“VECON CONSULTING” yekun hesabat verdiAzərbaycanın nüfuzlu qiymətləndirmə şirkətlərindən olan – “VECON CONSULTING” şirkəti 2020-ci ilin yekunları ilə bağlı ictimai hesabat təqdim edib.

Avrasiya.net xəbər verir ki, şirkətin direktoru, Azərbaycan Qiymətləndiricilər Cəmiyyətinin (AQC) sədr müavini Vüqar Orucun adından yayılan hesabatda şirkətin yola saldığımız ildə gördüyü işlərdən, həyata keçirdiyi layihələr və yeniliklərdən bəhs olunur.

Hesabatda qeyd olunur ki, “VECON CONSULTING” 2020-ci ildə müştəri bazasını genişləndirib. Ölkənin nüfuzlu maliyyə təsisatları, aparıcı şirkətləri və dövlət qurumları şirkətlə daimi əsaslarla əməkdaşlığa start verib. Şirkətin peşəkar və obyektiv qiymətləndirmə xidmətləri hər kəs üçün əlçatan olmaqla yanaşı, həm də Avropa protokollarının Azərbaycanda tətbiqi istiqamətində unikal bir platformadır. Bu səbəbdən yol saldığımız ildə də “VECON CONSULTING”in fəaliyyətinə yüksək maraq olub. Təsadüfi deyil ki, şirkətlə əməkdaşlıq edən müəssisələrin əksəriyyəti öz sahələrində lider mövqelərdə qərar tuturlar.

“VECON CONSULTING” 2020-ci ildə Qarabağ Regional Nümayəndəliyini təsis edib. Bununla da şirkətin regional nümayəndəliklərinin sayı 13-ə çatıb. Bu isə qiymətləndirmə sahəsində Azərbaycanda bir ilk sayıla bilər. Digər nümayəndəliklər kimi, Qarabağ Regional Nümayəndəliyi də əlavə zaman və vəsait sərf etmədən müvafiq qiymətləndirmələrin həyata keçirilməsinə zəmin yaradır. Eyni zamanda işğaldan azad edilmiş ərazilərin qiymətləndirilməsi, dəyən zərərin müəyyən olunması işinə böyük bir töfhədir.

“VECON CONSULTING”in olaraq riskləri sığortalanması da hesabatda öz əksini tapıb. Belə ki, şirkət əməkdaşlıq etdiyi subyektlərin qarşısında öhdəlik götürür və müştərilər 1 milyon AZN civarında sığorta imtiyazı əldə edirlər. Artıq “Atəşgah Sığorta” şirkəti ilə “VECON CONSULTING” arasında müvafiq müqavilə də imzalanıb. Nəzərə alanda ki, sığortalıların anderraytinqinin həyata keçirilməsi, qiymətləndirmə nəticələrinin yarada biləcəyi risklərin mövcudluğu böyük problemlərə yol aça bilər, bu mənada şirkətin müştərilərə təqdim etdiyi risklərin sığortalanması xidməti mühüm əhəmiyyət kəsb edir.

“VECON CONSULTING” 2020-ci ildə Azərbaycan Respublikasının İpoteka və Kredit Zəmanət Fondu, Aqrar Kredit və İnkişaf Agentliyi, Azərbaycan Sahibkarlar (İşəgötürənlər) Təşkilatları Milli Konfederasiyası, Azərbaycan Qiymətləndiricilər Cəmiyyəti (AQC) və digər əlaqəli qurumlarla kordinasiyalı şəkildə fəaliyyət göstərib. Şirkət adıçəkilən assosiativ qurumlara daxil olan müəssisələrə şəffaf və peşəkar qiymətləndirmə xidməti göstərib. Eyni zamanda birgə layihələr həyata keçirərək, Azərbaycanda qiymətləndirmə sektorunun inkişafına öz töfhəsini verib.

