Terrorçuların "qatar"ı artıq gedibAzərbaycanın əzəli şəhəri Xankəndində "lövbər" salıb, özünü separatçı, qondarma rejimin “təhlükəsizlik şurasının katibi” kimi aparan hərbi cani Vitali Balasanyanın bəyanatları indiyə qədər siyasi səhnəyə gəlmiş-getmiş Robert Köçəryan, Serj Sarkisyan, Vazgen Manukyan, Seyran Ohanyan, Samvel Babayan kimi quldurların açıqlamalarından heç nəylə fərqlənmir. Eyni ritorika, eyni sərsəmləmələr. Bu da o birilər kimi sadəcə zəvzəkləməklə, öz varlığını göstərməklə məşğuldur.

Vaxtilə əli Xocalı sakinlərinin qanına batmış terrorçu V.Balasanyanın indi "heç vaxt Azərbaycanın tərkibinə daxil olmayacayıq", "özümüzün xüsusi ordumuzu yaradırıq" kimi sərsəm və avantürist fikirlər səsləndirməsi "don kixot"luqdan və xəyalpərəstlikdən başqa bir şey deyil. Mən onun bu cür sayıqlamalarını oxuyanda acı-acı gülümsədim. Adam sanki ayrı planetdə yaşayır, reallıq hissini itirib və regionda gedən proseslərdən əsla xəbəri yoxdur. Bu hərif heç olmasa, bundan əvvəl Araik Arutyunyanın İkinci Qarabağ müharibəsi ərəfəsində və eləcə də müharibə günlərində verdiyi pafoslu bəyanatları, lovğa ədalarını bir anlığa gözünün qabağına gətirsin. Arutyunyan da bir vaxtlar rəsmi Bakıya meydan oxuyurdu. Araikin və Paşinyanın lovğalıqlarının sonunun nəylə qurtardığını Balasanyan nə tez unutdu?

Biz bu cür xəstə təfəkkürlü, revanşist ermənilərin bəyanatlarını, müsahibələrini qətiyyən ciddiyə almamalıyıq. Araik Arutyunların, Vitali Balasanyanların və digər qatı millətçi-faşist ünsürlərin, terrorçuların "qatar"ı artıq gedib. Onlar hazırda Xankəndidə sadəcə fiziki olaraq mövcuddurlar. Arutyunyanın özünü "dqr"in "prezident"i kimi, Balasanyanın isə özünü “təhlükəsizlik şurasının katibi” kimi aparması siyasi şoudur. Amma əslində isə onların məsələsinin həll olunmağına elə də çox qalmayıb.

Reallıq hissini itirən V.Balasanyan başa düşməlidir ki, Dağlıq Qarabağın və orda yaşayan mülki ermənilərin təhlükəsizliyini təmin etmək onun başı üçün deyil. Ordakı ermənilərin taleyini nə Balasanyan, nədə ki Ermənistan dövləti həll etmir. Bu artıq Azərbaycan və Rusiyanın kompetensiyasına aid olan məsələdir. Balasanyan kimdir axı bəyanat verir? Arutyunyanla mübarizə aparıb mövcud olmayan qondarma "dqr"in rəhbəri olmaq eşqinə düşən V.Balasanyanın nə dövlət qurmaq, nədəki ordu yaratmaq imkanları yoxdur.

Onun Rusiyaya arxalanması da tamamilə absurddur. Rəsmi Moskva heç bir perspektivi olmayan avantürist erməni generalına - Balasanyana görə 10 noyabrda imzalanmış üçtərəfli Bəyanatı təhlükə altına atası deyil. Odur ki, Balasanyan kimi hərbi canilər "ordu" yaratmaq xülyasına düşməkdənsə, hərbi tribunal qarşısına çıxarılmağa, ömürlük məhbəs həyatı sürməyə hazırlaşsalar yaxşı olar. Onsuz da haqq, ədalət gec ya tez öz yerini tutacaq.

Əlisahib Hüseynov
Milli Həmrəylik Partiyasının sədri
İranlı diplomatın atası vəfat edibİranın ölkəmizdəki səfirliyinin mətbuat müşaviri Seyid Əli Musavinin atası Seyid Mahmud Musəvi vəfat edib.

Bu barədə diplomatın özü bildirib. Məlumat üçün bildirək ki, bir müddət əvvəl diplomatın atasının səhhətində problem yaranmışdı və o, müalicə olunurdu. Uca Allahdan mərhumun ailəsinə başsağlığı verir, doğmalarına səbr arzulayırıq.

Allah rəhmət eləsin!
Ata Abdullayev intihar edib? - DTX-dan cavabBloger Ata Abdullayevin intihar etməsi ilə bağlı xəbərlər yayılıb.

