Rusiya Kiyevdə hərbi bazanı vurduRusiya ordusu Qara dəniz və Belarus istiqamətindən Ukraynanı, xüsusən də Kiyev vilayətindəki hərbi hissəni raketlərlə vurub.

Bu barədə Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini Aleksiy Qromov məlumat evrib.

“Düşmən Qara dəniz ərazisindən “Kalibr” qanadlı raketləri ilə Kiyev vilayətinin Lyutij qəsəbəsindəki hərbi hissəyə raket zərbəsi endirib. Hazırda bir binanın dağıldığı, iki binaya ziyan dəydiyi barədə məlumat var", - deyə Qramov bildirib.
Hər kəs vətəndaşının, dövlətinin inkişafı naminə çalışmalıdırBu günlərdə Azərbaycan Respublikasının Prezidenti cənab İlham Əliyevin sərəncamı ilə Azərbaycanın daha 3 rayonunə yeni icra başçıları təyin edildi. Bununla əlaqədar yeni təyin olunan başçıları qəbul edən dövlət başçısı onlara tapşırıq və göstərişlərini verdi. Çıxışı zamanı cənab Prezident bir sıra önəmli məsələləri önə çəkdi. Bildirdi ki, son illərdə bütün rayonlarda regionların sosial-iqtisadi inkişafı Dövlət Proqramının icrası nəticəsində geniş abadlıq-quruculuq işləri görülüb, böyük infrastruktur layihələri icra edilib və uzun illər ərzində insanları narahat edən problemlərin böyük hissəsi həl edilib, aradan qaldırılıb.

İnsanlarımızın rifahı naminə rayonlarin sosial-iqtisadi inkişafını yüksək səviyyədə təmin etmək üçün elektrik enerjisi ilə təchizat, qazlaşdırma, yol infrastrukturu, suvarma, içməli su layihələri, sosial infrastruktur layihələri icra olunub, hər rayonda müasir xəstəxana, tibb ocaqları, bir çox məktəblər inşa edilib.

Davamlı olaraq infrastruktur layihələrin icrası həyata keçirilir. Lerik rayonu sovet vaxtında qazlaşdırılmamışdı. İndi İmkan daxilində bütün bu işləri görməklə insanların rifah halı yaxşılaşdırılıb. Bu infrastruktur layihələri çərçivəsində iş yerlərinin yaradılmasına da şərait yaradır. Sahibkarlar da bölgələrdə bütün quruculuq işlərində fəal iştirak edirlər.

Cənab Prezident ölkədə əhali artımından da söz açaraq bildirdi ki, Azərbaycan müstəqilliyə qovuşanda əhalimiz 7 milyondan bir qədər çox idisə, bu gün 10 milyondan çoxdur. Bu, təbii olaraq tələb edir ki, iş yerlərinin açılması prosesi daimi xarakter alsın. Eyni zamanda, ödənişli sosial işlərin yaradılması da geniş vüsət almışdır.

Təssüflər olsun ki, insanlarımızın xoş həyatı üçün həyata keçirilən bu inkişaf fonunda neqativ hallar da mövcuddur.
Məlum olduğu kimi son bir neçə ildə bir neçə keçmiş icra başçısı cinayət məsuliyyətinə cəlb edilmişdir, bəzilərinin hökmü verilmişdir, bəzilərinin işləri məhkəmədədir. Bu onu göstərir ki, heç kim qanundan üstün ola bilməz.

Çıxışda vurğulanmışdır ki, rəhbər işçi daim insanların arasında olmalıdır. Onların problemləri ilə maraqlanmalıdır, həll etməlidir. İcra başçıları bütün kəndlərdə olmalıdır, kənd camaatının qayğıları ilə yaşamalıdır, onları narahat edən problemləri onların dilindən eşitməlidir və imkan daxilində bu problemləri həll etməlidir. Əgər hər bir kəndin problemi həll olunarsa, demək olar ki, ölkədə insanları narahat edən ciddi problem qalmayacaq.
Fəaliyyətləri zamanı icra başçıları sosial ədalət prinsipinə əməl etməlidirlər. Sosial ədalət, bütövlükdə ədalət prinsipləri cəmiyyətin əsas prinsiplərindən biridir və sağlam cəmiyyətdə ədalət hökm sürür.

Görülən bu işləri əlbəttə ki, vətəndaşlarımız dəstəkləyir. Azərbaycan cəmiyyəti həmrəylik nümayiş etdirir, Azərbaycan cəmiyyəti ölkədə gedən prosesləri xarici və daxili siyasəti dəstəkləyir. Bizim siyasətimiz Azərbaycan xalqının rifah halının yaxşılaşmasına istiqamətləndirilib. Bizim siyasətimiz ölkəmizin beynəlxalq nüfuzunu gücləndirir. Bizim siyasətimiz nəticəsində Azərbaycan Ermənistanın işğalçılıq siyasətinə son qoydu.