2021-ci ildə fəaliyyətə başlayacaq “VECON DOSTLARI” klubunun yaradılmasında məqsəd şirkətlə əməkdaşlıq edən subyektlərə endirim kartlarının təqdim edilməsi ilə bağlıdır. Qeyd olunur ki, şirkətin daimi və sadiq müştəriləri bu qrupa daxil olaraq endirim kartı əldə edirlər. Kart sahibləri şərti olaraq A qrupuna daxil olur və bu klubda yer alanlar şirkətin müştəri bazasında “yaşıl zolağa” daxil edilirlər. İstər bu gün, istərsə də gələcəkdə həyta keçiriləcək layihə və endirimlər istisnasız olaraq klub üzvlərinə şamil edilir.

“VECON CONSULTING” 44 günlük II Qarabağ müharibəsi dövründə və ondan sonrakı müddətdə dövlət rəhbərinin çağırışlarına qoşularaq Silahlı Qüvvələrə Yardım Fonduna ianələr edib. O cümlədən şirkətin əməkdaşları müxtəlif yardım kampaniyalarında təşkilatçı qismində çıxış edib, ərzaq, geyim və digər sovqatları əsgər ailələrinə çatdırıb. Koronavirus pandemiyası ilə əlaqədar olaraq Koronavirusla Mübarizəyə Dəstək Fonduna ianə edib, ərzaq və müxtəlif tibbi ləvazimatlardan ibarət yardıımı ehtiyacı olan ailələrə payılayıb.

“VECON CONSULTING” şəhid və qazi ailələrinə tam təmənnasız, müharibə iştirakçılarına isə xüsusi güzəştli şərtlərlə xidmət göstərilməsi ilə bağlı qərarından bu günə qədər çoxsaylı soydaşımız yararlanıb. 2020-ci ildə qəbul edilmiş qərarda qeyd olunur ki, konsultasiya xidmətləri bu qəbildən olan soydaşlarımız üçün tam təmənnasız həyata keçiriləcək.
ALDP Tarif Şurasının qərarı ilə bağlı bəyanat qəbul edibAzərbaycan Liberal Demokrat Partiyasının (ALDP) sədri Fuad Əliyev Sədr Aparatının on-line iclasını keçirib. İclasda ictimai-siyasi vəziyyət, Tarif Şurasının qiymətlərlə bağlı qərarı və təşkilatı məsələlər müzakirə olunub. Tarif Şurasının qərarı ilə bağlı bəyanat qəbul olunub.

Azərbaycan Liberal Demokrat Partiyasının

BƏYANATI

Dövlət Neft Şirkəti (SOCAR) Şuraya müraciət edərək ölkədə təbii qazın, Aİ-92 markalı avtomobil benzininin və dizel yanacağının pərakəndə satış qiymətinin artırılmasını təklif edib. Təbii qazın qiymət artımı təklifinin iqtisadi cəhətdən əsaslandırılmasına baxmayaraq, aparılan sosial siyasət nəzərə alınaraq, Tarif (qiymət) Şurası təbii qazın tariflərinin artırılmasını məqsədə müvafiq hesab etməyib.

Qiymət tənzimlənməsi nəticəsində dövlət büdcəsinə əlavə daxilolmalar proqnozlaşdırılır ki, yaranan əlavə vəsait ölkədə həyata keçirilən sistemli və davamlı xarakter daşıyan sosial siyasətə uyğun olaraq, sosialyönümlü tədbirlərə yonəldiləcəkdir.

Dizel yanacağının qiymət artımının sərnişindaşıma ilə məşğul olan sahibkarlıq subyektlərinə təsirinin neytrallaşdırılması üçün onlara kompensasiya ödəniləcəkdir. Kompensasiyanın verilməsi mexanizmi yanvar ayının sonunadək açıqlanacaqdır. Bu, əhalinin, xüsusilə sosial həssas qrupun mənafeyinə xidmət edən, vətəndaşların gündəlik həyatda daha çox istifadə etdiyi ictimai nəqliyyatda tarif dəyişikliyi aparılmaması üçün atılan mühüm addımdır.

Bununla yanaşı, dizel yanacağının qiymət artımının kənd təsərrüfatı sahəsinə təsiri nəzərə alınaraq, hökumət tərəfindən ayrılan subsidiyaların məbləğinə də yenidən baxılacaqdır.

