Sabahdan əlilliklə bağlı yeni meyarlar QÜVVƏYƏ MİNİRPrezident İlham Əliyev “Əmək pensiyaları haqqında” Azərbaycan Respublikasının Qanununda dəyişikliyi təsdiqləyib.

Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr və kommunikasiya şöbəsinin müdiri Fazil Talıbov bildirib ki, qanun iyulun 1-dən etibarən qüvvəyə minir.

F. Talıbov bildirib ki, sabahdan etibarən əlillik sahəsində yeni meyarların tətbiqinə başlanacaq:

Beləliklə, sabahdan:

- Əlillik artıq 3 dərəcə üzrə deyil, orqanizmin funksiyalarının 31-100 faiz aralığında məhdudlaşma göstəricisi əsasında müəyyən olunacaq;

- 31 faizdən sonra göstərici 5 faiz – 5 faiz aralığında artacaq;

- Qiymətləndirmə 7 kateqoriya üzrə aparılacaq: özünəqulluq, sərbəst hərəkətetmə, istiqamətseçmə, ünsiyyət, davranışına nəzarətetmə, öyrənmə və əmək fəaliyyəti;

- Əlillik təyinatına əsas verən meyarlar 4 dəfədən çox artırılır;

- Bu vaxta qədər müddətsiz əlillik təyin edilmiş şəxslər yeni meyarlarla bağlı təkrar müayinəyə çağırılmayacaq;

- Bu vaxta qədər müddətli əlillik verilmiş şəxslərin isə yalnız həmin müddət bitəndən sonra yeni meyarlarla əlilliyinin qiymətləndirilməsi aparılacaq;

- Sağalmaz xəstəlikləri olan uşaqlar üçün əlillik artıq 18 yaşa qədər deyil, ömürlük təyin ediləcək;

- İndiyədək iki və daha çox diaqnoz olduqda, yalnız biri üzrə əlillik təyin olunurdu. Bundan sonra onlardan yüksək faizi olanın üzərinə 10 faiz əlavə olunmaqla təyinat aparılacaq;

- Bu zaman daha üstün sosial təminat hüququ verən əlillik səbəbi müəyyən ediləcək. Məsələn, şəxsdə həm müharibə ilə əlaqədar, həm də ümumi səbəbdən əlillik mövcud olanda, o zaman ona müharibə ilə əlaqədar əlillik müəyyən olunacaq ki, sosial təminatı daha yüksək olsun;

- Meyarlarda məhdudlaşmanın ən yüksək həddi olan 100% pozulma - hər hansı bir orqanın funksiyasının 100% pozulması deməkdir. Məsələn, görmə qabiliyyətinin 100 faiz itirilməsi.
İyulun 3-nə qədər külək, yağış gözlənilirYaxın günlərdə gözlənilən hava şəraitilə bağlı proqnoz açıqlanıb.

Milli Hidrometeorologiya Xidmətindən verilən xəbərə görə, Bakıda və Abşeron yarımadasında iyulun 1-dən 3-ü səhərədək şimal-qərb küləyi 15-18 m/s, arabir 20-23 m/s, 2-si gündüz yarımadanın bəzi yerlərində arabir 25-28 m/s olacaq.

İyulun 5-dək əsasən şimal və qərb rayonlarında qeyri-sabit hava şəraitinin davam edəcəyi, bəzi yerlərdə şimşək çaxacağı, qısamüddətli yağış yağacağı gözlənilir. Qərb küləyi arabir 15-20 m/s, arabir 23 m/s, 2-də ayrı-ayrı yerlərdə arabir 25-30 m/s olacaq.

