ABŞ və Türkiyə F-35 ilə bağlı məsləhətləşmələr aparıbAnkarada ABŞ və Türkiyə nümayəndələri arasında F-35 təyyarələri ilə bağlı məsləhətləşmələr aparılıb. Bu barədə Pentaqonun saytı məlumat yayıb. Məlumatda deyilir ki, Pentaqonun nümayəndə heyəti ilə Türkiyənin Milli Müdafiə Nazirliyi arasında görüş keçirilib:

"ABŞ Müdafiə Nazirliyinin nümayəndə heyəti oktyabrın 27-də tərəflər arasında mübahisələrin həlli ilə bağlı müzakirələr aparmaq üçün Ankaraya gedib. Türkiyənin sentyabrın 23-də yekunlaşan F-35 proqramından çıxarılması ilə bağlı məsələləri həll etmək üçün Milli Müdafiə Nazirliyinin nümayəndələri ilə danışıqlar aparılıb".

"Görüş ABŞ hökumətinin Türkiyənin F-35 proqramında əvvəlki iştirakını hörmətlə yekunlaşdırmaq öhdəliyini nümayiş etdirir. Müzakirələr məhsuldar keçib və nümayəndə heyətləri yaxın aylarda Vaşinqtonda yenidən görüşməyi planlaşdırır", - Pentaqon bildirib.

Qeyd edək ki, Türkiyə ABŞ-dan F-35 üçün xərclədiyi 1,4 milyard dolların geri qaytarılmasını istəyir.

Türkiyə prezidenti Rəcəb Tayyib Ərdoğan daha əvvəl jurnalistlərə bildirib ki, ABŞ Prezidenti Baydenlə Qlazqoda gözlənilən görüşündə F-35 məsələsi gündəmdə olacaq:

"F-35 üçün 1 milyard 400 milyon dollar vermişik. Bu ödənişlə bağlı təbii ki, biz onlarla onun bizə necə qaytarılacağını müzakirə etməliyik”.
Maradonanın doğulduğu ev Argentinada tarixi abidə kimi tanınıbDünyaca məşhur futbolçu Dieqo Maradonanın doğulduğu ev Argentinada tarixi abidə kimi tanınıb. Bu barədə ölkə prezidenti Alberto Fernandes fərman imzalayıb.

Fərmanda deyilir ki, Buenos-Ayres əyalətinin Villa Fiorito qəsəbəsində yerləşən Dieqo Armando Maradonanın evi milli tarixin abidəsi kimi tanınsın.

Qeyd edək ki, Maradona 1960-cı il oktyabrın 30-da doğulduğu ev gecəqondular məhəlləsində yerləşir. Ev məhəllənin giriş hissəsinin qabağında kiçik tikilidir. Ev üç otaqlıdır, onun yanında isə Maradonanın ilk məşqinə başladığı futbol meydançası olub.

FİFA rəsmi saytında keçirilən səsvermədən sonra Maradona 20-ci əsrin ən yaxşı futbolçusu kimi tanınıb. Həmçinin, təşkilat 1986-cı il iyunun 29-da Meksikada keçirilən dünya çempionatının 1/4 finalında Argentina millisinin qalib gəldiyi oyunda Maradonanın İngiltərəyə vurduğu topu “əsrin qolu” adlandırıb.

Maradona cəmi bir neçə ildən sonra həmin qolu əli ilə vurduğunu etiraf edib.

Böyük futbolçu 25 noyabr 2020-ci ildə 60 yaşında vəfat edib.
Türkiyədə Azərbaycan Prezidentini təhqir edən telekanala inzibati cəza verilibTürkiyənin Ali Radio və Televiziya Şurası Türkiyə-Azərbaycan Dərnəkləri Federasiyasının müraciəti əsasında "Kudüs" TV-də yayımlanan “Üçüncü Göz” proqramını araşdırıb.

Bu barədə “Report” "Milliyyet"ə istinadən xəbər verir.

Məlumata görə, Azərbaycan Respublikasının Prezidenti İlham Əliyevin efirdə təhqir olunmasının müəyyən edilməsindən sonra kanal cərimə edilib.