ALDP hesab edir ki, qiymət artımı vətəndaşlara müəyyən çətinlik gətirsə də, nəzərdə tutulan sosialyönümlü tədbirlər, yaranan problemlərin qarşısını alacaq.

ALDP hesab edir ki, qiymətlərin qalxmasının qarşısını almaq üçün kiçik və orta sahibkarlar pandemiya dövründə ƏDV-dən azad olunmalıdırlar, güzəşli kredit və kompensasiya verilməlidir.

ALDP hesab edir ki, vətəndaşlara verilən kompensasiya (190 manat) məbləği bir daha baxılmalıdır və bu məbləğ artırılmalıdır.

ALDP hesab edir ki, əsassız qiymət artımına yol verilməməsi üçün ciddi nəzarət tədbirləri həyata keçirilməlidir.
Əli Əsədov benzinlə bağlı qərar imzaladıNazirlər Kabineti 2005-ci il 28 sentyabr tarixli 178 nömrəli Qərarı ilə təsdiq edilmiş “Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı”nda dəyişiklik edib.

Avrasiya.net xəbər verir ki, bununla bağlı Baş nazir Əli Əsədov qərar imzalayıb.

Qərar ölkədə avtomobil benzinlərinə artan tələbatın ödənilməsi və daxili bazarın yüksək ekoloji normalara cavab verən yanacaq məhsulları ilə təmin edilməsi məqsədi ilə verilib.

Qərara əsasən, qiymətləri (tarifləri) dövlət tərəfindən tənzimlənən malların (işlərin, xidmətlərin) siyahısının 2-ci hissəsi dəyişdirilib. Belə ki, indiyədək həmin hissədə mallara (işlər, xidmətlər) xam neft və neftdən emal olunan əsas məhsullar (idxal olunan ekoloji norması avro-5 tələblərinə uyğun, oktan ədədi 95 və daha yüksək olan avtomobil benzinləri istisna olmaqla) aid olub.

Dəyişikliyə əsasən, həmin hissəyə xam neft, Aİ-92 markalı avtomobil benzini, dizel yanacağı və bitum daxil edilib.

Bu Qərar 2021-ci il 5 yanvar tarixindən qüvvəyə minir.
Pandemiya ilə əlaqədar güzəştlərin müddəti BU TARİXƏDƏK uzadıldıMərkəzi Bank koronavirus pandemiyası ilə əlaqədar maliyyə sektoruna əlavə dəstəkləyici tədbirlər paketinin vaxtının uzadılması barədə qərar qəbul edib.

Mərkəzi Bankdan verilən məlumata görə, Azərbaycan Respublikası Prezidentinin “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” 19 mart 2020-ci il tarixli 1950 nömrəli Sərəncamının 10.2-ci bəndinin icrası ilə bağlı Nazirlər Kabineti tərəfindən təsdiq edilmiş “Tədbirlər Planı”nın “Karantin rejimi müddətində pandemiyadan zərər çəkmiş sahələrdə fəaliyyət göstərən sahibkarların öhdəliklərinin tənzimlənməsi məqsədilə kredit təşkilatlarına requlyativ tətilin verilməsi” tədbirinin icrası çərçivəsində Azərbaycan Mərkəzi Bankının İdarə Heyətinin 24.04.2020-ci il tarixli, 16 saylı qərarı ilə maliyyə sektoruna əlavə dəstəkləyici tədbirlər paketi təsdiq edilmiş və “Koronavirus (COVID-19) pandemiyası şəraitində kredit təşkilatlarının fəaliyyətinin müvəqqəti tənzimlənməsi Qaydası” qəbul olunmuşdur.

