olmaz.

- Üçüncü maraqlı olan məqam ondadır ki, bələdiyyələrlə bağlı olan, hər zaman bələdiyyələrə “öz tövsiyələrini” verməkdə maraqlı olan RİH təmsilçiləri və digər qurumlar bu məsələnin nəyə görə ictimailəşdirib həllinə nail olmayıblar, niyə maraq göstərməyiblər. Amma yeri gələndə “verdikləri tövsiyələr” icra edilmədikdə...

Nə isə...

Bəs qanun nə deyir:

“Bələdiyyələrə seçkilərinin qaydaları haqqında

AZƏRBAYCAN RESPUBLİKASININ QANUNU

Maddə 43. Bələdiyyə üzvü seçilmək haqqında vəsiqə

Mərkəzi Seçki Komissiyası tərəfindən müəyyən edilmiş nümunədə bələdiyyə üzvü seçilmək haqqında vəsiqə seçkilərin yekunları elan olunduqdan sonra 5 gün müddətində ərazi seçki komissiyası tərəfindən verilir.

Azərbaycan Respublikasının Prezidenti HEYDƏR ƏLİYEV

Bakı şəhəri, 2 iyul 1999-cu il № 699-IQ”

İnanıram ki, müfaviq rəsmi şəxslər və qurumlar bu məsələni diqqətdə saxlayıb həllinə nail olacaqlar. Beş günə verilməli olan vəsiqənin 435 gün ərzində verilməməsi, üstəlik nə vaxt veriləcəyi də məlum deyilsə, demək MSK və bu qurumla bağlı olanlar problemə ciddi yanaşıb həllinə təkan verməlidirlər. Birmənalı olaraq...

Vüqar Tofiqli
“Bələdiyyələrin fəaliyyətinin təbliği” İctimai birliyinin sədri


P.S. Qarşı tərəfin fikirlərini dinləməyə və saytda yerləşdirməyə hazırıq.
Koronavirusa yoluxub sağaldığınızı testsiz necə bilmək olar?Bütün ekspertlər bildirir ki, artıq dünya əhalisinin yarıdan çoxu Covid-19-a yoluxub, xəstəliyi gizli keçirib. Lakin çox insan bundan xəbərsizdir. Ona görə bəzi insanlar antitel analizi verdikdə, onlarda virusu keçirdikləri üzə çıxır.

Avrasiya.net medicina.az-a istinadən xəbər verir ki, Oksford universitetinin alimləri bəzi əlamətlərə görə insanın koronavirus keçirdiyini bilməyin mümkün olduğunu açıqlayıb.

Belə ki, sonradan antitel analizi verib müsbət çıxan assipmtomatik xəstələr aşağıdakı simptomları keçirdiklərini, lakin bunun koronadan olduğunu bilmədiklərini etiraf edib.

Siz də bu simptomlara əsasən koronavirus keçirib-keçirmədiyinizi təxmin edə bilərsiz.

- Qarında ağrı, sancı

Koronavirusun əsas simptomlarından biri. Daha çox virus mədə ilə həzm yollarına düşdükdə, öskürəksiz xəstələrdə olur. Eləcə də ağciyərlərin aşağı payı iltihablaşanda qarın, mədə hissədə ağrı olur.

- Bir neçə gün ishal

Səbəbsiz və kəsilməyən diareya, ishal gözlənilmədən insanı yaxalayır. Qidalanması normal olsa da xəstə koronadan şübhələnməsə də bir neçə gün bununla mübarizə aparır.

- Gözlərdə irin, qızarma, konyuktivit

Gözlər ayrıca, müstəqil olaraq koronavirusa yoluxub, iltihablaşa bilər. Elə bilməyin ki, gözünüzə nəsə düşüb, ya çirk edib. Bu sadəcə koronavirus ola bilər və bununla da bitər.

- Ağız dadının dəyişməsi

Ağızda dadın tam itməsi birbaşa simptom olsa da, ağızda qəribə tam yaranması və yeməklərdən zövq almama da koronavirusun oyunu ola bilər. Buna da fikir vermirlər.