Fransada dövlət çevrilişinin qarşısı alındı - FOTOFransanın Daxili Təhlükəsizlik Baş İdarəsi (Əks-kəşfiyyat-red) oktyabrın sonlarında peyvənd mərkəzlərinə hücumların təşkilində şübhəli bilinərək saxlanılan “Demokratik Hərəkat” (“MoDem”) Partiyasından olan sabiq deputat Remi Daye və onun tərəfdarlarının planlaşdırdığı dövlət çevrilişinin qarşısını alıb.

Publika.az xxəbər verir ki, bu barədə “Le Parisien” qəzeti məlumat yayıb.

Dayenin əlaqələrini araşdıran müstəntiqlər onun ölkə daxilində geniş şəbəkəsi olan terror icması yaratdığını aşkar ediblər. Təşkilat bəziləri hazırkı və ehtiyatda olan polis əməkdaşları, jandarm və hərbçilərdən ibarət olub.

Qəzet istefada olan polkovnik-leytenant, Fransanın "Ximətlərə görə" ordeninin sahibi, hərəkatın sərt iyerarxiyaya malik hərbi qanadının qurucusu və kuratoru, 63 yaşlı Kristof M-nin nun adını çəkib. Müstəntiqlər dövlət çevrilişi hazırlayan qrupun üzvləri arasında yazışmaların analizinin nəticələrinə görə, hər biri öz regionuna cavabdeh olan azı 36 "kapitan" müəyyən ediblər.

Nəşr qeyd edir ki, bu günə qədər həmin iş üzrə 12 sui-qəsdçiyə qarşı ittiham irəli sürülüb, lakin bir sıra digər araşdırmalar neonasistlər də daxil olmaqla, onların digər hərəkatlarla əlaqəsinə işarə edir. Məhkəmə cari ilin mayında həmin iş üzrə üç məhbusa qarşı ittiham irəli sürüb.
Gəncədə dəhşətli yanğın - Bir evdən 3 nəfər ÖLDÜBu gün saat 04:18-də Fövqəladə Hallar Nazirliyinin "112" qaynar telefon xəttinə Gəncə şəhərinin Kəpəz rayonunda fərdi yaşayış evində yanğın olması barədə məlumat daxil olub.

Avrasiya.net Fövqəladə Hallar Nazirliyinə (FHN) istinadən xəbər verir ki, məlumat qəbul edilən kimi Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub. İlk yanğınsöndürmə avtomobili saat 04:27-də hadisə yerinə çatıb və dərhal yanğının söndürülməsi işlərinə başlanılıb.

Yanğın nəticəsində ümumi sahəsi 160 m² olan birmərtəbəli 4 otaqlı evin yanar konstruksiyaları yanıb. Yanğının kəşfiyyatı zamanı 1990-cı il təvəllüdlü Məmmədov Bahəddin Qəşəm oğlu, 2007-ci il təvəllüdlü Məmmədov Turqay Bahəddin oğlu və 2012-ci il təvəllüdlü Məmmədova Mələk Bahəddin qızının meyitləri aşkar olunaraq aidiyyəti üzrə təhvil verilib.

Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.
Nikol “Zəngəzur yolu”nu dəstəklədi: “Dəhliz” yox...“Dəhliz məntiqi” ilə aparılan danışıqlar regionda düşmən və gərginlik atmosferini daha da dərinləşdirir.

Axar.az xəbər verir ki, bu sözləri Ermənistan Baş naziri Nikol Paşinyan kommunikasiyaların açılması ilə bağlı hökumət iclasında çıxışında deyib.

Paşinyan xatırladıb ki, 9 noyabr (10 noyabr – red.) 2020-ci ildə imzalanmış üçtərəfli bəyanat regionda kommunikasiyaların açılmasını nəzərdə tutur:

“Ermənistan bu ideyanı tam dəstəkləyir. Bu məsələnin həlli regionda sülh və təhlükəsizliyin təmin olunması ilə bağlı müəyyən təminatlar yaradacaq. Rəsmi İrəvan məsələyə məhz bu nöqteyi-nəzərdən və bu anlayışla yanaşır”.

Paşinyan həmçinin əlavə edib ki, hazırda yük daşınması ilə bağlı marşrutlar müzakirə edilir.
Vətən müharibəsi xronikası: 28 oktyabr2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu sonradan “Dəmir yumruq” adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi.

Avrasiya.net Vətən müharibəsinin xronikasını təqdim edir.

