İranda teraktı kim törədib? İŞİD-in yalanı üzə çıxdıŞirazda Şah-Çiraq ziyarətgahına hücumun mahiyyətinə şübhələr yaranmağa başlayıb. Onun İŞİD tərəfində olmaması ehtimalı güclənib.

Axar.az xəbər verir ki, buna səbəb İŞİD-in məsuliyyəti üzərinə götürməsi ilə bağlı paylaşımındakı “tarixdir”.
Belə ki, hücumdan bir neçə saat sonra İŞİD-ə məxsus olduğu iddia olunan Teleqram kanallarının birində qurum teraktın məsuliyyətini öz üzərinə götürdüyünü elan edib. Sosial şəbəkə istifadəçiləri isə İŞİD-in Teleqram kanalında yerləşdirdiyi mesajı araşdıraraq, belə ehtimal verirlər ki, hadisənin İŞİD-ə aidiyyəti yoxdur.

Parisdə yaşayan tədqiqatçı və jurnalist Məhəmmədcavad Əkbərin araşdırmasına görə, İŞİD qurum olaraq fəaliyyət göstərmir. Terror hadisələri İŞİD-ə biət edən fiziki şəxslər tərəfindən həyata keçirilir. Dərc olunan mesajda “əmniyyət mənsublarının” verdiyi məlumatdan bəhs edilir. Burda hansı “əmniyyət mənsubları”ndan söhbət gedir, məlum deyil.

Jurnalist Səid Şəriəti də İŞİD-in mesajını araşdırdıqdan sonra ciddi nöqsan aşkar edib. Onun sözlərinə görə, hadisə günü İranda rəbiül-əvvəl ayının 29-u hesab olunurdu. Ərəb dövlətlərində isi rəbiül-sani ayının 1-i idi.

Qeyd olunan mesajda isə tarix rəbiül-əvvəl ayının 30-u yazılıb. Halbuki həmin ay 29 gündən ibarətdir və ayın 30-u ümumiyyətlə təqvimdə yoxdur.

Digər tərəfdən İŞİD keçmişdə də belə hücumları yalandan öz üzərinə götürüb. Məsələn, 5 il əvvəl Filippində bir kazinoya hücumü öz üzərinə götürmüşdü, lakin Filippin polisinin araşdırmasından sonra bəlli oldu ki, hadisə ümumiyyətlə terror aktı deyil, silahlı soyğun məqsədi ilə törədilmiş cinayət hadisəsidir.

Son illərdə İŞİD tərəfindən məsuliyyəti üzərinə götürülən terror hadisələri əsasən təbliğat xarakteri daşıyır və təşkilatın İraq və Suriyada məğlubiyyətlərindən sonra aktivliyini nümayiş etdirməyə yönəlib.

Digər tərəfdən bu terror hadisəsinin baş verməsi diqqətləri İran etirazlarından daha çox ona yönəltdiyinə görə hakimiyyət qüvvələrinə etrazçılara daha da sərt davranma imkanı verir.

İran İslam Respublikası tarixində oxşar hadisələr olub. Təsadüfi deyil ki, hadisələrdən dərhal sonra İranda hakimiyyətə yaxın media qurumları ölkədə baş verən etirazlarla terror hadisəsi arasında əlaqələr axtarmağa başladılar.

#
Qurban Qurbanov məğlubiyyəti belə şərh etdiRəqib ikinci hissədə çox yaxşı dəyişikliklər etdi. Baş məşqçi meydana bacarıqlı oyunçular buraxdı. Futbolçularım 90 dəqiqə mükəmməl mübarizə apardılər. Rəqibdən çəkinmədik.

Avrasiya.net xəbər verir ki, bunu "Qarabağ"ın baş məşqçisi Qurban Qurbanov Fransada "Nant"a 1:2 hesabı ilə uduzduqları UEFA Avropa Liqasının qrup mərhələsinin V tur oyunundan sonra "CBC Sport"a açıqlamasında deyib.

50 yaşlı mütəxəssis bildirib ki, futbolda belə hallar olur:

"Futbolun gözəlliyi də bundadır. Futbolçularım üzgündür. Hər birinə yaxınlaşdım, hamısını göstərdikləri oyuna görə təbrik etdim. Heç-heçəni əldən verdiyimiz üçün məyusuq. Amma irəliyə baxmalı, böyüməliyik. Bu komanda mənə ümid verir. Qarşıdakı illərdə daha yaxşı olacağıq".