Çaylarda sululuğun artacağı ehtimal olunur.
Müzəffər Azərbaycan Ordusu tarixi missiyanı şərəflə yerinə yetirdiRəşad Sadıqov
ADPU-nun Magistratura və doktorantura şöbəsinin müdiri,
siyasi elmlər üzrə fəlsəfə doktoru


Prezident İlham Əliyevin iyunun 26-da Göygöl, Kəlbəcər və Laçın rayonlarınasəfəri Qarabağda və Şərqi Zəngəzurda sərhədlərimizin möhkəmləndirilməsi baxımından xüsusi əhəmiyyət kəsb edir.

İkinci Qarabağ müharibəsindən sonra da Azərbaycanda ordu quruculuğu uğurla davam etdirilib. Bununla bağlı komando qüvvələrinin hərbi hissələrinin yaradılması diqqət mərkəzində saxlanılıb. Altı ay bundan əvvəl, dekabrın 24-də ilk belə bir hərbi hissə azad edilmiş Hadrutda istifadəyə verilib. Prezident İlham Əliyevin iyunun 26-da Kəlbəcərə səfəri zamanı isə bu rayonda da komando qüvvələrinin hərbi hissəsinin açılış mərasimi keçirilib.Müzəffər Ali Baş Komandan cənab İlham Əliyevin tapşırığı ilə açılan hərbi hissələr Azərbaycan–Ermənistan sərhədinə yaxın məsafədə yerləşir. Bu isə həmin ərazilərdə baş verə biləcək təhdidlərin qısa müddətdə aradan qaldırılmasına münbit şərait yaratmaq məqsədi daşıyır.

Kəlbəcərdən Ermənistana Müzəffər Ali Baş Komandan cənab İlham Əliyevtərəfindən xəbərdarlıq da edildi. Əsas mesaj isə bu idi ki, İkinci Qarabağ müharibəsindəki acınacaqlı məğlubiyyət Ermənistan üçün dərs olmalıdır. Revanşistlər anlamalıdır ki, təxribatlar nəticə verməyəcək. “Biz Ermənistanda baş qaldıran revanşist qüvvələrin hərəkətlərinə diqqətlə baxırıq. “Dəmir yumruq” yerindədir, bunu heç kim unutmasın. Vətən müharibəsində Ermənistanı məğlub etməyimiz onlar üçün dərs olmalıdır. Biz bu mifi də dağıtdıq və göstərdik ki, güclü iradə olan yerdə, xalq-iqtidar birliyi olan yerdə, hərbçilərin vətənpərvərliyi olan yerdə heç kim bizim qabağımızda dura bilməz”.

Həm Xüsusi Təyinatlı Qüvvələrin tərkibinin genişləndirilməsi, həm də yeni yaradılan komando hərbi hissələrinin sayının artırılması paralel olaraq həmin bölmələrin zəruri silah və texnikalarla təchizatını da nəzərdə tutur. Bunun üçün Azərbaycanın imzaladığı bir çox müqavilələr artıq həyata keçirilir. Hazırda yeni silahlar və ən müasir texnikalar Azərbaycana gətirilir. Bu isə ümumilikdə Azərbaycanın Ermənistan qarşısında daha üstün hərbi potensiala malik olmasını təmin edəcək.

Müzəffər Azərbaycan Ordusu tarixi missiyanı şərəflə yerinə yetirdi. Cəmi 44 gün ərzində Azərbaycan Ordusu düşməni torpağımızdan qovdu, düşməni diz çökdürdü, onu məcbur etdi ki, ağ bayraq qaldırsın və Kəlbəcərdən məcbur olaraq çıxsın. Kəlbəcər bir güllə atılmadan azad edildi.
Haqq-ədalət bizim tərəfimizdə idi, beynəlxalq hüquq bizim tərəfimizdə idi, bizim torpaqlar işğal altında idi. Ona görə Azərbaycan xalqı özü doğma torpaqları azad etdi.Bizi Qələbəyə aparan ən başlıca amil milli ruh, ləyaqət, Vətənə sevgi idi və bunu gənc nəslin nümayəndələri, müstəqillik dövründə yetişən gənclər etdilər. Öz canlarını fəda edərək bunu etdilər. Bu gün Azərbaycan xalqı müzəffər xalq kimi, qalib ölkə kimi Ordu Gününü qeyd edir.
Daha 7000 nəfərə "Müharibə veteranı" adı verildiMüdafiə Nazirliyinin tərkibində fəaliyyət göstərən komissiya tərəfindən 7 000 nəfərdən artıq vətəndaşın da Vətən müharibəsində iştirakı ilə bağlı məlumatlarının araşdırılması yekunlaşdırılaraq sənədləri "Müharibə veteranı" adının verilməsi məqsədilə qərar qəbul edilməsi üçün müvafiq komissiyaya göndərilib.

