Məhərrəm ayı BAŞLADIHicri-qəməri təqvimi ilə Məhərrəm ayı başlayıb.

Avrasiya.net xəbər verir ki, miladi təqvimlə iyulun 30-u Məhərrəm ayının ilk günüdür.

Belə ki, hicri-qəməri təqvimi ilə 1443-cü il başa çatır, yeni 1444-cü ilin başlanğıcı – Məhərrəm ayının 1-i iyulun 30-na təsadüf edir.

Məhərrəm ayının 10-u, yəni Aşura günü isə avqustun 8-nə düşür.

Avqustun 28-i Məhərrəm ayı başa çatır, 29-dan isə Səfər ayı başlayır və sentyabrın 26-da yekunlaşır.
Gürcüstanda helikopter qəzaya uğradı: 8 ölüGürcüstanın Qudauri dağ kurortu ərazisində Sərhəd Polisinə məxsus helikopter idarəetməni itirərək qəzaya uğrayıb.

Avrasiya.net xəbər verir ki, bu barədə Gürcüstan Daxili İşlər Nzirliyindən (DİN) bildirilib.

İlkin məlumatlara əsasən, helikopterdə 5 nəfər - iki pilot və üç xilasedici olub.

Hazırda hadisənin təfərrüatı dəqiqləşdirilir.

Qeyd edək ki, helikopter Qudauriyə paraplanın qəzaya uğraması nəticəsində xəsarət alanların xilas edilməsi üçün yollanıb.

***

Gürcüstanda Sərhəd Polisinə məxsus qəzaya uğrayan helikopterdə 8 nəfər olub.

Bu barədə Gürcüstan Daxili İşlər Nazirliyi məlumat yayıb.

Həmin şəxslərin dördü ekipaj üzvü, ikisi xilasedici, digər ikisi isə tibb işçisi olub.

***

Gürcüstanın Qudauri bölgəsində baş vermiş helikopter qəzası nəticəsində səkkiz nəfər həlak olub.

Bu barədə Gürcüstanın Daxili İşlər Nazirliyindən məlumat verilib.

Hadisə yerinə müvafiq qurumların nümayəndələri cəlb olunub, lazımi tədbirlər həyata keçirilir.

Faktla bağlı araşdırma aparılır.
Quzey Kıbrısdan BMT-yə XƏBƏRDARLIQ: "Bunu edəcəklərsə, razılışğımızı almalıdırlar"Quzey Kıbrıs Türk Cümhuriyyətinin (KKTC) xarici işlər naziri Tahsin Ərtoğruloğlu, Bayrak Radio Televiziyasında (BRT) qatıldığı proqramda BMT Təhlükəsizlik Şurasının (TŞ) Kıbrısda yerləşən Birləşmiş Millətlər Təşkilatının Təhlükəsizlik Şurasının Kıbrısda yerləşən Sülhməramlı Qüvvələrinin mandatının uzadılmasına dair qərarını dəyərləndirib.

Avrasiya.net-in məlumatına görə, Ərtoğruloğlu deyib ki, BMT TŞ-nin bu qərarı qəbul edilərkən Kıbrıs Cümhuriyyətinin “qondarma” hökumətindən razılıq alması məqbul bir addım deyil.

Bu səhvin yeni olmadığını qeyd edən Ərtoğruloğlu, "Bu, əvvəldən, illərdir edilən bir səhvdir. Sanki Kıbrısda bütün adanı və xalqlarını təmsil edən mərkəzi bir orqan var kimi, qondarma Kıbrıs Cümhuriyyəti hökumətinin razılığını alaraq, adada Sülhməramlı Qüvvələrin fəaliyyət göstərməsinə zəmin hazırlanıb. Zatən Kıbrıs problemi dediyiniz problem budur. Başqa sözlə, adada xalqları təmsil edən mərkəzi orqan olmasa da, sanki varmış kimi və bu, yunan tərəfidir və BMT Təhlükəsizlik Şurasının Kıbrısla bağlı siyasəti Kıbrıs probleminin özüdür”, deyib.

Ərtoğruloğlu BMT-nin sülhməramlı qüvvələrinin büdcəsinin böyük hissəsinin Yunanıstan və Kipr Rum Administrasiyası tərəfindən qarşılandığını və qərəzli bir qüvvə olaraq üzərinə düşən vəzifəni yerinə yetirdiyini bildirib.

BMT-nin sülhməramlı qüvvələrinin adada qərəzli bir qüvvə olaraq vəzifəsinin illərdir problem olduğuna diqqət çəkən Ərtoğruloğlu, “"Bu səbəbdən uzun illər yunan xalqının razılığını alarkən adanın bərabər sahibləri olan Kıbrıs Türk xalqının da razılığını almalıdır. Buna baxmayaraq, biz onların Kıbrısda xidmət etmələrinə icazə verdik. KKTC ərazisi illərdir xoş niyyətimizlə qonaqpərvərlik göstərir, amma bu daha belə davam edə bilməz”, deyib.