- Səbəbsiz yorğunluq, halsızlıq

Əgər bir neçə gün və ya bir həftə səbəbsiz yorğunluq, halsızlıq, bədəndə süstlük hiss edib, heç bir test vermədiz, qızdırma olmadan sonradan düzəlmisizsə, bu da gizli keçirilmiş koronavirusun əlaməti ola bilər

Sizdə bu sadalananlardan bir və ya bir neçə əlamət yaxın bir neçə ayda baş veribsə, koronavirus barədə düşünməyə və ürəyinizdən keçərsə, son nöqtəni qoymaq üçün bir antitel analizi verməyə dəyər. Ola bilər ki, analizin cavabı sizi heyrətləndirsin!
“Qədim Nuxa” və "Büyükfırat lahmacun" restoranları cərimələndi - SİYAHIAzərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.

AQTA-dan Avrasiya.net-ə verilən məlumata görə, nəzarət tədbirləri çərçivəsində 16 aprel 2021-ci il tarixində ölkə üzrə 442 ictimai iaşə obyektində 752 monitorinq keçirilib.

Monitorinqlər zamanı 20 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.

Uyğunsuzluqlar aşkar edilən ictimai iaşə müəssisələri aşağıdakılardır:

1. Bakı şəhəri, Nərimanov rayonu‎, Ə. Rəcəbli küçəsi, ev 5 ünvanında yerləşən, fiziki şəxs Kazimova Nəsibə Bəşir qızına məxsus kafe;

2. Bakı şəhəri, Binəqədi rayonu‎, DSK yolunda yerləşən, fiziki şəxs Həsənova Gülçöhrə Cangirovnaya məxsus kafe;

3. Bakı şəhəri, M. Naxçıvani küçəsi, ev 14 ünvanında yerləşən, fiziki şəxs Bağıyev Yusif Seyfullah oğluna məxsus “Qədim Nuxa” restoranı;

4. Bakı şəhəri, Yasamal rayonu,‎ Hüseyn Cavid prospekti, 556/557-ci məhəllədə yerləşən, fiziki şəxs Emin Keklikə məxsus "Büyükfırat lahmacun" restoranı;

5. Bakı şəhəri, Yasamal rayonu, Zahid Xəlilov küçəsi, ev 25B ünvanında yerləşən, fiziki şəxs Mahmudov Vidadi Hüseynqulu oğluna məxsus “Atmosphere” restoranı;

6. Bakı şəhəri, Nəsimi rayonu‎, Əlövsət Quliyev küçəsi 131 ünvanında yerləşən, fiziki şəxs Əliyev Akifə məxsus restoran;

7. Bakı şəhəri, Nizami rayonu‎, Koroğlu metro stansiyasının yaxınlığında yerləşən, fiziki şəxs Məmmədzadə Nazim Qaçay oğluna məxsus “Metro” kafesi;

8. Bakı şəhəri, Xəzər rayonu,‎ Mərdəkan qəsəbəsi, B. Əliyev küçəsində yerləşən, fiziki şəxs Cəlilov Eldar Elmar oğluna məxsus “Dönər House” dönər evi;

9. Bakı şəhəri, Sabunçu rayonu,‎ Ə. Məmmədliyev küçəsi 5 ünvanında yerləşən, fiziki şəxs Nəcəbov Arif Əli oğluna məxsus kafe;

10. Bakı şəhəri, Nizami rayonu‎, Qara Qarayev prospekti 2529 ünvanında yerləşən, fiziki şəxs Salahov Aqşin Ağamirzə oğluna məxsus dönər evi;

11. Bakı şəhəri, Xətai rayonu, ‎Gəncə prospekti, ev 2 ünvanında yerləşən, fiziki şəxs Eyyubov Cahangir Ehtibar oğluna məxsus restoran;

12. Bakı şəhəri, Xətai rayonu, Sarayevo küçəsi 3 ünvanında yerləşən, fiziki şəxs Zülfüqarov Şakir Şahin oğluna məxsus restoran;

13. Bakı şəhəri, Xətai rayonu, Məhəmməd Hadi küçəsi 37 ünvanında yerləşən, fiziki şəxs Məmmədov Samin Mahmud oğluna məxsus çay evi;