Bu barədə Müdafiə Nazirliyinin rəsmi feysbuk səhifəsi məlumat yayıb.

Arayış-məlumatları göndərilən vətəndaşlar barədə qərar qəbul edildikdən sonra onların da adları "Müharibə veteranı" adının verilməsi üçün “Zəfər” altsisteminə daxil ediləcək.

Bundan sonra onlara da Azərbaycan Respublikası Prezidentinin aylıq təqaüdünün (80 AZN) təyin edilməsi və 2022-ci ilin yanvar ayının 1-dən hesablanaraq ödənilməsi təmin olunacaq.

Qeyd edək ki, bu günədək Vətən müharibəsində iştirak etmiş 76 000 nəfərə "Müharibə veteranı" adı verilib.
Azərbaycan və İran Araz su anbarının iş rejimini müəyyənləşdiribAraz su anbarının iş rejimi və Azərbaycan və İran arasında su bölgüsü müəyyənləşdirilib, Araz çayında su və enetgetika ehtiyatlarından birgə istifadə üzrə müvafiq bölgü cədvəlləri hazırlanaraq, Protokol imzalanıb.

Avrasiya.net xəbər verir ki, bu barədə “Azərbaycan Meliorasiya və Su Təsərrüfatı” ASC-nin yaydığı məlumatda deyilir.

Bu məsələlər Araz çayının su və energetika ehtiyatlarından istifadə üzrə Azərbaycanın və İranın daimi fəaliyyət göstərən Birgə Komissiyasının 51-ci görüşündə müzakirə olunub. Görüş İranın Təbriz şəhərində keçirilib.

Bildirilir ki, Azərbaycan-İran Birgə Komissiyasının Azərbaycan tərəfindən həmsədri, Azərbaycan Meliorasiya və Su Təsərrüfatı Açıq Səhmdar Cəmiyyətinin sədr müavini Zakir Quliyevin rəhbərliyi ilə keçirilən iclasda Səhmdar Cəmiyyətin şöbə müdiri Elçin Məmmədov və sektor müdiri Elxan Hüseyinov, Azərbaycan Ekologiya və Təbii Sərvətlər nazirliyinin və Naxçıvan MR-nın aidiyyəti təşkilatlarının nümayəndələri iştirak ediblər.

Qeyd edək ki, Azərbaycan-İran Birgə Komissiyasının 52-ci görüşün Protokol layihəsinin müzakirəsi gələn il Bakı şəhərində keçiriləcək.
Türkiyənin MEXT Texnoloji Mərkəzi və “KoçDigital” şirkətinin nümayəndələri “Çovdar” qızıl mədəni ilə tanış olublarTürkiyənin Metal Sənayeçiləri Birliyini təmsil edən MEXT Texnoloji Mərkəzi və “KoçDigital” şirkətinin nümayəndələri “AzerGold” Qapalı Səhmdar Cəmiyyətinin (QSC) Daşkəsən rayonunda yerləşən “Çovdar” İnteqrəolunmuş Emal Sahəsinə (ÇİRES) səfər ediblər. İşgüzar səfər Azərbaycan Respublikası İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) təşəbbüsü ilə həyata keçirilib.