Ərtoğruloğlu, iki ilə yaxındır ki, BMT Təhlükəsizlik Şurası üzvlərinə sülhməramlı qüvvələrin səlahiyyət müddətinin uzadılması ilə bağlı əvvəlki səhvlər davam edərsə, bəzi tədbirlər görəcəkləri barədə xəbərdarlıq etdiklərini də vurğulayıb.

Ərtoğruloğlu sözlərinə belə davam edib:

"Biz çox açıq şəkildə bildirdik ki, bizi nəzərə almasalar, heç nə olmamış kimi mandatlarını uzatsalar, biz müəyyən tədbirlər görməliyik. İndi o mərhələyə çatmışıq. Biz tədbirləri məhkəməyə gətirəndə görəcəyik. BMT də, ictimaiyyət də məlumatlandırılacaq. Amma BMT-nin mahiyyəti budur. Onun KKTC-də Kipr Rum tərəfinin razılığı ilə vəzifə başında olduğu anlayışı ortadan qalxmalıdır. Əgər BMT-nin sühməramlı qüvvələri xidmət edəcəksə, KKTC-nin, Kıbrıs Türk xalqının razılığını almalıdır. Bu razılıq olmadan KKTC-də yunaların razılığı ilə xidmət etmək məqbul bir hərəkət deyil. Bizim bunu göstərməmək lüksümüz yoxdur".

Bərdədə qadın ərini qısqanclıq zəminində öldürdüİyulun 29-da Bərdə rayonu Şorəli kənd sakini 1994-cü il təvəllüdlü Nurlan Çərkəzlinin öldürülməsi barədə rayon prokurorluğuna məlumat daxil olub.

Bu barədə rayon prokurorluğundan məlumat verilib.

Aparılan ilkin araşdırmalarla zərərçəkmişin arvadı, 1994-cü il təvəllüdlü Aysu Çərkəzlinin qısqanclıq zəminində aralarında yaranan mübahisə zamanı bıçaqla çoxsaylı xəsarətlər yetirməklə Nurlan Çərkəzlini qəsdən öldürməsinə əsaslı şübhələr müəyyən edilib.

Faktla bağlı Bərdə Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Aysu Çərkəzli şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.
Prezident deputatların maaş artımını TƏSDİQLƏDİPrezident İlham Əliyev “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununda dəyişiklik edilməsi barədə Qanunu imzalayıb.

Avrasiya.net xəbər verir ki, sənədə əsasən, “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununda aşağıdakı dəyişikliklər edilir:

21-ci maddə üzrə:

1.1.1. birinci, ikinci və altıncı hissələr ləğv edilir;

1.1.2. üçüncü hissədə “2475 manat miqdarında” sözləri “3550 manat məbləğində” sözləri ilə əvəz edilir;

1.1.3. beşinci hissədə “bir misli məbləğində” sözləri “iki misli həcmində” sözləri ilə əvəz edilir;

29-cu maddənin ikinci cümləsi çıxarılır.

Qeyd edək ki, qanun 2022-ci il iyulun 1-dən qüvvəyə minir.
Elmin idarə edilməsinin optimallaşdırılması müasir dövrün tələbidirPrezident İlham Əliyevin “Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında” Fərmanı elmimizin idarə edilməsində yeni mexanizmlərin tətbiq olunması ilə nəticələnəcək. İnkişaf etmiş ölkələrdə olduğu kimi elm və təhsilin vahid mərkəzdən idarə edilməsini şərtləndirəcək.

Bu fikirləri AZƏRTAC-a açıqlamasında Azərbaycan Gənc Alim, Doktorant və Magistrlər Cəmiyyətinin sədri fəlsəfə doktoru İlqar Orucov deyib. O vurğulayıb ki, elm və təhsil haqqında verilən bu mühüm və tarixi qərar elm adamlarının gözləntilərini doğruldacaq, dövlətimizin inkişafında elmimizin rolunu və yerini düzgün müəyyənləşdirməyə imkan verəcək. Bu Fərmanla elmin idarə edilməsində yeni mexanizmlər tətbiq olunacaq, nəticədə elm və təhsilin inteqrasiyası sürətlənəcək, dövlətimizin inkişafında elmin payı artacaq. Həmçinin ölkəmiz üçün strateji əhəmiyyət kəsb edən elmi istiqamətlər inkişaf etdiriləcək.