Dövlət başçısı şəhid ailələrinə qayğını da diqqət mərkəzinə çəkdi. Dövlət tərəfindən bu diqqət daim göstərilir. İkinci Qarabağ müharibəsindən əvvəl və İkinci Qarabağ müharibəsindən sonra şəhid ailələri daim diqqət mərkəzindədir. Şəhid ailələrinin və müharibə əlillərinin məişət problemləri dövlət xətti ilə həll olunur. Şəhid ailələrinə dövlət tərəfindən mənzillər, fərdi evlər verilmişdir, minlərlə minik maşınları verilmişdir. Bu proses davam etdirilir. Bakı, Sumqayıt və Abşeron rayonlarında şəhid ailələrinin evlə təminatı məsələləri artıq yekunlaşmaq üzrədir. Digər rayonlarda da dövlət xətti ilə bu iş görüləcək. O cümlədən şəhid ailələrini, müharibə əlillərini işlə təmin etmək üçün çoxsaylı tədbirlər həyata keçirilir. Rayon icra orqanlarının nümayəndələri bu kateqoriyadan olan insanlara biganə qalmamalı, əksinə, daim onların yaşayışı ilə maraqlanmalıdır.

Şəhidlərimiz, qazilərimiz öz canlarını fəda edib, sağlamlığını itirib, onlar heç nəyə baxmadan, qorxmadan ölümə gedərək Vətənimizi işğalçılardan xilas ediblər. Ona görə hər bir dövlət məmurunun, nəinki dövlət məmurunun, hər bir insanın borcudur ki, onlara arxa, dayaq olsun.

Sahibkarlarla bağlı. Bəzi hallarda sahibkarlar qarşısında müəyyən qanunsuz, əsassız tələblər irəli sürülür. İcra başçıları özləri sahibkarları rayonlara cəlb etməlidir. Xüsusilə nəzərə alsaq ki, Göygöl, Masallı və Lerik rayonlarının turizm potensialı çox zəngindir bu rayonları turizm mərkəzinə çevirmək əsas vəzifələrdən biridir.

Azərbaycanda davamlı islahatlar və sosial – iqtisadi inkişaf nəticəsində Göygöl, Masallı və Lerik rayonlarında müasir istirahət zonaları, otel kompleksləri inşa edilib. Bu proses daha geniş vüsət almalıdır. Bir neçə il bundan əvvəl Göygöl gölü də ictimaiyyət üçün açıldı. İndi minlərlə insan hər gün, xüsusilə yaz-yay mövsümlərində Göygöl gölünə gəlir, bu gözəl mənzərəni seyr edir. Nəzərə alsaq ki, bu gün Göygöl rayonundan Kəlbəcər rayonuna yol açılır, tunel çəkilir, bu rayonun Kəlbəcər-Laçın zonasının inkişafı ilə bağlı xüsusi rolu vardır.

Əvvəllər Lənkəran-Lerik yolu bərbad vəziyyətdə olduğu üçün Lerik rayonuna demək olar ki, turizm axını yox idi. Həmin yol indi əsaslı şəkildə təmir olunub, yenidən qurulub. Bu səbəbdən də Lerik rayonuna da turizm axını başlamışdır. Bu rayonun da çox böyük tarixi, çox böyük sərvətləri var. Masallı rayonunun da həmçinin.

Kənd təsərrüfatının inkişafı üçün hər üç rayonda çox gözəl imkanların olmasını nəzərə alaraq müasir tələblərə uyğun kənd təsərrüfatı yaradılmalıdır. Müasir aqrotexniki tədbirlərin görülməsi, tətbiq edilməsi şərtilə heyvandarlıq, bitkiçilik rayonların xüsusiyyətlərinə görə inkişaf etməlidir. Bununla bağlı olan çox ciddi məsələ torpaqlardan səmərəli istifadə edilməsidir.

Cənab Prezident icra başçılarının fəaliyyəti ilə bağlı bir neçə məsələyə də toxundu. Torpaqların qanunsuz zəbt edilməsi prosesi əfsuslar olsun ki, geniş vüsət almışdır. Bu, təkcə regionlara aid olan məsələ deyil, Bakı şəhərində, Abşeron yarımadasında da belə hallar var.
İdarəetmədə çox ciddi islahatlar, çox böyük təmizləmə işləri aparılır. Bu işlərə rəvac verən və bəzi dövlət məmurlarını, yerli icra orqanlarını bu qanunsuz işlərə təhrik edən insanlar hakimiyyətdən uzaqlaşdırıldı. Hakimiyyət təmizlənir və insanlar bunu görürlər.