Avrasiya.net xəbər verir ki, yayılan şayiələrə aydınlıq gətirmək üçün Musavat.com Dövlət Təhlükəsizlik Xidmətinə sorğu göndərib.

DTX-dan bildirilib ki, yayılan məlumatlar həqiqəti əks etdirmir.

Xatırladaq ki, A.Abdullayev barəsində 4 aylıq həbs qətimkan tədbiri seçilib.

Ata Abdullayev Dövlət Təhlükəsizliyi Xidmətinin əməkdaşları tərəfindən saxlanılıb. Onun hədə-qorxu ilə pul tələb etməkdə təqsirləndirildiyi bildirilir.
11 ölkə bu vaksinin istifadəsini dayandırdıAlmaniya, İtaliya və Fransa koronavirusa qarşı “AstraZeneca” vaksinin istifadəsi müvəqqəti olaraq dayandırılıb. Bu, sözügedən vaksinin qanda laxtalanma riski yaratması ilə əlaqədardır. Almaniya Səhiyyə nazirliyinin məlumatına görə, ölkədə peyvənd məsələsində səlahiyyətli olan Paul-Erlik İnstitutunun bu istiqamətdəki tövsiyəsi ilə bu qərar alınıb: “Vaksin qanda laxtalanma riski yaratması səbəbindən müvəqqəti olaraq tətbiq edilməyəcək. Avropa Dərman Agentliyi (EMA) yeni araşdırmaların vaksinin tanınmasına təsir edib-etməyəcəyinə qərar verəcək”.

İtaliya da bu vaksinin istifadəsini müvəqqəti olaraq dayandırıb. Bundan başqa, Fransa Prezidenti Emmanuel Makron peyvəndin istifadəsinin sabah günortaya qədər dayandırıldığını açıqlayıb.

Qeyd edək ki, bu vaksinin istifadəsini təxirə salan ölkələrin sayı 11-ə çatıb. Bunlar Niderland, İrlandiya, Norveç, Danimarka, İslandiya, Rumıniya, İndoneziya, Bolqarıstan, İtaliya, Fransa və Almaniyadır.
Sumqayıtda quyuda meyiti tapılan makler qətlə yetirilib2020-ci il dekabrın 18-i Sumqayıt şəhər sakini 1979-cu il təvəllüdlü Əmirov Xanəli Əlişan oğlunun itkin düşməsi ilə bağlı Sumqayıt şəhər Polis idarəsinə daxil olmuş məlumat əsasında aparılan araşdırma zamanı prokurorluq və polis əməkdaşlarının peşəkarlıqla həyata keçirdikləri istintaq-əməliyyat tədbirləri nəticəsində qeyri-aşkar şəraitdə törədilmiş ağır cinayətin “isti izlər”lə açılması təmin edilərək itkin düşmüş Xanəli Əmirovun qəsdən öldürülməsi müəyyən edilib.

Baş Prokurorluğun Mətbuat xidmətindən Avrasiya.net-ə verilən məlumata görə, araşdırmalarla zərərçəkmişin tanışı 1997-ci il təvəllüdlü Rəhimov Yusif Hafiz oğlunun 18 dekabr 2020-ci il tarixdə Xanəli Əmirovun Sumqayıt şəhəri, H.Z.Tağıyev ünvanında yaşadığı evə gələrək şəxsi münasibətlər zəminində aralarında yaranmış mübahisə zamanı çoxsaylı bıçaq xəsarətləri yetirərək sonuncunu qəsdən öldürməsi və meyitini qəsəbədə yerləşən məktəbin zirzəmisinə ataraq yandırmasına əsaslı şübhələr müəyyən edilib.

Bundan başqa, Yusif Rəhimovun dayısı Rəşidov Tehran Ədalət oğlunun cinayəti törətməkdə istifadə edilən cinayət alətini təmin etməklə, məsləhət və göstəriş verməklə, habelə cinayətin izlərini gizlətməklə Yusif Rəhimova köməklik etməsinə şübhələr üçün əsaslar müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Yusif Rəhimov və Tehran Rəşidov şübhəli şəxs qismində tutularaq istintaqa cəlb edilib.

Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, müvafiq ekspertizalar təyin edilmiş, maddi sübutlar götürülmüş, şahidlər dindirilmiş və digər zəruri prosessual hərəkətlər yerinə yetirilib.

Hazırda iş üzrə intensiv istintaq tədbirləri davam etdirilir.
Tanınmış ilahiyyatçı BIÇAQLANDIİlahiyyatçı Hacı Zahir Mirzəvi bıçaqlanıb.

Avrasiya.net APA-ya istinadən xəbər verir ki, 1985-ci il təvəllüdlü Hacı Zahir Mirzəvi kimi tanınan Mirzəli Hacızahir Gülbala oğlu dostları ilə birgə Nərimanov rayonu ərazisində olarkən tanımadığı şəxs tərəfindən bıçaqla vurulub.