“Əminəm ki, bu Fərman elm və təhsilimizin inkişafında ciddi dönüş yaradacaq. Prezident İlham Əliyevin Sərəncamı ilə təsdiqlənən “Azərbaycan Respublikasının 2022–2026-cı illərdə sosial-iqtisadi inkişaf Strategiyası” da Azərbaycan universitetlərinin dünya universitetləri arasında top 800-də yer alması hədəflənib. Universitetlərin bu reytinqdə yer ala bilməsi üçün onların nəzdində tədqiqat universitetləri, mərkəzləri olması vacib şərtlərdəndir. Bildiyimiz kimi, universitetlər reytinq cədvəlinə bir neçə parametrlə düşür. Bu parametrlərə cavab vermək üçün elmin və təhsilin vahid mərkəzdən idarə olunması zəruridir. Bütün bu qeyd olunanlar elm və təhsilin inkişaf etdiyi ölkələrin təcrübəsinin məhsuludur.

Elmin idarə edilməsinin optimallaşdırılması, səmərəliliyinin artırılması çağdaş dövrümüzün tələbidir. İnanıram ki, aparılan struktur dəyişiklikləri yaxın gələcəkdə müsbət nəticələrini göstərəcək. Verilən qərarları, həmçinin ölkəmizin hərtərəfli inkişafında elm və təhsilin payının artırılması istiqamətində atılan vacib siyasi qərar kimi xarakterizə edirəm”, - deyə İlqar Orucov bildirib.

Maşınına şəhid fotosu vuran sürücülərin nəzərinə!Paytaxt yollarında avtomobillərin üzərində müxtəlif xarakterli yazılar, şəkillər, bəzək ornamentləri və digər formalarda diqqəti yayındıran şəkillərin vurulduğu nəqliyyat vasitələrini görməmiş olmazsınız.

Xüsusi reklam lövhəli şirkət avtomobilləri istisna olmaqla digər yazılar, fotolar kustar üsulla sürücülər tərəfindən vurulur. Bəzən avtomobilin üzərinə o qədər lüzumsuz ifadələr yazılır ki, bu, hərəkətdə olan digər nəqliyyat vasitəsinin sürücüsünün fikrini yayındırır.

Bu yazılar arasında dini kəlamlar, filmlərdən alınan replikalar, aforizmlər, hətta ağır tənqidi fikirlər belə var.

Bu kimi hallar səbəbindən baş verən qəzaların sayı da az deyil.

Bəs bu məqam “Yol hərəkəti haqqında” qanunla tənzimlənirmi?

Avrasiya.net xəbər verir ki, Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli Oxu.Az-a açıqlamasında paytaxt yollarında hər gün reklam xarakterli, bəzən isə lüzumsuz ifadələr, şəkillər həkk olunmuş nəqliyyat vasitələrinə rast gəldiklərini deyib.

“Avtomobillərə öz nömrəsini, “qaziyəm” sözünü yazmaq, şəhidlərin şəkillərini vurmaq - bu kimi hallar yolverilməzdir. Heç kim bizi yanlış anlamasın, şəhidlərimiz bizim üçün dəyərlidirlər. Lakin dəfələrlə şəhid ailələri DYP ilə əlaqə saxlayıb müxtəlif avtomobil nömrələri verirlər ki, filankəs sürücü mənim şəhid olan qardaşımın, qohumumun şəklini maşınına vurub, həmin maşınla da xuliqanlıq edir, qayda pozur, məsuliyyətdən yayınır, bu kimi davranışlarla şəhidin ruhuna hörmətsizlik edir, xahiş edirəm, o avtomobili saxlayıb şəhidimizin fotosunu çıxarmasını tələb edin.

Eyni zamanda digər diqqət yayındıran fotolar, yazılar da yolverilməzdir. Bu cür formada avtomobili idarə etmək hərəkət iştirakçılarının diqqətini yayındırır, hətta bəzi hallarda reklam haqqında qanunvericiliyin tələblərini də pozur. Müxtəlif xarakterli yazılar, ifadələr isə ümumiyyətlə əxlaqi normalara, mədəni səviyyəyə, mənəvi dəyərlərlə sığmayan, ictimaiyyətin qınağına, kəskin ikrah hissinə, haqlı narazılığına səbəb olur.

Dövlət Yol Polisinin əsas vəzifəsi və qanuni səlahiyyət dairəsi hərəkətin təşkilini, təhlükəsizliyini qanun çərçivəsində təmin etməkdir. Bununla yanaşı, ictimai qaydanı qorumaq, bu prosesdə nizam-intizamın təmin edilməsi də tərəfimizdən həyata keçirilir.