- Azərbaycan Respublikasının Prezidenti İlham Əliyev özünün rəsmi Tvitter səhifəsində bildirib ki, Bərdə sakinlərinin qisası yerdə qalmayacaq.

- Prezident İlham Əliyev özünün rəsmi Tvitter səhifəsində Azərbaycan Ordusunun Zəngilan, Cəbrayıl, Qubadlı rayonlarının bir neçə kəndini işğalçılardan azad etməsi ilə bağlı paylaşım edib.

- Prezident İlham Əliyev Rusiyanın "İnterfaks" agentliyinə müsahibə verib.

- Azərbaycan Respublikasının Birinci vitse-prezidenti Mehriban Əliyevanın rəsmi İnstaqram səhifəsində Ermənistanın Bərdədə dinc sakinlərə etdiyi hücumla bağlı paylaşım edib: "Bu cür vəhşicəsinə hücumlar onu göstərir ki, ermənilərin qəddarlığının həddi yoxdur"

- Tərtər rayonunun ərazisi artilleriya atəşinə tutulub.

- Düşmənin məhv edilən hərbi texnikasının siyahısı açıqlanıb.

- Ermənistan Tovuz, Gədəbəy, Daşkəsən və Qubadlı rayonlarını atəşə tutub.

- Qubadlı istiqamətində düşmənin atıb qaçdığı hərbi texnika və silah-sursatın videogörüntüsü yayılıb.

- Azərbaycan Ordusu tərəfindən Ermənistana məxsus hərbi texnika və canlı qüvvəsini məhv edilməsinin videogörüntüləri yayılıb.

- Bərdədə ölənlərin sayı 21 olub, 70 nəfər yaralı olduğu açıqlanıb.

- Bölmələrimiz şəhər və rayonlarımıza atəş açan düşməni məhv edib. Dinc əhalini atəşə tutan düşmənin canlı qüvvəsi sərrast atəşlə məhv edilib.

- Döyüş meydanından qaçan düşmən qüvvələri məhv edilib.

- Bərdənin vurulma anının videogörüntüsü yayılıb.
İrandan Azərbaycanla bağlı açıqlama: Gərginlik bitdi!Azərbaycanla İran arasındakı aşkar gərginlik mərhələsi başa çatıb.

Avrasiya.net Report-a istinadən xəbər verir ki, bunu İranın xarici işlər naziri Hüseyn Əmir Abdullahian oktyabrın 27-də Tehranda Əfqanıstanın qonşularının toplantısının yekununa həsr edilən mətbuat konfransında bildirib.

“Bizim Azərbaycanın xarici işlər naziri Ceyhun Bayramovla təmaslarımız olub. Fikirmcə, açıq gərginlik mərhələsinin başa vurmuşuq. İki ölkə arasında olan problemlərin tədricən həll olunacağını ehtimal edirəm”, - nazir vurğulayıb.
Rövşən Əkbərova 10 il HƏBS CƏZASI VERİLDİQəsdən adam öldürməkdə təqsirləndirilən sabiq birlik komandiri, general-leytenant Rövşən Əkbərovun cinayət işi üzrə məhkəmə prosesi yekunlaşıb.

Bakı Hərbi Məhkəməsində hakim Həbib Həsənovun sədrliyi ilə keçirilən prosesdə müşavirədən sonra hökm elan olunub.

Hökmə əsasən, Rövşən Əkbərov 10 il müddətinə azadlıqdan məhrum edilib.

Zərərçəkmiş tərəfin mülki iddiası qismən təmin olunub. R. Əkbərovdan 40 min manat məbləğində vəsait zərərçəkmişin hüquqi varisi Fəday Əliyevə verilməsi barədə qərar qəbul olunub.

Məhkəmə təqsirləndirilən şəxsin hərbi rütbəsi və fəxri adlarının alınmasını zəruri hesab etməyib.

Qeyd edək ki, prokuror Rövşən Əkbərovun Cinayət Məcəlləsinin 12.1, 120.2.2 maddələri ilə təqsirli bilinərək 11 il müddətinə azadlıqdan məhrum edilməsini istəmişdi.

R.Əkbərov iş adamı Elçin Əliyevin qətlində günahlandırılıb.

16:46 ****

Qəsdən adam öldürməkdə təqsirləndirilən sabiq birlik komandiri, general-leytenant Rövşən Əkbərovun cinayət işi üzrə məhkəmə prosesi keçirilir.