Ağır xəsarət alan yaralı xəstəxanaya çatdırılıb.

Faktla bağlı Nərimanov rayonu 16-cı polis bölməsində araşdırma aparılır.
Suriyada Rusiyanın 112 əsgəri öldürüldüSuriyadakı silahlı qarşıdurma zamanı 112 rus hərbçisi qətlə yetirilib.

Axar.az xəbər verir ki, bunu Dövlət Duması Müdafiə Komitəsi rəhbərinin birinci müavini Andrey Krasov deyib.

Məlumata görə, Krasov sözügedən statistikanı Dövlət Dumasının Sağlamlığın Qorunması Komitəsinin dəyirmi masası zamanı açıqlayıb.
ATU-dan tələbələrin kütləvi yoluxması ilə bağlı açıqlamaAzərbaycan Tibb Universiteti ali məktəbdə koronavirusa kütləvi yoluxma halının qeydə alınması ilə bağlı yayılan məlumatlara münasibət bildirib.

ATU-dan verilən məlumta görə, tələbələr arasında kütləvi yoluxma yoxdur.

"İndiyədək ATU-nun yalnız bir fakültəsində - I Müalicə profilaktika fakültəsinin 6 qrupunda təhsil alan bir neçə nəfərdə COVİD-19-a yoluxma aşkarlanıb. Həmin qruplar distant təhsilə keçirilib. Digər fakültələrimizin heç birində yoluxma halları qeydə alınmayıb.

ATU-nun bütün tədris binaları mütəmadi olaraq dezinfeksiya olunur. Klinik baza üzrə əyani dərslərə gələn hər bir tələbənin temperaturu ölçülür", - universitetdən bildirilib.

Uşaqların oyun hüququPandemiyanın çətinlikləri fonunda, Birləşmiş Ərəb Əmirlikləri cəmiyyətin bütün üzvlərini, o cümlədən uşaqları dəstəkləməyə davam edir. BƏƏ inanır ki, xoşbəxt uşaqlar xoşbəxt ölkə deməkdir.

BƏƏ-nin Azərbaycandakı səfirliyindən Avrasiya.net-ə verilən məlumata görə, beləliklə, 2021-ci ilin BƏƏ Uşaqlar Gününün mövzusu oyun hüququdur.

Ümum Qadınlar Birliyinin sədri, Analıq və Uşaqlıq üzrə Ali Şuranın sədri, Ailə İnkişafı Fondunun Ali sədri Şeyxa Fatimə bint Mübarəkin göstərişləri altında illik qeyd edilən bu Günün məqsədi uşaqlar üçün oyunun vacibliyi barədə cəmiyyət üzvlərini maarifləndirməkdir.
Bu mövzunun əsas mesajı aşağıdakılardan ibarətdir:
Oyun, uşaqların qidalanma, qorunma və təhsil kimi əsas ehtiyacları kimi eyni dərəcədə vacibdir. Oyun anadan olandan etibarən uşaq beyninin inkişafının əsas hissəsidir

Oyun uşaqlar üçün lazımi həyat bacarıqlarını inkişaf etdirməyin və gücləndirməyin açarıdır

Oyun fiziki və zehni sağlamlığı təşviq edən əsas vasitədir və zorakılıq, istismar və laqeydlik qurbanı olan uşaqların inteqrasiyası üçün təsirli bir müalicədir.
BƏƏ uşaqlara qayğı göstərmək və onların əsas hüquqlarını qorumaq mərhələsindən gələcək nəsillərin gücləndirilməsi və gələcəyini formalaşdırma mərhələsinə qədər irəliləyib. Bu baxımdan, aşağıdakı link, bu gün üçün xüsusi olaraq Əmirlik fəaliyyətlərini öyrənmək üçün faydalıdır.

https://ecd.gov.ae/

Vurğulanmalıdır ki, BƏƏ-Azərbaycan ikitərəfli münasibətləri ildən-ilə müxtəlif sahələrdə, o cümlədən sosial məsələlərdə inkişaf edir. Beləliklə, BƏƏ-nin Bakıdakı səfirliyi öz növbəsində mütəmadi olaraq uşaqlara həsr olunmuş təşəbbüslər həyata keçirir. Ötən illər ərzində Səfirlik cəmiyyətin kiçik üzvlərinə məktəb ləvazımatları hədiyyə edib, onları ziyarət edərək, ünsiyyətdə olub. Beləliklə, Azərbaycandan olan tərəfdaşlarımızla birlikdə möhtərəm liderlərimizin yaratdığı dostluq körpüsünü möhkəmləndirməyə davam edirik.