Türkiyə parlamenti təsdiqlədi: Azərbaycana əsgər göndərilirTürkiyə Böyük Millət Məclisi Türkiyənin Azərbaycana hərbi qüvvələr göndərməsi ilə bağlı qanun layihəsini təsdiqləyib.

Avrasiya.net xəbər verir ki, bu barədə qərar bu gün keçirilən iclasda qəbul edilib.

Qanun layihəsinə əsasən, türk hərbçiləri 1 il müddətinə Dağlıq Qarabağdakı Rusiya-Türkiyə Birgə Monitorinq Mərkəzində fəaliyyət göstərəcək.

1622 yeni yoluxma, 20 ölüm faktıAzərbaycan Respublikasında koronavirus (COVID-19) infeksiyasına 1 622 yeni yoluxma faktı qeydə alınıb, 979 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, COVID-19 üçün götürülən analiz nümunələri müsbət çıxmış 20 nəfər vəfat edib.

İndiyədək ölkədə ümumilikdə 70 216 nəfərin koronavirus infeksiyasına yoluxması faktı müəyyən edilib, onlardan 51 986 nəfər müalicə olunaraq sağalıb, 885 nəfər vəfat edib, aktiv xəstə sayı 17 325 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 11 796, ötən müddət ərzində isə ümumilikdə 1 479 638 test aparılıb.
Azərbaycanda Konstitusiya GünüdürNoyabrın 12-si Azərbaycan Respublikasının əsas qanununun - Konstitusiyanın qəbul edildiyi gündür.

Hazırkı Konstitusiya 25 il əvvəl - 12 noyabr 1995-ci ildə ümumxalq referendumu vasitəsilə qəbul edilib.

Bu, Azərbaycanın müstəqilliyini bərpa etməsindən sonra ilk Konstitusiyası idi.

Azərbaycan dövlətinin ilk Konstitusiyası 1921-ci il mayın 19-da I Ümumazərbaycan Sovetlər Qurultayında qəbul edilib. Azərbaycan SSR Konstitusiyasının 1921-ci il SSRİ Konstitusiyasına uyğunlaşdırılmış yeni redaksiyası 1925-ci il martın 14-də IV Ümumazərbaycan Sovetlər Qurultayında qəbul edilib. Azərbaycan SSR-nin 1978-ci il aprelin 21-də qəbul edilmiş son Konstitusiyası SSRİ Konstitusiyasına uyğunlaşdırılmış olsa da, müəyyən özünəməxsusluğa malik idi.

Azərbaycan Respublikası müstəqilliyini bərpa etdikdən yeni Konstitusiya layihəsi üzərində ciddi iş başlandı. 1994-cü ildə Prezident Heydər Əliyevin sədrliyi ilə Konstitusiya komissiyası fəaliyyətə başladı və layihə 1995-ci ildə ümumxalq müzakirəsinə verildi. 1995-ci il noyabrın 12-də ümumxalq referendumu ilə Azərbaycan Respublikasının ilk Konstitusiyası qəbul olundu.

Azərbaycanın yeni Konstitusiyası 5 bölmədən, 12 fəsildən və 158 maddədən ibarətdir.

Konstitusiyaya 24 avqust 2002-ci ildə, 18 mart 2009-cu ildə və 26 sentyabr 2016-cı ildə referendum yolu ilə əlavə və dəyişikliklər edilib.

1996-cı il fevralın 6-da Prezident Heydər Əliyevin sərəncamı ilə noyabrın 12-si Konstitusiya Günü elan edilib.

Report
30 gündə 166 kənd, 4 şəhər, 3 qəsəbə...30 ildir danışıqlar yolu ilə bir qarışı belə qaytarılmayan torpaqlarımızın önəmli bir qismi Ali Baş Komandan İlham Əliyevin rəhbərliyi ilə Şanlı Azərbaycan Ordusu tərəfindən 30 gün ərzində azad edildi.

1 ay müddətində Rəşadətli Ordumuz 166 kənd, 4 şəhər, 3 qəsəbə, bir neçə yüksəkliyi düşməndən təmizləyib, həmçinin düşmənin 2 milyard dollarlıq hərbi texnikasını məhv edib və qənimət kimi götürüb.

