Ukraynada “Bayraqdar” fabriki tikiləcək: Bu müddətdə yekunlaşacaqUkraynada müharibəyə baxmayaraq, “Baykar” şirkətinə məxsus fabrik inşa ediləcək.

Bu barədə “Baykar Defence” şirkətinin baş direktoru Haluk Bayraqdar ölkə mətbuatına açıqlamasında deyib.

O bildirib ki, inşaat işlərini 2 il ərzində tamamlamağı planlaşdırırlar:

“Hazırda fabrikin layihələndirmə mərhələsi başa çatıb. Tikintiyə başlamaq istəyirik. Ancaq ölkədə baş verən mövcud vəziyyətlə bağlı tikinti işlərini 2 il ərzində yekunlaşdırmağı planlaşdırırıq”.
Ukrayna Baş Qərargahı: “Donetskdə 300-ə yaxın rusiyalı hərbçi məhv edilib”Ukrayna Silahlı Qüvvələri ötən sutka ərzində Donetsk vilayətinin Mayorsk rayonunda hücuma hazırlaşan 300-ə yaxın rusiyalı hərbçini məhv edib.

“Report” xəbər verir ki, bu barədə Ukrayna Silahlı Qüvvələrinin Baş Qərargahının məlumatında deyilir.

Bildirilib ki, sanitar aviasiyanın qeyri-sabit işləməsi, Belqorod vilayətinin tibbi infrastrukturunun olmaması və xəstəxanaların 100 % dolması səbəbindən Rusiya yaralıları avtobuslarla yaxınlıqda yerləşən Voronejə təxliyə etməyə məcbur olub.

Qeyd edilib ki, ötən sutka ərzində Ukrayna Silahlı Qüvvələri Donetsk vilayətinin Vodyanoe, Kamenka və Nevelskoye yaşayış məntəqələrində Rusiya Silahlı Qüvvələrinin hücumlarını dəf edib.
Ehtiyatsızlıqdan özünü öldürən polisin FOTOSUXəbər verdiyimiz kimi, ötən gün Laçın Rayon Polis Şöbəsinin əməkdaşı İman Abbasov silahla ehtiyatsız davranmağı nəticəsində açılan atəşdən xəsarət alıb.

Avrasiya.net-in məlumatına görə, polis serjantına hadisə yerində ilkin tibbi yardım göstərilsə də, həyatını xilas etmək mümkün olmayıb.

Qeyd edək ki, Abbasov İman Məblət oğlu Laçının Mişni kəndindəndir.
ABŞ generalı: Putin haqlıdır, dünya təhlükədədir!Rusiya Prezidenti Vladimir Putin planetin İkinci Dünya müharibəsindən bəri ən təhlükəli onilliklə üzləşməsi barədə öz xəbərdarlıqlarında haqlı idi.

Bu sözləri ABŞ HHQ-nin briqada generalı Bleyn Holt deyib.

“ABŞ-ın zəifliyi və liderlik vakuumu həqiqətən də qlobal miqyasda təhlükə yaradır. ABŞ növbəti eskalasiyaya yol verməmək üçün danışıqlara razılaşmalıdır. Bizim onların şərtləri ilə razılaşmaq öhdəliyimiz yoxdur, sərt danışa bilərik. Amma yaxşısı budur ki, danışıqlar masasına əyləşək”, - deyə general bildirib.
Rusiyada tezliklə yeni səfərbərlik elan ediləcəkRusiya tezliklə insanları müharibəyə göndərmək üçün yeni səfərbərlik dalğasına ehtiyac duya bilər.

Avrasiya.net xəbər verir ki, bu barədə Ukrayna Prezidenti Vladimir Zelenski bildirib.

O qeyd edib ki, Rusiya səfərbər olunanlardan istifadə edərək Ukraynanın mövqelərinə təzyiqi artırsa da, yeni qüvvələrin zəif təlim keçməsi yenidən səfərbərlik üçün ehtiyac yarada bilər.

