Rusiyada dolların “rəsmi məzənnəsi” açıqlandıRusiyada bu gün üçün dollar və avronun rəsmi məzənnəsi açıqlanıb.

Rusiya mediası “Moskva birjasının məlumatlarına” istinadla dolların 117,1 rubla, avronun isə 122.37 rubla düşdüyünü yazıb.

Qeyd edək ki, Moskva birjasında ticarət aparılmır və rəsmi saytının fəaliyyəti dayandırılıb, həmçinin Rusiya Mərkəzi Bankı vətəndaşlara valyuta satılmaması ilə bağlı banklara tapşırıq verib. Banklarda valyutada əmanəti olan əmanətçilər belə yalnız ən zəruri sənədlər təqdim etdikdə məhdud miqdarda valyuta götürə bilirlər. Bu baxımdan dolların rəsmi məzənnəsi hazırda şərti anlayışdır.

Qara bazarda isə dolların 400 rubla qədər bahalaşdığı haqda məlumat var.
Azərbaycanla İran arasında yeni sazişlər imzalanacaqAzərbaycan və İranın müxtəlif qurumları arasında anlaşma və sazişlər imzalanacaq.

Bunu İranın yol və şəhərsalma naziri Rüstəm Qasemi Azərbaycana səfər etməzdən öncə verdiyi açıqlamada deyib.

R.Qaseminin sözlərinə görə, bununla əlaqədar iki ölkə arasında Hökumətlərarası Birgə İqtisadi Komissiyasının 15-ci iclasında qərar veriləcək.

İranlı nazir bildirib ki, Azərbaycan vətəndaşlarının İran ərazisindən keçməklə Naxçıvana və əks istiqamətdə səfəri üzrə anlaşma sənədi imzalanacaq.

“Komissiyanın iclasında enerji, sənaye sektorunda anlaşmalar əldə olunacaq. Kənd təsərrüfatı üzrə əməkdaşlıq, iki ölkə arasında məhsul mübadiləsi də müzakirə olunacaq. Həmçinin Azərbaycanda İranın "Irankhodro" avtomobilqayırma şirkətinin fəaliyyətinin artırılması nəzərdə tutulub”, - deyə o qeyd edib.
Azərbaycan nefti kəskin UCUZLAŞDIDünya bazarında "Azeri Light" (CIF) markalı neftin qiyməti azalıb.

Avrasiya.net-in xəbərinə görə, Azərbaycan neftinin 1 barelə olan qiyməti 6,5% və ya 8,87 dollar azalaraq 127,12 dollar təşkil edib.

Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25 %-dir.
Dünya Bankı Şurası Ukraynaya yardım üçün 723 milyon ABŞ dollarından istifadəni təsdiqləyib.

Bu barədə maliyyə qurumunun saytındakı bəyanatda deyilir.

Məlumata görə, 489 milyon dollarlıq yardım paketi təsdiq edilib ki, bunun da 350 milyon dolları kredit, 139 milyon dolları isə zəmanət kimi təqdim olunacaq, əlavə olaraq, 134 milyon dollar qrant və 100 milyon dollar paralel maliyyələşmə cəlb olunacaq.

“Nəticədə 723 milyon dollar məbləğində dəstək aktivləşdiriləcək”, - məlumatda deyilir.
G7 ölkələri Rusiyadan idxala məhdudiyyətlər tətbiq edəcəkG7 (Böyük Yeddilər) ölkələri (Böyük Britaniya, Almaniya, İtaliya, Kanada, ABŞ, Fransa, Yaponiya) Rusiya və Belarusdan idxala əlavə gömrük tarifləri tətbiq edəcək.

“Report” xəbər verir ki, bu barədə Avropa Komissiyasının (AK) icraçı vitse-prezidenti Valdis Dombrovskis bildirib.

“İxrac nəzarəti indi həm Rusiya, həm də Belarus üçün tətbiq edilib. Belarus üçün müəyyən kateqoriyalı malların idxalına bir sıra qadağalar tətbiq olunub. Eyni qadağaların Rusiyaya da şamil edilməsi planlaşdırılır”, - Dombrovskis vurğulayıb.