O, Bakıya inamla qayıtdıqlarını söyləyib: "Hər şeyi gözəl anlayırıq. Bu gün yenə 2-ci yerdəyik. Son turda diqqətimizi Yunanıstandakı matça yönəltməyəcəyik, "Frayburq"la oyunumuza köklənəcəyik. Düzdür, mobil komandaya qarşı oynayacağıq. Bu görüşün bizim üçün böyük faydası olacaq. Məğlubiyyət barədə düşünmürük. Amma uduzsaq belə, yaxşı təcrübə olacaq".

Qurbanov rəqibin sağ cinahdan təşkil etdiyi hücumların qarşısını kəsməkdə çətinlik çəkən Marko Veşoviçin çıxışına da toxunub:

"Çox yaxşı oynadı. Rəqibin sol cinahında bacarıqlı futbolçular var. Ona görə Veşoviçdə yorğunluq hiss olunurdu. Qarşısındakı rəqib çox fəal idi. Hücumu gücləndirmək üçün Ramil Şeydayevi meydana buraxdım. Yaxşı mübarizə apardığımızı düşünürəm".

Təcrübəli mütəxəssis qapıçı Şahruddin Məhəmmədəliyevin buraxılan ilk qoldakı səhvinə də münasibət bildirib:

"Texniki, dünya futbolunda olan normal səhvdir. Biz bu cür böyüməliyik. Futbol pas oyunudur və bu, qapıçıdan başlayır".
Xersonda öldürülən çeçen döyüşçülərin sayı açıqlandıUkraynanın Xerson vilayətində silahlı qarşıdurmalar zamanı 23 çeçen döyüşçü ölüb, 58-i isə yaralanıb.

Axar.az xəbər verir ki, bu barədə Çeçenistan rəhbəri Ramzan Kadırov Teleqram kanalında yazıb.

“Çoxları bilir ki, bu həftənin əvvəlində çeçen bölmələrindən biri də atəşə məruz qalıb. Bu, Xerson vilayətində baş verdi. Bütün xilasetmə tədbirləri ərazidə yekunlaşıb, ölən və yaralılarla bağlı yekun siyahı var. 23 döyüşçü ölüb, 58-i yaralanıb. Onlardan 4-nün vəziyyəti ağırdır”, - deyə Kadırov bildirib.
Quba rayonunda Vətən müharibəsinə həsr olunmuş bilik yarışı keçirilibQuba rayonunda “Qəhrəmanlar can verər yurdu yaşatmaq üçün” adlı layihə çərçivəsində yeniyetmə və gənclərin iştirakı ilə Vətən müharibəsinə həsr olunmuş Nə? Harada? Nə zaman? intellektual oyunu üzrə turnir keçirilib.

Quba Dövlət Sosial İqtisadi Kollecinin akt zalında keçirilən tədbirin rəsmi açılış mərasimində çıxış edən “Yurd” Gənclərin İntellektual İnkişafına Dəstək İctimai Birliyinin sədri Ramin Mahmudov bildirib ki, layihənin həyata keçirilməsində əsas məqsəd zəfərimizlə başa çatan Vətən müharibəsinin gənc nəsil arasında təbliğ edilməsinə dəstək verməkdir.

Tədbirdə qonaq qismində iştirak edən Quba rayon İcra Hakimiyyətinin baş məsləhətçisi Əhməd Nurullayev, Quba Rayon Gənclər və İdman İdarəsinin rəis müavini Mənsur Ağayev öz çıxışlarında bu kimi tədbirlərin gənclərdə vətənpərvərlik hisslərinin artırılmasında müsbət əhəmiyyətə malik olduğunu qeyd etmiş və layihənin həyata keçirilməsinə görə təşkilatçılara təşəkkürlərini bildirmişlər.

Rəsmi hissədən sonra keçirilən bilik yarışında Quba Dövlət Sosial İqtisadi Kollecində, Azərbaycan Dövlət Pedaqoji Universitetinin Quba filialında, eləcə də Quba rayounun müxtəlif ümumtəhsil mətəblərində təhsil alan şagird və tələbələrdən ibarət 5 komanda tərkibində birləşən 30 nəfər yeniyetmə və gənc mübarizə aparıb. Yekunda “Carpe Diem” komandası qalib adını qazanıb. “Vendetta” və “Bilik” komandaları müvafiq olaraq ikinci və üçüncü yerləri bölüşdürüblər.

Yekunda qalib və mükafatçılara təşkilatçılar tərəfindən kubok, medal və diplomlar, bütün iştirakçılara isə layihə çərçivəsində hazırlanmış Xızı, Siyəzən, Şabran, Xaçmaz, Qusar və Qubadan olan ümumilikdə 186 nəfər Vətən müharibəsi şəhidi haqqında məlumatların yer aldığı “Zəfərin şəhid qəhrəmanları” adlı kitablar təqdim edilmişdir.