Qeyd edək ki, ötən gün Rusiya müdafiə naziri Sergey Şoyqu qismən səfərbərliyin başa çatdığı və 300 min nəfərin orduya cəlb olunduğu haqda Prezident Putinə məruzə edib.
Nazir jurnalistə nazirlikdə iş verdiƏmək və əhalinin sosial müdafiəsi naziri Sahil Babayev Vətən müharibəsi iştirakçısı, jurnalist Emin Pirini işlə təmin edib.

Bu barədə o, "Facebook" hesabında yazıb.

E.Piri fəaliyyətini Əmək və Əhalinin Sosial Müdafiəsi Nazirliyinin Sosial Xidmətlər Agentliyində davam etdirəcəyini bildirib:

"Müharibəki xidmətimizin davamını Sosial Xidmətlər Agentliyində şəhid ailələrinə və müharibə əlillərinə xidmət etməklə davam etdirəcəyik. Mənim üçün məsuliyyətli olduğu qədər də doğma işdir. Çünki onları özümdən, ailəmdən bilirəm".

Qeyd edək ki, Emin Piri ehtiyatda olan zabitdir.
“AzerGold” Daşkəsəndə minifutbol turniri keçirib24-28 oktyabr tarixlərində “AzerGold” Qapalı Səhmdar Cəmiyyəti (QSC) tərəfindən Daşkəsən rayon məktəbləri arasında Vətən müharibəsi şəhidi Rauf Əsgərovun xatirəsinə həsr olunmuş minifutbol turniri keçirilib.

Daşkəsən Gənclər və idman idarəsinin təşkilati dəstək göstərdiyi turnirdə Daşkəsən rayonunun 2009-2011-ci il təvəllüdlü şagirdlərindən ibarət 6 məktəb komandası – İmadəddin Nəsimi adına 1 nömrəli tam orta məktəb, Anar Mürsəlov adına 2 nömrəli tam orta məktəb, Səməd Vurğun adına 4 nömrəli tam orta məktəb, Zahir Bağırov adına Yuxarı Daşkəsən qəsəbə tam orta məktəbi, Mikayıl Mustafayev adına Bayan kənd tam orta məktəbi və Əli İsmayılov adına Quşçu kənd tam orta məktəbinin komandaları iştirak ediblər.

28 oktyabr tarixində QSC-nin törəmə cəmiyyəti – “Daşkəsən Dəmir Filiz” MMC-nin balansında olan minifutbol, universal voleybol-basketbol meydançalarının yenidənqurma işlərindən sonra istifadəyə verilməsi münasibətilə təşkil edilən turnirin final qarşılaşması çərçivəsində sözügedən meydançaların rəsmi açılışı olub.

Final qarşılaşmasından əvvəl “AzerGold” QSC-nin kollektivi Gəncə Şəhidlər Xiyabanında şəhid Rauf Əsgərovun məzarını ziyarət edərək, üzərinə əklil və gül dəstələri qoyub, mərhumun xatirəsini yad ediblər.

Meydançaların açılış mərasimində iştirak edən “AzerGold” QSC-nin İdarə Heyətinin sədri Zakir İbrahimov, Daşkəsən Rayon İcra Hakimiyyətinin başçısı Əhəd Abıyev, Azərbaycan Minifutbol Federasiyasının prezidenti Taleh Nəsibov, Gənclər və İdman Nazirliyinin, həmçinin rayon ictimaiyyətinin nümayəndələri turnirin final qarşılaşmasını da izləyiblər.

Final oyununda Anar Mürsəlov adına 2 saylı tam ora məktəbin komandası birincilik əldə edib. Yarışda 2-ci və 3-cü yerlərə isə müvafiq ardıcıllığa uyğun olaraq Zahir Bağırov adına Yuxarı Daşkəsən qəsəbə tam orta məktəbi və Əli İsmayılov adına Quşçu kənd tam orta məktəbinin minifubol komandaları tutub.