Bildirildi ki, bundan sonra da qanunsuz işlərlə məşğul olmaq istəyənlər cəzalandırılacaq. Kiminsə tamahına, kiminsə şəxsi maraqlarına görə ölkəmizin uğurlu inkişafına kölgə sala bilmərik. Torpaqların qanunsuz zəbt edilməsi prosesi araşdırılmalıdır.

Cənab İlham Əliyevin bir sıra tapşırıq və göstərişləri də ekologiya, müasir idarətmə, sahibkarlığın inkişafı və s. ilə əlaqədar idi. Görülən və görüləcək bütün işlər elə aparılmalıdır ki, ekologiyaya ziyan dəyməsin. Hər qarış torpaq qiymətlidir, dəyərlidir və torpaqdan insanlar istifadə etməlidirlər. Fermerlər, kəndlilər məhsul yetişdirmək üçün istifadə etməlidirlər. Biz ölkəmizin ekoloji sistemini qorumalıyıq.

Hər bir rayonda, hər bir yerdə müasir idarəetmə qaydaları tətbiq olunarsa, bir çox problemlər aradan qaldırılacaq. Dövlətin siyasəti bundan ibarətdir.
Sahibkarlıq inkişafında da bütün qaydalara riayət edilməlidir, xüsusilə həm inşaatda, həm kənd təsərrüfatı sahəsində, həm də turizm sahəsində. Baxmaq lazımdır, yaradılan obyekt nə dərəcədə bu və ya digər bölgənin memarlıq üslubuna cavab verir, nə dərəcədə müasir normalara cavab verir, bunun inşaat zamanı əmsalı normalara uyğundurmu. İctimai nəzarət. Rayonlarda işlərin daha yaxşı getməsi üçün ictimai nəzarət olmalıdır. İcra başçıları ictimai nəzarətdən çəkinməməlidir. İctimai nəzarət, ictimaiyyətin fəallığı, mövcud olan problemlərə dövlət orqanlarının diqqətinin cəlb edilməsi fəaliyyəti daha effektiv edəcəkdir.

Dövlət başçısı bir daha Azərbbaycan xalqının ən yaxşılara layiq olmasını önə çəkərək bildirdi ki, biz müzəffər xalq kimi yaşayırıq, ləyaqətlə yaşayırıq və ölkəmizdə işlər elə getməlidir ki, heç bir narahatedici problem olmasın, heç bir ədalətsizlik olmasın. Azərbaycanın çox böyük perspektivləri var, çox böyük potensialı var, xüsusilə İkinci Qarabağ müharibəsindəki tarixi Zəfərdən sonra. Bütün imkanlar var – təbii sərvətlərimiz, coğrafi yerləşməyimiz, beynəlxalq nüfuz, infrastruktur layihələri.

Ulu Öndər Heydər Əliyev siyasətinə sədaqət rəmzi olaraq Azərbaycan Respublikasının Prezidenti cənab İlham Əliyevin tək məqsədi ölkəmizin daimi inkişafı, xalqımızın rifahı və müstəqil dövlətimizin qdrətlənməsidir.

Anar Tağızadə
Xətai RİH Ərazi idarəetmə və yerli özünüidarəetmə
orqanları ilə iş şöbəsinin müdiri
Əməkdar jurnalist: “Orduya, dövlətə böhtan atan şəxs xalqa böhtan atır”“Məlumdur ki, sosial şəbəkələr heç bir nəzarət mexanizmi olmadan fəaliyyət göstərir. Amma istər sosial şəbəkələrdə, istərsə də elektron mediada yalan və saxta məlumatlar, dezinformasiyaların yayılması yolverilməzdir”.

Avrasiya.net-in xəbərinə görə, bunu Mətbuat Şurasında keçirilən tədbirdə Yeni Azərbaycan Partiyası Xətai rayon təşkilatının sədri, “İki sahil” qəzetinin Baş redaktoru, Əməkdar jurnalist Vüqar Rəhimzadə deyib.

O bildirib ki, Azərbaycan Ordusunun mənafeyinə xələl gətirən saxta və həqiqəti əks etdirməyən məlumatların yayılması yolverilməzdir: “Əgər kimsə bilərəkdən bu cür addımlar atırsa, yalan və saxta məlumatlar yayırsa, eyni zamanda orduya xələl gətirən, böhtan atan məlumatlar yayırsa, bununla bağlı qərar verilməlidir. Düşünürəm ki, bununla bağlı birmənalı olaraq hüquqi çərçivədə tədbirlər görülməlidir”.