14. Sumqayıt şəhəri, 47-ci məhəllədə yerləşən, fiziki şəxs Baxşıyev Rusif Elsevən oğluna məxsus “Dönəriko” dönər evi;

15. Bakı şəhəri, Nəsimi rayonu, Şövqüyar Abdullayev küçəsi 9A ünvanında yerləşən, fiziki şəxs Əliyev Hikmət Yarbala Oğluna məxsus “Egoist” mehmanxanasının tərkibində faəliyyət göstərən restoran;

16. Gəncə şəhəri, 28 May küçəsində yerləşən, fiziki şəxs Əliyev Mübariz Nuru oğluna məxsus restoran;

17. Tovuz rayonu, Alakol kəndində yerləşən, fiziki şəxs Məmmədova Mətanət Zaman qızına məxsus kafe;

18. Ağdaş rayonu, Əliyev pospektində yerləşən, fiziki şəxs Məmmədov Məhəmməd Məhəmmədəli oğluna məxsus kafe;

19. Neftçala rayonu, H. Əliyev prospektində yerləşən, fiziki şəxs Əsədov Rövşən Böyükbala oğluna məxsus kafe;

20. Kürdəmir rayonu, Qarabucaq kəndində yerləşən, fiziki şəxs Rəcəbov Hafis Saleh oğluna məxsus “Ülvi” kafesi.

Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Nazim İbrahimovun qardaşı yenidən həbs edildiBakı şəhəri Xətai rayon məhkəməsinin «STS» şirkəti, «Sahil-D Kompani» MMC-nin təsisçisi, dələduzluq faktlarına görə əvvəllər məhkum edilmiş İbrahimov Sahib Hüseyn oğlunun yenidən oxşar xarakterli cinayət əməlləri törətməsinə dair xüsusi qərardadı əsasında 2021-ci ilin yanvar ayından başlayaraq Baş prokuror yanında Korrupsiyaya qarşı Mübarizə Baş İdarəsində araşdırma aparılıb.

Baş Prokurorluğun mətbuat xidmətindən Avrasiya.net-ə verilən məlumata görə, Cinayət Məcəlləsinin müvafiq maddələri ilə cinayət işi başlanıb.

Eyni zamanda, həmin özəl təşkilatların vəzifəli şəxsləri barəsində kommersiya bankından daxil olmuş materiallar da qeyd edilən cinayət işinə əlavə edilməklə iş üzrə zəruri istintaq hərəkətləri həyata keçirilib.

Cinayət işi üzrə aparılmış istintaq-əməliyyat tədbirləri ilə «STS» şirkəti və «Sahil-D Kompani» MMC-nin təsisçisi Sahib İbrahimovun qeyd edilən təşkilatların digər vəzifəli şəxsləri ilə qabaqcadan əlbir olaraq verdiyi tapşırıqlar əsasında əvvəlcədən vəd edilmiş əmlakı alıcıya vermək niyyəti olmadan tikintisi aparılan binalarda qeyri-yaşayış sahələrinin satılması görüntüsünü yaratmaq məqsədi ilə yalan vəd verərək saxta sənədlərin tərtib edilməsi yolu ilə ayrı-ayrı vaxtlarda vətəndaşdan ümumilikdə 1 milyon 735 min manat məbləğində pul vəsaitini alaraq şəxsi ehtiyaclarına sərf etməsinə, rəsmi sənədlərə bilə-bilə yalan məlumatları daxil etməklə vəzifə saxtakarlığı törətməsinə əsaslı şübhələr müəyyən edilib.

Nundan başqa, Sahib İbrahimovun xidməti vəzifələrinin icrası ilə əlaqədar özü üçün qanunsuz üstünlük əldə etmək məqsədilə fərdi sahibkar kimi tikinti işlərinin aparılması üçün xərclərin ödənilməsi adı ilə kommersiya bankından 300 min manat məbləğində pul vəsaitini ələ keçirib şəxsi ehtiyaclarına sərf edərək təkrarən dələduzluq etməsinə əsaslı şübhələr müəyyənləşib.

İş üzrə toplanmış kifayət qədər sübutlar əsasında, 17 aprel 2021-ci ildə Sahib İbrahimova Cinayət Məcəlləsinin 178.3.2 (külli miqdarda ziyan vurmaqla dələduzluq), 308.2 (ağır nəticələrə səbəb olmaqla vəzifə səlahiyyətlərindən sui-istifadə etmə) və 313-cü (vəzifə saxtakarlığı) maddələri ilə ittiham elan edilib.