Cari ilin sentyabr ayında Mərkəzi Bankın yayımladığı açıqlamada məlumat verildiyi kimi, Tədbirlər paketi ilə müəyyən edilmiş ilkin müddət keçdikdən sonra, pandemiya şəraitinin davam etməsi nəzərə alınaraq müvafiq qərar və tövsiyələrin böyük əksəriyyətinin tətbiqi müddəti Mərkəzi Bankının İdarə Heyətinin 30.09.2020-ci il tarixli, 45 saylı qərarı ilə 01 yanvar 2021-ci il tarixinədək uzadılmışdır. Bununla, fiziki şəxslərin və pandemiyadan təsirlənmiş sahibkarların dəstəklənməsi, habelə bank sektoru üzrə requlyativ çərçivənin modifikasiyası tədbirləri çərçivəsində 01 yanvar 2021-ci il tarixinədək kreditlərin təsnifləşdirilməsi üzrə requlyativ tələblər yumşaldılmış və dividend ödənişləri məhdudlaşdırılmış, kreditlərin təsnifləşdirilməsi üzrə güzəştlər faizləri subsidiyalaşdırılan sahibkarlıq kreditlərinə və dövlət fondlarının vəsaiti hesabına verilmiş kreditlərin restrukturizasiyasına şamil edilmişdir. Bununla yanaşı, kredit təşkilatlarına 01 yanvar 2021-ci il tarixinədək əlavə cərimə faizi, dəbbə pulu və digər cərimələrin hesablanmaması, həmçinin borcalanlar üzrə neqativ kredit tarixçəsi barədə məlumatların kredit bürosuna xüsusi qeydlə təqdim olunması tövsiyə edilmişdir.

Pandemiyanın yenidən genişlənməsi ilə əlaqədar karantin tədbirlərinin və bəzi iqtisadi fəaliyyət sahələrində məhdudiyyətlərin yenidən tətbiq edilməsi fonunda müşahidə edilən biznes və ev təsərrüfatlarının iqtisadi aktivliyinin və gəlirlərinin aşağı düşmәsi təbii ki, maliyyə sektoruna təsirsiz qalmır.

Qeyd olunanları, habelə, pandemiyadan zərər çəkmiş sahələrdə fəaliyyət göstərən sahibkarlıq subyektlərinin dövlət tərəfindən dəstəklənməsi tədbirlərinin davam etdirilməsi nəzərə alınmaqla, Mərkəzi Bankın requlyativ siyasətinin iqtisadiyyatın dəstəklənməsi üzrə hökumət siyasəti ilə sinxronlaşdırılması məqsədilə, kredit təşkilatlarının tənzimləmə yükünün azaldılması və maliyyə xidmətlərinin istehlakçılarının hüquqlarının qorunması istiqamətində 30 dekabr 2020-ci il tarixinədək qəbul edilmiş qərarların və tövsiyələrin tətbiqi müddətinin 01 aprel 2021-ci il tarixinədək uzadılması məqsədəuyğun hesab edilmişdir.

Belə ki, dövlətin dəstək mexanizmləri ilə əhatə olunan və restrukturizasiya olunmuş kreditlərlə, habelə kapital adekvatlığı əmsalının minimum həddi, əməliyyat və bazar risklərinin kapitalda nəzərə alınması və kontr-tsiklik kapital buferi ilə əlaqədar güzəştlərin tətbiqi müddətinin 01 aprel 2021-ci il tarixinədək uzadılması, eyni zamanda, cərimə faizi, dəbbə pulu və digər cərimələrin hesablanmamasına, borcalanların kredit öhdəlikləri üzrə gecikmələrlə bağlı məlumatların kredit bürosuna xüsusi qeydlə təqdim olunmasına dair kredit təşkilatlarına verilmiş tövsiyələrin həmin tarixədək qüvvədə saxlanılması nəzərdə tutulur.

Pandemiya dövründə nağdsız ödəniş xidmətlərinin stimullaşdırılması və iqtisadi subyektlərin bu xidmətlər üzrə xərclərinin azaldılması məqsədilə Mərkəzi Bankın banklararası ödəniş sistemlərində banklardan tutulan xidmət haqlarının, habelə sahibkarların ödəniş kartları üzrə ekvayer tariflərinin 50% aşağı salınması qərarı 01 aprel 2021-ci il tarixinədək uzadılmışdır.

