Sizin Reklam Burada

AQC Türkiyə qiymətləndiriciləri ilə Memorandum imzalayacaq

AQC Türkiyə qiymətləndiriciləri ilə Memorandum imzalayacaqAzərbaycan Qiymətləndiricilər Cəmiyyəti (AQC) sədrinin Türkiyə təmsilçisi Mikayıl Mirzəzadə Türkiyə Dəyərləmə Uzmanları Birliyinin başqanı Yaşar Bahçeci ilə görüşüb.

Azərbaycan Qiymətləndiricilər Cəmiyyətinin fəaliyyəti barədə birlik sədrinə məlumat verən M.Mirzəzadə bildirib ki, təmsil etdiyi qurum Azərbaycanın ticari assosiativ struktura malik ilk kollektiv ictimai birliklərindən biridir və 1999-cu ildən fəaliyyət göstərir. Bu ilin may ayında keçirilən konfransdan sonra cəmiyyətin fəaliyyətində ciddi dönüş yarandığını vurğulayan AQC sədrinin təmsilçisi əlavə edib ki, qurum beynəlxalq təşkilatlarla əməkdaşlığa xüsusi önəm verir. O qeyd edib ki, Azərbaycanla Türkiyə arasında münasibətlər keyfiyyətcə yeni mərhələyə qədəm qoyub və Azərbaycan Qiymətləndiricilər Cəmiyyəti də Türkiyə Dəyərləmə Uzmanları Birliyi ilə fəal əməkdaşlıq etmək niyyətindədir.

Azərbaycanlı həmkarları ilə yaranacaq əməkdaşlıqdan məmnunluğunu ifadə edən Türkiyə Dəyərləmə Uzmanları Birliyinin başqanı Yaşar Bahçeci gələcək əməkdaşlığın perspektivlərindən bəhs edib. AQC sədri Vüqar Orucla Türkiyə səfəri zamanı görüşüb əməkdaşlığın detallarını müzakirə edəcəklərini diqqətə çatdıran Y.Bahçeçi qarşıdakı aylarda özünün də Bakıya səfər edəcəyini bildirib. Onun sözlərinə görə, birgə təlimlərin keçirilməsi, qarşılıqlı fəaliyyət və təcrübə mübadiləsi qarşıda duran əsas hədəflərdən biridir. Bahçeci Azərbaycan və Türkiyə qiymətləndiriciləri arasında memorandumun imzalanması təşəbbüsünü yüksək qiymətləndirib və bundan sonra münasibətlərin inkişaf edəcəyini deyib. AQC sədri Vüqar Orucun gələn ay Türkiyəyə baş tutacaq səfəri çərçivəsində əməkdaşlıq sazişinin imzalanması qərara alınıb.

Xatırladaq ki, Yaşar Bahçeci Türkiyənin hakim Ədalət və İnkişaf Partiyasının (AKP) qurucularından biridir. Eyni zamanda “EVA Real Estate Appraisal Consultancy Inc”in İdarə Heyətinin sədridir. 2009-2019-cu illərdə Kırşehir bələdiyyə başqanı olub.

Azərbaycan Qiymətləndiricilər Cəmiyyəti (AQC) isə 54 qiymətləndirmə şirkətini özündə birləşdirir və ölkə qiymətləndiricilərinin yeganə kollektiv birliyidir. 23 ildir fəaliyyət göstərən AQC Beynəlxalq Qiymətləndirmə Standartları Şurasının üzvüdür və onlarla qarşılıqlı əməkdaşlıq şəraitində fəaliyyət göstərir. Quruma 20 may 2022-ci ildən iqtisadçı ekspert, “Vecon Consulting” şirkətinin təsisçisi Vüqar Oruc rəhbərlik edir.

Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
yenilə, əgər kod görünmürsə

Xəbər lenti


Son xəbərlər