Sonuncu istintaq orqanının çağırışlarına gəlmədiyindən və müxtəlif üsullarla ibtidai istintaqın normal gedişinə mane olduğundan məhkəmənin qərarı ilə barəsində həbs qətimkan tədbiri seçilib. Hazırda Sahib İbrahimovun digər qanunsuz hərəkətləri barədə daxil olmuş çoxsaylı müraciətlər əsasında intensiv istintaq hərəkətləri aparılır.

İstintaqın gedişatı və nəticəsi barədə ictimaiyyətə ətraflı məlumat veriləcək.
Bakıda şirkət rəhbərinin qanunsuz əməlləri ifşa edildiBakı şəhəri Xətai rayon məhkəməsinin «STS» şirkəti, «Sahil-D Kompani» MMC-nin təsisçisi, dələduzluq faktlarına görə əvvəllər məhkum edilmiş İbrahimov Sahib Hüseyn oğlunun yenidən oxşar xarakterli cinayət əməlləri törətməsinə dair xüsusi qərardadı əsasında 2021-ci ilin yanvar ayından başlayaraq Baş prokuror yanında Korrupsiyaya qarşı Mübarizə Baş İdarəsində araşdırma aparılıb.

Baş Prokurorluğun mətbuat xidmətindən Avrasiya.net-ə verilən məlumata görə, Cinayət Məcəlləsinin müvafiq maddələri ilə cinayət işi başlanıb.

Eyni zamanda, həmin özəl təşkilatların vəzifəli şəxsləri barəsində kommersiya bankından daxil olmuş materiallar da qeyd edilən cinayət işinə əlavə edilməklə iş üzrə zəruri istintaq hərəkətləri həyata keçirilib.

Cinayət işi üzrə aparılmış istintaq-əməliyyat tədbirləri ilə «STS» şirkəti və «Sahil-D Kompani» MMC-nin təsisçisi Sahib İbrahimovun qeyd edilən təşkilatların digər vəzifəli şəxsləri ilə qabaqcadan əlbir olaraq verdiyi tapşırıqlar əsasında əvvəlcədən vəd edilmiş əmlakı alıcıya vermək niyyəti olmadan tikintisi aparılan binalarda qeyri-yaşayış sahələrinin satılması görüntüsünü yaratmaq məqsədi ilə yalan vəd verərək saxta sənədlərin tərtib edilməsi yolu ilə ayrı-ayrı vaxtlarda vətəndaşdan ümumilikdə 1 milyon 735 min manat məbləğində pul vəsaitini alaraq şəxsi ehtiyaclarına sərf etməsinə, rəsmi sənədlərə bilə-bilə yalan məlumatları daxil etməklə vəzifə saxtakarlığı törətməsinə əsaslı şübhələr müəyyən edilib.

Nundan başqa, Sahib İbrahimovun xidməti vəzifələrinin icrası ilə əlaqədar özü üçün qanunsuz üstünlük əldə etmək məqsədilə fərdi sahibkar kimi tikinti işlərinin aparılması üçün xərclərin ödənilməsi adı ilə kommersiya bankından 300 min manat məbləğində pul vəsaitini ələ keçirib şəxsi ehtiyaclarına sərf edərək təkrarən dələduzluq etməsinə əsaslı şübhələr müəyyənləşib.

İş üzrə toplanmış kifayət qədər sübutlar əsasında, 17 aprel 2021-ci ildə Sahib İbrahimova Cinayət Məcəlləsinin 178.3.2 (külli miqdarda ziyan vurmaqla dələduzluq), 308.2 (ağır nəticələrə səbəb olmaqla vəzifə səlahiyyətlərindən sui-istifadə etmə) və 313-cü (vəzifə saxtakarlığı) maddələri ilə ittiham elan edilib.

Sonuncu istintaq orqanının çağırışlarına gəlmədiyindən və müxtəlif üsullarla ibtidai istintaqın normal gedişinə mane olduğundan məhkəmənin qərarı ilə barəsində həbs qətimkan tədbiri seçilib. Hazırda Sahib İbrahimovun digər qanunsuz hərəkətləri barədə daxil olmuş çoxsaylı müraciətlər əsasında intensiv istintaq hərəkətləri aparılır.