V.Rəhimzadə vurğulayıb ki, Azərbaycan Ordusuna, dövlətinə böhtan atan şəxs Azərbaycan xalqına böhtan atır: “Hesab edirəm ki, bu məsələdə prinsipal mövqe nümayiş etdirməliyik. Orduya qarşı böhtan atmaq yolverilməzdir. Orduya ünvanlanmış böhtan hər bir vətəndaşa ünvanlanmş böhtandır. Ona görə də biz bu məsələdə prinsipal olmalıyıq və bu cür halların qarşısı birmənalı şəkildə alınmalıdır”.
İrəvanda Türkiyə vətəndaşının meyiti tapıldıİrəvanda Türkiyə vətəndaşının meyiti tapılıb.

Axar.az xəbər verir ki, Şenqavit Polis Şöbəsinə Araratyan küçəsi 62/23 ünvanında fəaliyyət göstərən “Urban Logistics Services” şirkətinin həyətində kişi meyiti olması barədə məlumat daxil olub.

Hüquq-mühafizə orqanlarının əməkdaşları sözügedən yerdə Türkiyə dövlət nömrə nişanlı “İveco” markalı yük maşınının yanında kişi meyiti aşkarlayıblar.

Məhkəmə-tibb həkiminin ilkin rəyinə görə, meyitin üzərində zorakılıq izləri aşkar edilməyib.

Ölən şəxsin kimliyi araşdırılır.
Daha 500 şəhid ailəsi və qaziyə ev veriləcəkYaxın iki ay ərzində 500 şəhid ailəsi və qazi fərdi evlə, eyni zamanda mənzillə təmin olunacaq.

Avrasiya.net xəbər verir ki, bunu Sosial Xidmətlər Agentliyinin İdarə heyətinin sədri Vüqar Behbudov bildirib.

Onun sözlərinə görə, bu il ümumilikdə 1500 şəhid ailəsi və qazinin mənzil və fərdi evlə təmin olunması nəzərdə tutulub.

"Artıq 600 nəfərə ev və mənzillər təqdim olunub. Yaxın iki ayda növbəti 500 nəfər də mənzillə təmin olunacaq. Bu il 160 müharibə əlilinin avtomobillə təmiantı nəzərə tutulub. Artıq 100 nəfərə avtomobillər təqdim olunub. Yaxın vaxtlarda 60 nəfərə də avtomobillər veriləcək", - deyə qurum rəhbəri vurğulayıb.
Həbs edilən gömrük generalı ilə bağlı yeni xəbərDövlət Gömrük Komitəsinin Əməliyyat-istintaq Baş İdarəsinin rəisi Məsum Rəsulov barəsində həbs qətimkan tədbirinin seçilməsi ilə bağlı qərardan verilmiş şikayətə baxılıb.

Avrasiya.net APA-ya istinadla xəbər verir ki, Bakı Apellyasiya Məhkəməsində hakim Cavid Hüseynin sədrliyi ilə keçirilən iclasda qərar elan olunub.

Qərara əsasən, birinci instansiya məhkəməsinin qərarı qüvvədə saxlanılıb.

Xatırladaq ki, rəsmi məlumat görə, Dövlət Gömrük Komitəsinin Əməliyyat-istintaq Baş İdarəsinin rəisi vəzifəsində işləyən Rəsulov Məsum Eynalı oğlunun vəzifə səlahiyyətlərindən qulluq mənafeyinə qəsdən zidd olaraq istifadə etməklə, qabaqcadan əldə edilmiş sövdələşməyə uyğun olaraq Dövlət Gömrük Komitəsinin digər vəzifəli şəxsləri vasitəsilə "Azərterminalkompleks” Birliyi tərəfindən hüquqi xidmət, reklam işləri, təlim-tədris və texniki servis xidmətlərinin göstərilməsi adı altında "Azerbaijan Legal Consulting İnternational Services” MMC, "Nanoc” MMC, "Veqa-Servis” MMC, "Meqan Group” MMC, "Omega Servis IKO” MMC, "Delta Servis İKO” MMC və digər şirkətlərin hesabına köçürülən, müvafiq işlər görülmədən və xidmətlər göstərilmədən nağdlaşdırılaraq geri qaytarılan xüsusilə külli miqdarda dövlət büdcəsi vəsaitini mənimsəməsinə əsaslı şübhələr müəyyən olunub.