Qeyd edək ki, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Yurd” Gənclərin İntellektual İnkişafına Dəstək İctimai Birliyi tərəfindən icra olunur.

Layihə çərçivəsində Xızı, Siyəzən, Şabran, Xaçmaz və Qusar rayonlarında Vətən müharibəsinə həsr olunmuş tədbirlər təşkil edilmiş, ümumilikdə 300 nəfər yeniyetmə və gənc bu istiqamətdə maarifləndirilmidir.



İnsan alveri və ona qarşı mübarizə tədbirləri çərçivəsində maarifləndirmə tədbirləri davam edir - FOTOQuba Regional QHT-lərin Resurs və Təlim Mərkəzi İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “COVID-19 postpademiyası dövründə insan alveri və ona qarşı mübarizə tədbirləri çərçivəsində genişləndirilmiş maarifləndirmə tədbirlərinin təşkili” layihəsini davam etdirir.

Avrasiya.net xəbər verir ki, layihə çərçivəsində Quba və Xaçmaz rayonlarında polis əməkdaşları üçün maarifləndirmə tədbirləri təşkil edilib.


Maarifləndimə tədbirlərinin açılışında çıxış edən Daxili İşlər Nazirliyi İnsan Alverinə Qarşı Mübarizə Baş İdarəsinin əməkdaşı Polkovnik-leytinanat İbrahim Əhmədov və Quba Regional QHT-lərin Resurs və Təlim Mərkəzi İctimai Birliyinin sədri Eynulla Xeyrullayev layihənin məqsədindən, respublikamızda insan alverinə qarşı mübarizə sahəsində həyata keçirilən dövlət siyasətinin mahiyyətindən, insan alverinin insan hüquq və azadlıqlarına yaratdığı təhlükədən, insan alverinə qarşı mübarizədə müvafiq qurumların qarşılıqlı fəaliyyətindən, insan alverinə qarşı mübarizənin hüquqi və təşkilati əsaslarından, insan alverinin bütün formalarının qarşısının alınması və bu cinayətin qurbanlarının reabilitasiyası istiqamətində görülən işlərdən söz açıblar.

Daha sonra Xaçmaz rayonu Polis Şöbəsinin Xidmət üzrə rəis müavini polkovnik-leytenant Rafael Cəfərov, Quba Rayon Polis Şöbəsinin xidmət üzrə rəis müavini polkovnik-leytenantı Vüsal Rüstəmov və digərləri ilə çıxışlarında bu sahədə məlumatlandırma və maarifləndirmə tədbirlərinin genişləndirilməsinin zəruriliyini xüsusi vurğulayıblar.
Tədbirlərdə 50 nəfərə yaxın polis əməkdaşı iştirak etmişdir.

















ŞƏRHLƏR
QHT şagirdləri maarifləndiribBakı şəhər Nizami rayon Keşlə qəsəbəsində 227 saylı tam orta məktəbdə “Sağlam Həyat” aylığı çərçivəsində sağlam həyat tərzinin təbliği, eləcə də narkomaniya və tütündən istifadəyə qarşı mübarizə ilə bağlı marifləndirmə tədbiri keçirilib.

Tədbir Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Üçüncü Sektor” İctimai Birliyi tərəfindən keçirilib.

Tədbirdə Diaspor İnformasiya Mərkəzin rəhbəri Toğrul Allahverdili, DİN-in Bakı şəhər Baş Polis İdarəsinin polis polkovnik-leytenantı Kəmalə Ələkbərova, Nizami rayon Polis İdarəsinin Yetkinlik Yaşına Çatmayanlarla İşin təşkili şöbəsinin əməkdaşı, polis kapitanı Günel Mirzəyeva, eyni zamanda Nizami Rayon İcra Hakimiyyətinin İctimai-siyasi və humanitar məsələlər şöbəsinin müdür müavini Bəhman Hüseynov, İH-nin Yeniyetməlik Yaşına Çatmayanların işləri və Hüquqlarının müdafiəsi komissiyasının aparıcı-məsləhətçi psixoloqu Könül İsmayılova,məktəbin direktoru Sevinc Hüseynova iştirak edib.

Tədbirdə 44 günlük Vətən müharibəmizdə şəhid olan Vətən oğullarımızın xatirəsi bir dəqiqəlik yad edilib. Bundan narkomaniya və tütündən istifadəyə qarşı mübarizə ilə bağlı məktəblilərin hazırladıqları maraqlı səhnəcik nümaiş olunub.