Səfərin məqsədi “Çovdar” qızıl mədənində istehsal proseslərinin avtomatlaşdırılması imkanlarının araşdırılması, hazırda tətbiq olunan texnologiyalarla yaxından tanışlıq və işgüzar əlaqələrin genişləndirilməsindən ibarətdir.

ÇİRES-in inzibati binasında keçirilən görüşdə tərəflər geotexniki monitorinq, buruqqazma və digər əməliyyatlar üzrə rəqəmsal verilənlər bazasının təkmilləşdirilməsi və proseslərin mərkəzləşdirilmiş formada idarəolunması istiqamətində fikir mübadiləsi aparıblar. Görüşdə rəqəmsallaşma yolu ilə keyfiyyət, xərc və səmərəlilik kimi amillərə və istehsal prosesinin optimallaşdırılmasına təsir mexanizmi müzakirə edilib. Səhmdar Cəmiyyətinin fəaliyyət sahələrinin innovativ həllərin və müasir texnologiyaların tətbiqi ilə avtomatlaşdırılması və rəqəmsallaşdırılması məqsədi ilə gələcək əməkdaşlıq perspektivləri çərçivəsində təkliflərin hazırlanmasına dair razılıq əldə olunub.
Daha sonra qonaqlar “Çovdar” mədənində sulfid fazası üzrə oksid filizlərinin hasilatı, filiz anbarında filizlərin idarolunması prosesləri, şirkətin mövcud maddi-texniki bazası, eləcə də zavod və laboratoriyada yaradılan şəraitlə əyani olaraq tanış olublar.

Xatırladaq ki, İqtisadiyyat Nazirliyinin tabeliyində 4SİM-i ilə Türkiyənin Metal Sənayeçiləri Birliyini arasında imzalanmış anlaşma memorandumu çərçivəsində Azərbaycanın istehsal sektorunda rəqəmsal savadlılığın təşviqi, Azərbaycanda ağıllı sənaye hazırlığı indeksi (Smart Industry Readiness Index - SIRI) əsasında qiymətləndirilmənin aparılması, müvafiq qurumların nümayəndələrinin iştirakı ilə istehsalat sahələrinə qarşılıqlı səfərlərin təşkili, ağıllı istehsal proseslərinin qurulması və s. kimi əməkdaşlıq istiqamətləri müəyyən edilib. Bu çərçivədə cari ilin may ayında “AzerGold” QSC və 4 SİM-in nümayəndə heyəti Türkiyənin Kayseri şəhərində yerləşən “Öksüt” qızıl mədəninə səfər edib, “KoçDigital” şirkətinin mühəndislik, eləcə də texniki imkanları və ümumilikdə fəaliyyəti ilə yaxından tanış olublar.
Qadını avtobusdan itələyən sürücü saxlanılıb? - RəsmiSumqayıt şəhərində polis tərəfindən avtobus sürücüsünün saxlanılması ilə bağlı yayılan məlumatlar əsassızdır.

Avrasiya.net xəbər verir ki, bunu Daxili İşlər Nazilriyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev deyib.

“Müvafiq ekspertizalar təyin edilib, araşdırmalar davam etdirilir”, - DİN rəsmisi vurğulayıb.

Qeyd edək ki, ötən gün Sumqayıtda sərnişini təpiklə vuraraq avtobusdan itələyən sürücü Aqil Kosayevin saxlanılması ilə bağlı məlumat yayılmışdı.
İntihar edən həkimin əri gömrük mayorudur - RƏSMİİyunun 27-də tanınmış ginekoloq-həkim Xalidə Kəngərlinin intihar etməsi ictimaiyyətdə geniş rezonans doğurub.

Əvvəl onun onun həyat yoldaşının psixoloji problemlər səbəbindən 10 ildir evə qapalı yaşaması deyilsə də, sonra Dövlət Gömrük Komitəsinin əməkdaşı olduğu barədə məlumatlar yayıldı.

