Ermənistana sonuncu XƏBƏRDARLIQ: “Çıxın torpaqlarımızdan!”Azərbaycan Prezidenti, Silahlı Qüvvələrin Ali Baş Komandanı İlham Əliyev xalqa müraciəti zamanı işğalçı Ermənistan dövlətinə sonuncu dəfə xəbərdarlıq edib.

Avrasiya.net xəbər verir ki, Ermənistana sərt mesaj ünvanlayan İlham Əliyev “çıxın torpaqlarımızdan!” deyib.

Prezident düşmən ölkənin rəhbərliyinin öz xalqına yalan danışdığını, faktları saxtalaşdırdığını bildirib.

Dövlət başçısı bildirib ki, Azərbaycan bu gün döyüş meydanında qələbə əldə edib:
“Azərbaycan əsgər və zabiti yüksək mənəvi və psixoloji keyfiyyətlər göstərir. Çünki biz öz torpağımızda vuruşuruq, öz torpağımızı azad edirik. Döyüş gedən torpaqlar onlarınkı deyil. Onlar mövqeləri qoyub qaçırlar”

İlham Əliyev atəşkəsin şərtlərindən YAZDI"Atəşkəs birtərəfli qaydada əldə oluna bilməz. Bu, ikitərəfli qərar olmalıdır və həm də yerində həyata keçirilməlidir".

Avrasiya.net-in məlumatına görə, bunu Prezident İlham Əliyev özünün Twitter hesabında yazıb.

"Ermənistan qoşunlarının işğal olunmuş ərazilərdən çıxarılması ilə bağlı bizə vaxt cədvəli verməlidir və bu cədvəl vasitəçi ölkələr olan Minsk qrupunun həmsədrləri tərəfindən təsdiqlənməlidir",-deyə İlham Əliyev vurğulayıb.

Ölkə başçısı onu da qeyd edib ki, Ermənistanın ünvanına əsas mesaj budur ki, "biz Ermənistanın torpağında deyilik, biz öz torpağımızdayıq".
Azərbaycan xalqını ürəkdən təbrik edirəm! – İlham ƏliyevƏziz həmvətənlər! Bu gün Cəbrayıl şəhəri və Cəbrayıl rayonunun 9 kəndi işğaldan azad edildi. Bu, tarixi hadisə münasibətilə bütün Azərbaycan xalqını ürəkdən təbrik edirəm. Cəbrayıl rayonu və digər ərazilərin işğaldan azad edilməsində fəal iştirak etmiş bütün əsgər və zabitlərimizi ürəkdən təbrik edirəm.

Avrasiya.net xəbər verir ki, bunu Azərbaycan Prezidenti İlham Əliyev xalqa müraciətində deyib.
 İndi qaçıb, siçan kimi gizlənib – Ali Baş KomandanAzərbaycan xalqı təhqir edildi, Şuşada qondarma rejimin başçısı özünə dırnaqarası andiçmə mərasimi keçirdi. Baxım görüm indi andiçmə mərasimini harada keçirəcək! Yas mərasimi keçirəcək. İndi qaçıb, siçan kimi gizlənib.

Avrasiya.net xəbər verir ki, bu sözləri Prezident İlham Əliyev Cəbrayıl şəhərinin və bəzi kəndlərin azad edilməsi ilə bağlı xalqa müraciətində “dqr” separatçısı haqda danışarkən deyib.
Cəbrayıl işğaldan AZAD OLUNDUCəbrayıl işğaldan azad olunub.

Avrasiya.net xəbər verir ki, bu barədə Prezident İlham Əliyev Tvitter səhifəsində yazıb:

"Bu gün Azərbaycan ordusu Cəbrayıl şəhərini və rayonunun bir neçə kəndini işğaldan azad etmişdir. Eşq olsun Azərbaycan ordusuna! Qarabağ Azərbaycandır!"
Cəbrayıl işğaldan AZAD OLUNDU
Müdafiə Nazirliyi: Bir sıra ərazilər işğaldan azad olunubBu gün bütün cəbhə boyu şiddətli döyüşlər davam edib. Cəbhənin müxtəlif istiqamətlərində yaşayış məntəqələrimiz düşmənin intensiv artilleriya və raket atəşinə məruz qalıb. Azərbaycan Ordusunun bölmələrinin qətiyyətli cavab tədbirləri nəticəsində yaşayış məntəqələrimizi atəşə tutan Ermənistan silahlı qüvvələrinin bir neçə istiqamətlərdə atəş mövqeləri susdurulub, düşmənə sarsıdıcı zərbə endirilib.