Həmçinin Məsum Rəsulovun, müsadirəsi nəzərdə tutularaq "Azərterminalkompleks” Birliyində saxlanılan müxtəlif adda siqaret məhsullarını Silahlı Qüvvələrimizin düşmənlə təmas xəttində xidmət edən hərbi qulluqçularına paylanılması üçün Müdafiə Nazirliyinin aidiyyəti struktur bölmələrinə deyil, şəxsi münasibətdə olduğu əməkdaşına müvafiq tələblərdə rəsmiləşdirmə aparılması ilə bağlı qanunla müəyyən edilmiş prosedur qaydaları pozmaqla təhvil verərək külli miqdar dəyərində siqaret məhsullarının təyinatı üzrə çatdırılmaması nəticəsində dövlətin qanunla qorunan mənafelərinə mühüm zərər vurmasına əsaslı şübhələr müəyyən edilib.

Məsum Rəsulov 14 iyul 2022-ci il tarixdə şübhəli şəxs qismində saxlanılaraq, Azərbaycan Respublikası Cinayət Məcəlləsinin 179.4 (xüsusilə külli miqdarda dövlət əmlakını mənimsəmə) və 308.1-ci (vəzifə səlahiyyətlərindən sui-istifadə) maddələri ilə cinayət məsuliyyətinə cəlb edilib.
Təhsil Nazirliyi naşılıq nümayiş etdirir - Kamran ƏsədovTəhsil eksperti Kamran Əsədov Təhsil Nazirliyini sərt tənqid edərək, quruma bir sıra suallar ünvanlayıb:

"MİQ müsabiqəsini keyfiyyətsiz keçirən orqan sertifikasiyanı keçirtməyə qadirdir?

Təhsil Nazirliyi MİQ imtahanlarında riyaziyyat fənni üzrə 3 sualın əvvəlcədən ictimailəşməsini etiraf etməyə sadəcə məcbur oldu:

1. Görəsən MİQ üçün Təhsil Nazirliyinə təqdim etdiyi sualları müavinlərinə də ötürən həmin riyaziyyat müəllimi, eyni zamanda ibtidai siniflər üzrə riyaziyyatdan hazırlaşdırdığı müdavimlərinə də nazirlik üçün hazırladığı ibtidai siniflər üçün sualları ötürübmü?

Siz necə əmin edə bilərsiniz ki, Riyaziyyatdan sualları verənlər, digər fənlərdən də verməyib?

Sadəcə olaraq, bu canlı yayımda olmayıb deyə inanaq?

2. MİQ müsabiqəsinin sual bazası üçün tapşırıq hazırlayan digər təlimçilərin bu sualları müdvimlərinə ötürmədiyinə kim qarantiya verir?

3. Niyə Təhsil Nazirliyi MİQ müsabiqəsinin test mərhələsi üçün tapşırıq hazırlamaq işini məhz kurs təlimçilərinə həvalə etməklə sualların əvvəlcədən yayılmasına şərait yaradır?

4. Niyə Təhsil Nazirliyi MİQ üçün sual hazırlayan eyni adamdan birdən-birə 3 sualı bir imtahana daxil edir?

5. Niyə Təhsil Nazirliyi keçən il imtahanlarda istifadə edilən sualları bu il təkrar imtahanlarda istifadə edir? Məsələn, tarix üzrə MİQ imtahanlarında keçən il istifadə edilən 4 sual bu il də təkrar istifadə edilib. Bu ümumi tapşırıqların 10 faizi deməkdir.

Beləliklə, MİQ tapşırıqlarının nəinki keyfiyyəti və qorunmasında problem var, üstəlik bu sualların istifadə etmək işində belə Təhsil Nazirliyi naşılıq nümayiş etdirir. Ramiz Rövşən sayağı olmasın: Satılmasa belə bahalıqdır..."
Adam öldürməyə görə tutuldular, qoyun oğrusu çıxdılarTovuz Rayon Polis Şöbəsinin əməkdaşları tərəfindən iyulun 27-də qəsdən adam öldürmədə şübhəli bilindiklərinə görə tutulan E.Bağırovun və Q.Quliyevin oğru olduğu üzə çıxıb.

Daxili İşlər Nazirliyindən (DİN) verilən məlumata görə, onların ətrafında aparılan əməliyyat tədbirləri ilə onların İbrahimhacılı kənd sakinləri R.Alıyev, N.Alıyev, A.Tağıyev və N.Alıyevlə birgə iyulun 17-nə keçən gecə Qovlar şəhərində S.Hüseynovun həyətindən 3 baş qoyun, iyulun 18-dən 21-dək olan müddətdə kənd sakini Y.Məmmədovanın həyətindən 2 baş qoyun, bir evdən 276 manat pul və 1000 dəyərində qızıl-zinət əşyaları, digər evdən isə televizor oğurlamaları da müəyyən olunub.

