Nazir MİQ suallarını yayan müəllimdən DANIŞDI
"MİQ intahanlarında sualları bizə verən müəllimlərlə aramızda məxfilik müqaviləsi imzalanır".
Bunu təhsil naziri Emin Əmrullayev 2022-2026-cı illərdə sosial-iqtisadi inkişaf strategiyasının təhsillə bağlı məqamları haqqında keçirdiyi brifinqdə deyib.
Nazir qeyd edib ki, sualların üçüncü şəxsə ötürülməsi qadağan olunur. Onun sözlərinə görə, MİQ imtahanlarında sualların əvvəlcədən yayılması ilə bağlı hüquq-mühafizə orqanlarına müraciət ediləcək.
"Biz Təhsil İnstitutu olaraq, zərərçəkmiş tərəf kimi müraciət edəcəyik. Ümumilikdə, MİQ imtahanlarında yüksək bal toplamış şəxslər həqiqətən öz sahəsini yaxşı bilənlərdir. Onlardan razıyıq".
Qeyd edək ki, Təhsil Nazirliyi tərəfindən müəllimlərin işə qəbulu müsabiqəsinin imtahan mərhələsində müəlliflərdən biri olan Siracəddin Quluzadə onunla bağlanmış məxfilik müqaviləsinin şərtlərini pozaraq ARTİ-yə təhvil verdiyi orijinal test tapşırıqlarını müəllim hazırlıq mərkəzlərindən birinin test bankına əlavə edib.