Tədbiri giriş sözü ilə açan “Üçüncü Sektor” İB-nin layihə rəhbəri Nahid Canbaxışlı çıxış edərk layihə haqqında məlumat verib. DİN Bakı şəhər BPİ-nin əməkdaşı Könül Ələkbərova, DİM-nin rəhbəri Toğrul Allahverdili, Nizami rayon İH-nin nümayəndəsi Bəhmən Hüsseynov çıxış edərək narkomaniya və tütündən istifadəyə qarşı mübarizə ilə bağlı görülən marifləndirmə tədbirləri haqqında, narkomaniyanın gətirdiyi fəsadlar haqqında fikirlərini bölüşüblər.

Qeyd edək ki, “Sağlam Həyat” aylığı çərçivəsində marifləndirmə tədbiri ilkin olaraq Bakı şəhər Səbail rayon 7 və 239 saylı, eləcə də Yasamal rayon 20 saylı tam orta məktəblərində keçirilib.

Kəramət Baş Prokurorluğa çağrılıbBaş Prokurorluq Kəramət Böyükçölün İstintaq idarəsinə çağırılması məlumatı ilə bağklı açıqlama yayıb.

Baş Prokurorluğun mətbuat xidmətindən Avrasiya.net-ə daxil olan məlumatda deyilir:

"Bəzi sosial şəbəkələrdə Kəramət Böyükçölün Baş Prokurorluğun Istintaq idarəsinə çağırılması ilə bağlı məlumat yayılıb.

Bildiririk ki, həmin şəxs konkret cinayət işi üzrə şahid qismində dindirilməsi üçün Baş Prokurorluğun İstintaq idarəsinə dəvət olunub.

İstintaq aparıldığı dövrdə qeyd olunan bu tipli informasiyalar ətrafında sosial şəbəkələrdə müzakirələrin aparılması süni ajiotajın yaradılmasına xidmət etməklə yolverilməzdir".
Divali bayramında qəlblər Nizaməddin ziyarətgahında nur tapır(Dr Şücaat Əli Quadri)

Dini bayramlar sosial mənşəyindən və inancından asılı olmayaraq insanları yaxınlaşdırır. Bayram vaxtı insanlar savaşmaq əvəzinə qəlblərində bir-birini bağışlayaraq, birlikdə sevinir və bayram edirlər. Dehlidəki Həzrət Nizaməddin Övliya ziyarətgahı da Divali bayramı ərəfəsində və bayram günü belə bir əhval-ruhiyyənin hökm sürdüyü mərkəzə çevrilir.

Bazar ertəsi günü bütün Hindistanın şənliklər keçirdiyi bir vaxtda Həzrət Nizaməddin ziyarətgahı işıqlarla və diya adlanan gil çıraqlarla bəzədilmişdi. Uzaq yerlərdən gələn insanlar ziyarətgahın hər küncündə bu çıraqları yandırıb, ölkədə əmin-amanlıq üçün dualar edirdilər.

Ziyarətgahın rəhbəri Nazim Nizaminin dediyinə görə, hindular hər il “Eid əl Çarağan” kimi tanınan işıq bayramını qeyd etmək üçün ziyarətgaha gələrək burada Divali çıraqlarını yandırır və şirniyyatlar paylayırlar. “Onlar, həmçinin Həzrət Nizaməddinin xeyir-duasını almaq üçün diyaları və ya şamları evlərinə aparırlar”, - o deyib.

Divali ziyarətgahının tarixi və ruhu

Nazim Nizami deyir ki, Divalinin bu ziyarətgahda keçirilməsinin tarixi elə ziyarətgahın özü qədər qədimdir.

“Lakin ziyarətgah bu bayramı özü təşkil etmir. Hindu qardaşlar öz istəkləri ilə bura gəlir, diyaları yandırır və şirniyyat paylayırlar. Yerli sakinlər onlara kömək edir və onların bayramlarına qoşulurlar, çünki bu, ürəkdən gələn bir jestdir, sevgi və qardaşlıq hisslərini yaymaq məqsədi daşıyır. Onlar bu münasibətlə Həzrət Nizaməddindən xeyir-dua diləyir və ziyarətgahın ətrafını işıqlarla bəzələyirlər. Divali bayramında bütün ətraf roşniyə (işığa) bürünür. Bu isə gözəl mənzərə yaradır”, - deyə Nizami bildirib.

Nizami əlavə edir ki, bir çox hindular evlərinə bir və ya iki diya aparırlar, çünki onlar bununla Övliyanın onların bayramlarına xeyir-dua verəcəyinə inanırlar.