Polis əməkdaşlarının keçirdikləri əməliyyat-axtarış tədbirləri nəticəsində R.Alıyev, N.Alıyev, A.Tağıyev və N.Alıyev saxlanılıblar. Araşdırma aparılır.
Atasının “özünü as, öldür” dediyi Laçınla bağlı ARAŞDIRMA BAŞLAYIBŞərur rayon sakini 2005-ci il təvəllüdlü Rzayeva Laçın Ümman qızının iyulun 23-də yaşadığı evin həyatyanı sahəsindəki bağda özünü asaraq intihar etməsi faktı ilə bağlı hazırda Şərur rayon prokurorluğunda araşdırma aparılır.

Bu barədə Baş Prokurorluğun Mətbuat xidmətindən məlumat verilib.

Qeyd edək ki, 17 yaşlı Laçının ölümündən sonra yayılan mesajlarda o, imtahanda az bal topladığı üçün ailəsi tərəfindən təzyiqlərə məruz qaldığını bildirib. Laçın yazıb ki, atası ona "mən gələnə qədər özünü as" deyib. Məhz bu sözə görə Laçın canına qıyıb.
İrana qarşı hərbi müdaxilə həmişə açıqdırVüqar Dadaşov: “İndiki vəziyyətdə ABŞ-a İranla danışıqlardan çıxmaq yox, onu uzatmaq daha sərfəlidir”

İranın nüvə silahı əldə edəcəyi ilə bağlı məsələ zaman-zaman dünyanın müzakirə mövzularından birinə çevrilsə də, hələ ortaq məxrəcə gəlinməyib. Bu məsələ ilə bağlı son günlər verilən rəsmi açıqlamalar vəziyyətin daha da gərginləşə biləcəyindən xəbər verir.

Beynəlxalq Atom Enerjisi Agentliyinin baş direktoru Rafael Qrossi İspaniyanın “Pais” qəzetinə müsahibəsində deyib ki, İranın nüvə proqramı ilə bağlı öhdəliklərindən tədricən imtina etməsi onun nüvə silahı hazırlaması demək deyil. “Bu gün 2015-ci ildəkindən xeyli çox, İranda əhəmiyyətli dərəcədə artmış nüvə proqramımız var. Bu artım təkcə kəmiyyət deyil, həm də keyfiyyət xarakterlidir", deyə Qrossi bildirib.

O fikirlərini belə davam etdirib: “Bu o demək deyil ki, İran nüvə silahı istehsal edir”, deyə BAEA-nin sədri, İranda 60 faizlik zənginləşdirilmə işinin hədəf və məqsədi barədə şübhələrin olmasına eyham vurub.

Beynəlxalq Atom Enerjisi Agentliyinin baş direktoru işarə edib ki, İran tədricən nüvə proqramı ilə bağlı öhdəliklərini tərk edir.

Xatırladaq ki, İranın xarici işlər naziri Hüseyn Əmir Abdullahiyan nüvə sazişi ilə bağlı məsələlərin 96%-ni özündə əks etdirən saziş layihəsinin əldə olunduğunu açıqlayıb.

"Reuters" xəbər agentliyi yüksək vəzifəli Avropa İttifaqı rəsmisinə istinadən məlumat yayıb ki, İranın nüvə sazişinin yenilənməsi üzrə danışıqlar yekunlaşmaq üzrədir, lakin bu danışıqların Tehranla digər dövlətlər arasında razılaşmaya gətirib çıxaracağı bəlli deyil.

Mənbə qeyd edib ki, danışıqlarda ciddi irəliləyiş əldə olunub.

"Dohada danışıqların bir raundunu keçirdik, bu da nəticə vermədi. Biz Tehrandan və amerikalılardan bəzi ideyalar gözləyirik”, - Aİ rəsmisi bildirib.

Fransanın xarici işlər naziri bəyan edib ki, razılaşmanın bərpasına bir neçə həftə qalıb və İran sazişi imzalayıb-imzalamayacağına qərar verməlidir.

Onu da qeyd edək ki, İranın nüvə proqramını məhdudlaşdıran saziş 2015-ci ildə imzalanıb. ABŞ-ın sabiq prezidenti Donald Tramp hakimiyyətə gəldikdən sonra müqavilədən çıxdığını elan edib. Bayden prezident seçildikdən sonra nüvə sazişinin bərpa ediləcəyini bildirib.

Vyanada bir sıra danışıqlar aparılsa da, mart ayından etibarən müzakirələr dayandırılıb. Buna səbəb Tehranın Vaşinqtondan İslam İnqilabı Keşikçiləri Korpusunu ABŞ-ın terrorçu təşkilatlar siyahısından çıxarmaqda israr etməsi olub.