Sürücülərdən xahiş edirik ki, avtomobilin əsas təyinatını unutmasınlar. Kiminsə fikirlərini, istəklərini, baxışlarını ifadə etmək kimi arzusu, istəyi varsa, bunu qanun çərçivəsində, təyinatı üzrə etməli, özünə qarşı diqqət cəlb etmək məqsədilə ətraf mühitə, ictimaiyyətə yersiz informasiyalar ötürüb narazılıq yaratmamalıdır.

Belə sürücülərin diqqətinə çatdırırıq ki, avtomobilin üzərinə lüzumsuz ifadələr yazmaqdan yayınsınlar. Bu işlərin əvəzinə daha faydalı və vacib olan “Yol hərəkəti haqqında” qanunun tələblərinə riayət etməyi, nəqliyyat vasitələrinin texniki sazlığını diqqətdə saxlamağı və təhlükəsiz hərəkəti təmin etməyi tövsiyə edirik”, - A.Əsgərli vurğulayıb.
Norveç Ukraynaya 14 zirehli maşın hədiyyə etdiNorveç Ukraynaya 14 VECO LAV III zirehli texnikası bağışlayıb.

Bu barədə Norveç hökuməti məlumat yayıb.

"Norveç Ukraynaya 14 ədəd IVECO LAV III zirehli patrul maşını bağışlayıb. Bu maşınlar yüksək hərəkət qabiliyyətinə və mühafizə etmə funksiyasına malikdir. Əfqanıstanda istfadə edilən zirehli maşınla eynidir”, - məlumatda deyilir.
Ümumdünya İnsan Alverinə qarşı Beynəlxalq Mübarizə Gününə həsr olunan dəyirmi masa keçirilibBirləşmiş Millətlər Təşkilatının Miqrasiya Agentliyi olan Beynəlxalq Miqrasiya Təşkilatının Azərbaycandakı nümayəndəliyi (BMqT) Daxili İşlər Nazirliyi (DİN) və Əmək və Əhalinin Sosial Müdafiəsi Nazirliyi (ƏƏSMN) tabeliyindəki Sosial Xidmətlər Agentliyi ilə birgə Birləşmiş Ştatların Beynəlxalq İnkişaf Agentliyi (USAID) tərəfindən maliyyələşdirilən “İnsan alverinə qarşı mübarizə üzrə fəaliyyət” layihəsi çərçivəsində 30 iyul – Ümumdünya İnsan Alverinə qarşı Beynəlxalq Mübarizə Gününə həsr olunan dəyirmi masa təşkil olunub.

Tədbirdə iştirak edən Dövlət Miqrasiya Xidməti yanında İctimai Şuranın sədri, Avrasiya Miqrasiya Təşəbbüsləri Platformasının rəhbəri Azər Allahverənov "İnsan alveri ilə mübarizə sahəsində müasir dövrün çağırışları" mövzusunda məruzə ilə çıxış edib. A.Allahverənov Azərbaycanda insan alveri ilə mübarizə tarixinə nəzər salıb və hazırda həyata keçirilən mübarizə strategiyasının gücləndirilməsi məqsədilə maraqlı tərəflər arasında əməkdaşlıq əlaqələrinin inkişaf etdirilməsinin vacibliyini qeyd edib.

Xüsusilə bildirilib ki, müasir dövrdə aktuallığı ilə səciyyələnən insan alveri probleminin qarşısının alınması rəqəmsal texnologiyaların tətbiq etməklə yeni ideyaların həyata keçirilməsini, vahid mərkəzdən idarə olunan dialoq platformasından çıxış edərək yeni mübarizə üsullarının reallaşmasını zəruri edir.

Bu müstəvidə həm mübarizə alqoritminin gücləndirilməsi, həm də bu sahədə mübarizə strategiyasının bütün indikatorlar üzrə inkişaf etdirilməsi və dərinləşdirilməsi insan alveri ilə mübarizə sahəsində yeni uğurların əldə olunması üçün əlverişli zəmin yaradacaqdır.
Ruslan Məmmədov "Karapapak Fight club & Promotion"ın birinci vitse-prezidenti seçilib28 iyul 2022-ci il tarixində "Karapapak Fight club & Promotion"ın növbəti iclası keçirilib. Klub rəhbərliyinin qərarına əsasən tanınmış iş adamı Ruslan Xudaverdi oğlu Məmmədov "Karapapak Fight club & Promotion"ın birinci vitse-prezident vəzifəsinə təyin edilib.

R.Məmmədov 8 yanvar 1988-ci ildə Almaniyanın Podstam şəhərində anadan olub. O, 2015-ci ildə öz geyim fabrikasını açaraq “Mario Russo” brendini yaradıb. Onun geyimləri dünyanin müxtəlif ölkələrində, eləcə də Azərbaycanda tanınır. Ailəlidir, 3 övladı var.

Qeyd edək ki, R.Məmmədov hər zaman idmançılara maddi və mənəvi dəstək göstərib.