Həmçinin, qiymətli kağızlar bazarı iştirakçılarına verilmiş requlyativ güzəştlərin müddətləri, eyni zamanda, qiymətli kağızlar bazarında bağlanan əqdlər üzrə tariflərin, habelə Bakı Fond Birjasında listinqə daxil olması tariflərinin tətbiqinin 01 aprel 2021-ci ilədək təxirə salınması qərara alınmışdır.
Bu sahibkarlara yenidən maliyyə dəstəyi göstəriləcəkNazirlər Kabinetinin 23 dekabr 2020-ci il tarixli Sərəncamına uyğun olaraq, ölkədə karantin rejiminin sərtləşdirilməsi ilə əlaqədar sahibkarlıq subyektlərinə yenidən maliyyə dəstəyi göstəriləcək.

Bu barədə İqtisadiyyat Nazirliyi yanında Dövlət Vergi Xidmətindən məlumat verilib.

Sahibkarlara maliyyə dəstəyi iki istiqamət üzrə aparılacaq. Birinci istiqamət - pandemiyadan zərər çəkmiş sahələrdə çalışan muzdlu işçilərin əməkhaqqının müəyyən hissəsinin ödənilməsini nəzərdə tutur. 22 minə yaxın vergi ödəyicisini əhatə edəcək bu tədbir çərçivəsində pandemiyanın zərər çəkmiş sahələrdə çalışan 200 min nəfərdən çox muzdlu işçinin əmək haqlarının müəyyən hissəsi ödəniləcək. Bu məqsədlə sahibkarlara dövlət tərəfindən 52,5 milyon manat həcmində maliyyə dəstəyi göstərilməsi nəzərdə tutulur. Maliyyə dəstəyi əvvəlki proqramlar çərçivəsində vəsait almış və işçi sayında ciddi azalmalara yol verməmiş vergi ödəyicilərinə, dekabrın 1-nə olan işçi sayı əsas götürülməklə, aylıq əməkhaqqı fondunun yarısı həcmində veriləcək. Eyni zamanda, yeni qeydiyyatdan keçmiş müəssisələr də muzdlu işçiləri üçün dövlət dəstəyindən yararlana bilərlər. Belə ödəyicilər üçün müraciət forması əvvəlki kimidir. Müraciət qaydası ilə aşağıdakı link vasitəsilə tanış olmaq olar:

İkinci istiqamət - pandemiyadan zərər çəkmiş sahələrdə fəaliyyət göstərən fərdi (mikro) sahibkarlara maliyyə dəstəyidir. Bu tədbir pandemiyadan zərər çəkmiş sahələrdə sahibkarlıq fəaliyyəti ilə məşğul olan 90 minə yaxın fərdi sahibkara dövlət tərəfindən 30,5 milyon manat həcmində maliyyə dəstəyinin göstərilməsini nəzərdə tutur. Maliyyə dəstəyinin bu mərhələsi çərçivəsində birinci mərhələdə 1000 manatadək birdəfəlik ödəniş almış fərdi (mikro) sahibkarlara təkrarən vəsait ödəniləcək. Bu istiqamət üzrə vergi ödəyicilərinin yenidən müraciət etməsinə ehtiyac yoxdur. Maliyyə dəstəyi üzrə ödənişlər əvvəllər bu dəstəyi almış vergi ödəyiciləri üzrə həyata keçirilir.

Sahibkarlara yenidən maliyyə dəstəyinin göstərilməsi barədə qərar yaranmış vəziyyətdə sahibkarlıq subyektlərinin zərərlərinin azaldılmasına, onların maliyyə vəziyyətinin yaxşılaşdırılmasına, iş yerlərinin qorunub saxlanılmasına xidmət edir.

İqtisadiyyat Nazirliyi tərəfindən pandemiyadan zərər çəkmiş sahələrdə əmək müqaviləsi əsasında çalışan muzdlu işçilərin, eləcə də maliyyə dəstəyi alacaq fərdi sahibkarların siyahısı artıq Maliyyə Nazirliyinə təqdim edilib. Qısa müddət ərzində maliyyə dəstəyinin sahibkarların bank hesablarına köçürülməsi təmin ediləcəkdir.
Milli Məclis gələn ilin dövlət büdcəsini qəbul etdiMilli Məclisin bu gün keçirilən plenar iclasında "2021-ci il dövlət büdcəsi haqqında" qanun layihəsi III oxunuşda müzakirəyə çıxarılıb.