Sazişin tərəfləri Almaniya, İngiltərə, Çin, Fransa və Rusiyadır.

İran Xarici İşlər Nazirliyinin (XİN) sözçüsü Nasir Kənani ötən həftə keçirdiyi həftəlik mətbuat konfransında deyib ki, İranın nüvə proqramı üzrə saziş əldə etmək üçün şərait mövcuddur.

“Düşünürük ki, sazişin əldə olunması üçün ABŞ hökumətinin qərar qəbul etməsindən başqa əsaslı problem yoxdur”, - XİN rəsmisi bildirib.

O, İranın nüvə imkanlarının çox yüksək olduğunu qeyd edib: “Dəfələrlə qeyd etdiyimiz kimi, İranın nüvə texnologiyası tamamilə dinc xarakter daşıyır və Beynəlxalq Atom Enerjisi Agentliyinin daimi nəzarəti altındadır. Beynəlxalq Atom Enerjisi Agentliyinin müfəttişlərinin tez-tez və çoxsaylı səfərlərində, təşkilatın çox saylı hesabatlarında İranın nüvə texnologiyası və fəaliyyətinin sülhməramlı olduğu təsdiqlənib. Kütləvi qırğın silahları məsələsinə gəlincə isə, Ali Rəhbərin kütləvi qırğın silahlarının yaradılmaması ilə bağlı fətvası var. Bu barədə İranın baxış və mövqeyində heç bir dəyişiklik olmayıb”.

İranın keçmiş xarici işlər naziri Kamal Xərrazinin Tehranın atom bombası yaratmaq üçün texniki imkanları barədə bəyanatının yayılmasından bir neçə saat sonra keçmiş İran diplomatı Məhəmməd Cavad Laricani də televiziya proqramında deyib ki, İran nüvə silahı yaratmaq qərarına gəlsə, heç kim onun qarşısını ala bilməz.

“Xamneyinin fətvasına görə, bizə atom silahları da daxil olmaqla, kütləvi qırğın silahlarının istehsalına icazə verilmir, lakin nə vaxtsa bunu etmək istəsək, təbii ki, heç kim bizə mane ola bilməz. Özləri də bunu bilirlər”,- deyə o əlavə edib.

Laricani deyib ki, inanıram, nüvə danışıqları zamanı yaranan lənglik tez bir zamanda bərpa olunacaq və bu güc bombardman etməklə məhv edilə biləcək bir şey deyil”.

İyunun 28-də "Böyük yeddilik" (G7) dövlətlər qrupu Almaniyanın cənubunda keçirdikləri üç günlük toplantının sonunda qəbul etdiyi bəyanatda isə deyilir ki, İran heç vaxt nüvə silahı əldə etməməlidir.

"Biz İranın heç vaxt nüvə silahı əldə etməməsi ilə bağlı açıq öhdəliyimizi bir daha təsdiqləyirik. Diplomatik həll İranın nüvə proqramını məhdudlaşdırmağın ən yaxşı yoludur"-deyə, bəyanatın İranla bağlı olan hissəsində bildirilib.

