“Bizi nüvə silahı ilə hədələyirlər” – Ukrayna lideri"Nüvə silahından istifadə bütün dünya üçün təhlükəlidir".

Bu sözləri Ukrayna Prezidenti Volodimir Zelenski onlayn formada qatıldığı Doha Forumunda deyib.

O bildirib ki, Rusiyanın Ukraynadakı müharibədən sonra dayanacağı sual altındadır:

"Rusiyanın müstəmləkəçilik tələbləri heç vaxt bitməyib. Rusiya sülh olmayan dövrlərin geri qayıtmasını istəyir. Siz öz xalqınız arasında ədalətin olmasına çalışırsınız, lakin biz isə 31 gündür ədalət axtarırıq. Mən Birləşmiş Millətlər Təşkilatının köməyini yüksək qiymətləndirirəm, lakin bu, ədaləti təmin etməyə yetmir. Rusiyanın Ukraynaya qarşı etdiyi ədalətsizlikdir. Nüvə silahı ilə qorxudur və hədələyirlər. Onlar təkcə bir xalqı deyil, bütün dünyanı nüvə silahı ilə hədələyirlər. İndi dünyada nüvə və ya kimyəvi silahlardan istifadə edilərsə, nə etmək olar, bu məsələlər müzakirə olunur".
Zelenskini və Şmıqalı öldürmək istəyiblərRusiyanın “Vaqner” qrupunun silahlıları Ukrayna Prezidenti Volodimir Zelenskiyə və ölkənin Baş naziri Denis Şmıqala qarşı sui-qəsd planlaşdırıb.

Bu barədə Ukrayna müdafiə nazirinin müşaviri Markian Lubkivski bildirib.

Onun sözlərinə görə, sui-qəsd planı ilə bağlı sübutlar Beynəlxalq Ədalət Məhkəməsinə təqdim olunub. Lubkivski vurğulayıb ki, Ukrayna kəşfiyyatı “Vaqner”ın bir neçə üzvünü aşkarlayaraq məhv edib.

Qeyd edək ki, bundan öncə də Zelenskiyə qarşı bir neçə dəfə sui-qəsdə cəhd edilib. Lakin vaxtında görülmüş tədbirlər nəticəsində sui-qəsd planının qarşısı alınıb.
Ukraynadan cavab həmləsi - 130 rus hərbçi öldüUkrayna hərbçiləri ölkənin şərqində Rusiya ordusunun hücumunu dəf edib.

Bu barədə Ukrayna Silahlı Qüvvələrinin “Vostok” əməliyyat-taktiki qrupunun mətbuat xidməti məlumat yayıb.

Bildirilib ki, son sutka ərzində Rusiya ordusu 130 hərbçini itirib. Bundan əlavə, Rusiyanın xeyli sayda hərbi texnikasının məhv edildiyi qeyd olunub.
Azərbaycanda yaxın günlərdə COVID pasportunun ləğvi gözlənilir“Xarici ölkələrdə artıq COVID-19 pasportu ilə bağlı qadağalar aradan qaldırılıb. Ölkəmizdə də COVID-19 pasportunun ləğv olunması gözlənilir».

Avrasiya.net xəbər verir ki, bunu modern.az-a açıqlamasında Milli Məclisin Sosial siyasət komitəsinin sədri Musa Quliyev bildirib.

M.Quliyev bunu yoluxma sayının aşağı düşməsilə əlaqələndirib:

“Artıq yoluxma sayı 100-dən aşağı düşüb və ölkənin 90%-i vaksin olunub”.

Komitə sədrinin sözlərinə görə, təxminən 10-15 gün sonra Nazirlər Kabineti yanında Operativ Qərargah tərəfindən yeni bir qərar veriləcək. Bizə qarşıdakı günlərdə yoluxma sayını gözləmək qalır”.

Qeyd edək ki, son sutkada Azərbaycanda koronavirus (COVID-19) infeksiyasına 34 yeni yoluxma faktı qeydə alınıb, 145 nəfər müalicə olunaraq sağalıb. COVID-19 üçün götürülən analiz nümunələri müsbət çıxmış 7 nəfər vəfat edib.

28-ci gün: Rusiyanın itkiləri açıqlandıUkrayna ordusu Rusiyanın müharibə başladığı gündən indiyə qədər olan itkiləri haqda məlumatı yeniləyib.