Bakı Hərbi Məhkəməsində hakim Həbib Həsənovun sədrliyi ilə keçirilən prosesdə təqsirləndirilən şəxsin vəkili müdafiə çıxışı edib. Vəkil Rüstəm Zülfüqarov çıxışında müdafiə etdiyi Rövşən Əkbərovun cinayət işi ilə əlaqəsi olmadığını bildirərək ona məhkəmədən bəraət istəyib.

Daha sonra məhkəmədə təqsirləndirilən şəxs son söz deyib. Rövşən Əkbərov hadisə baş verən gün sözügedən kafedə olmadığını bildirərək məhkəmədən bəraət istəyib.

Məhkəmə qərar qəbul etmək üçün müşavirəyə gedib.

Qeyd edək ki, prokuror Rövşən Əkbərovun Cinayət Məcəlləsinin 12.1, 120.2.2 maddələri ilə təqsirli bilinərək 11 il müddətinə azadlıqdan məhrum edilməsini istəyib.

Xatırladaq ki, Rövşən Əkbərov barəsində olan cinayət işi üzrə Baş Prokurorluq tərəfindən istintaq aparılıb.

Aparılmış istintaqla Rövşən Əkbərovun 2001-ci il mayın 31-dən iyunun 1-nə keçən gecə Kiyev şəhəri, Deqtyaryov küçəsi 7 ünvanda yerləşən “Sikora” kafesində yeyib-içdikdən sonra, saat 4 radələrində həmin kafenin yaxınlığında Elçin Əliyev ilə aralarında yaranmış cüzi münaqişə səbəbindən xuliqanlıq niyyəti ilə sonuncunun ürək nahiyəsinə kəsici-deşici predmetlə xəsarət yetirərək Elçin Əliyevi qəsdən öldürməsinə əsaslı şübhələr müəyyən edilib.

Rövşən Əkbərova Cinayət Məcəlləsinin 12.1, 120.2.2 (qəsdən adam öldürmə) və 12.1, 221.3-cü (xuliqanlıq) maddələri ilə ittiham elan edilərək, barəsində məhkəmənin qərarı ilə həbs qətimkan tədbiri seçilib.
"Ermənistan heç olmasa bu acı sonluqdan düzgün nəticə çıxarmağa çalışmalıdır"Əlisahib Hüseynov
Milli Həmrəylik Partiyasının sədri

İki qardaş ölkə - Azərbaycan və Türkiyə birlikdə tarix yazmağa, tarix yaratmağa davam edirlər. Türkiyə Prezidenti Rəcəb Tayyib Ərdoğanın Qarabağa növbəti səfəri və onun Füzuli Beynəlxalq Hava Limanının açılış mərasimində, eləcə də Zəngəzur dəhlizinin təməlinin qoyuluşunda iştirakı çox mühüm tarixi hadisədir.

Prezident İlham Əliyevin də vurğuladığı kimi həddindən artıq sıx iş qrafikinə baxmayaraq Türkiyə liderinin Qarabağa və Şərqi Zəngəzura növbəti dəfə səfər etməsi bir daha sübut etdi ki, qardaş ölkəmiz hər zaman Azərbaycanın yanındadır. Əlamətdar haldır ki, son dörd ay ərzində Ərdoğan artıq ikinci dəfə işğaldan azad edilmiş ərazilərimizə səfər edir. Bu səfər ilk növbədə Azərbaycan və Türkiyə arasındakı siyasi birliyin parlaq təzahürüdür və Azərbaycan-Türkiyə münasibətlərinin gündən-günə artan xətlə inkişaf etməsinin göstəricisidir.