Reallıq ondan ibarətdir ki, düşmənin itkiləri qatbaqat çoxdur. Atəşkəs dövründə hərbi ekspertlərin Azərbaycan və Ermənistan ordularını müqayisə edib, ehtimal bir müharibə zamanı kimin qalib olacağı barədə təhlillər aparmasının şahidi olmuşduq. Bu mənada rəsmi İrəvana da Ermənistan ordusunun Azərbaycan Ordusundan zəif olması məlum idi. Lakin bununla belə, rəsmi İrəvan havadarlarının dəstəyilə 30 il ərzində əldə etdiyi təmənnasız silah-sursat, maliyyə yardımı və keçilməz adlanan “Ohanyan səddi” ilə məğlubedilməzlik mifi yaratmışdı.

Arxada qoyduğumuz bu 30 günlük müddətdə Ermənistan ordusunun yenilməzliyi mifi darmadağın edildi. Bu gün cəbhədə Azərbaycan Ordusunun qarşısından qaçan, fürsət düşdükdə məğlubiyyətin acığını mülki şəxslərdən çıxan zəif, aciz, çarəsiz bir Ermənistan ordusu var. Bu ordunun cəbhədə əldə etdiyi ən yaxşı nailiyyət minimum itkilərlə geri çəkilməkdir. Onu da bacarsa...

Bu 30 günlük müddət bir daha göstərir ki, beynəlxaq hüquq sadəcə güc prinsipindən asılıdır. Belə bir gözəl fikir var: “Böyük dövlətlər əvvəlcə istədiyi addımı atır, daha sonra bu addıma uyğun hüquqi maddə tapır (yoxdursa da yaradır). Kiçik dövlətlər isə əvvəlcə hüquqi maddə tapmalıdır, daha sonra ona uyğun addım atmalıdır”.

Dünən Prezident İlham Əliyev də bu fikirləri səsləndirdi: “Hərə bir tərəfdə bir ölkəni bölüşdürür. Kim nə istəyir edir. Heç kim beynəlxalq hüquq saymır. Bizə gələndə hamı hüquqdan danışır. Halbuki biz beynəlxalq hüquq çərçivəsində hərəkət edirik”.

Nə olursa-olsun, istər bundan min il öncə, istər min il sonra: dünya siyasətində güclü olanlar söz sahibi olacaq. Bəli, iqtisadiyyat, mədəniyyət və s. məsələlər də çox vacib məqamlardır. Onlar da çox yüksək səviyyədə inkişaf etməlidir. Ancaq hərbi güc həmişə birinci dərəcəli olacaq.

Bu gün meydanda Prezidentinə, Ali Baş Komandanına, Ordusuna inanan bir Azərbaycan xalqı var.

Bu 30 gün bizə həm də onu göstərdi ki, Ermənistan daxilən çöküb və qorxu bu ölkənin içinə günü-gündən infeksiya kimi yayılır. Baş nazir Nikol Paşinyan təmsil etdiyi xalqı qatıldığı istənilən beynəlxalq tədbirlərdə biabır etməyi bəs deyilmiş kimi, indi də məktəbli uşaqları ön xəttə yeridib, qırdırır. Bir zamanlar onu hakimiyyətə gətirən tərəfdarları belə indi ona qarşı çıxır.

Bəli, Vətən müharibəsinin başlamasından 30 gün ötür. Bu 30 gün 30 ildir dondurulan bir münaqişənin alovlanaraq bütün dünya nizamına təsir etməsi ilə yadda qaldı. Səbirsizliklə qarşıdan gələn qələbə xəbərlərini gözləyirik.

Qarabağ Azərbaycandır!
Bu gün azad olunan şəhər və kəndlərimizin - Tam siyahısıAzərbaycan Respublikasının Prezidenti İlham Əliyev oktyabrın 20-də xalqa müraciətində işğaldan azad edilmiş yaşayış məntəqələrinin adlarını açıqlayıb.

Avrasiya.net xəbər verir ki, dövlətimizin başçısı aşağıdakı yaşayış məntəqələrinin azad olunduğunu bildirib:

Füzuli rayonu: Dördçinar, Kürdlər, Yuxarı Əbdürrəhmanlı, Qarğabazar, Aşağı Veysəlli, Yuxarı Aybasanlı kəndləri.