Avrasiya.net xəbər verir ki, bu barədə Müdafiə Nazirliyi məlumat yayıb.

Bildirilib ki, gün ərzində gedən şiddətli döyüşlər zamanı qoşunlarımızın şəxsi heyətinin şücaəti nəticəsində Tərtər rayonunun Suqovuşan və Talış yaşayış məntəqələri, Füzuli rayonunun Aşağı Əbdurrəhmanlı, Cəbrayil rayonunun Mehdili, Çaxırlı, Aşağı Maralyan, Şəybəy və Quycaq kəndləri işğaldan azad olunub.

Madagiz-Ağdərə istiqamətində gedən döyüşlər zamanı Ermənistan silahlı qüvvələrinin 77-ci tank taborunun 4 tankı məhv edilib, 3 tankı isə qənimət götürülüb.

Ermənistan silahlı qüvvələrinin Ağdərə istiqamətində yerləşən 5-ci dağatıcı alayının müdafiə sahəsinə qoşunlarımız tərəfindən artilleriya zərbələrinin endirilməsi nəticəsində alayın 4 ədəd avtomobil texnikası məhv edilib, şəxsi heyəti arasında çoxlu sayda ölən və yaralanan var.

5-ci dağatıcı alayın bir neçə bölməsinin şəxsi heyəti döyüş mövqeyini tərk edərək qaçıb.
Azərbaycan Ordusunun atəş zərbələri: Ermənistanın 3-cü “Martuni” motoatıcı alayı darmadağın edilib"Azərbaycan Ordusunun atəş zərbələri nəticəsində Ermənistan silahlı qüvvələrinin işğalı altında olan Xocavənd rayonu ərazisində yerləşdirilən 3-cü “Martuni” motoatıcı alayı darmadağın edilib".

Avrasiya.net xəbər verir ki, bunu Azərbaycan Müdafiə Nazirliyi Mətbuat Xidmətinin rəisi, polkovnik Vaqif Dərgahlı bildirib.

O qeyd edib ki, nəticədə canlı qüvvə və hərbi texnika sarıdan böyük itkilərə məruz qalan düşmən alayı tam dağıdılıb: "Düşmən ordusunun komandanlığı hər kəsə müraciət edərək ölən və yaralıların təxliyə edilməsi üçün nəqliyyat vasitələri ilə kömək edilməsini istəyib".


Ordumuz Füzuli istiqamətində hücuma keçdi – Rəsmi29-u səhər saatlarından etibarən Azərbaycan Ordusunun Füzuli şəhəri istiqamətində hücumu davam edir.

Müdafiə Nazirliyindən verilən məlumata görə, səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib.

Hazırda döyüşlər davam edir.
Azərbaycanda elan edilmiş hərbi vəziyyətlə bağlı - QərarNazirlər Kabineti “Azərbaycan Respublikasının ərazisində elan edilmiş hərbi vəziyyətlə əlaqədar bəzi məsələlərin tənzimlənməsi barədə” qərar verib.

Avrasiya.net xəbər verir ki, qərara əsasən, “Azərbaycan Respublikasının ərazisində elan edilmiş hərbi vəziyyətlə əlaqədar tətbiq edilən komendant saatı müddətində əməkdaşlarının xidməti vəsiqə ilə hərəkətinə icazə verilən dövlət orqanlarının (qurumlarının) Siyahısı”, “Azərbaycan Respublikasının ərazisində elan edilmiş hərbi vəziyyətlə əlaqədar tətbiq edilən komendant saatı müddətində elektron imzadan istifadə edilməklə əməkdaşlarının “icaze.e-gov.az” portalından qeydiyyatdan keçməklə hərəkətinə icazə verilən dövlət orqanlarının (qurumlarının) Siyahısı”, “Azərbaycan Respublikasının ərazisində elan edilmiş hərbi vəziyyətlə əlaqədar tətbiq edilən komendant saatı müddətində fəaliyyətinə icazə verilən sahələrin siyahısı təsdiq edilib.