Avrasiya.net xəbər verir ki, Ukrayna Müdafiə Nazirliyi artıq düşmənin 15 600-ə yaxın əsgərinin məhv edildiyini bildirib.

Qeyd edilib ki, 22 mart gecə saatlarına qədər olan məlumata görə, Rusiya 517 tank, 1578 hərbi zirehli maşın, 267 artilleriya sistemi, 80 reaktiv yaylım atəş sistemi, 47 hava hücumundan müdafiə sistemi, 101 (Hava Qüvvələrinin məlumatına görə - 105) təyyarə, 124 helikopter, 1008 avtomobil texnikası, 4 gəmi/kater, 60 yanacaq-sürtkü materialları sisterni, 42 PUA, 15 xüsusi texnika itirib.
Rusiya mediası itkilərinin sayını açıqladı – Şok rəqəmRusiya ordusunun Ukraynadakı müharibədə şəxsi heyət itkisinin sayı 9861 nəfərdir.

Axar.az UNİAN-a istinadla xəbər verir ki, belə bir məlumatı “Komsomolskaya pravda” Rusiya Müdafiə Nazirliyinə istinadla 20 martda yayıb.

“Rusiya Müdafiə Nazirliyinin məlumatına görə, Ukraynada aparılan xüsusi hərbi əməliyyatın gedişində Rusiya ordusu 9861 nəfər itirib, 16153 nəfər yaralanıb”, - məlumatda qeyd edilib.

“Veb Arxiv”də (Web Archive) bu məlumat 21 mart axşam saatlarına qədər qalıb. Daha sonra məlumat saytdan götürülüb, buna baxmayaraq, arxivdən hazırda da orijinalı oxumaq mümkündür.

Qeyd edək ki, Rusiya Müdafiə Nazirliyi 2 martda 498 əsgər itirdiyini elan etmişdi. Ondan sonra şəxsi heyət itkisi barədə məlumat yenilənməyib.

Ukrayna isə 15 minə yaxın rus əsgərinin məhv edildiyini bildirir.
Putinin atəşkəsin əldə edilməsi ilə bağlı 6 tələbi...Rusiya Prezidenti Vladimir Putin türkiyəli həmkarı Rəcəb Tayyib Ərdoğanla telefon danışığı zamanı Ukraynada atəşkəsə nail olmaq üçün bir sıra tələbləri qeyd edib.

Avrasiya.net Report-a istinadən xəbər verir ki, bunu Türkiyə Prezidentinin mətbuat katibi İbrahim Kalın “Hürriyet” qəzetinə müsahibəsində deyib.

Onun sözlərinə görə, Ərdoğan müharibənin bitməsinə kömək etmək üçün Putin və Ukrayna Prezidenti Vladimir Zelenski arasında Türkiyədə görüş keçirməyi təklif edib. İ. Kalın əlavə edib kli, Putin dövlət başçıları səviyyəsində hər hansı danışıqlar baş tutmazdan əvvəl həll edilməli olduğunu söylədiyi tələblər irəli sürüb:

“Birincisi, Ukraynanın neytrallığı, yəni NATO-ya üzvlüyündən imtina etməsidir. İkincisi, Avstriya modeli kontekstində tərksilah və qarşılıqlı təhlükəsizlik təminatları. Üçüncüsü, Rusiya tərəfinin “denazifikasiya” adlandırdığı proses, yəni Ukraynada rus dilinin geniş istifadəsinə maneələrin aradan qaldırılması. Davam edən danışıqların ilk dörd maddəsi üzrə müəyyən irəliləyişin əldə edildiyi güman edilir. Tam razılıq və ya müqavilənin imzalanmaq üzrə olması barədə danışmaq hələ tezdir”, - Kalın bildirib.

O əlavə edib ki, Putin ən çətin məsələ olan daha iki tələb irəli sürüb - Kiyevin Krımın ilhaqını və iki qondarma “respulika”ları tanımasıdır. Kalın qeyd edib ki, bu son iki məsələ Ukrayna və beynəlxalq ictimaiyyət üçün qəbuledilməz tələblərdir:

“Əgər ilk dörd maddə ilə bağlı fikir və razılıq əldə olunarsa, o zaman beşinci və altıncı maddələr rəhbərlər səviyyəsində müzakirələr ola bilər. Danışıqlar aparılarsa, bu, razılaşma və müharibəyə son qoymaq üçün bir fürsət ola bilər”.
Rusiya bütün istiqamətlərdə hücumları dayandırdıAmerika kəşfiyyatı Rusiya qoşunlarının Ukraynada bütün istiqamətlərdə hücumu dayandırdığını müşahidə edir.