Məsələ ilə bağlı Dövlət Gömrük Komitəsinin (DGK) Mətbuat və ictimaiyyətlə əlaqələr idarəsinin müdiri Natiq Axundov intihar edən həkimin həyat yoldaşının gömrük işçisi olduğunu təsdiqləyib.

"İntihar edən həkimin həyat yoldaşı Dövlət Gömrük Komitəsinin əməkdaşıdır. Rüfət Kəngərli sözügedən qurumda gömrük xidməti mayoru rütbəsinə sahibdir".

Xatırladaq ki, 27 iyun tarixində Bakıda tanınmış həkim Xalidə Kəngərli yaşadığı binanın 11-ci mərtəbəsindən ataraq həyatına son qoyub. İddialara görə, həyat yoldaşı xanımına "WhatsApp" vasitəsilə foto göndərəndən sonra həkim dərhal evə gedib. Cəmi 1 saat sonra onun intihar etdiyi açıqlanıb.
Hərbi qulluqçumuz vəfat edib - RƏSMİİyunun 29-da Əlahiddə Ümumqoşun Orduda xidmət edən hərbi qulluqçu əsgər Məmmədli Fazil Məzahir oğlu vəfat edib.

Bu barədə Baş Prokurorluğun Mətbuat xidmətindən verilən məlumatda bildirilib.

Qeyd edilib ki, əsgər xüsusi texnika ilə ehtiyatsız davranması nəticəsində aldığı xəsarətlərdən ölüb.

Faktla bağlı Cinayət Məcəlləsinin müvafiq maddəsi ilə cinayət işi başlanmaqla hazırda Hərbi Prokurorluqda istintaq aparılır.
Şəffaflıq görmək istəyən ADAU-ya gəlsin - VİDEOUniversitet dünyaya səs salıb

Ölkəmizin bütün ali məktəblərində olduğu kimi, Gəncədə fəaliyyət göstərən Azərbaycan Dövlət Aqrar Universitetində də (ADAU) 2021-2022-ci tədris ilinin yaz imtahan sessiyası artıq başa çatmaq üzrədir.

Hər imtahan sessiyası öncəsi Universitetin rektoru, AMEA-nın müxbir üzvü, professor İbrahim Cəfərovun sosial şəbəkə üzərindən ictimaiyyətə olduqca səmimi dəvətiyyə çağırışlar edib. Rektor imtahanların şəffaf və ədalətli keçirilməsi məqsədilə ictimaiyyət nümayəndələrini, valideynləri, təhsil ekspertlərini, rəsmi şəxsləri və media mənsublarını, bir sözlə marağı olan hər kəsi aqrar təhsil ocağında müşahidələr aparmağa dəvət edib.

Rektorun bu xoş çağırışına reaksiya verərək müstəqil media mənsubu və QHT rəhbəri kimi ADAU-da yaz semestrinin imtahan sessiyasında iştirakı məqbul hesab etdik.

Bu mənim ADAU ilə ikinci tanışlığım idi deyə hansı tədris korpusunun harada yerləşdiyini yaxşı bilsəm də, universitetin sözçüsü Elcan Məmmədovun müşayəti ilə əvvəlcə baytarlıq təbabəti fakültəsinin müxtəlif ixtisaslı tələbələrinin imtahanlarını izlədik. Qeyd edək ki, imtahanlar universitetdə Boloniya təhsil prosesinin tələblərinə uyğun şifahi, yazılı və kompüter test üsulları ilə aparılırdı. Bununla bağlı imtahan keçirilən otaqların qapısına məlumat lövhələri yapışdırılıb. İmtahan formalarının seçilməsində fənlərin xüsusiyyətləri nəzərə alınmaqla müəyyən olunub. Universitetin rektoru, professor İbrahim Cəfərovun müvafiq əmri ilə imtahanların şəffaf və obyektiv keçirilməsi üçün hər cür şərait yaradılıb.