Mövzu ilə bağlı politoloq Vüqar Dadaşov “Xalq Cəbhəsi”nə bildirib ki, son məlumatlara əsasən İranın Avropa ölkələri ilə yeni nüvə müzakirələri bitmək üzrədir. Bəzi analitiklərin və hətta Avropa İttifaqın İranla yeni nüvə razılaşmasının imzalanacağına inamsızlığı var: “Sözsüz ki, belə ehtimalı istisna etmək düzgün olmazdı. Sazişin mümkünlüyünə ABŞ-İsrail, ABŞ-Avropa ölkələri, Qərb-İran və Qərb-Rusiya kontekstindən baxmaq lazımdır. Əvvəla, beynəlxalq geosiyasi situasiya elə bir vəziyyəti ortaya çıxarıb ki, İranla razılaşmaya ümumən Avropa ölkələri çox maraqlıdır. Bunun bir neçə səbəbi var. Birinci səbəb sözsüz ki, Rusiyanın Ukraynada təcavüzkar müharibəsi fonunda İran və Rusiyanın daha çox yaxınlaşmasına imkan verməməkdir. Qərb dünyasının narahatçılığı bu günlərdə Tehranda keçirilən İran, Rusiya və Türkiyə Prezidentləri - İbrahim Rəisi, Vladimir Putin və Rəcəb Tayyib Ərdoğanın Tehran sammitindən sonra daha da artıb. Rusiya da Tehran sammitini təbliğ etməklə onun əhəmiyyətini artırmağa çalışır. Putin isə az qala İranı Rusiyanın müttəfiqi kimi təqdim edir. Bütün Qərb dünyasının Rusiyaya qarşı olduğu bir dövrdə ona İran vasitəsi ilə əlavə nəfəs vermək təbii ki, avropalıların planında ola bilməz. Bu birinci məqam. Digər tərəfdən Avropanın Rusiya qazına alternativ axtardığı bir dövrdə və eləcə də Aİ-nın rəsmilərinin açıqlamalarına görə, Azərbaycanın müəllifi olduğu enerji proyektlərinə üstünlük veriləcəyi barədə açıqlamaları onu deməyə əsas verir ki, İran da Azərbaycan vasitəsi ilə öz enerji resurslarını realizə etməyə imkan qazanır, bu isə o deməkdir ki, İran həm də ağır iqtisadi vəziyyətini düzəltmək şansı əldə edir, ən başlıcası isə İran Qərb və Rusiya qarşıdurmasında Qərbə rəqib olmaq fikrində deyil. O ki, qaldı yeni nüvə razılaşmasının özünə, əvvəla qeyd etmək lazımdır ki, 2015-ci ildə imzalanmış həmin o nüvə razılaşmasının qüvvədə qalmasına həm Avropa və həm də İran çox maraqlı idi və məlumdur ki, ABŞ Tramp adminstrasiyası bu razılaşmadan çıxmaqla onu əhəmiyyətsiz hala saldı. Trampın qərarına zamanında Demokratlar Partiyası da qarşı çıxmışdı. Hazırda da Demokratların nümayəndəsi prezident Co Bayden baxmayaraq ki, İranla yeni nüvə razılaşmasının əleyhinədir. Bir məqam da ondan ibarətdir ki, köhnə nüvə razılaşması İranı daha çox sıxırdısa, yeni razılaşmada İranın maraqları daha geniş nəzərə alınır. Odur ki, İranla yeni nüvə razılaşmasının imzalanmasına ümid var sözsüz ki, ABŞ razı olarsa”.

V.Dadaşovun fikrincə, yeni sazişin taleyi sözüz ki, ABŞ-dan daha çox asılıdır. Hələ bu ilin may ayında Vyanada keçirilən görüşün nəticəsi olaraq bəlli idi ki, İranla yeni nüvə sazişin mətni hazırdır və İran rəsmlərinin o zaman verdiyi açıqlamalara görə sazişin imzalanmasına ABŞ mane olur. Vyana görüşü öncəsi İranın Ali dini rəhbəri Xameneyi "İrana nüvə silahı yox, nüvə enerjisi lazımdır" açıqlaması ilə İranın yeni sazişin imzalanmasına maraqlı və hazır olduğunu göstərir. Təbii ki, ABŞ-ın sərt mövqeyi hansı ki, sazişin imzalanmasını mümkünsüz edəcək əslində İsrailin mövqeyidir. İranla yeni nüvə sazişinin imzalanması artıq İsrailin İrana "nüvə" bəhanəsi ilə hərbi, siyasi müdaxiləsini mümkünsüz edir: “Məsələnin həll edilməməsi İrana qarşı hərbi müdaxiləni həmişə açıq saxlayır. İndiki vəziyyətdə ABŞ-a İranla danışıqlardan çıxmaq yox, onu uzatmaq daha sərfəlidir. Yeri gəlmişkən, İranla yeni nüvə sazişi ətrafında danışıqların uzadılmasın ABŞ-ın maraqlarına xidmət etməsi fikrini elə ABŞ prezidenti Co Bayden özü səsləndirib. Nəzərdən qaçırmayaq ki, bundan əvvəl Co Bayden çıxışında İranın nüvə silahı əldə etməyə imkan verməmək üçün hərbi müdaxilə variantını da mümkün olduğunu deyib. Əslində, indi Avropa ölkələri ilə İran arasında gedən danışıqlarının bir təsiredici mənası yoxdur, əgər Avropa yeni sazişi imzalamaq istəyirsə İranla yox, ABŞ-la danışıb onu razılığa gətirməlidir. Qısası yeni sazişin taleyi məhz ABŞ-ın mövqeyindən asılıdır. Bu mövqeyi isə dəyişdirə biləcək yeganə qüvvə Avropa ölkələrinin birlikdə və israrlı tələbləri ola bilər. Əgər ABŞ-la İsrail arasında İranın vurulmasına qərar verilibsə, hansı ki, belə razılaşmanın mövcudluğuna inam çoxdur, o halda İrana hərbi müdaxilənin legitimliyi üçün İranla yeni nüvə sazişinin imzalanması mümkünsüz görsənir hərçənd ki, ABŞ istənilən vaxt, istənilən dövlətə heç bir əsas olmadan da hərbi müdaxilə edib”.