Cəbrayıl rayonu: Sarafşa, Həsənqaydı, Fuğanlı, İmambağı, Daş Veysəlli, Ağtəpə, Yarəhmədli kəndləri.

Xocavənd rayonu: Ağcakənd, Mülküdərə, Daşbaşı, Günəşli (Günəşli kəndinin keçmiş adı Noraşen idi), Vəng kəndləri. Vəng kəndinə yeni Azərbaycan adı verirəm. Bundan sonra Vəng kəndi Çinarlı kəndi adlandırılsın. Adı mübarək olsun!

Zəngilan rayonu: Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri!

Zəngilan bizimdir! Qarabağ bizimdir!

İşğaldan azad edilən ərazilərimizin tam siyahısı27.09.2020 saat 07-36-dan başlayaraq aşağıdakı kəndlərimiz, Hadrut qəsəbəsi və Cəbrayıl şəhəri işğaldan azad edilib.

Avrasiya.net Azərbaycan ordusunun işğaldan azad edilən ərazilərinin tam siyahısını təqdim edir:

1. Qaraxanbəyli kəndi (Füzuli, 27.09.2020)

2. Qərvənd kəndi (Füzuli, 27.09.2020)

3. Kənd Horadiz (Füzuli, 27.09.2020)

4. Yuxarı Əbdürrəhmanlı kəndi (Füzuli, 27.09.2020)

5. Böyük Mərcanlı kəndi (Cəbrayıl, 27.09.2020)

6. Nüzgar kəndi (Cəbrayıl, 27.09.2020)

7. Şərvəj kəndi (Füzuli, 28.09.2020)

8. Suqovuşan kəndi (Tərtər, 03.10.2020)

9. Talış kəndi (Tərtər, 03.10.2020)

10. Mehdili kəndi (Cəbrayıl, 03.10.2020)

11. Çaxırlı kəndi (Cəbrayıl, 03.10.2020)

12. Aşağı Maralyan kəndi (Cəbrayıl, 03.10.2020)

13. Şəybəy kəndi (Cəbrayıl, 03.10.2020)

14. Quycaq kəndi (Cəbrayıl, 03.10.2020)

15. Aşağı Əbdürrəhmanlı kəndi (Füzuli, 03.10.2020)

16. Cəbrayıl şəhəri (04.10.2020)

17. Karxulu kəndi (Cəbrayıl, 04.10.2020)

18. Şükürbəyli kəndi (Cəbrayıl, 04.10.2020)

19. Çərəkən kəndi (Cəbrayıl, 04.10.2020)

20. Daşkəsən kəndi (Cəbrayıl, 04.10.2020)

21. Horovlu kəndi (Cəbrayıl, 04.10.2020)

22. Mahmudlu kəndi (Cəbrayıl, 04.10.2020)

23. Cəfərabad kəndi (Cəbrayıl, 04.10.2020)

24. Yuxarı Maralyan kəndi (Cəbrayıl, 04.10.2020)

25. Decal kəndi (Cəbrayıl, 04.10.2020)

26. Şıxəli Ağalı kəndi (Cəbrayıl, 05.10.2020)

27. Sarıcalı kəndi (Cəbrayıl, 05.10.2020)

28. Məzrə kəndi (Cəbrayıl, 05.10.2020)

29. Hadrut qəsəbəsi (Xocavənd, 09.10.2020)

30. Çaylı kəndi (Tərtər, 09.10.2020)

31. Yuxarı Güzlək kəndi (Füzuli, 09.10.2020)

32. Görəzilli kəndi (Füzuli, 09.10.2020)

33. Qaracallı kəndi (Cəbrayıl, 09.10.2020)

34. Süleymanlı kəndi (Cəbrayıl, 09.10.2020)

35. Əfəndilər kəndi (Cəbrayıl, 09.10.2020)

