45 ukraynalı əsgərin meyiti qaytarıldı
Dərc olunub:
19-07-2022, 15:46
Onlarla ukraynalı müdafiəçinin cəsədi Ukrayna tərəfinə qaytarılıb.
UNIAN xəbər verir ki, bu barədə Ukraynanın Müvəqqəti İşğal Olunmuş Ərazilərinin Reinteqrasiya Nazirliyi məlumat yayıb:
"Həlak olan hərbçilərin cəsədlərinin təhvil verilməsi üçün növbəti əməliyyat keçirilib. Ukrayna 45 müdafiəçisinin cəsədini qaytarıb".
Nazirlik onu da qeyd edib ki, əməliyyat Cenevrə Konvensiyasının normalarına uyğun olaraq itkin düşmüş şəxslər üzrə müvəkkil Oleq Kotenko və Ukraynanın hüquq-mühafizə orqanlarının əməkdaşlığı ilə həyata keçirilib.