Onun sözlərinə görə, G7 dövlətləri Rusiya və Belarusla ticarətdə ən əlverişli dövlət rejiminin ləğvini elan etməyə hazırdırlar və digər ölkələr də onlara qoşula bilər.

“Kanada artıq bunu elan edib, belə bir qərarın qəbulu üçün G7 səviyyəsində və daha geniş şəkildə iş gedir. Bu, yaxın günlərin məsələsi ola bilər”, - deyə siyasətçi əlavə edib.

Enerji sektorundakı məhdudiyyətlərdən danışan Dombrovskis qeyd edib ki, variantların heç biri gündəmdən düşmür, lakin indi gələn qışa hazırlaşmaq lazımdır.

Qeyd edək ki, Ukrayna Aİ və G7 ölkələrini Rusiyaya qarşı əlavə sanksiyalara çağırıb
Rusiyanın ən böyük bankı Avropa bazarından çəkildiABŞ-ın sanksiyalar siyahısındakı Rusiyanın ən böyük bankı "Sberbank" Avropa bazarından çəkildiyini açıqlayıb.

Bu barədə TASS məlumat yayıb.

“Mövcud şəraitdə “Sberbank” Avropa bazarından çəkilmək qərarına gəlib. Qrupun törəmə bankları qeyri-normal pul axını və işçilərin və filialların təhlükəsizliyinə qarşı təhdidlə üzləşib”, - məlumatda qeyd olunub.

Bildirilib ki, Rusiya Mərkəzi Bankının göstərişi ilə “Sberbank”ın Avropadakı törəmə banklarına likvidlik verilməyəcək.
ABŞ Rusiya neftinə embarqo qoyacaqABŞ Rusiya neftinə embarqo qoyulması planı üzərində işləyir.

“Report” xəbər verir ki, bunu ABŞ Prezidenti Cozef Bayden Dövlət Departamentinin saytında canlı yayımlanan müraciətdə deyib.

“Mən bu axşam elan edirəm ki, biz müttəfiqlərimizlə Amerika hava məkanını bütün Rusiya uçuşları üçün bağlayacağıq”, - Cozef Bayden qeyd edib.

“Putin indi dünyadan heç vaxt olmadığı qədər təcrid olunub", - ABŞ rəhbəri vurğulayıb.

Onun sözlərinə görə, ABŞ Ədliyyə Nazirliyi rusiyalı oliqarxların cinayətlərini araşdırmaq üçün xüsusi işçi qrup toplayır. “Biz Avropalı müttəfiqlərlə onların yaxtalarını, lüks mənzillərini, şəxsi təyyarələrini tapmaq və müsadirə etmək üçün birləşirik. Biz onların əyri yollarla qazandıqları pulların arxasınca gedirik”, - Bayden əlavə edib.
Vahid Ələkbərov bir gündə 3,8 milyard itirdiRusiya milyarderləri ötən gün bazarın çökməsindən sonra ümumilikdə 39 milyard dollar itiriblər.

Axar.az xəbər verir ki, bu barədə “Forbes” məlumat yayıb.

Məlumata görə, ən çox itirən “Lukoil” şirkətinin prezidenti Vahid Ələkbərov olub:

“Fevralın 16-dan bəri rus milyarderləri 90 milyard dollar itirib. Rusiya fond bazarı ötən gün əsas hərracların nəticələrinə görə 33,28% dəyər itirib.

Cümə axşamı ən çox itki Vahid Ələkbərovda olub. Onun sərvəti 3,8 milyard dollar və ya 15,4% azalıb. “Severstal”ın əsas benefisiarı Aleksey Mordaşovun sərvəti 3,3 milyard dollar (11,3%) azalıb, ailəsi “Polyus” mədən şirkətinə nəzarət edən Süleyman Kərimov isə 2,6 milyard dollar (18,2%) itirib.

NLMK-nın əsas benefisiarı Vladimir Lisin 2,5 milyard dollar və ya 8,3% itirib. Faiz baxımından ən çox itirən “TCS Group”un təsisçisi Oleq Tinkovdur. Onun sərvəti 2 milyard dollar, yəni 52,2% azalıb.

“Norilsk Nikel”in əsas sahiblərindən biri Vladimir Potanin 1,9 milyard dollar və ya 7% itirib”.
Şimal Axını-2 dayandı: Rusiya nələr itirdi?Rusiyanın Luqansk və Donetsk separatçı qurumlarını tanıması ilə Qərbin sanksiyalarına start verilib.