Avrasiya.net xəbər verir ki, gələn il büdcə gəlirləri 25 427 milyon manat nəzərdə tutulur ki, bu da gözlənilən ÜDM-in dəyərinin 33,6 %-i qədər olmaqla, 2020-ci ilin proqnozu ilə müqayisədə 1 303 milyon manat və yaxud 5,4 %, 2019-cu ilin icra göstəriciləri ilə müqayisədə 1 208,9 milyon manat və yaxud 5 % çoxdur.

Büdcə xərcləri isə 28 543 milyon manat (ÜDM-də xüsusi çəkisi 37,7 %) proqnozlaşdırılır ki, bu da 2020-ci ilə nisbətən 1 050,8 milyon manat və yaxud 3,8 %, 2019-cu ilin icra göstəriciləri ilə müqayisədə isə 4 117,1 milyon manat və yaxud 16,9 % çoxdur.

Müzakirələrdən sonra qanun layihəsi səsverməyə çıxarılaraq III oxunuşda qəbul edilib.
Mәrkәzi Bank inflyasiyaya tәsir edәn amillərlə bağlı məlumat YAYDI2021-ci ildә dә Mәrkәzi Bankın pul siyasәti makroiqtisadi dayanıqlığın әsas sütunlarından olan qiymәt sabitliyinә yönәldilәcәk.

Avrasiya.net-in məlumatına görə, bu barədə Azәrbaycan Mәrkәzi Bankının 2021-ci il üçün pul vә maliyyә sabitliyi siyasәtinin әsas istiqamәtlәri barәdә bәyanatında qeyd edilib.

Bildrilib ki, pul siyasәtini hәyata keçirәrkәn Mәrkәzi Bank inflyasiyaya tәsir edәn başlıca xarici vә daxili amillәri diqqәt mәrkәzindә saxlayacaq:

“İnflyasiya hәdәfinә nail olmaq mәqsәdilә monetar siyasәtin effektivliyini artırmaq üçün әlavә tәdbirlәr görülәcәk. Maliyyә sektorunun sabitliyinin tәmin edilmәsi, maliyyә vasitәçiliyinin, pul vә kapital bazarlarının dәrinlәşdirilmәsi istiqamәtindә tәdbirlәr davam etdirilәcәkdir. Pandemiyadan zәrәr çәkmiş iqtisadi subyektlәrә dәstәk mәqsәdilә requlyativ güzәştlәrdәn istifadә diqqәtdә saxlanacaq”.

Bəyanatda həmçinin, 2021-ci il vә ortamüddәtli dövrdә ölkә iqtisadiyyatı qarşısında dayanıqlı iqtisadi artım trayektoriyasına qayıdış, növbәti 10 ildә ümumi daxili mәhsulun ikiqat artımına nail olunması, yeni reallıqlar nәzәrә alınmaqla dayanıqlı makroiqtisadi sabitliyin tәmin edilmәsi, habelә işğaldan azad olunmuş әrazilәrin bәrpası kimi mühüm çağırışlar var.
Dövlət bu ailələrə pul ödəyəcək – İqtisadçıEhtiyac meyarının artırılması imkan verəcək ki, daha çox ailə ünvanlı sosial yardım üçün müraciət edə bilsin. Çünki ehtiyac meyarı ailənin gəlir və xərcləri baxımından önəmlidir. Eyni zamanda bu imkan verəcək ki, ünvanlı sosial yardıma müraciət edən və gəliri dəyişməyən vətəndaşlarımız daha çox yardım ala bilsin. Yeni dəyişikliklə ailələr dövlətdən daha çox yardım ala biləcək.

Bu sözləri Axar.az-a millət vəkili, iqtisadçı-alim Vüqar Bayramov ünvanlı dövlət sosial yardımının təyin edilməsi məqsədilə 2021-ci il üçün ehtiyac meyarının həddi haqda danışarkən deyib.