Rəhbərlik universitetdə tədrisin keyfiyyətinin yüksəldilməsi, imtahanların təşkili, keçirilməsi, idarə edilməsi, imtahanlara və keyfiyyətə nəzarət, qiymətləndirmə və keyfiyyətə təminat sahəsində bir sıra funksiyaları həyata keçirib. İmtahanların aparılmasında, nizam-intizama və eləcədə onun gedişinə nəzarət etmək məqsədilə qeyri-ixtisas fənnlər üzrə müəllimlər təyin edilib. Nəzarətçi müəllimlər imtahan başlamazdan əvvəl imtahanda nəzarətçi qismində təyin olunduqları barədə məlumatlandırılır, təlimatlandırılır və imtahanlara buraxılır.

Rektor tərəfindən imtahanların keçirilməsi zamanı mütəmadi müəyyən taktiki dəyişiklər edilir ki, bu da şəffaflığın təmin edilməsinə şərait yaradır. Həmçinin, imtahan sessiyasında ictimai nəzarəti təmin etmək məqsədilə valideynlərin və KİV nümayəndələrinin imtahanlarda iştirakına maneəsiz şərait yaradılır. Tələbələr arasında imtahanların gedişi barədə anonim sorğular aparılır.

Həmçinin, imtahan prosesi zamanı sakitliyi təmin etmək üçün tərtib olunmuş cədvələ uyğun olaraq, müəllimlərdən ibarət növbətçilik təşkil olunub. Tələbələrin, valideynlərin və digər şikayətçilərin rəhbərlik ilə əlaqəsini operativ təmin etmək üçün “Qaynar xətt” də yaradılıb. İmtahandan sonra tələbələrin biliyinin qiymətləndirilməsi zamanı baş verə biləcək anlaşılmazlıqları aradan qaldırmaq üçün Apelyasiya Komissiyası yaradılıb.

Onu da öyrəndik ki, universitetdə hər gün imtahanlar başlamazdan əvvəl ötən günün imtahan nəticələri barədə təhlil və müzakirələr aparılır. Rektor neqativ halların, çatışmazlıqların, yaranan problemlərin aradan qaldırılması istiqamətində müvafiq dekanlıqlar, kafedra müdrləri, həmçinin imtahan götürən müəllimlər və nəzarətçilər qarşısında ciddi tələblər qoyur, imtahanların əsasnaməyə uyğun olaraq keçirilməsi istiqamətində tapşırıq və tövsiyələrini verir. Pedaqoji heyəti maraqlandıran suallara, məsələlərə aydınlıq gətirilir. Məqsəd imtahanların tam obyektiv və şəffaf keçirilməsinin təmin edilməsi, eyni zamanda, təhsilalanların bilik və bacarıqlarının dəqiq müəyyənləşdirilməsidir.

İlk olaraq yuxarıda adıçəkilən fakültənin müxtəlif ixtisaslı tələbələrinin iki şifahi üsulla keçirilən imtahanda iştirak etdik. Universitetdə imtahanların şəffaflığını qorumaq, tələbələrin biliklərini sərbəst şəkildə nümayiş etdirmək məqsədilə hər cür şərait yaradıldıldığını şahidi olduq. Tələbələr sərbəst şəkildə imtahan verir, heç bir müdaxilə, təzyiq və ya sıxıntı ilə üzləşmirlər.

İmtahandan çıxan bir neçə tələbə, prosesi izləyən bə dəhlizdə gözləyən bəzi valideynlərlə də həmsöhbət olduq. Ümumi təəssürat belə oldu - imtahanlar şəffaf və demokratik formada keçirilir, yaradılan şəraitə görə rektora təşəkkür edilib. Həmsöhbətlərim təkcə imtahanın keçirilməsindən yox, ümumiyyətlə, universitetdə yaradılan şəraitdən, tələbəyə verilən yüksək dəyərdən, xüsusilə rektor İbrahim Cəfərovun onlara diqqət və qayğısından bəhs etdilər. Zatən gördüklərimiz yetərli idi...