İstintaqın gedişatı və nəticəsi barədə ictimaiyyətə ətraflı məlumat veriləcək.
Tibb bacısı xəstə müalicə edəndə, ölüm sayı çoxalarBu günlərdə vaksinasiya prossesi davam etdirilir. Bəs görəsən, havaların isinməsi, evlərin, iş yerlərinin tez-tez havalandırılması yoluxmaların azalmasına səbəb olmurmu? Davam edən yüksək yoluxma dinamikasında enmə nə vaxt başlayacaq? Bu yay COVID-19-un yeni mutasiyaları gözlənilirmi?

Avrasiya.net xəbər verir ki, Azərbaycan Tibb Universitetinin dosenti, infeksionist İlham Bayramov mövzu ilə bağlı Musavat.com-a danışıb:

“Hələ yay indi başlayır. Yəqin ki, yaxın vaxtlarda dəyişiklik olacaq. Havalar isinəndə istər-istəməz virusa öz təsirini göstərəcək. Amma yoluxma sayı o zaman aşağı enəcək ki, düzgün müalicə aparılacaq. Ölüm sayının çox olmasına səbəb də budur. Bioloq, terapevt, qeyri-ixtisas həkimləri bu işlə məşğul olurlar. Ona görə ağırlaşmalar artır, ölüm sayı çoxalır. Hər adamı televiziyaya çıxarırlar. Tibb bacısı xəstə müalicə edəndə əlbəttə, belə olacaq. Protokola baxırlar, edirlər. Poliklinikalarda işləmək sərf etmir onlara. Gedib hər xəstəyə 50 manatdan sistem qoşurlar. Xəstələr peşəkarların əlinə düşsə, belə olmaz. Poliklinikalar da çağırışa vaxtında gəlmir. Vaxtında analiz götürülmür, 2-3 gündə virus yuxarı tənəffüs yollarının selikli qişasında qalır, sonra da qana keçir”.

İ.Bayramov onu da əlavə edib ki, yeni mutasiyanın olması barədə əvvəldən bir söz demək olmaz:

“Onu əvvəldən demək olsaydı, xəstəlik də bitmişdi indiyə qədər. Hərə bir söz deyir, bunlar yalnız fərziyyələrdi. Yalnız bunu deyə bilərəm, vaksinasiya 70-80 faiz əhaliyə vurulsa, hamının bu xəstəlikdən canı qurtarar. Yoluxanlar da xəstəliyi klinik, az simptomatikayla keçirər”.

İnfeksionist onu da əlavə edib ki, vaksindən sonra yoluxan olub. Amma xəstəliyi yüngül keçiriblər. O ki qaldı kiminsə vaksindən sonra ağır keçirməsinə, bu, insanların fobiyası ilə bağlı məsələdir:

“Vaksindən qabaq da qorxurdular. Həssas adamlardı, nevrozlu xəstələrdi, şikayət edirlər. Mən özüm də vaksin olundum, heç bir yan təsiri olmadı. Düzdür, ürək-damar sistemi problemi yaşayanlar, açıq üzərk əməliyyatı keçirənlər, üzərinə stent qoyulanlar, şəkərli-diabetlər, nevroloji problemi olanlara ehtiyatlı olmaq lazımdır. Amma digərlərinə heç bir qorxusu yoxdur. Hər kəs vaksin olunmalıdır. Ümidverici yerimiz yalnız vaksinasiyayadır”.
Yumurtanın tərkibi və faydalı xüsusiyyətləri - MƏQALƏAzərbaycan Qida Təhlükəsizliyi İnstitutunun Elmi-tədqiqat və risklərin qiymətləndirilməsi departamentinin Heyvan sağlamlığı şöbəsinin mütəxəssisləri Q.Cəlladov, R.Səfərova, Ş.Məmmədova, R.Kəngərli tərəfindən "Yumurtanın tərkibi və faydalı xüsusiyyətləri" adlı məqalə hazırlanıb.

Avrasiya.net həmin məqaləni təqdim edir:

Yumurta zəngin biokimyəvi tərkibə malik olan qida məhsuludur. Orqanizm tərəfindən asan (90-95 %) mənimsənilən yumurta qida rasionunda əsas yer tutur. Həmçinin yüksək protein (zülal) tərkibli olması səbəbindən yumurta qida dəyərinə görə ət ilə eyni qrupa daxil edilir.