Qaliblərin mükafatlandırılması mərasimində çıxış edən “AzerGold” QSC-nin İdarə Heyətinin sədri Zakir İbrahimov minifutbol turinirinin qaliblərini təbrik edib. Bildirilib ki, yenidən qurulan meydançaları regionların sosial-iqtisadi inkişafı ilə bağlı cənab Prezidentin təsdiq etdiyi dövlət proqramlarına uyğun olaraq Daşkəsəndə idmanın inkişafı, sağlam həyat tərzinin təbliği, yeniyetmə və gənclərin fiziki tərbiyyəsi və asudə vaxtlarını səmərəli keçirmələrinə töhfə vermək məqsədi daşıyır.

Qeyd olunub ki, cənab Prezident tərəfindən həyata keçirilən sosialyönümlü siyasət nəticəsində bu gün bölgələrimiz hərtərəfli inkişaf edir, əhalinin rifah halı daim yaxşılaşdırılır, həssas kateqoriyalardan olan vətəndaşlarımız yüksək qayğı və diqqətlə əhatə olunur. Eyni zamanda bildirilib ki, gənclərimizin sağlam inkişafı, yüksək vətənpərvərlik ruhunda tərbiyə olunması üçün mühüm işlər görülür. Vurğulanıb ki, dövlətimizin başçısı tərəfindən paytaxt Bakı ilə yanaşı, regionlarda istifadəyə verilən müasir olimpiya idman kompleksləri, beynəlxalq standartlara cavab verən stadionlar ölkə gənclərinin məhz idmana marağının artırılmasına, Azərbaycanın idman ölkəsi kimi beynəlxalq nüfuzunun daha da yüksəlməsinə gətirib çıxarır.

Bu xüsusda Daşkəsəndə açılışı olan yeni idman infrastrukturu məhz cənab Prezidentin dövlət qurumları qarşısına qoyduğu tapşırıq və tövsiyyələri əsasında aktiv korporativ sosial məsuliyyət siyasəti həyata keçirən “AzerGold” QSC-nin bölgədə yaşayan uşaq, yeniyetmə və gənclərin idmana marağının yüksəldilməsi, ümumilikdə idmanın kütləviliyinin artırılmasına xidmət edir.

“AzerGold” QSC tərəfindən istifadəyə verilən idman meydançalarının Daşkəsəndə idmanın inkişafına bilavasitə təsir edəcəyin əminliyini vurğulayan Daşkəsən Rayon İcra Hakimiyyətinin başçısı Əhəd Abıyev minifutbol turnirində iştirak edən məktəb komandalarının timsalında istedadlı gənclərimizin potensialının üzrə çıxarıldığını qeyd edib. Əhəd Abıyev QSC tərəfindən rayonda gənclərin inkişafına xidmət edən bir sıra uğurlu sosial-mədəni layihələrin rellaşdırıldığı, bu layihələrin rayonun sosial-iqtisadi inkişafına böyük töhfələr verdiyini diqqətə çatdırıb.

Azərbaycan Minifutbol Federasiyasının prezidenti Taleh Nəsibov isə çıxışında regionalarda minifutbol meydançalarının istifadəyə verilməsinin və mütəmadi olaraq turnirlərin keçirilməsinin bölgələrdə, o cümlədən Daşkəsəndə minifutbol idman növünün populyarlığının artmasına təsir edəcəyini diqqətə çatdırıb.

Çıxışlardan sonra miniftubol turnirində qalib gələn məktəb komandaları, həmçinin “Ən çox qol vuran oyunçu” və “Ən yaxşı qapıçı” nominasiyaları üzrə qaliblər mükfatlandırılıblar. Qaliblərə turnirin kubok, medal, diplom və xatirə hədiyyələri təqdim edilib.
"Türkiyəni qlobal aktor kimi görürük" - İsrailin müdafiə naziri“İsrail Türkiyəni iqtisadi sahədə, müdafiə sahəsində və bütün regionun sabitliyinin təmin edilməsində əlaqələrimizi inkişaf etdirə biləcəyimiz qlobal aktor kimi görür”.