Müəyyən edilib ki:

- Azərbaycan Respublikasının ərazisində elan edilmiş hərbi vəziyyətlə əlaqədar tətbiq edilən komendant saatı müddətində fəaliyyətinə icazə verilən sahələrdə fəaliyyət göstərən şəxslər barədə məlumatlar işəgötürən tərəfindən elektron imzadan istifadə edilməklə “icaze.e-gov.az” portalına daxil edildikdən sonra onların hərəkətinə yol verilir;

- bu Qərarda nəzərdə tutulmuş qaydada şəxslərin hərəkəti zamanı şəxsiyyəti təsdiq edən sənədlərin üzərlərində olması məcburidir;

- beynəlxalq və ölkədaxili uçuşlara müvafiq reys üçün bileti olan şəxslərin yaşadıqları və ya olduqları yerdən hərəkətinə onların biletləri əsasında, dövlət sərhədindən müvafiq qaydada ölkəyə daxil olan şəxslərin yaşadıqları və ya olduqları yerə gəlməsinə isə onların pasportuna vurulmuş ştamp əsasında yol verilir;

- bu Qərarla müəyyən edilmiş tələblərin pozulmasına görə fiziki, hüquqi və vəzifəli şəxslər Azərbaycan Respublikasının İnzibati Xətalar və Cinayət məcəllələrində nəzərdə tutulmuş qaydada məsuliyyət daşıyırlar;

- bu Qərarla müəyyən edilmiş tələblərə riayət olunmasına nəzarət Azərbaycan Respublikasının Daxili İşlər Nazirliyi tərəfindən həyata keçirilir.
Düşmənin 550-dən artıq itkiləri var - Rəsmi
Talış kəndi ətrafında bir neçə əlverişli yüksəklik düşəndən təmzilənib.

Avrasiya.net xəbər verir ki, bunu Müdafiə Nazirliyinin mətbuat xidmətinin mətbuat katibi polkovnik-leytenant Anar Eyvazov brifinqdə bildirib.

A.Eyvazov qeyd edib ki, Ermənistan ordusunun Azərbaycan ordusunun itkilərilə bağlı yaydığı məlumatlar həqiqəti əks etdirmir:

“Ermənilər ordularındakı xaousu yatırtmaq məqsədilə real itkilərinin sayını əhalidən gizlədir. Düşmənin müqavimət göstərdiyi mövqelərə raket, aritilleriya və aviasiya zərbələri endirilməklə sıxışdırılaraq geri çəkilməyə məcbur edilir.

Ermənistan ordusu döyüşlər nəticəsində 24 ədəd tank və digər zirehli texnikası, 15 ədəd ASA zenit-raket kompleksi, 18 ədəd pilotsuz uçuş aparatı, 8 ədəd artileriya qurğusu məhv edilib. Ölən və yaralı olmaqla canlıə qüvvə abxımından 550-dən artıq itkisi var. Düşmən itkiləri arasında aşkar edilmiş bəzi cəsədlərin Suriyadan və Yaxın Şərqdən gətirilmiş erməni əsilli muzdlular olduğunu olduğunu müəyyənləşdirmişik. Ermənistan rəhbərliyi informasiya qadağasındna sui-istifadə edərək, bu məlumatı beynəlxalq ictimaiyyətdən gizlədir.

Əlavə olaraq bildirim ki, Talış kəndi uğruda gedən döyüşlərdə düşmənin desant taborunun komandiri podpolkovnik Levninq Vordoryan məhv edilib. Onun komandiri olduğu hərbi hissəsinin şxəsi heyəti ağır itkilərə məruz qalıb. Düşmən ordusundakı yararlıların say çoxluğundan xəstəxanalarda yer qıtlğı və qan bankında ehtiyat qan çatışmazlığı mğövcuddur.

Səhər saatlarından başlayaraq, Tərtər şəhəri atəşə tutulub. Azərbaycan ordusu tərəfindən düşmənə sonuncu xəbərdarlıq edilib”.

O sözlərini general-mayor Mayis Bərxudarovdan gətirdiyi sitatla yekunlaşdırıb:

"Ordumuz torpaqlarımızın işğaldan azad edilməsi üzrə tapşırıqları yüksək döyüş əzmi və igidliklə icra edir. Komandirlik etdiyim birliyin şəxsi heyəti düşməni tam məhv etmək üçün son damla qanınadək vuruşacaq və qələbə qazanacaq”,