Axar.az xəbər verir ki, bu barədə Pentaqonun adı açıqlanmayan yüksək çinli məmuru BBC-yə açıqlamasında deyib.

O bildirib ki, rus silahlılarının Kiyevə şimal, şimal-qərb, eləcə də 30 km aralıda yerləşdikləri şərq istiqamətindən irəliləyişi qeydə alınmır.

Pentaqon nümayəndəsinin sözlərinə görə, müdafiə xəttini yarmaq cəhdlərinə baxmayaraq, rus hərbçilərinin Xarkova yaxınlaşmasını müşahidə etmirlər, Çerniqov və Mariupol mühasirədə qalsa da, ukraynalıların şiddətli müqaviməti rus qoşunlarının işğalının qarşısını alır.

Amerika rəsmisi qeyd edib ki, Rusiyanın aerodromlara raket zərbələrinin artırılmasına baxmayaraq, Ukrayna öz təyyarələrinin əksəriyyətini döyüşə hazır vəziyyətdə saxlayır. Bundan əlavə, hava hücumundan müdafiə sistemləri Rusiya qırıcılarını və raketlərini vurmağa davam edir. Ona görə də Ukrayna üzərindəki hava məkanı tam olaraq rusların nəzarətində deyil.
Ukrayna Rusiya ilə sülh sazişinin bağlanma vaxtını açıqlayıbUkrayna Prezidenti Ofisi rəhbərinin müşaviri Aleksey Arestoviç bildirib ki, Rusiya ilə sülh sazişi azı bir və ya iki həftə ərzində, ən geci isə mayda bağlana bilər.

“Report” bu barədə Ukrayna mətbuatına istinadən xəbər verir.

“Hazırda vəziyyət pisdir, indi və ya bir-iki həftə ərzində tez bir zamanda qoşunların çıxarılması ilə sülh razılaşması olacaq, qalan hər şeylə yaxın gələcəkdə razılaşacağıq – bir və ya iki həftə və ya mayın sonunadək ola bilər, növbəti raunddan sonra”, - Aretoviç bildirib.

Qeyd edək ki, martın 14-də Rusiya və Ukrayna arasında onlayn danışıqların dördüncü raundu başlayıb. Lakin sonra Ukrayna Prezidenti Ofisi rəhbərinin müşaviri Mixail Podolyak Rusiya ilə danışıqlarda martın 15-dək texniki fasilə verildiyini bildirib.

Artıq Rusiya və Ukrayna tərəfləri arasında danışıqların üç raundu keçirilib. Son görüşdən sonra Ukrayna tərəfi bəyan edib ki, humanitar dəhlizlər məsələsində müsbət irəliləyişlər var, lakin hələlik Ukraynada vəziyyəti əhəmiyyətli dərəcədə yaxşılaşdıracaq heç bir nəticə yoxdur. Öz növbəsində Rusiya nümayəndə heyəti Ukrayna tərəfi ilə danışıqların növbəti raundundan gözləntilərin özünü doğrultmadığını qeyd edib.
Rus hərbçiləri döyüşməkdən imtina edirlər - FotoUkraynada döyüşən və sağ qalan Rusiya Silahlı Qüvvələrinin hərbçilərinin döyüş bölgələrinə qayıtmaqdan imtina etdikləri barədə məlumatlar yayılıb.

Axar.az xəbər verir ki, “Guildhall” xəbər agentliyi məlumat yayıb.

Agentlik etibarlı mənbəyə istinadla bildirib ki, Ukraynada sağ qalan Rusiya hərbçiləri döyüş bölgələrinə qayıtmaqdan imtina edərək kütləvi şəkildə raport yazır.

“Rusiya Silahlı Qüvvələrinin Mərkəzi Hərbi Dairəsinin 41-ci A bölməsinin tam tərkibdə Ukraynaya gələn hərbçilərinin müvafiq hesabatları redaksiyaya daxil olub. İmtina səbəbləri arasında əsgərlər “top yemi” kimi istifadə olunmaq istəmədiklərini, Ukraynada hərbi əməliyyatın səbəblərinin izah edilməməsini, texniki dəstəyin və komandanlıqla əlaqənin olmaması və s. səbəb göstərirlər”, - agentliyin məlumatında qeyd olunub.