APA-nın İstanbul müxbirinin verdiyi xəbərə görə, bu barədə Türkiyəyə səfəri çərçivəsində yerli jurnalistlərə açıqlamasında İsrailin müdafiə naziri Benni Gantz bildirib.

O qeyd edib ki, İsrailin öz təhlükəsizliyi ilə bağlı narahatlığı var: “Biz həmçinin başa düşürük ki, fələstinlilər iqtisadi və humanitar yardım və dəstək almaq istəyirlər. Münasibətlərimizi inkişaf etdirdikcə bu fikir ayrılıqlarını aradan qaldırmağın bir yolunu tapacağıq”.

Yunanıstana səfərinin təxirə salınması şərh edən Gantz, səfərini sırf texniki və təhlükəsizlik səbəbi ilə ləğv etdiyini diqqətə çatdırıb.
Uşaqları zorlayanlar 15 ilədək həbs olunacaqAzərbaycanda yetkinlik yaşına çatmayan şəxsləri zorlayanlar 15 ilədək həbs olunacaq.

Bununla bağlı Cinayət Məcəlləsinin 149-cu (Zorlama) maddəsinə dəyişiklik təklif olunur.

Dəyişikliyə əsasən, zorlama, yəni zərərçəkmiş şəxsə və ya başqa şəxslərə qarşı zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə onunla cinsi əlaqədə olmaya görə eyni əməllər - yetkinlik yaşına çatmayan şəxsə qarşı törədildikdə, ehtiyatsızlıqdan zərərçəkmiş şəxsin insan immunçatışmazlığı virusu ilə yoluxmasına və ya digər ağır nəticələrə səbən olduqda 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə 10 ildən 15 ilədək müddətə azadlıqdan məhrum etmə ilə cəzalandırılacaq.
"Putin sübut etdi ki, istənilən vaxt sözünün arxasından asanlıqla qaça bilir..." - HəsənquliyevAvrasiya.net moderator.az-a istinadla Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin Rusiya prezidenti Vladimir Putinin "Valday klubu"nda Azərbaycana qarşı səsləndirdiyi fikirlərə şərhini təqdim edir:

- Qüdrət bəy, dünən Rusiya Prezidentinin "Valday klubu"nda Azərbaycanın ərazi bütövlüyünü şübhə altına alan, Rusiyanın Azərbaycanın ərazi bütövlüyünü tanımasının Ermənistandan asılı olmasını bəyan etməsini necə qarşıladınız?

- Rusiya ilə dostluğa, onu Azərbaycanın ərazi bütövlüyü və suverenliyi məsələsində ədalətli qərarlar qəbul etməyə inandırmağın mümkünlüyünə inanan bir şəxs kimi böyük təəssüf hissi keçirdim. İnanıram ki, tək mən yox, həm də Putinə inanan çoxlu sayda insan bundan təəssüfləndi. Mən əvvəllər də söyləyirdim ki, regionda marağı olan Rusiya münaqişəyə son qoyulmasında, digər güclər isə Türkiyə istisna olmaqla, münaqişənin ədalətli həllində maraqlı deyillər. 10 noyabr sazişi də elə tərtib olunub ki, gələcəkdə bir çox məsələlər barədə razılığa gəlmək mümkün olmasın. Məsələn, yazıla bilərdi ki, Laçın və Zəngəzur dəhlizləri eyni statusa malik olacaq, amma yox, fərqli ifadələr işlətməklə Ermənistana manipulyasiyalar üçün yer qoyulub. Yaxud, üçtərəfli Bəyannamənin birinci bəndində yazılmalı idi ki, tərəflər bir-birinin ərazi bütövlüyünü tanıyır. Vətən müharibəsi dövründə dəfələrlə mətbuata verdiyim açıqlamalarda qeyd edirdim ki, biz Ermənistanla Azərbaycanın ərazi bütövlüyünün tanınmadığı heç bir sənədə imza atmamalıyıq.