Sözsüz ki, bu prosesdə iki dövlət başçısının şəxsi dostluq və qardaşlıq münasibətləri də olduqca mühüm rol oynayır. Bu gün Azərbaycan-Türkiyə münasibətləri ən yüksək strateji səviyyəyə yüksəlib və bu da məhz hər iki ölkə liderinin xüsusi səyləri, onların siyasi iradələri nəticəsində mümkün olub. İlham Əliyev və Rəcəb Tayyib Ərdoğan “iki dövlət, bir millət” fəlsəfəsinə söykənərək Azərbaycan və Türkiyənin münasibətlərini bütün tariximiz boyu ən yüksək səviyyəyə qaldırmağı bacardılar. İkinci Qarabağ müharibəsində Türkiyənin bizə verdiyi sıx dəstək isə dostluq və qardaşlıq münasibətlərimizi daha da möhkəmləndirdi. Və bu dəstək təkcə 44 günlük müharibənin bitməsi ilə yekunlaşmadı. Bu dəstək bu gün də davam edir. Türkiyə dövləti və türk şirkətləri bu gün Qarabağın bərpa və quruculuğu prosesində yaxından iştirak edir. Türkiyə Prezidenti Rəcəb Tayyib Ərdoğanın Azərbaycandan qayıdarkən jurnalistlərin suallarına cavabında “Türkiyə Azərbaycanın işğaldan azad edilmiş ərazilərinin bərpasında iştirak etməkdən qürur duyur" deməsi də bu həqiqəti təsdiqləyir. Qardaş ölkənin liderinin çox sevdiyi məşhur bir sözü var: “Mənim kitabımda geri addım atmaq yoxdur”. Bəli, Ərdoğanın sözündə və əməlində həqiqətən də geri çəkilmək anlayışı yoxdur. Onun Azərbaycana münasibəti də bu faktı təsdiqləyir. Ərdoğanın Azərbaycana dəstəyi davamlıdır, ardıcıldır və sabitdir. Türkiyə Prezidentinin səfəri onun Azərbaycana dəstəyinin bütün dünyaya nümayiş etdirilməsi demək idi.

Bu səfərin sonunda Zəngilanda keçirilən birgə mətbuat konfransında Prezidentlərin səsləndirdikləri fikirləri və çağırışları hələ də düşmənçilikdən əl çəkə bilməyən ermənilərə, habelə qonşularımıza və bütövlükdə dünya ictimaiyyətinə verilən mesajlar kimi qiymətləndirmək olar. Əsas mesajlar və şərtlər heç şübhəsiz ki, ilk növbədə Ermənistana, onun rəhbərliyinə ünvanlanmışdı. Ərdoğan Şərqi Zəngəzurun bir parçası olan Zəngilandan Ermənistana səsləndi və bəyan etdi ki, əgər ermənilər Azərbaycanla sülh şəraitində yaşamaq yolunu tutsalar, o zaman Ermənistanın Türkiyə ilə əməkdaşlıq etməsi üçün də heç bir problem olmayacaq. Türkiyənin dövlət başçısı bu çağırışı etməklə Ermənistanın qarşısına “öncə Azərbaycan!” şərtini qoymuş oldu. Başqa sözlə desək, Ərdoğan bildirdi ki, Ermənistan yalnız Azərbaycanla münasibətlərini yaxşılaşdıracağı halda Türkiyə ilə əməkdaşlığa, mehriban qonşuluğa ümid bəsləyə bilər. Bu Ərdoğanın təməl şərti idi.

Bir sözlə, istər təxribatçı Ermənistan dövləti, istərsə də pərdə arxasından Ermənistanı revanşizmə təhrik edən dünya gücləri Azərbaycan və Türkiyə liderlərinin Zəngilandan səsləndirdikləri mesajlara diqqətlə yanaşmalı və yanlış addımlardan çəkinməlidirlər. Ermənistan hansısa güclərə güvənərək Azərbaycan və Türkiyəyə qarşı düşmən mövqedən çıxış etmək siyasətinə son qoymalıdır. Zatən Ermənistanın 30 il ərzində dünya güclərinə söykənərək yürütdüyü davakar siyasət sonda bu ölkənin rüsvayçı vəziyyətə düşməsi ilə, 44 günlük müharibədə məğlubiyyətə uğraması ilə nəticələndi. Ermənistan rəhbərliyi heç olmasa bu acı sonluqdan düzgün nəticə çıxarmağa çalışmalıdır. Azərbaycan və Türkiyənin siyasi birliyi, iqtisadi birliyi və hərbi birliyi qarşısında Ermənistan kimi miskin bir ölkə heç vaxt duruş gətirə bilməz. Paşinyan birdəfəlik anlamalıdır ki, Ermənistanın nicatı ənənəvi siyasətin davam etdirilməsində yox, Azərbaycan və Türkiyə ilə sülh və əməkdaşlığa başlamaqdadır.