36. Sur kəndi (Xocavənd, 09.10.2020)

37. Qaradağlı kəndi (Füzuli rayonu, 14.10.2020)

38. Xatunbulaq kəndi (Füzuli rayonu 14.10.2020)

39. Qarakollu kəndi (Füzuli rayonu 14.10.2020)

40. Bulutan kəndi (Xocavənd rayonu 14.10.2020)

41. Məlkicanlı kəndi (Xocavənd rayonu 14.10.2020)

42. Kəmərtük kəndi (Xocavənd rayonu 14.10.2020)

43. Təkə kəndi (Xocavənd rayonu 14.10.2020)

44. Tağasər kəndi (Xocavənd rayonu 14.10.2020)

45. Arış (Füzuli rayonu 15.10. 2020)

46. Doşulu (Cəbrayıl rayonu 15.10.2020)

47. Edişə (Xocavənd rayonu 15.10.2020)

48. Düdükçü (Xocavənd rayonu 15.10.2020)

49. Edilli (Xocavənd rayonu 15.10.2020)

50. Çiraquz (Xocavənd rayonu 15.10.2020)

51. Xırmancıq (Xocavənd rayonu 16.10.2020)

52. Ağbulaq (Xocavənd rayonu 16.10.2020)

53. Axullu (Xocavənd rayonu 16.10.2020)

54. Füzuli şəhəri (17.10.2020)

55. Qoçəhmədli (Füzuli rayonu 17.10.2020)

56. Çimən (Füzuli rayonu 17.10.2020)

57. Cuvarlı (Füzuli rayonu 17.10.2020)

58. Pirəhmədli (Füzuli rayonu 17.10.2020)

59. Musabəyli (Füzuli rayonu 17.10.2020)

60. İşıqlı (Füzuli rayonu 17.10.2020)

61. Dədəli (Füzuli rayonu 17.10.2020)

62. Soltanlı (Cəbrayıl rayonu 19.10.2020)

63. Əmirvarlı (Cəbrayıl rayonu 19.10.2020)

64. Maşanlı (Cəbrayıl rayonu 19.10.2020)

65. Həsənli (Cəbrayıl rayonu 19.10.2020)

66. Əlikeyxanlı (Cəbrayıl rayonu 19.10.2020)

67. Qumlaq (Cəbrayıl rayonu 19.10.2020)

68. Hacılı (Cəbrayıl rayonu 19.10.2020)

69. Göyərçinveysəlli (Cəbrayıl rayonu 19.10.2020)

70. Niyazqullar (Cəbrayıl rayonu 19.10.2020)

71. Keçəl Məmmədli (Cəbrayıl rayonu 19.10.2020)

72. Şahvəlli (Cəbrayıl rayonu 19.10.2020)

73. Hacı İsmayıllı (Cəbrayıl rayonu 19.10.2020)

74. İsaqlı (Cəbrayıl rayonu 19.10.2020)

Bununla yanaşı Murov zirvəsi, Xudafərin körpüsü və bir çox strateji yüksəkliklər işğaldan azad edilib.

Ali Baş Komandan məhv edilən düşmən texnikasının siyahısını AÇIQLADIAzərbaycan Prezidenti İlham Əliyev son günlər ərzində Azərbaycan Ordusu tərəfindən məhv edilmiş Ermənistan texnikasının bir hissəsini açıqlayıb.

Avrasiya.net-in məlumatına görə, dövlət başçısı bu gün xalqa müraciətində bildirib ki, sentyabrın 27-dən bu günədək Ermənistanın 234 tankı məhv edilib, 36 tank hərbi qənimət kimi götürülüb: “Piyadaların döyüş maşını - 49-u məhv edilib, 24-ü hərbi qənimət kimi götürülüb, 16 ədəd özüyeriyən artilleriya qurğusu məhv edilib, 190 ədəd müxtəlif çaplı toplar, 2 ədəd “Uraqan” sistemi, 1 ədəd TOS odsaçan, 2 ədəd “Elbrus” əməliyyat taktiki raket kompleksi, 1 ədəd Toçka-U, 35 ədəd OSA zenit raket kompleksi, 3 TOR zenit raket kompleksi, 5 KUB və Kruq zenit raket kompleksi, 9 ədəd radioelektron mübarizə sistemləri, 2 ədəd S-300 zenit raket kompleksi, 198 ədəd yük avtomobili məhv edilib, 98-i qənimət kimi götürülüb. Hər bir adam, hər bir mütəxəssis bu texnikanın qiymətini açıq mətbuatdan götürə bilər. Və bu suallara biz cavab tapmalıyıq və tapacağıq”.