Amma bəzən güc faktorundan doğan acı reallıqlarla barışmalı oluruq. Putin Rusiyanın Ukraynaya təcavüzündən sonra ikinci böyük səhvini etdi. Eləcə də sübut etdi ki, həm o, həm də müasir Rusiya dövləti istənilən vaxt sözünün və imzasının arxasından çox asanlıqla qaça bilir. Artıq əminliklə qəbul etmək olar ki, Rusiyanın imzaladığı sazişlərin dəyəri onun üzərinə köçürüldüyü kağız parçasından da dəyərsizdir. O cümlədən, Azərbaycanla 22 fevral 2022-ci ildə Moskvada imzalanmış müttəfiqlik münasibətlərinə dair Bəyannamə də.

- Sizcə Putin niyə belə etdi?

- Rusiya sorosçu, qərbyönümlü Paşinyanı devirmək istəyir. Ona görə 44 günlük savaşda qismən neytral mövqe tutdu. Rusiya bu mərhələdə Paşinyanı devirə bilməsə də, həm onu işğalı müdafiə etməməklə cəzalandırdı, həm də Qarabağa-torpaqlarımıza öz əsgərlərini gətirdi. Hazırda görünən odur ki, Rusiya Qarabağı, Qarabağla birlikdə isə Azərbaycanı daima öz nəzarətində saxlamağı düşünür, sülh sazişinin imzalanmasından, Türkiyə-Ermənistan münasibətlərinin nizamlanmasından son dərəcə narahatdır. Putin bu açıqlaması ilə ondan imtina etmiş sivil dünyanın, ermənipərəst Qərb dairələrinin də diqqətini özünə cəlb etmək istəyir. Görünür, həmin dairələrin dəstəyinə Türkiyə-Azərbaycan münasibətlərindən daha çox dəyər verir. Bəlkə də ermənilərin vasitəsilə Qərb liderlərinə təsir edib Ukrayna bataqlığından çıxmaq üçün onlarla bir masa arxasında əyləşmək istəyir. Hamımız bilirik ki, ABŞ və Fransada güclü erməni diasporu var. İnanmıram ki, o son açıqlaması ilə Paşinyanın devrilə biləcəyini düşünür.

- Azərbaycan XİN niyə Putinin bu davranışına cavab vermədi?

- İqtidar Rusiya ilə dostluğa böyük önəm verir. Görünür ona görə. Ancaq bağlı qapılar arxasında etiraz ediləcəyinə, Soçidə onun təkliflərinin qəbuledilməz olduğunu və münasibətlərə ciddi ziyan vurduğunu onun diqqətinə çatdıracağıq. Paşinyan bəyan etdi ki, Putinin təkliflərini qəbul edir və ümid edir ki, Putin Soçidə sözünün üstündə duracaq. Bu isə əvvəl əldə olunmuş razılaşmalardan faktiki imtina deməkdir. Belə vəziyyətdə başqa nə edə bilərik?

Rusiya ilə işləməkdə davam etməli, Türkiyə və Türk Dövlətləri Təşkilatı ilə, digər dost ölkələrlə məsləhətləşmələrə başlamalı, silahlanmaya və peşəkar ordu quruculuğuna böyük pullar xərcləməliyik. Tarixin elə məqamları olur ki, böyük dövlət adamları öz ölkəsinin gələcəyi naminə cəsarətli qərarlar qəbul etməli olur. Hesab edirəm ki, Ermənistan ilin sonuna qədər Azərbaycanın ərazi bütövlüyünü tanıyan sülh sazişi imzalamasa, Azərbaycan Respublikasının Prezidenti Qarabağ üzərində suverenliyimizi bərpa etmək üçün haqqa-ədalətə, beynəlxalq hüquqa əsaslanan belə bir qərar qəbul etməli olacaq. Əks halda Qarabağdan gözümüzü çəkməli, artıq ərazi bütövlüyümüzü tanımadığı və onu parçalamaq istədiyi üçün düşmən deyə biləcəyimiz ölkənin ordusunun Azərbaycanda yerləşməsi ilə barışmalı olacağıq.