Ümumiyyətlə, qida məhsulu kimi əsasən toyuq yumurtasına üstünlük verilməsinə baxmayaraq, bildirçin, ördək, hind quşu, qaz, dəvəquşu yumurtası da insanlar tərəfindən istehlak olunur. Qeyd olunan yumurta növləri arasında bildirçin yumurtası kalsiumla, ördək yumurtası yağ birləşmələri ilə, hind quşu yumurtası sinklə, qaz yumurtası isə protein miqdarının yüksək olmasına görə toyuq yumurtasından fərqlənir. Ölçüsünə görə ən böyük quş yumurtası hesab olunan dəvəquşu yumurtasının çəkisi 1.0 - 1.4 kq təşkil etməklə, enerji dəyəri 160 kkal/100 q-a bərabərdir. Zülal, yağ, eləcə də kalsium, kalium və fosfor miqdarına görə toyuq yumurtası ilə eyni olan dəvəquşu yumurtası tərkibindəki xolesterolun az olması ilə (10-15mq/100 q) digər növ quş yumurtalarından fərqlənir. Bu da öz növbəsində onun pəhriz qida növü kimi səciyyələndirilməsinə əsas verir.

İnsanların qida rasionunda üstünlük təşkil edən toyuq yumurtası biokimyəvi tərkibinə görə vitaminlər (A, B1, B2, B3,B4,B5, B9, B12,D, E, K, H ), proteinlər (yumurta ağında- ovalbumin, ovotransferrin, ovomukoid, ovoqlobulin, flavoprotein, avidin, yumurta sarısında- fosvitinlər), makro- və mikroelementlər (Ca, Mg, K, P, Fe, Se, Zn, Cr, Cl, Mn, Mo, Co, F, I, S, Cu və s.), antioksidantlar (lutein və zeaksantin), fermentlər və digər bioloji aktiv maddələr ilə zəngindir. Yumurtanın tərkibində proteinlər 13-17 %, lipidlər 11-12 %, minerallar 1-2 %, karbohidratlar isə 1 %-ə qədər təşkil edir. Proteinlər əsasən yumurta ağında toplanmaqla, tərkibində 20 məlum aminturşusunun demək olar ki, hamısına rast gəlinir. Əvəzolunmaz aminturşuları (histidin, izoleysin, leysin, lizin, metionin, fenilalanin, treonin, triptofan və valin) yumurtanın tərkibində daha çoxdur.

Yumurta sarısı embrionun inkişafı üçün əsas qida mənbəyi olmaqla, özündə daha çox lipid, vitamin, makro- və mikroelementlər ehtiva edir. Yumurta sarısında olan lesitin (fosfatidilxolin) qiymətli fosfolipidlərə aid olmaqla, orqanizmdə ürək-damar, sinir və həzm sistemi orqanlarının funksiyasına müsbət təsir göstərir.

Yumurta ağının tərkibində olan lizosim fermenti bakterisid xüsusiyyətlərə malikdir. Bu da yumurtanın mikroorqanizmlərin təsirindən qorunaraq xarab olmasının qarşısını alır. Qeyd edək ki, yumurtanın tərkibində olan ovomusinin (qlikoprotein) miqdarı 2-3 % təşkil edir. Bu da yumurta ağının gelşəkilli və tamlığının pozulmayan şəkildə olmasını təmin edir. Yumurtanın tərkibində olan lutein və zeaksantin təbii karotinoidlərə aid olub, yumurta sarısında toplanır ki, bu isə onun sarı çalarlı olmasını təmin edir.

Yumurtanın tərkibindəki lipidlər doymuş və doymamış ali yağ turşularından təşkil olunur. Doymuş yağ turşularına miristin, palmitin, stearin, araxin turşularını, doymamışlara isə olein, palmitolein, linol, linolen, araxidon turşularını şamil etmək olar ki, bu turşu kompleksi Omega-3, Omega-6 və Omega-9 şəklində təmsil olunur. Sterollardan yumurtanın tərkibində xolesterolun miqdarı 200-220 mq təşkil edir ki, bu da insanın gündəlik xolesterol ehtiyacının təxminən üçdə iki hissəsinə bərabərdir. Zəngin protein və yağ tərkibli olduğundan yumurtanın enerji dəyəri 100-140 kkal/100 q təşkil edir. Zülalların 100 ballıq qiymətləndirmə sistemində isə yumurta zülalı 97.3 balla qiymətləndirilir.