Axar.az xəbər verir ki, hələlik ilk ciddi sanksiya Şimal Axını-2 kəmərinin lisenziyasının ləğv edilməsidir. Almaniya kansleri Olaf Şolts artıq kəmərə verilən lisenziyanın ləğv edildiyini bildirib.

Şimal Axını-2 kəməri nədir və Rusiya üçün hansı önəm kəsb edirdi?

Hər şeydən öncə bu kəmər Rusiya qazının Ukraynadan yan keçməklə Avropaya nəqli üçün düşünülmüş plan idi. Hazırda Rusiya qazı Ukrayna vasitəsilə Avropaya ötürülür. Ukrayna bu tranzitdən həm ildə 3 milyard dollar gəlir əldə edir, həm də Rusiyaya iqtisadi təzyiq imkanı yaranır.

Rusiya bu gəliri və təzyiq imkanını Ukraynadan almaq üçün Şimal Axını-2 kəmərini inşa etmək qərarı vermişdi.

Şimal Axını-2 Rusiyadan Almaniyaya Baltik dənizi üzərindən 1234 km uzunluğunda olan əsas qaz kəməridir. Qaz kəməri beş ölkənin - Rusiya, Finlandiya, Danimarka İsveçin və Almaniyanın iqtisadi zonalarından və ərazi sularından keçir.

Şimal Axını-2 Rusiya sahillərindən Baltik dənizi üzərindən Almaniyaya – Leninqrad vilayətindəki Ust-Luqa limanından Qreyfsvalda qədər ildə ümumi 55 milyard kubmetr qaz nəqletmə imkanı verən iki kəmər xəttinin tikintisini nəzərdə tutur. 2017-cildən bəri layihənin yeganə səhmdarı “Qazprom” şirkətidir. Lakin Fransanın “Engie”, Avstriyanın OMV, İngiltərə və Niderlandın “Şell”, Almaniyanın “Uniper” və “Vinterşell” şirkətləri səhmdar qismində iştirak edir.

Kəmər 2019-cu ilin 4-cü rübündən gec olmayaraq başa çatdırılmalı idi. Lakin kəmərin tikintisi ABŞ sanksiyalarına görə gecikdi.

2017-ci il məlumatına görə, layihə təsisçisi “Qazprom”a 9,5 milyard avroya başa gəlməli idi. Bunun da yarısını Avropa şirkətləri “Engie”, OMV, “Şell”, “Uniper” və “Vinterşell” maliyyələşdirəcəkdi.

Şimal Axını-2-nin sertifikatlaşdırılmasının dayandırılması Rusiyaya yalnız ciddi maddi zərbə vurmadı, həm də Avropanın Rusiya qazından gələcək asılılığını aradan qaldırdı.
Neft qiymətləri çökür: ABŞ İrana qarşı sanksiyaları ləğv etməyə hazırlaşırABŞ-ın dünyanın ən böyük neft istehsalçılarından olan Irana qarşı neft embarqosunu ləğv edəcək razılaşmaya yaxınlaşması ilə bağlı xəbərlər fonunda dünya bazarında neftin qiyməti kəskin şəkildə aşağı düşür.

“Brent” neftinin fyuçersləri İranın baş müzakirəçisi Əli Baqeri Kaninin “nüvə proqramı üzrə razılaşmanın yaxınlaşdığını” elan etməsindən sonra bir barel üçün 95,95 dollardan 91,44 dollara düşüb.

Daha əvvəl “Əl-Cəzirə” xəbər verirdi ki, Vyanada İranın nüvə proqramı ilə bağlı danışıqlar başa çatmaq üzrədir.

Vaşinqtonda isə Dövlət Departamentinin sözçüsü Ned Prays bildirib ki, rəsmi olaraq Birgə Hərtərəfli Fəaliyyət Planı kimi tanınan sazişin bərpa edilib-edilməyəcəyinə yaxın günlər qərar veriləcək.

Eyni zamanda qeyd olunur ki, İran dövlət şirkəti (NIOC) neft alışlarının bərpasını müzakirə etmək üçün əsas müştərilərlə əlaqə saxlayır.