Daha sonra həmin fakültənin əczaçılıq ixtisasının birinci kurs tələbələrinin test üsulu ilə keçirilən imtahan prosesində iştirak etdik. İmtahan başlamazdan öncə, dəhlizdə var-gəl edən tələbələrə yaxınlaşdıq.

Ahmed Rauf Ertekin Türkiyədən gəlib. Burada yaradılan şəraitdən çox razı qaldığını dedi: "Həm təhsil, həm də bizə münasibət əladır. Hətta deyərdim ki, burada oxuyan əcnəbi tələbələrə yerlilərdən daha çox qayğı göstərilir. İmtahanlar isə çox ciddi götürülür, heç bir tapşırıq, rüşvət söhbəti ola bilməz. Payız imtahanında Azərbaycan tarixi fənnindən kəsirim qalıb. Bu imtahanım verib, ona hazlrlaşacam".

Tələbə evindəki şəraitlə bağlı bir neçə sual da verdik. Ahmed dedi ki, günə 1 manata qalırıq, ən yüksək səviyyədə bütün şərait yaradılıb: "Valideynlərlə görüş otağımız var, ərzaq mağazamız, tibb kabineti, yeməkxana, idman zalımız, çamaşırxana...bir sözlə kənara çıxmadan burada yaşamaq, istirahət etmək üçün bütün şərait var. Eynən Türkiyə universitetlərində olduğu kimi".

Ahmedin dostu Furkan Tanguneri də söhbətə qoşduq. O da ADAU- da yaradılan şəraitdən razı qaldığını dedi. Hətta onu da vurğuladı ki, heç Türkiyədə tələbənin təhsil almadına belə bir şərait yaradılmayıb.

Tələbələr - Nuranə Qasımova,, Şeyma Gecit, Yusif Mənsimov, Aydan Əlizadə, Samirə Məmmədova da ADAU-da yaradılan şəraitdən ağızdolusu danışdılar bə rəhbərliyə minnətdar olduqlarını dedilər.

Saat 2-də test üsulu ilə İmtahan başladı. Zala daxil olan tələbələr yoxlanılır, nəzarətçi müəllimlər öz yerlərində, sakitlik, nizam-intizam... Hər bir tələbə kompüter arxasına keçib şəxsi kabinetinə daxil olub imtahan suallarına cavab yazırlar.

Digər fakültələrin tələbələrinin də imtahanlarını müşahidə etdik...

Vaxtın azlığını nəzərə alıb Tələbə yataqxanaların, yeməkxana ilə də tanış olduq. Paytaxtın 4 ulduzlu otelləri ilə rəqabətə girəcək bir yataqxanalar. Yeməkxanada isə tələbələr ucuz və keyfiyyətli yeməklərlə təmin olunurlar. Naharını bitirən bir neçə tələbə ilə də həmsöhbət olduq. Göstərilən xidmətdən, təmizlikdən, yeməklərin dadından razılıqlarını bildirdilər. Hətta dedilər ki, 1.70-2 manata nahar etmək olar.

Bir sözlə, ADAU haqqında yazı bir qəzet səhifəsinə sığmaz. Universitetlə tanış olmaq üçün ən azı 3 gün vaxt lazımdır. Adau.edu.az saytında universitetlə bağlı geniş və dolğun məlumatlar yerləşdirilib. Kiməsə inanılmaz görünə, kimisə təəccübləndirə bilər. O zaman bizim kimi təşrif buyurun ADAU-ya, yazılan və deyilənləri öz gözlərinizlə görün. ADAU sözlə deyiləsi, qələmlə yazılası deyil...

Cavid
Bakı-Gəncə- Bakı