Bəziləri inanır ki, ziyarətgahda çıraqların (diyaların) yandırılması orta əsrlərdə müxtəlif padşahlar və yerli qəbilə başçılar arasında gedən müharibələr zamanı sülhə çağırış kimi başlayıb.

Tarixçi Xoca Əhməd Nizami Həzrət Nizaməddin haqqında yazdığı dastanında Divali (Caşn-e-Çarağan və ya Roşni-e-Zeest) bayramını qeyd etmişdir.

Məhbub-i İlahi adı ilə tanınan Xoca Nizaməddin Əvliyənin şagirdi sufi şairi Əmir Xüsrav sevimli Əvliyəsi ilə birlikdə Rəng bayramına aid farsca, eləcə də brac dilində çoxsaylı şeirlər yazıb.

O, pəhləvi dilində yazdığı üç misradan ibarət şerində həm Rəng bayramı, həm də Roşni-e-Zeest, yəni Divali bayramının onun qəlbinə yaxın olduğunu qeyd edir:

Bir bayram həyatın rənglərini

Digəri isə həyatın işığını göstərir

Bu iki bayram buna görə çox əzizdir mənim üçün

Lakşmi Puca bayramında ziyarətgahın cığırları boyunca və müsəlmanların çadırlarının ətrafında çıraqlar yandırılır. Mavzoley təkcə Lakşmi Puca bayramında deyil, həm də Bhai Duc və digər dini günlərdə parlaq rəngli paltarlar geyinmiş insanlarla dolu olur.

Ziyarətgahda, həmçinin çıraqların işıqları altında Dua-e-Roşni, yəni işıq duaları oxunur.

Qeyri-müsəlman dindarların münasibəti

Divalidən bir gün əvvəl çıraqları ilə ziyarətgaha gəlmiş bir neçə qeyri-müsəlman dindar “Times of India” qəzetinə müsahiblərində Nizaməddinə olan sevgilərinin onlar üçün şəxsi olduğundan adlarının çəkilməsini istəməyiblər. Lakin onlar bildiriblər ki, onların ziyarətgaha gəlməsi dinlə bağlı deyil.

“Əsas məqsəd başqa heç bir yerdə tapılmayan sülhü burada tapmaqdır. Bunu yalnız yaşamaq lazımdır – bu təsvir edilə bilinməyən bir hissdir”, - onlardan biri deyib.

Başqa bir hindu ziyarətçi isə gildən hazırlanmış çırağı yandıraraq əlavə edir: “Nizaməddin ziyarətgahında işıq hamı üçün parlayır.”

Sufi övliyasının dəfn olunduğu yer həmişə müxtəlif dinlərdən olan insanları özünə cəlb edib. Nizami deyir: “Müxtəlif dinlərdən olan insanlar Divali bayramı ilə yanaşı digər günlərdə də Məhbub-e İlahi (Allahın sevimlisi) Xoca Nizaməddin Övliyaya öz məhəbbətlərini ifadə etmək üçün bayram əhval-ruhiyyəsi ilə buraya gəlirlər. Hətta Basant (Çərpələng) festivalında da burada müxtəlif dinlərdən insanları cəlb edən proqramlar təşkil olunur”.

“Sufilər Hindistana gələndən bəri biz hamıya yalnız qida, xoş niyyət, birgə yaşamağı və birgə şənliklər təşkil etməyi təklif etmişik. Biz bunu davam etdirəcəyik”, - o deyir.

(Müəllif Hindistanın Müsəlman Tələbələr Təşkilatının sədri və icma rəhbəridir)
Xamenei qisas alacaqlarını BƏYAN ETDİİran İslam Respublikasının ali dini rəhbəri Ayətullah Seyid Əli Xamenei Şiraz şəhərindəki Şahçıraq ziyarətgahında törədilmiş terror aktını pisləyərək ölkə əhalisini düşmənlərə qarşı birliyə çağırıb.

“Mehr” agentliyi xəbər verir ki, ali dini liderin sözlərinə görə, İranın cənub-qərbindəki Fars əyalətinin Şiraz şəhərində törədilən ölümcül terror aktı İranı sarsıtmayacaq.

Ayətullah Xamenei “bu cinayətin arxasında duran günahkarlar mütləq cəzalarını alacaqlar”, - deyə vurğulayıb.

Xatırladaq ki, ötən gün İranın Şiraz şəhərində yerləşən Şahçerağ ziyarətgahında terror aktı törədilib. 3 silahlı şəxsin Şahçerağ ziyarətgahına hücumu nəticəsində 45 nəfərin öldüyü bildirilib.

modern.az