Beləliklə, yumurtanı faydalı qida növü kimi səciyyələndirən bioloji xüsusiyyətlər aşağıdakılardır:

tərkibində sadə zülallar (albumin və qlobulinlər) çoxluq təşkil etdiyindən orqanizm tərəfindən asan mənimsənilir;
D vitamini ehtiva edən qida növü kimi orqanizmin immun sisteminin möhkəmlənməsini, həmçinin sümük toxumasının formalaşmasını təmin edir;
tərkibindəki antioksidantlar (lutein, zeaksantin, selen və s.) fəal bioloji xüsusiyyətə malik olmaqla, orqanizmi toksinlərdən təmizləyir və görməni yaxşılaşdırır;
xolin və luteinlə zəngin olan yumurta qəbulu həm orqanizmdə sinir sisteminin fəaliyyətini, həm də yaddaş və mental funksiyaları tənzimləyir;
yumurtanın tərkibindəki dəmir (ovotransferrin) orqanizm tərəfindən asan mənimsənildiyindən anemiyaların qarşısının alınmasında mühüm rol oynayır.
Zəngin biokimyəvi tərkibə və faydalı bioloji xüsusiyyətlərə malik olan yumurta baytarlıq-sanitariya və gigiyena qaydalarına riayət edilmədiyi halda insan sağlamlığı üçün təhlükə mənbəyi ola bilər. Belə ki, yumurta insanların Salmonella spp, Bacillus cereus, Campylobacter spp, Staphylococcus aureus və s. kimi patogen bakteriyalarla yoluxmasına səbəb ola bilər. Odur ki, patogenlərin məhv edilməsi və infeksiya ilə bağlı risklərin azaldılması məqsədilə yumurta istehlakı ilə bağlı sanitar-gigiyenik tələblərə ciddi əməl olunmalıdır. Belə ki, yumurtanın yuyulmadan və çiy halda istehlakına yol verilməməlidir. Yumurta istehsal yerində və istehlakçıya çatdırılana qədər bütün mərhələlərdə təmiz, quru, birbaşa günəş şüasının və yüksək temperatur dalğalarının təsir etmədiyi şəraitdə, müvafiq temperatur rejimində (5-12° C) saxlanılmalıdır. Ev şəraitində soyuducuda saxlanıldığı halda isə mal qonşuluğu prinsipi gözlənilməlidir. Qırılandan sonra əldə edilmiş maye yumurta isə dərhal istifadə edilmədiyi təqdirdə dondurulmalı və ya soyuducuda 4° C-dən yuxarı olmayan temperaturda saxlanılmalıdır.

Bəzi hallarda insanlarda yumurta proteinlərinə (xüsusilə ovomukoid zülalı) qarşı allergiya müşahidə olunur. Odur ki, allergiyaya həssas insanlar istər yumurta, istərsə də tərkibində yumurta olan qida məhsullarını istehlak edərkən diqqətli olmalıdırlar.
Aclıq aksiyası keçirən sabiq deputatın vəziyyəti ağırlaşdıXəbər verdiyimiz kimi, bir neçə gündür vergidən yayınmaqda və qanunsuz sahibkarlıqda ittiham edilərək həbs edilən sabiq deputat, “Quska” ləqəbli Hüseyn Abdullayev saxlanıldığı müəssisədə aclıq aksiyası keçirir.

Avrasiya.net xəbər verir ki, H. Abdullayevin vəkili Elçin Sadıqov dünən müvəkkili ilə görüşdüyünü bildirib.

O qeyd edib ki, H. Abdullayev ona hələ çəkisinin və təzyiqinin yoxlanılmadığını bildirib: “Kəskin baş ağrılarından, ürəkbulanmadan, qarın nahiyəsi və aşağı hissədə kəskin sancılardan əziyyət çəkir. Dodaq və ətrafında yaralar əmələ gəlib. Heç olmasa, su içməyini israrla xahiş etdim. Bu gün məlumat aldım ki, Hüseyn Abdullayevin bağırsağından qan açılıb”.