Ölkədə ciddi fəsadlar törədən fəlakətlər olacaq – Ekstrasens
Yaxın günlərdə Azərbaycanda ciddi fəsadlar törədəcək güclü külək və yağışın, həmçinin zəlzələnin olacağını proqnozlaşdırıram.
Bunu tanınmış ekstrasens Nadim Alixanov deyib. O bildirib ki, həm bu il, həm də gələn il təbii fəlakətlər ilidir:
“İyuna qədər vətəndaşları ehtiyatlı olmağa çağırıram. İnsanlar tikinti aparılan yerlərdən keçərkən diqqətli olmalı, eyni zamanda tikinti işləri aparan şəxslər təhlükəsizlik qaydalarına əməl etməlidir. Həmçinin dənizdə işləyənlər gündəlik hava proqnozlarını izləsinlər. Proqnozlardakından da güclü fəsadlar ola bilər.
Yaxın müddətdə ciddi fəsadlar törədəcək həm güclü külək, həm yağış, həm də zəlzələ kimi hadisələr olacağını hiss edirəm. Bununla bağlı tarix demək çətindir. Həm dünyada, həm də Azərbaycanda bunun baş verə biləcəyini görəcəyik”.