O bildirib ki, ehtiyac meyarının həddi 170 manat məbləğində müəyyən edilib:

“Ünvanlı sosial yardım məbləğ hesablanan zaman ehtiyac meyarı əsas götürülür. Məsələn, ailədə 4 nəfər varsa, onların ümumi gəlirləri hesablanır. Hesablanan zaman ailə sayı 170 manata vurulur və ailənin ümumi xərci tapılır. Bu zaman ailənin ümumi xərci 720 manat müəyyən edilir. Əgər ailənin gəliri 400 manatdırsa, 720 manatdan 400 manat çıxılır. Qalan 320 manat dövlət tərəfindən ünvanlı dövlət sosial yardım proqramı tərəfindən ödənilir”.
Elman Rüstəmovdan manatla bağlı VACİB AÇIQLAMA: Bütün ölkə ərazisində...Biz gələcəyə, növbəti dövrə ruh yükskliyi məqsəd və planlarla keçirik. Maliyyə-bank sektoru olaraq işğaldan azad edilən ərazilərdə malyyə bank strukturlarının qurulması planları haqqında düşünürük. Ümid edirik ki, manatın bütövlükdə ölkə ərazisində işlənməsi təmin ediləcək. Biz əminik ki, prezidentin rəhbərliyi ilə Azərbaycan bu qələbənin təsiri altında intibah dövrünü yaşayacaq. Azərbycan beynəlxalq nüfuz və mövqeyini daha da gücləndirəcək.

Avrasiya.net xəbər verir ki, bu sözləri Milli Məclisdə çıxışı zamanı Mərkəzi Bankın İdarə Heyətinin sədri Elman Rüstəmov deyib.

E.Rüstəmov qeyd edib ki, növbəti ildə maliyyə sabitliyinin qorunması, maliyyə sektoruna dəstək, sığorta, qiymətli kağızlar bazarının dərinləşməsi, burada olan problemlərin həlli istiqamətində geniş strategiya hazırlanıb.

Milli Bankın rəhbəri bildirib ki, 2021-ci ilin dövlət büdcəsi dünyada iqtisadi aktivliyin qeyri-müəyyən olduğu şəraitdə proqnozlaşdırılır: “Pandemiya ayrı-ayrı ölkələrin iqtisadiyyatını mühüm sınaqlara çəkəcək. Bütün resurslardan səmərəli istifadə edilməsi iqtisadi artımın, rifahın yüksəldilməsi istiqamətində olduqca böyük nəticələr əldə etməyə imkan yaradacaq”.

Elman Rüstəmov ölkənin strateji valyuta ehtiyatlarının il ərzində sabit qaldığını vurğulayıb. Əlavə edib ki, Mərkəzi Bankın valyuta ehtiyatları 3%-dən çox artıb.
“İşğaldan azad olunan ərazilərin yenidən qurulması ən ümdə məsələdir” -  Samir Şərifov“Sona çatan 2020-ci il Azərbaycan tarixində müstəsna il kimi qalacaq. Çünki 2020-ci ildə Azərbaycan Ordusu Ermənistanın hərbi təcavüzünə son qoyub. Bu şanlı zəfərin təmin olunması üçün həyatlarını qurban vermiş şəhidləri böyük ehtiramla anırıq. Onların uğrunda şəhid olduqları vətən torpaqlarının yenidən qurulması bu gün qarşımızda duran ən ümdə məsələdir. Bu məqsədlə gələn ilin dövlət büdcəsindən 2,2 milyard manat vəsait ayrılması nəzərdə tutulub”.

Avrasiya.net xəbər verir ki, bunu parlamentin bu gün keçirilən iclasında Maliyyə naziri Samir Şərifov deyib.

Nazir qeyd edib ki, Prezident İlham Əliyev vətəndaşların rifahının daha da yaxşılaşdırılmasını daim diqqətdə saxlayır. Bu, gələn ilin büdcə layihəsində də öz əksini tapıb.